ankawa
منتدى الهجرة واللجوء => الهجرة و واللاجئين => الموضوع حرر بواسطة: مشوار في 20:27 04/09/2009
-
اخواني الغالين الي مقدم قبل سنتين او ثلاثه على الامم المتحده من سوريا مثلا ولم يحول للتوطين مجرد حصل على ورقه الحمايه
وبعدها سافر يعني رجع للعراق وبعد سنتين او ثلاثه سافر من العراق الى مصر مثلا وايضا قدم على الامم المتحده في مصر واخبرهم بانه كان مقدم على الامم المتحده في سوريا هل يقولون له ارجع من حيث بديت يعني روح ارجع لسوريا لكونك هناك انت اول من قدمت؟؟؟؟
لو ماكو هيج كلام ارجوا الرد الواضح واذا عدكم احد تسالوه بهذا الشأن اكون ممنون لكم احبتي
-
الاخ الكريم مشوار
تحية طيبة
في حال ترك الملف لمدة سنتين او اكثر وبدون تجديد لورقة الحماية فان الملف يغلق اوتوماتيكيا لعدم مراجعة الشخص المعني للامم المتحدة وتجديد وضعه كلاجيء لهذا في حال رغبة الشخص بالسفر الى دولة اخرى والتقديم مرة اخرى فلا انصحه بذكر كونه مقدم سابقا على الامم المتحدة لان ذلك سيدخله في تفاصيل كثيرة هو في غنى عنها كما انه في طور فتح ملف وقضية جديدة بعيدة كل البعد عن قضيته الاولى..كما ان ضمن قانون اللاجئين الاممي بعد مضي سنتين على اغلاق الملف من حق صاحب الملف اعادة فتحه لورود معلومات جديدة او التقديم من جديد وفتح فايل جديد
تحياتي
-
اشكرك اخي الغالي على هذه المعلومات الطيبه مثل اخلاقك وكما عودتنا يا ذوووق
-
صح اني ما رائي الاخ بغدادي وخصوصا كان عندنا عضو اخ عزيز هو هم كان مقدم قبل بسوريا وبعد مرور سنتين سافر الى تركيا وقدم من جديد وكمل كل شي واعتقد هو حاليا ينتظر موعد سفره او يجوز سافر بس مد اتذكر اسمه بالضبط يعني مقصد الكلام انه يصير عادي اكو هواي ناس اعرفهم سوو نفس الطريق بعد ما فقدوا الامل من الانتظار انشاءاللة الكل يسافر ويستقر
-
راي الاخت انجي مهم كونها تملك معلومات بهذا الخصوص..
-
أخي الكريم اني كنت بسوريا سنتين و ماكو شئ لاتحولت توطين ولا شئ بعدبن ركت سوريا وهسة اني بالاردن و منتظر المحلفين و الله حتى بمقابلة التوطين حتى ماسألوا ليش ماقدمت لو السبب اللي خلاك تدخل للاردن اتوكل بالله وقدم من جديد و لا تقول لهم بانك مقدم
-
مشكوووره اختي العزيزه
ولكن اكو فقره تنص اذا كنت مقدم على الامم المتحده سابقا فماذا يذكر بها
ممكن ممكن تنوروني اكثر فأكثر
اخوكم ترى محتاج مساعدتكم كلش هوايه
اخوكم مشوار
-
اخي هاي الورقة هي مجرد معلومات اولية و حتى اكو ناس ماتكتب القصة بيها تكتب القصة بورقة خارجية و هاي الفقرة اتركها فارغة يعني لا تمليهه وانتهت الشغلة
-
مشكوور اخوي الغالي رافد الطيب على كل ما قدمته ولا انسى الاخوان والاخت انجي الله يحفظهم
لكن السؤال الاهم لو فرضنا عرفو بان المقدم على اللجوء كان ايضا مقدم في دوله ثانيه هل يقولون له اذهب الى الدوله الي قدمت بها اول مره لو لا
لو يبقى بنفس المكان الثاني وهم يأتون بمعاملته السابقه لو كيف والله اني دخت ودوختكم احبتي
اخوكم
مشوار
-
حبيبي مشوار
اخي كان في سوريا وقدم على الامم المتحده العام وهاي السنه عندما اتينا عمان قدم على عمان وما ذكر انه قدم على سوريا وعادي طلعتله ورقه الحمايه مثلنا وما كو اي شي والسلام ختام
اخوك البصري
-
هاي اخونا البصري انطاكياهة كاش وبايدك ;D..عيني اتوكل الله وقدم ماكو شي
تحياتي