ankawa
منتدى الهجرة واللجوء => الهجرة و واللاجئين => الموضوع حرر بواسطة: زاغنيه في 22:05 04/09/2009
-
تحياتي الى اخوتي وخواتي في منتدانا الجميل منتدى عنكاوا
اخواني اليوم خابرت على IOM مصر وكالولي تم تحديد ولايه نورث كارولاينه - مدينه دورهام هو المكان الي راح اسكن بي ان شاء الله ... لذلك ارجوا من يملك معلومات على هذه المدينه من ناحيه الجو والعمل والوضعيه بشكل عام لايبخل بمعلوماته علينه واكيد انتوا ماتقصرون ان شاء الله ...
مشكورين اخواني
-
الحمد لله على تحديد الولايه فنورث كارولينا من انضف الولايات واقلها جريمه, والجو بشكل عام ممتاز وجميل اغلب السنه وهي حاره نوعا ما ورطبه وخصوصا في فصل الصيف, الشتاء ليس قارصا هنا, و الهواء جميل ومنعش وخصوصا في الصباح, اما بالنسبه للعمل فالولايه تاثرت حالها حال معظم الولايات بالازمه الماليه, العمل ليس بالنادر ولكن الحصول عليه قد ياخذ وقتا وان شاء الله ليس بالطويل, المنظمات افضل اداءا لقلة اللاجئين, واجراءات اكمال الاوراق الرسميه سلسه واسرع نسبيا من باقي الولايات وحسب تجربتي الشخصيه,
العنصريه شبه معدومه هنا,والناس باغلبهم لطفاء متعاطفين, الخدمات ممتازه والمواصلات ايضا, والمدارس ممتازه بالنسبه للاولاد, تحوي اماكن ترفيهيه جميله ومناضر خلابه, وهي تشتهر بخضرتها ونضافتها وجمالية شوارعها, وانا بالخدمه لاي سوال عنها.
وهذا الموقع عن مدينة دورهام
http://www.durhamtourism.co.uk/home.html
-
مدينة من ارقى المدن وتتصدر اخر تقرير للـ Forbes بان الوضع فيها سيكون ممتاز.
-
الف الف مبروك تحديد الولاية
الله يكمل معاك
اخوك يوجد امل
-
مبروك تحديد الولاية و يوم السفر القريب
-
السلام عليكم اني بنورث كارولينا بالعاصمه رالي تبعد عن درهم حوالي 30 ميل طبعا الولايه عموما كلش كلش حلوه صح اني مشفت غير ولايه وحتى لايزعلون اخوانه الي بغير ولايه ..هي عبارة عن بستان او غابه او منظر طبيعي تشوفه بلوحه على الجدار ,, كلها اشجار الصنوبر وين متروح متكدر تشوف متر واحد مو اخضر تراب ماكو ناسه جدا طيبين يساعدون وهي خليط بيض وسود ومكسيك جوه نقي مابي تلوث درهم احلى من رالي تكثر بيها الابنيه بس مو مثل نيويورك وناطحات السحاب العمل متوفر مو فدشي حلم يعني وهوايه فرص ومجالات واهم شي اشويه لغه حتى تمشي نفسك بيه رطوبه قليله مو مثل البصره عدنه صيف شتاء تمطر اليوم جانت درجه الحرارة الصبح 17 الظهر صارت 32 يعني عاديه خلي ملابسك متوازنه صيفي وشتوي مو تكثر نوع على حساب الثاني .. هي نقطه مهمه لكل الي يجي امريكا المنظمه تجبرك اتوقع عقد ايجار سنه لاتوقع وارفض سوي ست اشهر حتى وره هي المدة تكدر تتحول الى سكن ارخص لان عدهم مشكله من ايجر سكن الا بمكان غالي ورة اربع اشهر تصير عليك يعني اشويه تتعب ... اكون انشالله وصلت صورة عن الولايه واذا اكو سؤال اني حاضر. عدنه مركز اسلامي برالي جبير وهم هو يساعد الاجئين موبس المسلمين ....واعتذر على الائطاله
-
أخوية العزيز....
ألف ألف مبروك تحديد الولاية ألك وأنشاء الله ترتاح بكارولينا-دورهم ومثل ما نقلولك الأخوان بعض التفاصيل عنها وعن طبيعتها وعملها وأنشاء الله تتوفق بحياتك الجديدة...........بالتوفيق
تحياتـــــــــــــــــــــــــــــــــــــــــــــي ;)
-
السلام عليكم
الف الف مبروك تحديد الولايه وان شاء الله نسمع خبر سفركم قريبآ .
ابو انس
شيكاغو
-
يابة على الخير تحديد الولاية
-
1000 مبروك تحديد الولايه وانشاء تشوفون كل الخير وبالتوفيق والسعاده
-
مشكور اخي حيدر على ردودك الجميله
مشكورين اخواني
المهاجر الجديد و القرش و ShadowMan و AbU.SaRa و حمودي ابن زيونه
على ردودكم الجميله
-
مبروك اخويا العزيز وبالموفقية
انشاء الله السفر عن قريب