ankawa
منتدى الهجرة واللجوء => الهجرة و واللاجئين => الموضوع حرر بواسطة: ريم عبد في 19:08 08/09/2009
-
تعلن مؤسسة اعرف جيرانك الخيريه (لتصدكون مو خيريه) عن استقبالها لطلبات الانتماء للاخوه الاجئين والمهاجرين كاااااااااااااااااااااااافه داخل وخارج امريكااااااااااااااا
فنرجوا من الاخوان الاطلاع على الاكسل شيت المرفق طيا للتاكد من العلومات المدونه فيه
Refugees-migrators organizations(1).xls (48 KB
والذين لم تضهر اسمائهم يرجى منهم ادراج بيناتهم كاملة
و ادراج التغييرات او التعديلات في بياناتهم
وتقبلوا فائق شكرنا وامتنانا
ملاحضه: بدل الاشتراك من داخل امريكا 20دولار أمريكي فقط لاغير
بدل الاشتراك من خارج امريكا 10 دولارأمريكي فقط لاغير
اختكم ريم المسؤله الاعلاميه والفنيه لمؤسسة اعرف جيرانك في المنتدى
-
ما عرفنا هاي نكته لو حزوره ياريم
-
اخوان هذا اعلان ملحق بموضوع اعرف جيرانك
كل عضو في المنتدى اتحددتله الولايه يذكر اسمه وسم المدينه والولايه واذا كان خارج او داخل امريكا حاليا
ويوجد اكسل شيت مرفق مع الاعلان
قمنا انا والاخت لوتس بتنظيم البيانات والى حد هذا الوقت هاي المعلومات الي متوفره عدنا
فنرجو من الاخوان الاطلاع على الاكسل شيت واذا كان عدهم اي تعديل عليها او غير موجوده يذكرها ويذكر التصحيح
لكي تعم الفائده للجميع من خلال التعرف على جيرانهم في الولايه
ولكم منا جزيل الشكر
اختكم ريم المسؤله الاعلاميه والفنيه لمؤسسة اعرف جيرانك
-
اخوان شبيكم تره الموضوع واضح ومابيه شي
بس الضاهر من شفتوا بيها دفع فلوس افتر الديلكو
حبايب ملازم دفع خلوها على حسابنا ولا يهمكم
وهاي لخاطركم راح انخليها بلاش الى نهاية رمضان أوره العيد ايصير التسجيل بفلوس
هاي بعد شتريدون منحة شهر رمضان الكريم
اختكم ريم المسؤله الاعلاميه والفنيه لمؤسسة اعرف جيرانك
-
يشرفني ويسعدني ان انضم الى هاي المنظمه
بس ريم شنو طريقة الدفع يغني فيزا كارد لو كرين كارد لو شلون
ارجو توضيح واني ما اقبل اببلاش واريد ادفع فلوس يعني عندي 20 دولار زايدات واريد اتبرع بيهن للمنظمه
تحياتي
-
اخت ريم ارجعي حملي الملف بطريقة صحيحة لان ما دايفتح........سوي تعديل وحملي الملف
-
زين هاي الفلوس وين تروح؟؟؟ يعني وين مصيرهة يا ريم
-
اخت ريم المشاركة هاي كلش حلوة بس بيهة شغلة وحدة انوا ما اكوا النك مال الملف الاكسل الي حجيتي علية فيارت لو اتعدلين هاي الشغلة
-
والله يااخ العرب مافهمت ايييييييييييييييييييييييش كال ;D
اختي العزيزه ريم
لوفرضنا انو كل واحد عرف جيرانه شنو الفائده من هذا الشي
او بالاحرى شنو الهدف من انشاء المنظمه
ارجو الشرح بالتفصيل
-
يمعود شنو السالفة شبيكم الضاهر اخت ريم ماعدها فلوس تشتري مكياج وسوت هالجمعية ههههههههه
تحياتي اخت ريم لاتزعلين اتشاقة
-
اخي عاشق الصمت اهلالالالالالالالا وسهلالالالالالالا بيك بهاي المؤسسه
وان شاء الله اتطلعت على البيانات الي اتخصك واذا بيها اي تعديل
عيني لعيونكم بلاش منا للعيد بس وره العيد شويه محتاجين تجهيزات مو الي للجمعيه ;)
عيني اذا كلشششششش مصر ادفعنياها بامريكا من نوصل على الاقل بهاي الطريقه انهرب امولنا للخارج
وتسلم وتعيش
اختكم ريم
-
اخي ابو يونس تدلل وهذا الملف من جديد واذا مفتح تكدر اتحمله من موضوع اعرف جيرانك ينطي اخر تحديث
واحنا الممنونين
Refugees-migrators organizations(1).xls
اختكم ريم المسؤله الاعلاميه والفنيه لمؤسسة اعرف جيرانك
-
اخي 3booda
هسه انت لتحير بموضوع الفلوس ومصيرها خلي اول شي انشوف احنا مصيرنا وين راح ايصير
وشغلة الفلوس محلوله ان شاء الله كلها راح تنصرف على المؤسسه
بس اهم شي نزل بياناتك والولايه الي انت بيها وخليها على حساب المنظمه ولتدوووخ
اختكم ريم
-
اخي marwan.aqrawi
شكرا على اهتمامك وهذا الموضوع الحقيقه بذلنا بيه جهد وخصوصا الاخت لوتس رتبت الاكسل شيت وجان فد جهد جدا مميز من قبلها وصار فتره اني احاول اجمع المعلومات المطشره بالمنتدى
وسويت هذا الاعلان حتى الي ملكينا بياناته ايضيفها خاف ناسين احد او اذا بيها تعديل
وياربي اينال رضاكم
وتكدرون تطلعون على الاكسل شيت في موضوع اعرف جيرانك في المنتدى
http://www.ankawa.com/forum/index.php?topic=293663.300
اختكم ريم المسؤله الاعلاميه والفنيه لمؤسسة اعرف جيرانك
-
حبيببتي مظلومه سوادي
هذا الموضوع وفكرته انطرحت من قبل الاخ المميز BaghdadGhost
وذكر بيه السبب والي هوه كالاتي
اخواني الاعضاء ...... السلام عليكم
من صفاتكم ,,, العراقي .... الشهامة ,,, النخوة ,,, الغيرة ,,, حب المساعدة ,,, الحنيه ,,, كرم الضيافة ,,,
لي صديق عراقي يسكن الولايات المتحدة منذ 1995 .... قال لي حكمة .... قال (هل تعلم لماذا لليهود سلطة و يعدون مصدر قوة في المجتمع الامريكي ,,,, قلت لا اعلم ,,,,, قال لانهم يمتلكون شبكة من المعارف و يتواصلون فيما بينهم و يقدمون المساعدة لاي فرد منهم اذا احتاجها ,,, وعلى هذا الاساس بنيت راس ماليتهم ) .... و هذا ما اشار اليه المثل العراقي ,,,, كوم التعاونت ما ذلت ,,,,,,
بالعراقي .....
كلنه نعرف بان الغربة صعبه .... و كلنا راح نكون بحاجه لاخ يعينه بالغربة و يدلينه الطريق الصحيح .... الامثال كثيرة من اعضاء المنتدى و الي قاموا بي لاخوانهم العراقيين ..... لذلك ارتايت بان اكتب هذا الموضوع ليقرب الاعضاء بيناتهم.... ولتكون صفة العائلة منطبقة علينا بمعنى الكلمة .... و حتى الكل يعرف شكم اخ الهم بنفس الولاية ... الي يحس بنفسة الصفات الي ذكرتهن ببداية الموضوع ,,, يشترك على النحو التالي :
- القيام بعملية التصويت الصحيحة....
- وضع رد على الموضوع ليشمل الولاية ...... اسم المدينه ...... واذا كان العضو على استعداد بان يكون جزء من هذا المشروع ...
في حاله ان اثنين من الاعضاء الي متواجدين بنفس الولاية رادوا يتواصلون فيما بينهم يكدرون الامور الشخصية يناقشوها عالخاص .......
ارجوا من الاخوة الاعضاء و الاداريين المحترمين ابداء الراي بالنسبة لفكرة الموضوع .....
من هاي الفكره بدينا انجمع بيانات الاخوان بالمنتدى والاخت لوتس الي نظمت الاكسل شيت وان شاء الله يعجبكم اتشوفون منو وياكم بنفس الولايه حتى تتبادلون المساعده فيمابينكم
واذا شفتي الموضوع ميستاهل براحتج اقلبي الصفحه واحنا الممنونين الج ولكل الاعضاء
اختكم ريم المسؤله الاعلاميه والفنيه لمؤسسة اعرف جيرانك
-
اخي ذاكر ابو فابيان
والله مابيها شي اذا اختكم محتاجه مكياج انتوا هم متقصرون ;)
بس احنا هم لازم انطلع فلوس تعبنا وجهدنا وتعرف هاي مؤسسه يرادلها مصاريف وتمويل ورواتب موظفين
وكلك نظر ;D
وهم بيها قسم مال ابو بلاش الي ميكدر يدفع ملازم راح انخليها بدون مقابل منا لنهاية الشهر المبارك
بس تره مال البلاش مينحاش
وتدللون
اختكم ريم المسؤله الاعلاميه والفنيه لمؤسسة اعرف جيرانك
-
عاشت ايديكم خواتي
الله يبارك بجهودكم ويوفقكم
-
اخوانا اخواتنا حبايبنا
تره منريد شي منكم بس كل واحد يذكر اسمه والولايه والمدينه الي راح ايروحلها او الي موجود بيها حاليا
يعني يذكر اذا حاليا هوه بداخل امربكا لو خارجها وبس
وكل الاخوان الي دخلوا علقوا على الموضوع بس ولا واحد ذكر باي ولايه هوه حتى انضيفها على الاكسل شيت
تره الموضوع كله لفائدتكم والله مخالين شي بجيسناااااااا
واحنا الممنونين
اختكم ريم المسؤله الاعلاميه والفنيه لمؤسسة اعرف جيرانك
-
والله يا اختي ريم بارك الله بيج وبالاخت لوتس على المجهود الرائع اللي دتقومون بيه ....
اني متابع الموضوعين ودانتظر انتي شوكت تضيفين اسمي لان اني ملاحظ دقة ملاحظتج بس عضو يذكر ولايته وثاني يوم تضيفو عالاكسل شيت .زين اني ليش ما ضفتيني ؟؟؟؟
شنو تحيز بس للنساء مو راح تخلينه نشجع storm2 وshadow man كل جماعتي سجلتيهم واني لا ليش ???علما انه اني من جماعة 11\7 واني كنت اتمنى اضيف اسمي من توصل المحروسة بس شكلهه حتطول فانتي بكيفج بعد تضيفيني لو لا قبل ميخلص رمضان خللي نستفيد من المكرمة :)
تحياتي toofy
-
لالالالالالالالا اخ توفي يمعود لدكولهاااااااااا
اني اخر وحده اتفكر بالتحيز بكل اشكاله وانواعه وخصوصا للنسوان
(اللهم ايجوز للي يدفع اكثر بيها وجهة نظر)
بس الله عليك يعني ممعقوله اني ادور ارشيف كل الاخوان بالمنتدى حتى اعرف ولايتهم ولهذا نزلنا هذا الاعلان حتى الي مذاكريه ايساعدنا
واني نبشت ارشيفك كله يله لكيت اخيراااااااا ولايتك ومدينتك(واشنطن مدينة سبوكان ) وياريت لو هسه ذاكرها بالموضوع جان وفرت عليه وقت
واني تره مااحب انسى اي عضو بالمنتدى ولذلك كلت الي مذاكريه خلي اينزل اسم ولايته وايساعدنا ولحد يعتب علينا
ويااخي لتتعاون ويه قائمة اعدائنا في المنتدى تره متستفاد منهم بس العجاج (والانتخابات على الابواب)
واسسسسسفه جدااااااا وتعذرناااااااا وهسه ينزل اسمك وبالخط العريض وبلالالاش وعلى عناد القفاصه
وتدلل
اختكم ريم المسؤله الاعلاميه والفنيه لمؤسسة اعرف جيرانك