ankawa
منتدى الهجرة واللجوء => الهجرة و واللاجئين => الموضوع حرر بواسطة: mandooo في 11:01 10/09/2009
-
السلام عليكم
هذا موقع امريكي جديد تكدرون تعملولكم رقم امريكي مجانا و بعد ان تاخذون الرقم يطيلكم دقيقة اتصال واحده لكل رقم تريديون تخابروه يعني تكدرون تخابرون اكثر من رقم على دقيقه دقيقه و تنعاد الكره كل 10 دقايق يعني تكدرون تتصلون بنفس الرقم بعد 10 دقايق فائدة هذه الدقيقة هية بس علمود تكولون للشخص الي باميركا و عنده موبايل يرجع يخابركم على رقمكم الامريكي الجديد يعني مثل مس كول و هو رح يطلعله الرقم الجديد و هو كلشي مرح يكلفه لان باميركا الدفع على المكالمات الداخلية شهري يعني مو ع الدقيقة اي هو دافعها دافعها بس انصحكم من تسوون رقم اختاروا الارقام الي تكون اقرب شي من ارقام اصدقائكم او كرايبكم هناك حتى تصير المكالمه داخلية 100 بالمية و ان شاء الله يارب تستفادون من هذا البرنامج و تحياتي .. http://www.bueno.com
-
مشكور وبارك الله بيك ...ان شاء الله الكل تستفيد منه
يا ريت لو نعرف اخر اخبارك اخي mandooo هل سافرت ام بانتظار موافقة اخوك؟لان انته من جماعتنه استلمت الظرف بنفس اليوم فيا ريت تطمئنه على اخبارك
تحياتي toofy
-
والله يا اخ توفي اني اجالي موعد سفر يوم 17-8 بس لان اخوية سجل متأخر و أتاخرت معاملته طلبنا منهم تغير موعد السفر حتى تكمل كل المعاملات و نبيع و نصفي امورنا و نسافر فد مره فهمه استجابوا للطلب و لغوا موعد السفر القديم بس لحد اليوم اشوف سكته لا ديمشون معاملة اخوية و لا معاملتنا و من انخابر اليو ان يكلولون معاملتكم بالسفاره الامريكية و من نخابر الاي او ام يكولون معاملتكم باليو ان فبطلت اخابر و اسأل و خليتها على الله و الله كريم
-
فعلا موقع جميل ومفيد ، لدي بعض الاسئلة اذا امكن اتجاوبني عليهة
عملت تسجيل في الموقع ، واعطاني رقم امريكي ، ولكن عندة الاتصال بالاقرباء في هذه الدقيقة الواحدة ، ومن ثم يتصلون علية عندما اكون فاتح فقط البرنامج وحسابي الbueno ؟ ويحسب على المتصل من امريكا محلي ؟ هل هناك طريقة تحويل المكالمة على موبايلي الخاص في اي دولة بالعالم ، مثل امكانية ال skype ؟ وشكرا لهذا الموقع الرائع
-
والله ما اعتقد يصير الاتصال بالموقع الا اذا كان الموقع مفتوح لان دورت طرق بس ما شفت بالنسبة للاتصال و الموقع مسدود,اني كرايبي من اتصل بيهم و يرجعون يخابروني كلشي ميكلفهم ولا فلس لان عدهم الداخلي مدفوع شهري مو على الدقايق بس بس اذا نوع الاشتراك يختلف اكيد رح يكون سعر مكالمة داخلية