ankawa
منتدى الهجرة واللجوء => الهجرة و واللاجئين => الموضوع حرر بواسطة: Aws Iraq في 12:58 07/09/2009
-
السلام عليكم
اخواني و اخواتي بالمنتدى الراقي عين كاوا اني كنت متابع كل مواضيعكم بس بصراحة طبيعة عملي متسمحلي ان اشارك فكنت مخلي ببالي انه لمن اتفرغ ان شاء الله عند الوصول الى امريكا اكتبلكم كل قصتي و اساعد كل واحد محتاج معلومات...
اني مقدم على البرنامجين من بغداد IOM , SIV منذ 2008 و طبعا تاخرت معاملاتي الى درجة كبيرة جدا بس بعدين الحمدد لله مشت معاملات ال IOM و خلصت المقابلتين و الفحص... قابلت المحلفين 8 بشهر 7 و استلمت موافقة المحلف مؤشر على الفقرة الرابعة بعد 19 يوم و هسه متوقع تجي الامنية خلال الايام القريبة بس تفاجات اليوم الصبح بايميل من SIV و كان ComApproval و هنا بدت عندي الحيرة و القلق زين الخبر الاول انه المعاملات كامت تمشي بصورة السريعة و الحمد لله و اتمنى للكل ان تمشي معاملاتهم باسرع و قت بس اريد اعرف من الاخوة ماجلان و شبح بغداد و عك عك اذا يكدرون يساعدوني باتخاذ القرار و على يا برنامج استمر؟ زين يصيرعلى الاثنين؟ لان SIV يكول لازم تلغي IOM زين شسوي هسه؟ استمر عليهم ثنينهم لو الغي وحده منهم؟
شكرا جزيلا حبايبي.
و الى باقي الاخوة اي استفسار اني حاضر و بالخدمة و ان شاء الله الموفقية للجميع
أخوكم أوس
-
اخواني اعتذر على تكرار الموضوع بس هذا كان بسبب خلل بالنت و اني اسف
-
منو كال لازم تلغي التقديم على iom ???
بوقتها اني كايلين please
المهم
اغلب الاعضاء هنا (من العراق) مستمرين على البرنامجين واني واحد مهم
نصيحه: استمر على الاثنين و من تستلم موعد سفر او فيزا الغي الاخر
بالتوفيق للجميع
-
اخي العزيز همة دا ايطلبون منك ان تلغي مال ال IOM ولو كان المفروض الواحد يستمر على برنامج واحد جان هموة يلغون الثاني بدون ميكلولك ومن حقك التقديم على البرنامجين لأن همة برنامجين منفصلات واني هسه عندي موفقة المحلفين وهم قدمت على ال SIV والله كريم
-
مشكورين حبايبي على الاجابة و اي نعم همه كايلين please طمنتوني لعد اني راح استمر على البرنامجين و الله كريم و الموفقية للجميع ان شاء الله
-
اخوية العزيز من حقك تقدم على البرنامجين ابقى مقدم على اثنينهن واي واحد يطيرك اول الى امريكا انعم الله عليه والثاني طكله سفن وخلي يولي
ملاحظة برنامج SIV احسن بهواي عن برنامج IOM الله يسهل امرك انشاء الله
-
اخوية اوس
ممكن تكولي شنو قصدك انه معاملاتك اتاخرت الى حد كبير جدا ؟ لان اني هنا اخوك صارلي سنة ويومين من مقدم على IOM ولحد الان اي موعد للمقابلة الاولى ماكو !! بطرك الاي زي نمبر !!! ممكن تكولي انت من ياشهر مقدم بالضبط عالاي او ام؟ وورة شكد اجاك موعد مقابلة اولى؟ اني مقدم من شهر التاسع 2008 ولحد الان كلشي ماكو !!!
تحياتي
المهندس
-
maitham70 اخوية العزيز مشكور يا الغالي و ما قصرت و راح اعمل بنصيحتك ان شاء الله
المهندس سيوفي العزيز اني مقدم نفس الشي و ياك بس انكي كايل انو معاملة ال اي او ام مشت بسرعة همزين بس يا اخي انته راسلتهم؟ اني جنت مكرع راس هم كل اسبوع ايميل الى ان ضاجو لان صدك ينسون معاملات و تاكد انه اكو انه بقضيتك ممعقولة عمي الناس قدمت بشهر الواحد و الثاني 2009 و هسه همه بامريكا و ان شاء الله تتيسر عليك و يجيك الايميل الي بيه المقابلة و تفرحنه يا رب..
مشكورين على ردكم حبايب
-
عندي سؤال موجه الى الاخوان عكعك وماجلان والشبح هو عندي صديق لديه مقابلة في بغداد وهو خائف من هذه المقابلة بسبب انه لايجيد اللغة الانكليزية وسمع من احد اصدقائه الذين قابلو انه لايوجد مترجم في المقابلة فكيف يكون الوضع معه ارجو المساعدة
اخوكم امير البابلي
-
السلام عليكم
اني من بغداد اخ اوس والاخوة الاعزاء
اريد ان اعرف كيفية التقديم على برنامجي siv وiomمن بغداد عن طريق الايميل؟
وما هي المستمسكات المطلوبة؟
ارجو الرد بأٍرع وقت ممكن
تحياتي