ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي من امريكا في 08:20 13/09/2009
-
السلام عليكم
اشلونكم اخوان العيناكويين ... اشلونهم الخبراء
طبعا منتداكم يخبل و بيه حقيقة خبراء المفروض يصيرون بالستيت ديبارتمنت او محامي لجوء ... الله يوفقكم
طبعا من خلال قرائاتي شفت كل قضية ممكن تشابه او ممكن تختلف عن القضية الثانية و انتوا تعرفون قضيتي للمتابعين ...
اني لاجيء داخل امريكا يعني محصل اللجوء Asylum من داخل امريكا يعني لا مفوضية لا امم لا اي او ام ...!
بديت بمعاملة لم الشمل لأهلي بالشهر الثالث ووصلني الـتأكيد من DHS على قبول اسمائهم و حتى سوولهم Alien Number خوش حجي (سؤال : هل تعتبر موافقة ال DHS هيه الموافقة الامنية ؟ ) و بعدين دزو الملفات للفيزا سنتر بنيوهامشير اللي دزتها بالشهر السادس الى بغداد و الى السفارة الامريكية، طبعا استملت من السفارة ايميل لازم املي فورمات هوايه و اضافة الى مستمسكات العائلة و الفورمات (I-590, G646, DS230, I-765,..) زين اخوان و رسالتهم كانت بنهاية الشهر السابع (طبعا ما اعرف ليش استغرقوا كل هاي الفترة بين بداية السادس و نهاية السابع حتى يتصلون بيه ؟ و هذا هم سؤال ) ..
المهم دزيتلهم الشغلات كلها و المرفقات اللي خليت زوجتي توقع عليهن و ترسلهن إللي و ارسلتها بالايميل للسفارة قبل شكم يوم و دزولي خبر ( احنه استلمنا الرسالة مالتك و المرفقات ) راح اهلهل ... طيب اخوان ( أني هسه وين بالاعراب من هاي السلسة ؟؟؟؟ )
طبعا بعد شغل هوايه و المحامين ( السفارة راسلت المحامي و تقول مجرد ما نراجع المستمسكات راح نطلب من عائلته يحضرون علمود الفيزا ؟؟ و هذا سؤال شكد تتوقعون يعني، لأن بصراحة اني رجلي بالشمس و اموووت من شلغة الفورمات و هاي السوالف )
طيب شغلة الفيزا شكد تتطول بعد المقابلة ويه السفارة ؟
و هم شغلة لخ اني قريت انو فترة السماح للفيزا هيه 3 اشهر و طبعا اني كفيل عائلتي و هذا اني موقع عليه بالفورمات زين السؤال هنا : لازم زوجتي تتصل بال اي او ام IOM علمود المساعدات اهنا ( شغلة التأمين الصحي و غيرها ) لو أخليها تسافر و منا يم المنظمة اللي يمي اوديها حتى تنشمل بالمساعدات ؟؟؟؟!
أني عندي شغل و عندي تأمين صحي من الشغل مالتي بس ما يكفل اهلي حاليا لازم على السنة المالية الجديدة !!!!
يعني بخبرتكم شكد راح تطول عائلتي و توصلني لامريكا من تاريخ رسالة السفارة الاخيرة قبل شكم يوم !!!!!
مع حبي
ارجو ترسوني على بر الامان لأن دخت !!!!
مع حبي لعكعك و بقية العينكاويين
-
عليكم السلام اخي الكريم ورحمه الله وبركاته
تحيه طيبه
(سؤال : هل تعتبر موافقة ال DHS هيه الموافقة الامنية ؟ )
اخي هذه تعتبر موافقه مبدئيه وليس موافقه امنيه
(طبعا ما اعرف ليش استغرقوا كل هاي الفترة بين بداية السادس و نهاية السابع حتى يتصلون بيه ؟ و هذا هم سؤال ) ..
عادي ولا تستغرب من ذلك
طيب اخوان ( أني هسه وين بالاعراب من هاي السلسة ؟؟؟؟ )
انته هسه داخل باجراءات اداريه وامنيه
و هذا سؤال شكد تتوقعون يعني، لأن بصراحة اني رجلي بالشمس و اموووت من شلغة الفورمات و هاي السوالف ) طيب شغلة الفيزا شكد تتطول بعد المقابلة ويه السفارة ؟
قد تكون بنفس يوم المقابله وقد تكون بين اربعه ايام الى اسبوعين
زين السؤال هنا : لازم زوجتي تتصل بال اي او ام IOM علمود المساعدات اهنا ( شغلة التأمين الصحي و غيرها ) لو أخليها تسافر و منا يم المنظمة اللي يمي اوديها حتى تنشمل بالمساعدات ؟؟؟؟!
ماعندي جواب اكيد حول هذا السؤال ولكن على الارجح وزاره الخارجه والهجره ترتب وتنسق هذا الموضوع مع احدى المنظمات
يعني بخبرتكم شكد راح تطول عائلتي و توصلني لامريكا من تاريخ رسالة السفارة الاخيرة قبل شكم يوم !!!!!
بس الله سبحانه وتعالى يعرف
تحياتي وتمنياتي للعائله ولك بالتوفيق
-
يارب تتيسر امورك اخي عراقي من امريكا وبارك الله بيك اخي عكعك على الجواب
-
بس تجي عكعك ارجوك تدرس محاماة
يعني اجوبتك مال محامين
الله يسمع منك
و شكرا لكمال الشاطىء ... شكول اذا سنة و تسع اشهر بعيد عن زوجتي !!!!
بس الله اليعلم
-
اخي الكريم
اللي اعرفه انه بما انه انت مقدم من امريكا يعني لا امم و الIOM فأخي الكريم انت زوجتك ماراح تنشمل بالمساعدات و حتى التذاكر مال الطيارة راح تكون على حسابك
اني اخي هم كان على دراسة بامريكا ثم قدم لجوء وانقبل و كانت زوجته في العراق المعاملة كلها طولت سنه و نصف و قبل أسبوع دخلت زوجته و وأولاده لامريكا
راح يدزون على زوجتك بالسفارة اتوقع على اوراق مااعرف شنو بالظبط ثم الفحص وراح تنطيهم الجوازات وبعدين تظهر الفيزا الفيزا طولت تقريبا أسبوعين و سافرت عن طريق تركيا بس مامشموله لا بالمساعدات و حتى لتذاكر كانت على حساب اخي و هو اخي أستقبلهم بالمطار من نيويورك
-
أخي الكريم ،
انت صح حاولت تفصل قصتك وعندك محامين بس نسيت توضح اهم نقطة حتى الناس تكدر تجاوبك، انت بيا طريقة سويت معاملة لم الشمل؟ هل I-130/p2 (وهاي الي تصير عن طريق الـ IOM ) لو انت قدمت على I-730 وهاي الاخيرة ما الها علاقة بالـ IOM وزوجتك ماكو داعي تتصل باي واحد بالخارج، وفور دخولها راح تكون مشمولة باي مساعدات انت تكون مشمول بيها ولنفس المدة، والاخوان جاوبوك على بقية الاسئلة، اما نقطة صلاحية الفيزة (انت سميتها فترة سماح الفيزة) فتحتسب من تاريخ اصدارها.
تحياتي
-
أخي الكريم ،
انت صح حاولت تفصل قصتك وعندك محامين بس نسيت توضح اهم نقطة حتى الناس تكدر تجاوبك، انت بيا طريقة سويت معاملة لم الشمل؟ هل I-130/p2 (وهاي الي تصير عن طريق الـ IOM ) لو انت قدمت على I-730 وهاي الاخيرة ما الها علاقة بالـ IOM وزوجتك ماكو داعي تتصل باي واحد بالخارج، وفور دخولها راح تكون مشمولة باي مساعدات انت تكون مشمول بيها ولنفس المدة، والاخوان جاوبوك على بقية الاسئلة، اما نقطة صلاحية الفيزة (انت سميتها فترة سماح الفيزة) فتحتسب من تاريخ اصدارها.
تحياتي
عاشت ايدك اخوية
صحيح اني قدمت زوجتي على معاملة i-730
واني من حصلت اللجوء هنــا صارت عندي مساعدات من منظمة الاي ار سي و حالي حال اللاجيء على الاي او ام بس !!!
فعلى كلامك و كلام الاخ السابق
يعني زوجتي تجي لهنـــا ( أني ادفع تكلفة الطيارة ) لكن تكون مشمولة بالمساعدات من المنظمــة و همه قالولي بالمنظمة انه تكدر تنشمل بالتأمين الصحي و الكاش بس مو فووود ستامب لأن اني عندي راتب من وظيفتي !!!!
و تحياتي للجميع
-
تسلمون اخوتي على هذه المعلومات القيمة وشكر خاص لموسوعتنا الاخ عكعك المحترم