ankawa
منتدى الهجرة واللجوء => الهجرة و واللاجئين => الموضوع حرر بواسطة: Aws Iraq في 13:00 07/09/2009
-
السلام عليكم
اخواني و اخواتي بالمنتدى الراقي عين كاوا اني كنت متابع كل مواضيعكم بس بصراحة طبيعة عملي متسمحلي ان اشارك فكنت مخلي ببالي انه لمن اتفرغ ان شاء الله عند الوصول الى امريكا اكتبلكم كل قصتي و اساعد كل واحد محتاج معلومات...
اني مقدم على البرنامجين من بغداد IOM , SIV منذ 2008 و طبعا تاخرت معاملاتي الى درجة كبيرة جدا بس بعدين الحمدد لله مشت معاملات ال IOM و خلصت المقابلتين و الفحص... قابلت المحلفين 8 بشهر 7 و استلمت موافقة المحلف مؤشر على الفقرة الرابعة بعد 19 يوم و هسه متوقع تجي الامنية خلال الايام القريبة بس تفاجات اليوم الصبح بايميل من SIV و كان ComApproval و هنا بدت عندي الحيرة و القلق زين الخبر الاول انه المعاملات كامت تمشي بصورة السريعة و الحمد لله و اتمنى للكل ان تمشي معاملاتهم باسرع و قت بس اريد اعرف من الاخوة ماجلان و شبح بغداد و عك عك اذا يكدرون يساعدوني باتخاذ القرار و على يا برنامج استمر؟ زين يصيرعلى الاثنين؟ لان SIV يكول لازم تلغي IOM زين شسوي هسه؟ استمر عليهم ثنينهم لو الغي وحده منهم؟
شكرا جزيلا حبايبي.
و الى باقي الاخوة اي استفسار اني حاضر و بالخدمة و ان شاء الله الموفقية للجميع
اخوكم أوس
-
والله أخي أوس أني نفس الشي صاير وياية هسة وتعبت من التفكير يعني الأس أي في هواية بيه شغلات افضل من اللجوء بس المشكلة اذا اجاك موعد سفر مال أي او ام شنسوي منروح ّّّّ!!! ياأخي الحقيقة والله حيرة ماتعرف شسوي بس أني اذا يطلع موعد سفر اترك الاس اي في حتة لو ماخذ البروفال ليش لان ما اكدر اضمن الاس اي في مية بالمية يعني خاف اتندم .....هذا رأيي بعد انشوف الاخوان شينصحونة ....تحياتي
-
بالتأكدي أيس آي في أحسن , والمفروض انو آي او امت يتأخر اكثر منه و الأيس آي في لمنت تجيه موافقة الجيف اوف مشن نكتوب بيهه جوه إذا جنت مقدم على الآي او ام أتصل بيهم ولغي معاملتك عدهم.
-
استمر على الاثنين ووين يصير الفرج توكل
-
نصيحتي اخ اوس انه تخلي شغلة الاس اي في هسه وتنتظر لحد متطلع الموافقة الامنية مال الاي او ام. اذا حمامة انت طاير واذا غراب كمل على الاس اي في. وان شاء الله يكون حمامة مدنفشة وجبيرة كلهة فرو اقصد ريش.
تحياتي
-
اخواني الاعزاء مشكورين على ردودكم و اني راح امشي على رئي اكثرية الاعضاء و هوه ان استمر على الاثنين و ياهيه التجي اول اطير بيهه ان شاء الله تفرج عليه و عليكم حبايب يسلمو تعبتكم ويايه
-
والله يااخي اوس اني مثلك بالظبط هم مقدم على الاثنين بس بعد ما اخذت المشورة من اعضاء المنتدى اخواني نصحوني بال SIV لان احسن بهواي من الiom فمباشرتا قمت بالغاء ال IOM ومستمر حالي على الSIV والتوفيق من رب العالمين الى الجميع انشاء الله
اخوكم امير البابلي
-
اخوية امير ال اس اي في طبعا احسن بس يا اخي اني شيضمنلي شيصير بالعراق منا للباجر؟ يعني الاحسن ان نروح باول وحد تجينه لان الوضع مو ثقة..
زين هوه الي يروح على ال اي او ام ميكدر مناك يكمل معاملات ال اس اي في؟؟
-
السلام عليكم
انا اخوكم من بغداد
اريد ان اعرف كيفية التقديم على sivو iom عن طريق الايميل؟
ومن الافضل والاسرع حاليا؟
وما هي المستمسكات المطلوبة؟
ارجو مساعدتي في اسرع وقت ممكن
والله ولي التوفيق
-
اخي العزيز اوس ,,,,,,
اول شي اسف للتاخر بالرد ,,,,,
بالنسبه لل اس اي في ,,,,, الحصول على موافقه رايس البعثه تعتبر خطوه كبيرة في طريق الفيزا ,,,,, لذلك اخي اذا الك نيه تكمل الموضوع ,,, توكل على الله و كمل ,,,,,,, و بنفس الوقت خلي ال اي او ام احتياط ,,,,,, و اتصور بان تكدر تتصل بيهم و تكللهم يخلون الكيس مالتك بيندنك (يعني يوقفوهه مؤقتا) لما تعرف راسك من ساسك بال اس اي في ,,,,,,,
موفق ان شاء الله و اسف مرة ثانيه للتاخر عليك
-
مشكور اخوية العزيز شبح بغداد على الرد مالتك ... اني دزيت معاملتي لنبراسكا و الله كريم اما ال iom فراح انتضر هل ايام و اشوف شي صير بس فد سؤال اخواني.. اذا رحت على ال iom اكدر اكمل معاملة ال siv من امريكا لو ماكو هيج بطة تلعب شناو؟؟
اخ بهاء الجواب على سؤالك موجود بارشيف المنتدى و هوايه تكلمو عنه الجماعة