ankawa
منتدى الهجرة واللجوء => الهجرة و واللاجئين => الموضوع حرر بواسطة: كونو على اتصال معي في 11:01 09/09/2009
-
السلام عليكم
اني اريد مساعدتكم ابهذا الموضوع اني امقدم على فيزه لم شمل الى المانيا وزوجتي مقيمه قي المانيه ليس لديها الجنسيه الالمانيه فعدما اخذت موعد من السفاره وقدمت الاوراق لم يطلبو مني شهاده اللغه الالمانيه لكوني احمل بكلوريوس انكليزي وبعد مده ثلاثه اشهر اتصلو بي وقالو نريد شهاده لغه درست اللغه وسلمت الشهاده للسفاره بعد خمس اشهر قالو يجب ان تاتي بكفيل لان زوجتك لا تحمل الجنسيه الالمانيه فجاء رفض بطلبي والان زوجتي حصلت على الجنسيه الالمانيه وراح اقدم من جديد اريد اتساعدوني هل راح ايطلبون مني كفيل مره ثانيه وهل الشغله اطول لان صارلي سنه ممسافر وعلما اوراقي بعدهن بالسفاره واني عراقي مقيم في سوريه وتقديمي في سوريه اجو مساعدتكم يا اهل الخير
-
الله يعينك احوي ياريت عندي اجابه
شباب ساعدو الاخ
-
اكيد اخي يصير
لان جنسيتها مال بلد محترم و اله هيبة اب كل مكان
و لو تتنتظر الاخ المشرف تايكر حيوضحلك اكثر مني
تحياتي
-
شكرا لكل الي جاوب وقره رسالتي بس يا اهل الخير اريد اجابه ناس عدهم اطلاع واريد مساعدتكم ابهذا الشي
-
اصلي الى الله ان يسهل كل امورك ويسرع اوراقك
وان شاء الله الاخوة اللي عندهم معرفة بالموضوع يجاوبوك
سلام الله معك
اخوك يوجد امل
-
شكرا اخويه يوجد امل الله ايسهل على الكل انشاله وشكرا الى كل الي ايبادر ابمساعتي وانشاله المشرف تايكر ايساعدني ابموضوعي
-
الاخ كونو على اتصال معي
اهلا وسهلا بيك بين اخوتك وخواتك
اخي العزيز طالم تقول ان زوجتك تحمل حاليا الجنسية الالمانية اذا تعمل هنا معاملة الالمان وليس الاجانب المقيمين بالمانيا
اخي العزيز ان كانت جميع اوراقك الرسمية صحيحه بالتقديم الاول عندما كان زوجتك لا تزال بصفة مقيمه في المانيا فلا اشكال الان لكن هناك امور يجب ان تقوم بها زوجتك هنا
اولا ان يكون لها بيت او شقة ويكون العقد باسمها وهنا لا اقصد ملك وانما ايجار وان تكون مساحته كافيه لكم انتم الاثنين
ثانيا ان يكون لها عمل وتحصل على وارد منه يغطي نفقاتها ونفقاتك ولا تاخذ اي مساعدات من دوائر الالمانية
بهذه الحالة ستتمكن من تقديم المعاملة مرة ثانية مع عقد الزواج الرسمي وليس ان يكون الزواج بالوكالة لانه غير معترف به هنا اي ان تكون زوجتك قد قدمة الى سوريا وتوزجتم هناك واوراق محكمة اي شيئ رسمي ومثبت
المطلوب منك اوراقك الثوبتية مع عقد الزواج وكذلك مثل ما تفضلت شهادة اللغة من مكاتب معترف بها من قبل السفارة الالمانية في سوريا وعلى اقل تكون شهادة بمستوى A1
لن تكون بحاجة لكفيل لان الكفيل ستكون زوجتك
هذه الشروط المطلوب توفرها
اتمنالك التوفيق
واي استفسار اني حاظر
تحياتي
تايكر
-
السلام عليم
شكرا الى ردك يا اخويه تايكر بس هيه حاليا طالبا تدرس وهمه عدهم ابقانونهم الطالب ميصير من يدرس يشتغل فياريت اتجاوبني على هذا الموضوع وشكرا الك
-
السلام عليكم
سلام الى كل الي بالمنتدى وشكرا الى كل من ايساعدني ابموضوعي وشكرا الى الاخ تايكر والاخوان الباقين بس يا اخواني اني مرتي طالبه تدرس يعني ميصير تشتغل ابقانون المانيا فهل ابهاي الحاله تحتاج شقه وعمل علمود تسحبني ابلم الشمل لان طالبه اتكون معفيه من هاي الامور واشتنصحوني اسوي من اقدم تره اني بعدني ممقدم اوراقي مره ثانيه وشكرا الكم يا اخوني والله ايسهل على الجميع وايحل مشاكلهم تحياتي واي شخص يحتاج مساعده اني حاضر واجاوب بالي اعرفه والي مريت بي خلال هاي السنه بالسفاره الالمانيه وشكرا