ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 22:39 11/09/2009
-
السلام عليكم اخواني ،
بس عندي سؤال بخصوص موضوع الحمل ، يعني اذا المرأة حامل هل ال IOM راح ايأجلون السفر ، وهل لازم نخبر ال IOM بموضوع الحمل ام مو شرط نخبرهم حتى لايتم تأجيل السفر ، مع العلم انه لم يتم تحديد موعد سفر لحد الان ولا الموافقة الامنية جاية
-
اذا بداية شهور الحمل عادي راح تسافرون بموافقة الطبيب طبعا واذا الاشهر الاخير يتاجل السفر وطبعا لازم تخبرون iom لانه هي راح تبين بالفحوصات حتى لو لم تخبرهم
-
احنة كملنة الفحوصات اختي انجي قبل الحمل ، والفحص الي قبل السفر مابيه لا فحص دم ولا ادرار ، اني اخاف اخبر ال IOM وهمة ايأجلون سفري ، وبالمناسبة الحمل بالشهر الاول
-
الاخ العزيز اعتقد احسن لا ادكول لل اي او ام.....عالاقل اضمن الجنسية الامريكية
-
مادام بداية الحمل ومادام كملت كل الفحوصات لا تكول الهم اي شي وتوكل على اللة ربي يوفقكم وانشاللة تسافرون وتستقرون وتولد بالسلامة ويحمل الجنسية قبل امه وابوه على عنادكم
-
مشكورة اختي العزيزة انجي اني هم هيج دا افكر لا اكلهم ولا شي ، بس حبيت اسئل الي سافروا الفحص الاخير قبل السفر شيشمل وهل بيه اختبار دم لو بس ضغط واشياء بسيطة ، لأن همة كالو اكو فحص قبل السفر
-
osama5477 ..... السلام عليكم
نعم انه موضوع مهم و مقلق للكثير من العوائل ، فمن المعروف خلال الشهرين الاخيرين من الحمل ، لا يسمح للمراة الحامل بالسفر الى المسافات البعيدة. و بالتالي على المراة الانتظار الى ان تلد ، و يجرى لهم مقابلة محلفين اخرى لاضافة الطفل الجديد. ثم انه علينا ان لا ننسى انه بعد الشهر الرابع للحمل يكون الحمل ظاهرا فلا يمكن اخفائه. فراي اخي الكريم .... انه من الافضل ان يصرح صاحب الملف بوجود الحمل.
vet2009
-
والله اخي اذا الحمل بالشهر الاول وانته متوقع اتسافر بالشهرين الجايه لا تكول لان الاشهر الاولى الحمل مو كلش واضح وتكدر تتحجج اذا اول شهر انوا انته مجان عندك علم لانو هوايه ناس ميعرفون بالحمل الا بعد الشهر الثاني .
اما اذا متوقع انوا اذا تتاخر الى بعد الشهر الرابع و الفحص الاخير مال الدكتور الاخير ممكن يلاحظ الدكتور لانوا اكو بي فحص ضغط و اذا عرف ممكن يسويلك مشكله تاخير
فاما اتظم عليهم علمود الجنسيه هي بكل الحالات الجاهل وياك دائما يعني لا هو راح يسافر وحده ولا جواز وحده و انته بعد 5 سنين لم تحصل جنسيه باذن الله اي طفل عندك جوه ال 18 سنه اوتوماتيكيا راح يحصل جنسيه .
يعني مختصر الحجي كله تعتمد شوكت راح يسفروك بهل الشهر لو بعد الشهرين
-
و الله ا خواني موضوع يحير يعني اذا المرأة حامل بالشهر الرابع ممكن يأجلون سفرهة لحين الولادة زين اذا ما بي اي خطورة عليهة من السفر ليش ياجلون السفر مادام هية جوة السابع ؟؟؟
-
اخواني الاعزاء
بالنسبة للحوامل لامانع للسفر اذا كان عمر الجنين اقل من 34 اسبوع كحد اقصى او تمنع من السفر اذا كان الجنين مهدد لاسامح الله او هناك عوارض مرضية للام تهدد حياة الجنين
اي يعني اذا كان كلشي طبيعي والام بصحة جيدة لا مانع من السفر اذا كان الجنين عمره اقل من 34 اسبوع
تحياتي اخوكم ذاكر ابو فابيان
-
مشكورين اخواني الاعزاء على ردودكم ، واني اشوف انه مدام الحمل بالبداية الواحد احسن ميكول
-
اكثر من مشارك اشار الى الولادة في الولايات المتحدة للحصول على الجنسية ، وانا لا اعرف ماهي الامتيازات اذا ما ولد الطفل امريكي؟
لان حصول الطفل على الجنسية لايعطي له ولاقاربه اي كانو اي امتيازات للهجرة الا بعد ان يبلغ هو من العمر 21 عاماً (وهي مدة كافية لكل بقية اهلة حتى يتجنسون).
كما ان المساعدات المادية والصحية هنا لاتفرق بين المقيمين الدائميين والمواطنين.
فعملياً لن يفرق لا للطفل ولا للاهل ان يكون الطفل امريكياً ام مقيماً (حتى ان في امريكا لا توجد شهادة للجنسية الامريكية للامريكان المولودين ولا هوية احوال مدنية وكل ما سيحصل عليه الاهل هي شهادة ولادة صادرة من المستشفى والوثيقة التالية ستكون هوية الولاية او اجازة السوق عند البلوغ او قبله).
واني ارى ان العامل الاهم في مسئلة سفر الحامل هو صحة الام وهو فوق كل اعتبار.
-
الموضوع مو بخصوص الجنسية الموضوع بخصوص تأجيل السفر لأن المعروف عن ال IOM انه همة يردولهم حجة حتى ايأجلون الواحد ، وصارت ويه ولد صاحبي اجلوه مدة 6 اشهر الى ان ولدت مرته وراهة كالوله سوي جنسية للطفل وعاد مقابلة المحلفين ولحد الان ما سافر ، مع العلم وحسب دكتور زوجتي انه لا مانع من السفر في بداية الحمل ، احسن شي واحد ميكلهم لأن اذا يكول يروح بيه مدام الحمل بالبداية واني كملت الفحوصات قبل اسبوعين وقبل يومين ياله عرفنة زوجتي حامل . وحسب علمي الفحص الاخير فحص عادي فقط ضغط وفحوصات سريرية عادية