ankawa
منتدى الهجرة واللجوء => الهجرة و واللاجئين => الموضوع حرر بواسطة: الجنابية في 20:53 05/09/2009
-
مرحبا اخواني وخواتي ورمضان الخير والمحبة عالجميع اني البارحة سمعت من بعض الاصدقاء ان راح يوزعون كوبونات مال ملابس على حساب العيد من الضراغمة هل هذا الخبر صحيح احد سمع منكم ارجوا ااااااااااااااااااااااااااااااااااالردد اختكم الجنابية ??? :D
-
والله احنا هم سمعنا بس لحد الان سوالف
-
اختي الجنابيه دخلي نسلم على رواتبنا اول وبعدها نفكر بالعيديات لان حاليا لو تروحين ع المفوضيه وتشوفين العدد الي ديراجعون علمود الرواتب شكد عوائل كاطعين رواتبهم خلال هذه الشهرين وهسه احنا دنفكر بهذا الشهر اخاف يكطعوها كلها !!!!
واما عن هذه الدعايه فصارلها من اول الصيف هم كالو اكو كابونات صيفيه ولحد الان ماشفناها
انا بتوقعي لما اعطونا الكابونات الشتويه كانو في حالة غيبوبه والا ما يسووها هي اول واخر مره وما اتوقع نشوف شي منهم بعد
اخوك : الفريدو
-
اشكركم اخواني على الردود بس هذا الخبر اتاكدت منة اليوم من كير والصاير دايوزعون الناس وناس بس يعني كلمن يوصي الجماعتة واني اشكركم عالردود مرة ثانية
-
بالعافية لكل اللي راح يستلمون بس اريد اسأل اذا واحد كبير بالعمر هو و زوجتة مشمولين باستلام الرواتب لو لا
-
السلام عليكم
اختي الجنابية كأنو الخبر صحيح لان اليوم اتصلوا بنا كير وكلولة الزوجي تعال استلم بكرى كبون ملابس وللعلم نحن قبل شهرين استلمنا كوبونات ملابس للاطفال
-
اخوان الخبر صحيح البارحه جماعه استلمو كوبون بقيمه 80 دينار
يعني الخبر صحيح
-
السلام عليكم اخوان
الخبر صحيح مثل ماكال اخوية محمد لان استلمنا اليوم كوبون بقيمة 82 دينار والحمد لله يرزق من يشاء بغير حساب ويوم للجميع
-
السلام عليكم
اخواني بس اريد اعرف شلون ومنين اخذ الكوبون اذا موجود لان بصراحة اني بعمان وكلشي ما مستفاد فياريت تفيدوني
ولكم جزيل الشكر
ابو يويو
-
اخي الكريم اتروح المنظمة كير ضاحية الامير حسن بالنزهه وتنطيهم ورقة اليو ان ويسجلوك وانت وحظك
-
اعزائي اني الي افتهمت انهم يعطون بس الاطفال .هل هذا صحيح ؟
اخوكم
القرش الاسود
-
اخويه القرش الاسود الكوبون لجميع العائله بالتحديد مثل ماكالوا لاخويه اليوم هذا الكوبون عيديه لكل العائله ولكن الاختيار ديصير من اليو ان بالتنسيب لمنظمة كير
-
تسلم اخويه الضايع
-
اخوية عاشق ترب العراق بالنسبة لسؤالك اي اكيد ينطوهم راتب وخاصة اذا كانت حالتهم بسيطة بس انت راجع unولح عليهم وانشاللة خير
-
الى جميع الاخوان والاخوات الي شاركوني بهذا الموضوع اكلهم اشكركم اهواية وبالعافية على الي اخذ وخيرها بغيرها للي ماخذ
-
اخويه الضايع تنصحني اروح الي كير غدا لو انتظر اتصالهم
-
والله اخويه القرش الاسود احنا كنا ناوين غدا انروح الكير بس من كلي اخويه انه الموضوع عن طريق اليو ان مو عن طريق كير بطلنا والخيار الك
-
واللة اخوان لاتروحون ولاتجون لان الكوبونات اتوزعت لاهل السيارات والناس الممحتاجة وبالعافية عليهم
-
الاخت الجنابية
مثل ما اتفضلتي هذا صحيح كاعدين ينطون اكيد الى الناس اصحاب السيارات والي ما محتاجين واني مرة راحت الهم واتعركت وياهم صارلي 3 سنوات ولا مرة متصلين بيه واذ يوم من الايام اتصلوا وكاله راح انزورك واجوه وكاله راح انسويلك راتب وانقدملك مساعدات وكل شي ماكو صارلي 4 شهور ولا واحد اتصل بيه بس اقول حسبي الله ونعم الوكيل والله ايكون بعون العراقيين
-
اختي الجنابيه اخي القرش قد ايكون بعض كلامكم صحيح لكن للامانه اخويه لا من اصحاب السيارات ولا طاك وحتى شغل ماعنده وعنده خمس اطفال بس هي ارزاق وكل واحد ياخذ نصيبه حتى انام مرتاحين ونسحر مرتاحين ولاتنسوا العشر الاواخر بيها كل الخير
-
تسلم اخويه ورمضان كريم عليكم وعلينا وعلى امة محمد اجمعين
-
مرحبا اخواني هاي الكابونات الى الكل يعني بس عوائل
-
السلام عليكم
اخواني القرش والجنابية واحمد كلام اخوية الضايع صحيح احنة والحمد لله لانملك سيارة ولا بيت وزوجي بلا شغل وضلينة سنة ونص نركض ورة كير واليو ان الا ان حصالنا المساعدات بس صدكوني الي دياخذون الرواتب والمساعدات اهل الاملاك دياخذوها عن طريق الكذب على المنظمات والله يبعدنة من الكذب لان ماكو احلى من الرزق الحلال ولو انموت من الجوع منكذب ومواعدينة على الراتب صار 6 شهور والله كريم
وبالنسبة للكوبون لكل العائلة وقيمة 82 دينار وسالناهم خبرونة ان قائمة بالاسماء من اليو ان جاية وميصير احد ايسجل والله يرزق الجميع
ام عبدو
-
اشكركم اخواني القرش والضايع وعاشق تراب العراق واختي ام عبدو اشكركم على ردودكم على موضوعي ونرجع ونكول بالعافية للي اخذ وخيرها بغيرها للي ماخذ وشكرا اختكم الجنابية :D