ankawa
منتدى الهجرة واللجوء => الهجرة و واللاجئين => الموضوع حرر بواسطة: طوطي في 01:29 11/09/2009
-
اني عندي 3 اولاد وانتو تعرفون المدارس بالقاهرة مبقى شي عليها ولازم ندفع الاقساط فسؤالي هو شتنصحوني ادفع الفواتير لو انتضر اني ابكل الحالات عندي سفر بس اخاف تتاخر السفرة وتروح السنة الدراسية عليهم مع العلم المدرسة متقبل حتى لو ادفع نص القسط واقساطهم تقريبا 2000 دولار علما اني امقابلة المحلف 6_7_2009 فشتكولون ادفع لو ماادفع واستفاد من الفلوس ابجيبي احسن واللله حيييييييرة
-
اخي طوطي لازم اتضحي وتدفع الترم الاول يعني نص المبلغ لان الموافقات مالها وقت محدد والمدارس على الابواب وحرام تضيع عليهم هذا رئي انا جائز الاعضاء عدهم اراء احسن وان شاء الله بالتوفيق
اخوكم
alfaras
-
اختي العزيزه رئي انو الواحد يدفعه احسن لا سامح الله تاخرت المعامله مال السفر ليش واحد يضيع السنه عليهم
وبعد لازم واحد يسجلهم علمود الاقامه هذا رئي ولكي الامر
همر مصر
-
والله انا من رأيي يااخوي العزيز تسجلهم وتخليهم يداومون مدارسهم واسأل مجرب لان انا صار وياي العام نفس الشي وحرمت الجهال من مدارسهم كنت متوقع انجاز معاملاتنا على السريع ولكن حصل العكس راحت عليهم السنه الدراسيه ومازالت معاملتي معلقه وهذه السنه مع العلم اني قيد الدراسه وفي اي لحظه تظهر النتيجه ولكن سجلتهم واشتريتلهم ملابس المدرسه وقلت اخاف كلشي يصير على الاقل مانضيع المشيتين فأنت حاول مع المدرسه ان تأخذ نصف القسط واذا ماقبلو امرك الى الله والخساره بالعمر
-
السلام عليكم اختى احنا نفس حالتج هم مقابلتنا جانت يوم 6|7 وهم ننتظر كاعدين الامنية بس انى مرح اسجلهم انتظر الى نصف شهر العاشر وهى تبين الشغلة واذا تاخرنا ادفع اقساط واخليهم ايداومون وهى الشهر الاول كلة مو مهم ومو فترة طويلة وصعبة وانشاء الله قبل العاشر تبين هذا رئى والرائى الاول والاخير لكى
-
اشكر الجميع على النصائح المفيدة وتعبتكم وياية واني راح اسوي مثل الاخ fddd لان بالفعل اتبين لحدنص العاشر وبعدين الله يسهلهة واني خابرت المنضمة وكتلهم على حالتي ولو بالكوة تطلع منهم الحجاية بس كالت الرأي رأيج بس اكو تسريع بالملفات وانشالله خير
-
اختي العزيزه صدكني الدراسه بمصر ماتفيدهم هما اول وتالي من يصلون راح يخلوهم حسب اعمارهم يعني كل الي يدرسوه يروح ايلاش اني هم نفس الشي دفعت فلوس من كنت بعمان لبناتي وماستفادو شي بس دخلتهم دورات انكليزي ومن اجيت لامريكا اصلا ماسالوني وين شهادتهم بالمدرسه حطوهم حسب اعمارهم يعني ماضيعو ولاسنه والحمدلله يطلعون الاول عالصف حتى المدرسه مستغربه عليهم,,,فاني انصحك لو اتدخليهم دولارات انكليزي احسن الهم حتى لايفاجئون من يدامون بمدارس امريكا,,,,,والعربي مايفيدهم بشي ,,,فحطي فلوسج بجيبج احسن ,,,اني هذا رائي اختي والباقي ظلت يمج ,,,,مع تحياتي
-
نعم انا مع الاخت سوسن..المدارس في امريكا اعتمادها على الاعمار وليس على المستوى الدراسي من خارج امريكا عندما يقيموا المرحلة الدراسية
تحياتي
-
اشكر الجميع على النصائح المفيدة وانشالله راح استفاد منهة وانشالله الموفقية للجميع
-
طوطي .... السلام عليكم
التعليم حق على الاباء للابناء ، فاختي الكريمي انا ساتكمل ان راي الشخصي في هذا الموضوع. بالنسبة لي كما تعلمون انني من منتظري الموافقة الامنية ، و قد تم توقيع اوراق الكفالة من قبل كفيلي ، و عندما ذهبت الى المنظمة يوم الاربعاء الماضي ، ابلغني السيد لورنس انه عندما تاتي الموافقتين لي و لزوجتي سيختم الملف و يحدد لنا موعد سفر . و مع ذلك ، فانا قررت ان ادفع رسوم التسجيل للعام القادم لثلاثة اولاد ايضا المبلغ هو 2250 ، و لدي مقابلة استلام صك المعونة المالية الدراسية في مصر و البالغة 2400 للاولاد الثلاثة ، لذلك افضل ان اسجل اولادي ، و انتظر مع المنتظرين . و لذلك انصحك ان تسجلي اولادك ، لانك لا تعلمين متى ستصل الموافقة الامنية و تحديد موعد السفر ، فكما قال لك ابو خالد قد يخسر الاولاد سنة دراسية كاملة..... الامر عائدا لكم.
vet2009
-
والله عاشت ايدك غلى هدا الموضوع هاي صالي من بدت المدرسة لي هسة حايرة كل يوم اكول اسجل بنتي هي هسة لازم تروح للاول ابتداي وارجع اكول لا خلي انتضر لان اني هم تا انتضر الوافقة الامنية
ومتا اعرف شسوي كل اسبوع اكول خلي انتضر الاسبوع الجاي وصدقوني لي هسة هم الصبح كلت باجر اسجله وهسة تا اكول لا انشاء الله تسهل الامور
بس بصراحة اني اكول لو ادرسه اكليزي احسن ما اوديه للمدرسة لان اولا العربي مرح يفيده وثانيا خطية رح تتعلق بأصدقاء وبعدين لازم تعوفهم وهي هواية انجوت بهدا الموظوع
والله حيرة وماعدنا غير رب العالمين يفرجه علينة
اختكم ام عمار في انتظار الامنية من عمان
-
حبيبي انطيك مثل لاحد الاخوان المقيمين في عمان ايضا كان متوقع يسافر ومسجل الكورس الاول ومسافر ومسجل الكورس الثاني وهمين مسافر ظل بعد المحلفين على الانتظار 11 شهر.....فحرام واحد يضحي بمستقبل اطفاله وبعدين يتأخرون سنه وتفوتهم فرص يوم من الايام...وتحياتي الك وانشالله السفر بأقرب وقت
-
والله اخي حسب تجارب الاخرين اكلك ادفع وسلم امرك بيد الله
-
اخوية العزيز السلام عليكم ما اعرف سمعت اذا كان صح او غلط ما امتاكد بس اني رحت لكرتاس اول البارحة وشفت الائحة انو اكو دفع اقساط مال مدارس للي اعمارهم من 15 الى 20 سنة ويجبون مالتهم الوصل مال القسط وهمة ايدفعو ولازم ايكون عندك ورقة صفرة وعندك اقامة
وهذا ارقام التلفون خابر وشوف شنو القصة مالتهم
وهذا عنوانهم 34 شارع 100 الدور الارضي المعادي
ودوامهم من يوم الاحد ليوم الخميس من ساعة 9.30 العصر لغاية الساعة 3 العصر
وهذة ارقامهم 0223582523
0185003114
اخوك جوزيف
-
شنو راءيكم اذا مصير العائلة متوقف على دخول اولادنا للمدرسة هسة تكولون شلون اكوللكم اذا ما ادخلهم بالنسبة الي شخصيا احجي مراح اجدد اقامة وتجديد الاقامة مالتنا مستحقة لان اقامتنا دراسية وهم اني مثلكم مترددة بس فكرت انطي تيرم اول واكمل اقامتي واظل بالسليم مع العلم اني انتظر الامنية مال زوجي واحنا من وجية شهر اذا 2009 وكل واحد بقت الشغلة يمه وحسب اقتناعة ويارب ماكو خسارة والكل تسافر كولوا امين اختكم المتوكلة من مصرررررررررررررررررررررررررر