ankawa
منتدى الهجرة واللجوء => الهجرة و واللاجئين => الموضوع حرر بواسطة: ankawason في 09:41 11/09/2009
-
السلام عليكم اخواني اعضاء هذا المنتدى المميز ... ارجوا منكم قبول عضويتي الجديده معكم ...
تحيه طيبه اهديها الى كل الاعضاء القدامى ممن افادوا الجميع بالكم الهائل من المعلومات والنصائح التي لا تخلو من فائده تخص موضوع الهجره والسفر ..
ارجو ان تسمحوا لي بهذا اسؤال راجياً منكم الجواب الشافي .
انا بالعراق ومقدم siv لامريكا وحدي ... البارحه استلمت الفيزا من فندق فلسطين ( مع تمنياتي بأستلامها لكل شخص بعده بالانتظار) وصلاحيتهه مثل ما تعرفوم فقط 3 شهور ... سؤالي هو :
1. ما الخطوه التاليه ... ماذا افعل هل اتصل بالمنظمات الانسانيه في امريكا ام انتظر ايميل من جهه معينه ومن تكون هذه الجهه ؟ ... لان ما اعرف شسوي بعد استلام الفيزا وشويه دخت وصارت بيه مثل الرهبه .
2. اذا اردت الحجز والسفر على نفقتي الخاصه لكي اتخلص من ديون للحكومه الامريكيه .. هل سوف يؤدي ذلك الى الغاء المساعدات الخاصه التي تقدمها المنظمات هناك .. وهل هناك من يستلمني بالمطار من تلك المنظمات ..
عذراً للاطاله وعس ى الاجوبه تعود بالنفع للكل ..
اخوكم ابن عنكاوه
-
كلام الاخ ماجلان صحيح 100%
-
اخي العزيز اهلا بك بين اهلك وناسك في منتدانا الرائع
ومبروك استلامك للفيزا وان شاء الله يوم السفر
-
شكراً اخي Shadowman وفعلاً انتو اهلي وناسي واني فرحان بشعورك الطيب ... وانشاء الله الكل تتوفق بالحصول على الفيزا.
وشكرً لتعقيبك اخي ستورم ..
اخي العزيز ماجلان ... شكراً والله يبارك فيك ورحمه الله والديك على هذا الجواب اللي طمني ... واسمحلي اسئلك سؤال تعقيباً على كلامك الطيب ...
هل ممكن ان تطول البروسس مال معاملتي في دهاليز الــIOM والكل يعرفون اشطد يأخرون المعاملات ... بمعنى هل هناك خوف من ان تطول الاجراءات اكثر من 90 يوف حينها تكون الفيزا اكسباير؟؟
وسؤال اخر انهو من راح يسئلوني على وجهتي تحديداً نحو امريكا .. هل اعطيهم ولاية الكفيل المعنوي قبل ان اتاكد من انها اصبحت ولايتي التي سأذهب اليها ام ستكون ولايتي مححده قبل سؤالهم ...
اعذرني اخي ماجلان لان ثقلت عليك بس تره اني اخوك مخبوص شويه واريد اعرف راسي من رجليه وعلى قول المثل اسئل مجرب ولا تسئل حكيم ...
والف كلمة شكر لك اخي ماجلان والله يوفقك ويسترههه عليك ...
ابن عنكاوه
-
الف رحمه على اهلك الطيبين اخي ماجلان على جوابك ... الله يوفقك ويوفق هيج قلوب نظيفه تحب مساعدة كل الناس وما تبخل بأي معلومه ... بس صدكني اخي ماجلان احس من حقي ادوخ لان ما امصدك استلمت فيزا لاقوى وافضل دوله بالعالم بعد ما شبعنه احنه العراقيين ذل وضيم وقهر طيلة 20 سنه بالمطارات والحدود وما نعرف ليش .. بس لانهو اني عراقي ... وما اعرف اشبيه العراقي .. شنو فرقه عن الاردني لو المصري ما اعرف وفجأه امريكا تنطيني فيزا شيصير بحالي ... ؟
مع خالص شكري وتقديري الك
اخوك ابن عنكاوه
-
اخي الغالي ابن عين كاوه اخويه ماجلان ما قصر وياك وانطاك السالفه من طاطا لسلام عليكو
الف مبروك وانشاءالله السفر القريب و لا دوخ ولا تنخبص بس من تجي جيب وياك جكاير هوايه ومحد راح يحاسبك عليهه لا اهنا الجكاير غاليه ههههههههههههههههههههه
حياك الله واهلا وسهلا بيك في ارض الانسانيه واذا وصلت لامريكل في مدينه هيوستن احنه راح انشيلك على راسنا من فوك
بس خابر وكول
اخوك ابو عبد الله التكساسي
-
اولا مرحبا بك بين اخوتك في منتدانا الحبيب عائلة عنكاوا
ثانيا الف مبروك اخي على استلام الفيزا وانشاء الله يوم السفر والوصول بالسلامه
ثالثا انا اتفق مع اخي ماجلان لقد قدم لك نصيحة ( بالباكيت ) تحياتي لاخي ماجلان بارك الله بيك
رابعا شكرا لاخي ابو عبد الله على شعورك الطيب
تحياتي اخوك ذاكر ابو فابيان
-
على راسي كلكم يا طيبين ... اشكرك خويه ابو عبد الله التكساسي والنعم والله منك ومن البو تكساس ;D... انشالله ما تقصر واريدك اخ عزيز انشالله ..
وتحياتي الك اخي ذاكر ابو فابيان وشكراً والله يبارك بيك ... وشكلااً لمرورك الكريم
اخوان ما قصرتوا وعاش هذا المنتدى الماكو منه
اخوكم الصغيير ابن عنكاوه