ankawa
منتدى الهجرة واللجوء => الهجرة و واللاجئين => الموضوع حرر بواسطة: سالم 1980 في 14:50 11/09/2009
-
السلام عليكم وعلى كل اعضاء المنتدى اولا اني الحد الان ما محدديلي الولاية وجنت متحمس للموضوع وهسة من داقرأ مشاركات بعض الاخوة الي سافرو الى امريكا بصراحة حجيهم خوفني الي اكول عافوني والي اكول مساعدات قليلة كلش وعلى الاساس المنضمة تتخلى عنا ومااساعد بالشغل بالبداية يعني احنى والله العراقيين كلنا متاذيين واقل حجاية مو زينة عن امريكا ننقهرلا ن اعتماد على اللة طبعا ومن ثم سفرنا الى امريكا وارجو من اصحاب الخبرة والمعرفة ان اطمنوني الله اخليكم وان شاء الله محد اقصر وياية اخوكم سالم 1980
-
عمي سالم السلام عليكم
اول شي الله يسهل عليكم وين ماكنت سواء بالعراق او دول الجوار
عمي انته اذا حياتك مستقرة في المكان اللي عايش بي فماكو داعي تحاطر و تهد اللي بنيته وتبدي من جديد في امريكا
ثاني شي عمي العزيز ربك اللي مسهل امرك ورازقك وين ماجنت هسة هو نفسه ربك اللي يوكف الك ويرزقك من توصل لامريكا
فيا عمي اذا حياتك ما مستقرة بالمكان اللي انته بي حاليا فتوكل على الله واطلع لامريكا وهناك لاتفكر بالمساعدات
فكر انه ربك موجود وانته اسعى واركض والباقي على ابو خيمة الزرقة
واعذرني خاف طولت عليك بالجواب
الله يسهل عليكم عمي
ابو الحسن - ماليزيا
-
لاتتاثر بكلام اشخاص مهزوزين ---- واصحاب نواية مغرضة بهيج مواضيع --- والشمس مايحجبها غربال مثل ميكولون
تحياتي
-
اخي سالم
اذا اتصفحت المنتدى راح تلكي الراي والراي المعاكس
فانت اي راي تاخذه هذا يتوقف عليك بشكل كامل ومحد يكدر ايقدره غير انت
اولا اعرف نفسك قبل متعرف امريكا يعني اذا انت واثق من قدراتك على التكيف ويه هاي الحياة وعندك استعداد للشغل والتعب وعندك هدف مهم اتريد اتحققه فاحسن مكان الك هوه امريكا لان بيها مجالات تكدر تبدع بيها واتطور نفسك
واعرف شنو هدفك من الذهاب لامريكا اذا علمود اتحصل الجنسيه فاعتبرها كليه تدخلها 5 سنوات وتتخرج امريكي يعني استحمل اي شي في سبيل هذا الهدف
ثانيا اتمحص زين باجوبة الاخوه وشوف اذا انت جنت بهيج موقف شنو تصرف وشلون تجنب المواقف السلبيه وهل عندك القابليه على تحملها يعني (اتحزم للواوي بحزام سبع) وحضر كل اجهزتك الدفاعيه
ثالثا التحضيرات الي اتهيأ نفسك عليها
أ_هيه اللغه حتى تكدر اتشق طريقك ومتعتمد على المنظمه اتودي واتجيب بيك وانت كلشي متعرف
ب-تسند نفسك بكم فلس تاخذ وياك حتى لتحتصر وتكدر اتعيش العيشه الي اتريدها الى ان تلكي شغل
ج_ وبعد متحضر نفسك تتوكل على الله والله ان شاء الله ميضيعك (اعقل وتوكل)
وياربي اينور بصرك وبصيرتك وتاخذ القرار المناسب
اختكم ريم
-
اخي سالم .... طبعا اولا اتفق كليا مع الاخوان (المهندس سيوفي ، والاخت ريم) بس اخي العزيز سالم
القرار بالنهاية هو قرارك وراح تسمع عن امريكا الزين وتسمع الشين وراح تسمع كثير بس الله انطانة العقل
فكر وانت قرر مو غيرك واعتقد احنة بهذا المنتدى الجميل الاخوان مخلوا شي الحمد لله ما ذكروا . اخي سالم اجيبلك شغلة بلكي تفيدك انا اسمعت وابحثت كل شي عن امريكا بس من قررت انا قررت بدون اي ضغط .وقررت انه لازم وبتوفبق من الله اشق طريقي وين مجان. المهم اخي اعتبرها سفرة وشوف نفسك واذا
متوفقت لا سمح الله وكلشي وارد خلي في حسابك عود ارجع والله ارحم الراحمين
واي شي اخوية العزيز احنا يمك...
اخوك ملك الغربة
-
اني اشكركم على هاي الردود الطيبة يا طيبين واشكر عمي ابو الحسن _ ماليزيا والمهندس سيوفي واختي ريم العبد على هذا الكلام الطيب الي لطمن النفس واشكر اخوية ملك الغربة على الكلام الحلو اخوكم سالم 1980
-
اخوية سالم اذا انت تعرف نفسك كدها وشاغول فروح والله ان شاء الله يسهل امرك ولتسمع فحيح الافاعي الي تمشي بين الرجلين دوس عليها وامشي بدربك ...
امنياتي الحلوة
-
سالم 1980 .... السلام عليكم
اخي الكريم سالم مثل هذه الفرصة " الهجرة الى الولايات المتحدة " تاتي للانسان مرة واحدة ، فعليك ان لا تضيع هذه الفرصة عليك او على اولادك ، فسيلوموك مدى الحياة. و توكل على الله و امضي في طريقك الى بلدك الجديد . اما عن بعض السلبيات المادية التي تطرقت اليها ، فاحب ان اقول لك ان الولايات المتحدة دولة مؤسسات ، اي كل شيء بحساب ، فهم بالتاكيد يراعون الوضع المادي و الاجتماعي للاجئين . و لا تخاف فانك مضمون لحد الكفاف خلال الاشهر الثمانية الاولى ، وبعد ذلك سوف لن يتركوك ، و اذا عملت فانك ستحسن وضعك المادي .... امل ان تكون الفكرة وصلت .
vet2009
-
السلام عليكم اخوية العزيز سالم
اخوية كلشي قسمة ونصيب والكتابة ربك على الجبين لازم اشوفة العين
كل واحد وحضة واذا انت تعرف اشون ادبر امورك وذكي وتشتغل اي شغلة ميهمك هذة الشغلة عيب واستنكف منها لا والله ليش وشوية اشوية رح تكدر تبني حلمك وماكو شي يجي بالساهل
ومهما اتكون احسن من دول الجوار ال هية الاردن ومصر وعمان
والله ايوفقك يارب ويفتحهة بوجهك امين يارب العالميين وعلى جميع امة محمد يارب والناس الخيرة
اخوك جوزيف
-
اخي العزيز
اني اشوف من طريقة كلامك انه امريكا متفيدك والسبب هو الاتي
انه انت خايف من المساعدات تنكطع علية ووووو
اذا حاط ابالك تجي امريكا علمود المساعدات روح للسويد احسن
امريكا بلد يطلب من الناس تشتغل واتعب نفسهة وتتعلم وتتطور ومتظل تعتمد على المساعدات
انت ممكن تجي هنانا وتاخذ مساعدات وايجوز همينة سنوات تاخذهة مثل ما هو حال كثير من المليونيرية العراقيين اللي لي هسة دياخذون هل مساعدات
بس تجي اتشوف حايتهم للاسف انكليزي ميعرف يحجي
ما درس واتعلم واخذ شهادة ووووووو ومخازي هواية
فيا اخي العزيز اذا اتفكر تجي امريكا اطور نفسك وتدرس وتتعلم انكليزي واول شي نصيحة من اخوك اذا جيت امريكا اول شي اتسوي هو ان تفكر شلون اتبطل تاخذ مساعدات من الحكومة باسرع وقت لان هذا الشي راح ايخليك شخص ناجح
ماكو شي اسمة مستحيل بهل دنيا اذا تتعب على نفسك راح تحصد اللي زرعتة واضعاف
تمنياتي الك بالموفقية
-
اخويا العزيز
اعتقد انه الاخوان ماقصروا بالجواب يعني كفو و وفو
اخوك رفضت التوطين مرتين بس حسبته ويه نفسي وبالثالثة وافقت وهسة داحسب الثواني شوكت اسافر , استخر رب العالمين سبحانه وتعالى وتوكل وشييجي من عنده جل في علاه فضل ونعمة
-
أخويه عوفك من المساعدات فهي لا محال موجوده
بس اريد اكولك شغله وهي
اذا تريد تجي لامريكا وماعندك لغه انكليزيه فالافضل تروح لولايه بيهه عراقيين يساعدوك لانه والله والله اللي ماعنده لغه وماعنده شخص يساعده فالافضل لا يجي لامريكا وهذه نصيحه ربما البعض يكابر من اجل ان لا يعترف بانه لا يعرف اللغه واعتقد الاخوان اللي بامريكا يتفقون وياي وخصوصا اللي عدهم لغه انكليزيه
-
اتفق وية الاخ SIV 2007
اللغة الانكليزية رقم واحد بهل بلد حتة قبل الشهادة
اتمنة ايسمعوك العراقيين بمحافظة العراق التاسعة عشر ايل كاهون
كلهم يتذمرون ما عدنة شغل وهمة طكة انكليزي ميعرفون
بس اني المستغرب انه نصحتة ايروح ولاية بيهة عراقيين
ليش همة العراقيين ديتعبون نفسهم حتة يتعلمون انكليزي؟؟؟؟؟
اني انصحة العكس ايروح ولاية ما بيهة عراقيين لان راح يتعلم انكليزي بسرعة ميتخيلهة
-
الاخت ريم السلام عليكم واتمنالك كل خير وتوفيق بجاه رب العالمين وهذا الشهر المقدس انى كان كلبى محتصر بس ضحكت ضحك على هذا المثل مالتك وهو الحقيقه حكمه(تحزم للواوى بحزام سبع))
-
اخي رامي
الله ايفرج همك وايسهل امرك وان شاء الله دائما فرحانين ويارب متشوفون الحسره
هوه هذا المنتدى متنفس للكل او كل واحد شايل هم الباقين وبنفس الوقت من يحجي اينفس عن همه ويلكي هنا اجوبه على كل الاسئله الي محيرته وياربي ايسهل امر الجميع وايفرج همهم وايساعدهم بهاي محنتهم والي ايشوف هم الناس ايهون همه
والله ايوفق الجميع
اختكم ريم
-
اخواني الاعزاء وما توفيقي الا بالله الكل لازم يكول يالله ويسعى ويقدم كل ماعنده والباقي على الله
دعائي للجميع بالموفقيه
اخوكم الخالدي الاصيل