ankawa
منتدى الهجرة واللجوء => الهجرة و واللاجئين => الموضوع حرر بواسطة: near_far في 02:30 11/09/2009
-
اخواني بالمنتدى..... بعد ما مليت من انتظار الموافقة الامنية فصلت الكيس عن عائلتي وبقيت اني انتظر موافقة امنية وهمة ينظرون موعد سفر ...المهم اليوم بعد العصر كلمني اخوية من امريكا (الكفيل) وكال انه المنظمة خابروا وكالولة انه اهلك موعد وصولهم يكون 16 \9 المشكلة انه المنظمة ما بلغونا بالموضوع (طبعا احنة على تواصل وياهم بالتلفون وكلمناهم اخر مرة يوم الاثنين 7\9 وماكالوا شي عن موعد سفر )
المشكلة الثانية اليوم خميس والمنظمة راح تعطل لحد يوم الاحد الي يصادف 13\9 !
يعني مراح اعرف شنو القصة الى قبل 3 ايام من موعد السفر ...زين معاملات مال هلال الاحمر والمجمع مال التحرير شكد تاخذ ؟ هل راح يبقى وقت ؟ واذا ما لحكوا اهلي يكملون هاي الامور شراح يصير ....
اي واحد من الاخوة او الاخوات الي مسافرين حديثا يكلي شنو الاجراءات بعد تعيين موعد السفر ... علما انه احنة في مصر وبدون اقامة
شكرا الى كل اعضاء هذا المنتدى
-
اخي العزيز اعتقد انك تاخذ الخبر من المنظمه لان اكيد راح يحسبون حساب روحتكم للمجمع وللصليب الاحمر
اما بخصوص مجمع التحرير بما انه انتو ماعدكم اقامه فراح تتغرم 153 جنيه ودكولك ستيكر مغادرة خلال اسبوع وهذا ياخذ يوم واحد والصليب الاحمر حسب ماشفت من احد الاصدقاء من سافر ايضا راحلهم وسلمهم المستمسكات وثاني يوم راح استلم الجواز مال الصليب الاحمر .. وان شاء الله تتسهل اموركم وبالتوفيق
اخوكم
alfaras
-
اخي العزيز هذه السالفه هم صارت مع احد الاعضاء بلغه الكفيل ماله بموعد السفر والمنظمه لم تبلغه وكانو لايعلمون بالموعد واتضح اخيرا ان الموعد الذي معطينه للكفيل صحيح وصارت عنده ربكه وجهز نفسه على السريع وسافر فأنت انجز امورك والله يسهل عليكم انشالله وبالتوفيق يارب
-
اخي العزيز
اذا عدهم جواز ج والاقامه سارية المفعول ميحتاج صليب احمر ولاشي بس المنظمة والتحرير يكملون بسرعة, واذا اقامتهم على البطاقه الصفرةوسارية المفعول يتطلب تسقيطها من اليو ان ثم منظمة والصليب الاحمر حته يسووله وثيقة سفر,واذا خلصانه الاقامه اللي على البطاقة الصفره ميحتاج يراجع اليوان , هم بس يروح للمجمع ان ويرجع للمنظمة اني اعرف سوالك محدد بس هاي معلومات ممكن تفيد الجميع علما ان المنظمة متخليهم على سفر اذا ممضبطة امورهه انشالله اكون فدتك بمعلومه.
-
اخي العزيز ااي او ام عدهم دوه ثقافيه يوم السبت ممكن تسئل ان شاء الله وذالك بالذهاب اليهم وان شاء خير وممكن تتصل بالصليب الاحمر وتتاكد من وجود اسمك عندهم في الموعد مالك
وهذا تلفون الصليب الاحمر
33377587
37619587
-
اخي near_far
الله يكون معاكم ويسهل كل اموركم وان شاء الله يتم السفر يسهولة وتخلصون كل الاجراءات
سلام الله معكم
اخوك يوجد امل
-
اشو يا جماعة احنة بالعكس مبلغينا بموعد السفر بس بعد ممبلغين كفيلنا .بس الي اعرفة انوا صارت ويا احد العوائل الصديقة الي نعرفها بلغوهم قبل اسبوع من موعد السفر و همينة كلي شي سووا ركض بركض
مع العلم احنا بسوريا
تحياتي
-
اخي ان شاء الله خير ولاتخاف كلها تصير سوالف لان ماكو انشاء الله اي تأخير بالمجمع بس المهم الاهل خلال اليومين يحضرون الاغرض والحقائب والباقي الله يسهله ......اختك ايات
-
شكرا على المعلومات المفيدة جدا وعلى الردود المشجعة وانشالله تمشي الامور عند الجميع
باجر انشالله اني اخابر الصليب الاحمر واتاكد اذا عدهم رقم الكيس مال اهلي ... اذا كالوا اي موجود راح اتصرف من كيفي قبل ما اسأل المنظمة .... يعني امشي على الخطوات الي يسووهة الناس..... لو تعتقدون انه لازم انتظر لحد ما اسمع الخبر من المنظمة نفسهم واتبع تعليماتهم
بالمناسبة اني عائلتي جزء طلعوا بشهر 2 الماضي يعني قبل 7 اشهر واتذكر الامور الي مشوا بيهة لكن كنت اتصور انه تغيرت الامور او المعاملات خلال هذي المدة الطويلة
شكرا مرة ثانية على المعلومات المفيدة وعلى التشجيع والدعم
-
اخي العزيز مثل متفضلت الاخت حنان اذا كان اقامتك على الجواز متحتاج تروح للصليب الاحمر مجرد تراجع المنظمه قبل السفر بيوم
وكما قال الاخ كمال الشاطيء غدا السبت يوجد دوام وتوجد دوره تثقفيه لاحد الاصدقاء غدا بالمنظمه فانصح ان تذهب اليهم غدا وتستفسر
تحياتي
-
اخي العزيز اضافه الى ردود الاخوه لزيادة العلم فان الدروره الثقافيه سوف تكون من الساعه العاشره صباحا ولغاية الثالثه عصر في فندق فلمنكو في الزمالك قرب فندق ام كلثوم
دعائي للجميع بالموفقيه
اخوكم الخالدي الاصيل
-
اخي near_far اني ممكن تكلمت معك في الاي او ام اليوم وسئلتك بس انته مفتهمتني المهم الاجراءات بسيطه ولدوخ ان شاء الله خير
واخي الخالدي اني الدوره كانت مالتي بالاي او ام ومااعرف اذا كانت اكو دوره بالمكان الي ذكرته المهم ان شاء الله الكل يسافر ويرتاح
-
اخي العزيز كمال الشاطئ انا اسف اذا كنت ما افتهمتك لكن حقيقة اني سمعتك تسألني تكلي انت الخالدي
و طبعال الشخص الوحيد الي كلمني بالمنظمة عدى الرجل الي سألته (المحاضر) هو مثل ما كتلك كالي انت الخالدي ...بس الله يبشرك بالخير انشالله سهلة تكون العملية بس الي طلب عندك اذا سمحت عند الصليب الاحمر شاحتاج اوراق (صورتين و ما اعرف شنو....) لان اذا الله سهل باجر اروح للصليب الاحمر راسا حتى اكدر اخلص الامور ...(هاي في حالة انت مريت بهاي المرحلة يعني ما عندك اقامة )
وبالمناسبة تفاصيل السفرة شنو يعني ساعة بيش صبح ليل
واشكرك مرة ثانية واسف اذا ما افتهمتك