ankawa
منتدى الهجرة واللجوء => الهجرة و واللاجئين => الموضوع حرر بواسطة: اسير الغربة في 08:51 13/09/2009
-
السلام عليكم ..
اكوا كم سؤال بحاجة الى كم جواب..ارجوا المساعدة بالاجابة عليها لتعم الفائدة للجميع
1-شباب بالنسبة للمساعدات المادية ( على فرض 5 اشخاص بضمنهم فوق 18سنة ) تسلم لكل شخص ام تسلم لصاحب الكيس بالكامل؟؟.. لان الشباب اذا استلموه اقر عليها السلام ..
2-بالنسبة لسلسلة المراجعات تكون للجميع ام لصاحب الكيس فقط ؟
3-المساعدات الغذائية كل شخص من العائلة كارد لحالة ام العائلة كلها مجتمعة بكارد واحد ؟
4-سمعنا من بعض الاشخاص انه يمكن بعد شهر او شهرين من استلام حصتك الغذائية يمكن الطلب من الجهة المسؤلة لتحويلها الى نقد بدل الكارد .. اكو هيجي فلم ؟؟
5-اول شئ ممكن يحتاجة الشخص اتصور الهاتف الارضي و النت .. هذولة منو يسويها؟؟ المنظمة ام الشخص بنفسة وشـــــــــــلون ومنين يبلش بيه؟؟
6-اسعار اللابتوب .. اتصلت بصديق بولاية اريغون ويكول الاجهزة المستعملة الموجودة كلها تعبانة وزبالة واسعارها جدا مرتفعة وموديلاتها قديمة جدا احسلك جيب وياك .. اكو هيجي حجي؟؟؟
وشكـــرا
-
مرحبا اخي اسير الغربة
1- بالنسبة للمساعدات طبعا حسب الولاية مثلا كلفونيا او مشكن المساعدات لعائلة مكونه من خمس نفرات ياخذون مبلغ كارت الطعام حوالي 612 دولار والمبلغ الكاش 800 دولار وتامين صحي واذا عندك احد اولادك فوق السن القانوني مثلا 18 سنة راح يكون فايل لوحده وينطون كاش اله 190 دولار والفود ستام سيكون معكم وليس لوحده وكل العائلة بنفس الكيس ونفس الكارت الطعام والكارت الكاش مثل فيزا كارت تكون بس اذا عندك احد اولادك فوق 18 سنة هذا يكون لوحده
2- بالنسبة للمراجعات تكون فقط للام والاب والاولاد فوق 18 سنة بس
3- كارت الطعام واحد لكل العائلة مهما كان اعمارهم
4 - لا اخي لا يوجد هذا الشي المبلغ الكاش يكون بالكارت على شكل فيزا قبل كان هكذا لكنه من كثرة المشاكل غيروه
5- بالنسبة للهاتف الارضي وغير الاشياء الضرورية هذا تكون من واجبك انت مو المنظمة انت تتصل بالشركة وهما يقومون بالازم من ناحية الهاتف والنت
6 - حسب الولاية وحسب الاماكن تكدر تجيب وياك مثل الاخوة كلهم جابوا وياهم لاب توب
هاي هي خلصت اسالة مال امتحان وتدلل اخي
-
السلام عليكم
اخي العزيز . كلام اختي انجي صحيح وهي وضحت لك كل الامور ..وجيب وياك لابتوب لان هنا ماكو لابتوب بيه عربي.
ابو انس
شيكاغو
-
أخوية العزيز........ز
طبعا أكيد جاوبتك الأخت أنجي على كل الأسئلة الي طرحتها ...ومراح تحتاج أي شي بعد ....بارك الله بيج أنجي...............
تحياتـــــــــــــــــــــــــــــــــــــــــــــــــــــــــي ;)