ankawa
منتدى الهجرة واللجوء => الهجرة و واللاجئين => الموضوع حرر بواسطة: storm2 في 12:59 12/09/2009
-
الموضوع واضح من عنوانة بعض من اصدقائي المقربين هنا يعرفون عن حالتي واتناقشنا قبل اني وياهم بهذا الموضوع على انفراد لكن حبيت يكون بي فائدة للجميع ولربما اكو شخص بالمستقبل يصادفه نفس الموقف
شباب سؤال وموجه مباشرة وخصيصا لمن هم داخل اميركا ارجو التوضيح والنصيحة
الزوجة الحامل التي تلد بعد دخولها الى الاراضي الاميركية بوقت قصير تلد على حساب من؟؟ اللاجئ ام الحكومة ولنقل ولادة طبيعية يعني تفائلو بالخير تجدوه توضيح على جملة وقت قصير قصدت هنا يعني بعد المساعدات ما منتهية يعني صار على دخولها شهرين ربما ثلاثة مصاريف الولادة من راح يدفعها المنظمة الحكومة ام الاجئ موضوع الولادة موضوع مكلف حتى اللاجئ يحسب حسابة ياريت من عندة معلومات ومن مصادر موثوقة يجاوبنة على هذا السؤال بصراحة اني لحد الان دايخ وماعندي جواب شافي على الموضوع
تقبلوا تحياتي اخوكم STORM
-
اخي العزيز لقد استفسرت كثيرا حول هذا الموضوع المرأة الحامل لها برنامج مساعدات خاص ليس له علاقة بالمساعدات التي تقدم لللاجئ لذالك لا تقلق اخي التكلفة قبل وبعد الولادة على حساب الحكومة حتى بعد الولادة بثلاث اشهر رعاية وغذاء خاص للام
اخوك ذاكر ابو فابيان
-
اخي العزيز ابو فابيان اذا كلامك صحيح مية المية رجائا دزلي عنوانك على الخاص حتى اول شي اسوي من اوصل اجي ابوسك طبعا تحياتي الك بس ياريت لو اكو معلومات اكثر يعني هذا البرنامج شنو وين شلون واحد يقدم علية لان اني سمعت الولادة الطبيعية هناك تكلف مو اقل من 5000$ دولار وهذا مبلغ مو قليل ابدا واكيد كل شخص من عدنة عندة وجهة نظر مختلفة ارجو من بقية الاعضاء والي عندة تجربة عن الموضوع او سامع بهيج شي يفيدنة
تقبل مروري اخي الكريم وشكرا جزيلا
-
والله اخواني الموضوع مهم ، والمهم انه واحد يعرف اذا الحكومة توفر مساعدات للحامل لان الهمليات كلش مكلفة ، واحتمال التامين الصحي ميغطيها ، ارجوا من الاخت انجي اذا عندها معلومات على الموضوع هذا ، لان حسب علمي عملية الولادة القيصير تكلف حوالي 10 الاف دولار وهذا مبلغ كبير للرايح جديد
-
والله اخوية اسامة اني سالت واميركان كالولي اذا عملية قيصرية وية الرقود والعناية بالمستشفى توصل لحد 45 الف دولار مراة لذلك اعتقد الموضوع مهم جدا لان اذا هيج اني ما اريد اصير اب بطلت اكلة يبقى
-
:)
مرحبا
اخي العزيز ...ان المنظمة توفر المساعدات للحامل حتى ان التامين الصحي يغطيها كل شئ .
حتى الملالبس الطفل مع بغض الاشياء مثل (العربة الطفل و كراسية السيارة و سرير ) المنظمة اساعدك في هل الموضوع ..وايضا في المستشفى سوف يعطى الملالبس الطفل
هذا من مصادر موثوقة وشكرا
-
اخت بان وين جنتي ماشايفج قبل بس على كل حال اهلا وسهلا بيج واريدج تعرفين والله مو شقة اعزمج على غدة بهيوستن يمي بس دكوم زوجتي بالسلامة
تحياتي الج وشكرا على المرور
شباب صار بيها غدة عمي بس مرو علينة
-
اخي العزيز storm2 تحية وسلام
اخي العزيز لازم تعرف انه اولا دخولك للولايات المتحدة واول يوم سجولك على المساعدات الحكومية نفس اليوم انت مشمول بالتامين الصحي حتى لو لم يكون عندك الكارت يعني من ساعة الي سجلت بالمساعدات راح يكون عندك تامين صحي حتى لو الكارت بعده ما جاي لانه يتاخر اسبوعين او شهر من تقدم راح يكون عندك الرقم مال تامين الي يكون مكتوب على الكارت وحتى ما يكون عندك هما يسالون بالمستشفى عندك تامين لو لا من تكول انت هسى سجلت بس بعدني دانتظر الكارت راح هما يتصلون بشركة التامين وينطون اسمك وهما ينطوهم رقم الضمان الصحي للعائلة وحتى لو ما امقدم على اي ضمان اكوا داخل المستشفى نفس الضمان الصحي مدي كيت هم مال حكومة وراح يكون عندك نفس الحظة ضمان صحي ولا تدفع اي شي
والولادة تكون على حساب الحكومة مهما كلفت من مصاريف حتى لو وصل الى مليون دولار ما دام عدها تامين صحي واكو هم مكان تسجل بيه ينطون حليب للطفل لغاية عمر خمس سنوات وهم للام الحامل بداية الولادة ولغاية بعد الولادة مدة 6 اشهر تاخذ الام الحليب والمواد الغذائية لها مثل جبن حليب علب من البقوليات وانواع الكاستر واي شي تغذية للحامل قبل الولادة وبعد الولادة 6 اشهر واسم المكان فوك سهوب لازم تروح تسجل بهذا المكان لانه اذا تشتري حليب على حسابك كلش غالي كل علبة حليب من النوع الباودر تكلف 13 دولار وكل علبة من الحليب السائل الباكس الكامل يكلف حوالي 45 دولار يكفي لشهر بس من هيجي اكول لازم تروح تسجل بهذا المكان وتكدر تسال اي شخص موجود قبلك بنفس الولاية الي انت تروح الها واعتقد هم ياخذون راتب للطفل لغاية عمر 18 سنة وهو 180 دولار هاي مثل مصاريف الحفاضات حسب ما سامعة المهم اخي لا تهتم كل المصاريف على حساب الحكومة اذا انت تستلم مساعدات ومهما تكلف المصاريف وحدة صديقتي كلفت مصاريف ولادتها 300 الف دولار لانه كان حامل بتوم وجابتهم على خمس اشهر وبقوا بالمستشفى تقريبا خمس اشهر اخر لانه كانوا بعيد عن السامعين مشاكل صحية لهذا السبب كلفت مصاريف الولادة بهذا السعر وهي مدفعت ولا فلس لانه كان عدها التامين الصحي المهم انشاءللة تولد زوجتك بالسلامة وربي يخليلك البيبي وامه وتفرح به وطبعا راح يكون عنده الجنسية الامريكية قبلكم على عناد امه وابوه واي استفسار اخر تدلل اخي ربي يخليلك العائلة وتفرحون بقدوم المولود الجديد ويكون وجه خير وبركة عليكم بالتوفيق تحياتي
-
بارك الله بكم وبجهودكم المميزة
شكر خاص للاخت Angie
-
مشكورة اختي العزيزة انجي
-
اخي العزيز storm2
السلام عليكم ورحمه الله وبركاته
اخي انشاء الله اختنا زوجتكم تقوم بسلامه .. حبي من فضلك سؤال خاص انته زوجتك بيا شهر هي حاليا شوكت السفر انشاء الله لانه اني بالحقيقه زوجتي هم حامل ودخلت بالشهر السابع قبل ايام وانتظرا موعد السفر ؟؟؟ ارجوا تقبل مني مروري وسؤالي
ابو مرتضى
-
اخويه Storm 2
اني وياك نفس الحاله مثل ماتدري و مقابلتي بدايه الشهر الجاي و مرتي حامل بالشهر السادس ممكن رجاءا تكولي بالمقابله ما سالوك على الحمل و بالفحص الطبي و اي اجراء راح تختار يعني تخلي تولد هنا لو هناك اني تره حاير مثلك و يمكن اكثر و ولازم نبقى نتبادل المعلومات للفائده العامه
و شكرا
-
طبعا بالبداية اتوجه بشكري الخاص للاخت انجي بصراحة الكلمات تعجز عن ما تقدميه خدمة لهذا المنتدى تمنياتي لكي بالنجاح والموفقية وشكرا على الرد اللطيف والمعلومات الوافية انتي ما اعزمج على غدة انتي اجيج واعزمج على غدة انشالله نلتقي هناك واشكرك شخصيا تحياتي الك وشكرا جزيلا
بالنسبة للاخوة ايزي والاخ عبدو
اخوان اني زوجتي حامل بالشهر الخامس ومقابلتي خلصت شوفو حبابيب بالنسبة للسفارة ماراح تسالكم الا بدافع الفضول فقط يعني من ما تبين لي هو سؤال غير رسمي سؤال شخصي يوجها القنصل الك يعني اني من عرفت اني مزوج سالتني عندك اطفال اني جاوبت لا لكن زوجتي حامل كالتلي مبروك سالتني بيا شهر كلتلها بالخامس هاي بالنسبة للسفارة بالفحص الطبي اني سالت الطبيب وكالي هو مقابل القنصل شخصيا وسالة هذا السؤال المرأة الحامل شنو موقفها القنصل كايل ما الهم اي علاقة بهذا الموضوع والفيزا تصدر بكل الاحوال تبقى مشكلتك وين وية الاي او ام والمطارات على حد علمي المطارات تمنع صعود حامل بالشهر التاسع اي الاخير للطائرة خوفا على حالتها الصحية ويقال ولست متاكد من هذا الخبر بس اني قريتة على احد المواقع السفرية انو تكدر اجيب تقرير طبي من الطبيب الخاص لحالة زوجتك يؤكد سلامة زوجتك والجنين من اي اعراض صحية ويسمح لها بالطيران والباقي على الله
اخوان تقبلو تحياتي واي سؤال اني حاضر اخت انجي شكرا مرة اخرى