ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي أني أبو الغيرة في 02:08 10/09/2009
-
السلام عليكم
شلونكم أخوتي وخواتي الغالين بالمنتدى اهل المعدن الأصيل معدنا احنه العراقيين الشرفاء الي نشرف كل الدنيا وين مرحنه
شلونكم اشتقيتلكم طبعا ولو بعدني بمبوني بالمنتدى بس الواحد من يشوف هيجي ناس طيبين وأصيلين اكيد غصبن ماعليه يشتاقلهم
طبعا أمي العزيزة تسلم عالكل فردا"فردا"وتشكركم على مشاعركم الحلوة ودعواتكم الصادقة وكلامك العسل الحلو مثلكم ودعت للكل بالخير والصحة والستر والموافقية
طبعا قدمت أوراقي للiomلأن الunكالت احنه منكدر انساعدك لأن الأمر والنهي هسه يم الiomولو تعاطفوا ويايه وهمين سمعوني شوية حجي يغث بس بأدب أنه هاي فرصتك واحسن مكاعد اهنا واذا رجع ملفك النه حتى لو نوطنك مرة الخ الiomيرفضوك بس يشوفون انه انت مرحت على امريكا لأن أنت امقابل وموافقين عليك ومنطيك فيزا وموعد سفر كتلهم اعرف هذا الشي كلش زين بس هاي ظروفنه وهذا حكم الله ونعمه بالله قدمت أوراقي للiomوكالوا انت وحظك راح يدروسها لو يوافقون ويأجلولك السفر لو يرجع ملفك للun وبموعد سفرك نبلغ يوم16/9بس كالوا صعبه يوافقون عالتأجيل يجوز لأن أني غلطت من خبصتي بشغلة امي بالموعد الأول ألي أجلته مقدمت أوراق أمي لأن حقيقة فكرت بيها بس خفت متدخل أمي لهنا فمهتميت للموضوع او نسيته الصدك هم اهمال ونسيان وهاي غلطة همين أنبه اخوتي وخواتي اهنا انه الي يريد يأجل او ميروح للموعد الأول يقدم سبب على رفض الموعد الأول سبب مقنع مو حجي بالتليفون مثل مصار ويايه يقدم وثائق ويقابل لأن الشغلة مو سهلة والحمد لله على كلشي
طبعا اشكركم اشكركم اشككركم لو شكد مكتبت هاي الكلمة لكل أخوتي وخواتي الي دعولي ودعوا للوالدة العزيزة ونصحوني وحاولوا يقدمون المساعدة الي وخجلوني بالكلام او بالنصيحة الطيبة ولو عندي وكت أشكر واحد واحد لأن تستاهلون تنحطون عالراس ياشرفاء يااصيلين الله يبارك بيكم ويحرسكم ويبعد عليكم كل الأمراض ويدوم عليكم الصحة والعافية ومراح أوفيكم لو شكد حجيت ماكفيت ولا وفيت بحقكم
طولت عليكم بس لازم اشكر الأخ بيرج الأداري المتألق بجيتني على ردك الجميلللللل وجنت محتاجها لأن أني من النوع الي ميبجي بسهولة بارك الله بيك كفيت ووفيت
اخويه أبو خالد متقصر والله انت نشمي والله يبارك بيك وبأختنه زوجتك الطيبة وان شاء الله بميزان حسناتكم كل الخير الي دسووه واني بعمان أتمنى اكون بسوريا حتى بس اتعرف عليك ياطيب
وممنون الكم وتقبلوا ردي
الله يخليلكم أمهاتكم وابائكم ويرحم كلمن فقد واحد منهم او اثنينهم ويرزقهم الجنة ويجمعكم بيهم بالأخرة
-
بالتوفيق اخونا العزيز والله يقدملك مابيه الخير
دعائي لك ولعائلتك ولوالدتك وللجميع بالموفقيه
اخوكم الخالدي الاصيل
-
تسلم اخوي الغالي على كلامك الرائع ونحن جميعنا انشالله اخوه واهل وانا ايضا اتشرف بيك وبمعرفتك والله صار بالنا وياك والحمدلله اليوم طمنتنا وانشالله نطمئن اكثر عليك عندما تخبرنا بأنهم وافقو على تأجيل سفرتك وهذه تكون فرحتنا وتفرحنا اكثر عندما تقوم والدتك بالسلامه والله يشافيها انشالله وانا اسف لان توقعتك عايش بسوريا يمنا ولكن مع الاسف انك بالاردن فمابليد حيله غير الدعاء لك ولعائلتك بالتوفيق والسفر وتقوم والدتك بالسلامه والله يحفظها لك خيمه على رؤسكم انشالله وارجو ان تعطينا اخبار مفرحه يارب
-
السلام عليكم اخويا العزيز
نتشرف بيك وبكل اخواننا العراقين
الله يبارك بيك ويوفقك ويحفظ لك اهلك ويديم اخوتك العراقين ذخر لك ويديمهم لك ولبعضهم
تسلم وتعيش على هذه الاخلاق العراقية الاصيلة
-
أخي العزيز
هذولة العراقيين و هذا معدنهم الاصيل أهل غيرة و أهل نخوةو معروفين بكل الدنيا بس شدكول للوكت اللي سوة بيهم هيج ..... الحمد لله على كل شيء, دعائنا للوالدة بالسلامة و أنشاء الله تبشرنا بالموافقة على التأجيل .
-
اخوية العزيز احنة هنا عائلة وحدةو اللي يصير باي عراقي نحسة بينة و مثال على العراقيين الاصلاء اللي محد يكدر يغيرهم و ان شاء الله ربك يسهلهة و مجرد دعوة الوالدة هذا يكفي و راح ندعيلهة تكوم بالسلامة و انت تسافر باذن الله مرتاح الضمير و كاسب رضا الوالدة و رضا الله عليك
تحياتي
اخوك ابو نور
-
شكرا للاخوة على هاي الكلمات النبيلة ، واكيد شعار هذة المنتدى التعاون لغد مشرق