ankawa

منتدى الهجرة واللجوء => الهجرة و واللاجئين => الموضوع حرر بواسطة: راهب الحب في 16:00 08/09/2009

العنوان: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 16:00 08/09/2009: مرحبا إخواني الأعزاء اليوم الظهر الساعة 2:00 رحت على منظمة الهجرة بالمزّة بعد معاناة بالإتصال بيهم ومحّد يجاوب ؟؟؟
الحرس بالباب رفض يدخلني وگلّي شنو إستفسارك گتله عالموافقات الامنية ؟؟ فگال :: هُمـّا يخابروك من تجي كتلّه الله يخليك هُمـّا لو يردوّن عالتلفون جان إجيت كل هالطريق خليني أشوف الموظـّف .....فجان حبـّاب وأريحي خـّلاني أفوت
فتت جانوا موظفين 2 موجودين بنية وولد .. وأكو مـَرة ورجـّال كاعدين من المراجعين بسسس ...
گتله عندي إستفسار على الموافقات الامنية لأنهُ صار شهرين من إستلام الظرف وماكو شـيء ؟؟
گــال :: أخي مافي شيء لسة ما إجت ولمـّا تجي راح يتصلوا فيك ويمكن هلق بعد ما تطلع من هون محـّدا بيعرف ( طبعاً هذا الحجي بلا ما يشوف ويجيّك شيء )... والعدد هلـّق وصل لــ 500 شخص مقبولين ومستلمين الظرف بيستنوا الموافقات الأمنية والدورات التثقيفية مو بس إنته .. وبعدين لسـّة في ناس عـّم تستنى أربع وخمس شهور ولسـّة ما إجت وإنته لساتك شهرين ومحدا بيعــرف إمتــى !!!
گتله زين إحنا عائلة شوفلي بلكد واحد من عدنا جاية الامنية مالته گال :: لا :: لأنهُ راح يتصلوا بنفس الشخص يكولون تريد تروح لو تنتظر العائلة كلها ؟؟؟ گتله حتى لو جِنـّا HARD CASE ::
گـال :: عادي يتصلون عالشخص وهو يقرّر إذا يريد السفر يسوي الترابط ضعيف ويروح بوحده ....
فيا إخوان حسب إعتقادي الأخوة بـّدوا بتسريع الموافقات لأنهُ رغُم هذا العدد المـُنتظر لحد هسّة كل إسبوع دورات تثقيفية وسفر بإستمرار ....
مع تمنياتي لجميع الاخوة بالتوفيق والسفر بأقرب وگت ممكن ..... †

أخــوكــُم
وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: shaklawe في 16:12 08/09/2009: مشكور اخونا عل المعلومة

والرب يوفق الجميع

تحياتي

شقلاوي اسطنبول
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: همر في 16:25 08/09/2009: لأنهُ راح يتصلوا بنفس الشخص يكولون تريد تروح لو تنتظر العائلة كلها ؟؟؟ گتله حتى لو جِنـّا HARD CASE ::
گـال :: عادي يتصلون عالشخص وهو يقرّر إذا يريد السفر يسوي الترابط ضعيف ويروح بوحده

اخي العزيز هذ يحجي بكيفه وتعاجز وين اكو هيج حجي

همر
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: marwan.aqrawi في 09:16 09/09/2009: شكرا على الموضوع بس احنة ما عدنة غير الصبر والايمان ابمشيئة ربنة
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 14:05 09/09/2009: الأخوة الأعزاء شقلاوي ومروان العقرواي ::
أشكركم على مرورك ويا رب تفرج عالجميع بأقرب وكت ممكـن ...

أخي العزيز همــَر ::
لا يا أخي صارت عدة حالات متشابهة ويا ناس اعرفهم ويعني مو شي جديد ... واذكرلك مثلين ::
عندي صديق ظلت عائلته تنتظره أكثر من 9 أشهر حتى توصل الامنية مالهُ وما وصلت وشگد ما راجع ومجموع عائلته 8 أفراد گالوله أنته واگف عائق بطريق اهلك ؟؟ وعبرت سنة وشهرين من موعد التوطين للسفر وراها سوّة الترابط ضعيف وفصل ملفهُ ورة فترة قصيرة سافروا أهله .. ولحد هاي اللحظة بعد مرور 3 اشهر من سفر اهله منتظر وماكو شيء ؟؟؟؟

وأعرف عائلة ثانية من 5 أفراد خابروهم وگالوا فلانة جاهزة للسفر أبوهم گال ما تروح لو كلتنة سوة لو ما تروح بوحدها فكال لعد إنتظروا ؟؟؟ ورة فترة قصيرة تم السفر لجميع العائلة وهذا الحجي من شهور ....
فيا أخي العزيز هما يسألون مجرد سؤال انته جاهز ملفك تحب تسافر لو تنتظر فما أعتقد بيها شيء ..
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: عاشق تراب العراق في 20:18 09/09/2009: مشكور حبيبي وسام ان شاء الله تجي موافقاتنة بالفترة الجاية
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ايات في 22:01 09/09/2009: اخي ادعو من الله ان يسهل امرك وامر كل المنتظرين ....ولكن هذا الموظف كل كلامه كذب اولا اي فصل بكس ربط قوي ماكو لو مادري شيصير لاني حاولت ماصارت مو بس احنة هواية اصدقاء ويانه
ثانيا بالنسبة الك شهرين كلش عادي لا تقلق الا بعد 6 شهور الله لا يكولها واني ماريد اهبط معنويات احد صحيح هسة اك تسريع بالعاملات ولكن اكو هواية عوائل عبرت السنة وكم شهر ولحد الان تنظر واني يوم الاربعاء الماضي التقيت بعائلتين من شهر 7 /2008 وعوائل من شهر 11/2008
ولكن ان شاء الله الفرج القريب على الجميع ......اختكم ايات
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ayoo11 في 23:28 09/09/2009: السلام عليكم .....
شكرا اخوي على هذه المعلومات .... وبالنسبه لتغير الربط اكيد واحد يكدر يحول من قوي الى ضعيف ؟؟؟؟؟
بالنسبه الي صارلي 4 شهور معطل اهلي واني ملف وحدي والعائله مقبولين وينتضروني يعني اكدر افصل وهمه يروحون ؟؟؟؟
شكرا شباب
تحياتي
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 13:58 10/09/2009: أخي العزيز عاشق أغلى تراب العراق الغالي :: أشكرك على مرورك وأتمنى تجي الامنية وتسافر بأقرب وقت اليوم الصُبح سمعت من شخص ( والعهـّدة على الراوي ) بإنهُ وصلت أكثر من 280 موافقة أمنية البارحة لجماعة سوريا من مصر بس أكيد إحنا ما مضطرين نصّدك كل كلام نسمعه ونتمنى يكون هذا الخبر صحيح ومو مجرّد إشاعة والله أعلـم ....

أخــوكــُم / وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 14:27 10/09/2009: عزيزتي الاخت آيــات ::
أشكرج على توضيحاتج المفيدة وصدكي آني ما ناسي من أول مقابلة توطين بكفر سوسة گالت إلنا :: عملية التوطين من اول مقابلة لحد السفر قد تستغرق 9 أشهر .... يعني إذا احسب مثل ما حجت من 19/3/2009 لحد الآن بعدنا بالست أشهر ... بس روحتي للــ ( I.O.M ) جانت حتى أقطع الشك باليقين لأهلي حتى يتأكدون لا أكثر ... ومثل ما تعرفين بعد كل المعلومات المفيدة إللي نقراها إهنا ما نحتاج لأي شيء ولا نستفسر عند أحد والاخوة الأعضاء المشكورين كفّوأ ووفّوا وما قصّروا والله يوفق الجميع .... †
وأريد أعقّب على كلامج بالنسبة للفصل مسموح إذا جان يخدم بقية العائلة وأعرف هواية ناس فصلوا الملف وسووّا الترابط ضعيف وسافروا .....

أخــوكــُم / وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: badry في 20:34 10/09/2009: تحياتي الى الاخوان جميعا مع تمنياتي بمجيء الموافقة الامنية للكل والسفر القريب انشاء الله
الاخ راهب الحب
ذكرت انك سمعت من شخص ان موافقات امنية قد اتت من مصر الى سورية .. نرجو منك ان تتحدث عن الشخص وكيفية طرح هذه المعلومة بشيء من التفصيل عسى ان تكون معلوماته صحيحة ونستبشر خيرا
تحياتي
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: angie-dawood في 20:49 10/09/2009: مشكور اخي راهب على هذة المعلومات ربي يوفقك وانشاءاللة نبارك لك بالسفر القريب بالتوفيق اخي العزيز ربي يوفقك دائما
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 14:52 12/09/2009: أخي العزيز ayoo11 :::
نعم يا أخي حسب علمي تگدر تفصل ملفك عن العائلة ويسافرون بعد فترة قصيرة وتنتظر موافقتك إلى ان تجي وبعدين تسافر وتلحگهـُم ... وعندي صديق بنفس حالتك عائلته منتظرة موافقته متأخرة وظلوا ينتظرون اكثر من سنة من مقابلة التوطين ؟؟؟ ومن فصل الملف سافروا قبل 3 شهور لولاية يوتـا وهو بعده ينتظر تجي موافقته ويسافر وهو وياية بسوريا أيضاً ..
تمنياتي إلك وللعائلة بالسفر القريب ودمت بالف الف خيــر .... †

أخــوكــُم / وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 15:05 12/09/2009: أخي العزيز بـدري ::
بصراحـة آني ما أعرف الآلية أو الطريقة إللي توصل بيها الموافقات الامنية من مصر لدول الجوار ولبنان ؟؟؟؟
هذا الشخص عن لِسان حاله گـال :: بإنهُ يعرف شخص آخر وهو مُعتمد من وين وإلى أين ما أدري بالضبط وهو عراقي ؟؟ بإنهُ وصلت 280 موافقة أمنية من مصر إلى سوريـا لجماعة المنتظرين وأغلبهم إللي مقابلين الوفد بشهري آذار ونيسـان وسيتم تسفير أصحاب هاي الموافقات من هسة ولغاية 15/10/2009 ؟؟؟؟
فهذا الحجي صدك كذب محـّد يدري ؟؟؟ بس حسب إللي دا أشوفه صدك هسة اكو أعضاء من نفس الفترة إتصلوا بيهم على الدورة التثقيفية وكلهم من نفس الفترة المذكورة أعلاه ......
تمنياتي لجميع المنتظرين بالسفر القريب ودمتم بألف الف خـيـــــر ..... †

أخــوكــُم / وسـام بهنـام داؤد الخابـــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 15:18 12/09/2009: مشكورة اخت إنجي على مرورج ..وصراحةً إنتي من أكثر الأعضاء إللي تستحّقين الشكُر والثناء على جهودج المتميزة في مساعدة وتوصيل المعلومة الدقيقة للاعضاء ...
تمنياتي إلج بدوام التوفيق والنجاح ودمتِ بألف الف خيـــر .... †

أخــوكــُم / وسـام بهنـام داؤد الخابــوري
[/size][/color]
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ayoo11 في 19:10 12/09/2009: اشكرك حبيبي وسام على جوابك واهتمامك .....
واشكرك على طيبة قلبك وتمنياتك الحلوه ...
وان شاء الله الك مثل ممتتنالي ...
راح امشي رايك واشوف نصيبي ..
تحياتي الك ولكل الاصدقاء ..
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 15:01 13/09/2009: أخي العزيز AYOO 11 ::
أشكرك حبيبي بس ما أريدك تجي على رأيي حبيبي آني مجرّد نقلتلك تجربة صديق .. وإنته بعد بكيفك عقلك برأسك تعرف خلاصك والله ولي التوفيــق .... †

أخــوكــُم / وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ayoo11 في 16:38 13/09/2009: اشكرك عيني وسام ...
كل واحد اله نصيبه ...
وانت مقصرت ..
تحياتي
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: المتمني في 20:04 13/09/2009: الاخ ayoo11 مشتاقلك يازميلي ابو ظرف 6 نيسان واتمنى ان يوم من الايام نسمع عن خبر السفر لان السفر صار امل ضعيف يمنا اخي العزيز فك الربط وخلي اهلك يسافرون لان مبين هذا الموضوع دخا بعالم الظلمات مااريد اياسك بس ما بقى احد من جماعة استلام ظرف نيسان بس اختنا ام سما واتمنى الها لقاء الاحبة وسلام لكل الاخوة وخاصة اذا عرفنا منو باقي من جماعة ظرف نيسان

المتمني
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ام سما في 13:58 14/09/2009: السلام عليكم اخوتى واشكر اخوية المتمنى وان شاء الله يفرحنا ويفرحك ويفرح كل الاخوة المنتظرين اخوية المتمنى الاسبوع الماضى اتصلت بمصر وخبرتنى الموظفة انو كل موافقات العائلة الامنية جاى وفرحت وبقيت انتظر اتصال من الهجرة ومحد اتصل والبارحة اتصلت بالهجرة وكتلة موافقاتنة واصلة وكلى ماكو هى شى وصار عصبى لان متصلين بمصر ومدا اعرف شنو نسوى اخاف اتصل بمصر مرة اخرى ويخبروهم وتنلاص علينة والله حتى الصبر نفذ والله يرحمنا ويرحم كل الصابرين

اختكم ام سما
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 14:53 14/09/2009: أخي العزيز ayoo 11 ::
أكيد حبيبي كل واحد يأخذ نصيبه والله يقـّدم إللي بي الخيــر ...
تمنياتي إلك ولباقي الاخوة بالسفر القريب وأكيد راح توصلون وتصير سوالف .... †

أخــوكــُم / وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 15:00 14/09/2009: أخي المتمني :::
أشكرك لمرورك وأتمنالك السفر القريب مع زميلك ayoo 11 ... وأسمع أخباركم الحلوة ومع دعائي للأخت إم سما بالسفر القريب يا رب ... †

أخــوكــُم / وسـام بهنـام داؤد الخابـــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: يوجد امل في 15:03 14/09/2009: شكرا اخي راهب الحب على المعلومات
الله يرتب كل اموركم وان شاء الله تسمع وصول الموافقات قريبا لجميع افراد العائلة
سلام الله معك
اخوك يوجد امل
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 15:10 14/09/2009: عزيزتي الأخت أم سمــا ::
إنتي شغلتج كملت بس لازم وأكيد ملفكم إنرفع لجدول السفر وأعتقد من يقترب موعد السفر راح يتصلون بيكم على الدورة التثقيفية مع تمنياتي إلج بالتوفيق والسفر القريب إن شاء اللـــه .... †

أخــوكــُم / وسـام بهنـام داؤد الخابــوري
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ام سما في 20:24 14/09/2009: السلام عليك اخوية وسام والله يبشرك بالخير والله يسمع منك ويفرحنا ويفرحكم ويفرح كل الاخوة المنتظرين وياربى هاى الايام احديبشرنا وتفرج لان طالت والله يرحمنا ويرحم الجميع

اختك ام سما
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: المتمني في 11:22 15/09/2009: مبروك اختنا ام سما مجرد ايام فرجت

المتمني
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: Ehab_Thommas في 12:03 15/09/2009: تشكر راهب الحب
وان شاء الله تفرج علينا وعليكم وعلى الجميع احنا هم ننتظر
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: ayoo11 في 14:15 15/09/2009: اشكرك حبيبي المتمني وان شاء نطلع سوه اني وياك ولو ماريد ااخرك وياي لان احسن بنفسي اطول ...
اشكرك عيني وسام واتمنالك كل خير ....
واشكر ام سما وكل والاصدقاء
تحياتي
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 14:16 15/09/2009: عزيزتي أم سمـا ::
الله يبشر كل الناس بالخير واكيد شما طالت لازم يجي يوم وتفرج عالجميع ويا رب تتوفقين وترتاحين ..... †

أخـوكـُم / وسـام بهنـام داؤد الخابــوري
العنوان: اخوان استفسار واريد جواب رحمه على الطيبين
أرسل بواسطة: كونو على اتصال معي في 10:18 16/09/2009: اني صار سنه امقدم ابسوريه على اليوئن شو سكته محد خابر ولا اتصل وكاعد اشوف كليوميه وجبه اتقابل شنو الموضوع يا شباب
العنوان: رد: عـاجـل :: أكثر من 500 لاجيء بإنتظار الموافقات الأمنية في سوريــا
أرسل بواسطة: راهب الحب في 14:05 18/09/2009: أخوية العزيز شغلة التوطين هُمـّا يتصلون بيك يعني إنته لا حول ولا قـوّة بس تگدر تراجع كل ثلاثاء وتستفسر بكفر سوسة عن ملفك ....
إحنا بالسنة الخامسة بسوريا يللّه حظينا بالتوطين ( جيب ليـــل ... وأخـُـذ عتــابـَـة ) ؟؟
تمنياتي إلك بالتوفيق والإستقرار بأقرب وقت ممكن ..... †

أخــوكــُم / وسـام بهنـام داؤد الخابــوري