ankawa
منتدى الهجرة واللجوء => الهجرة و واللاجئين => الموضوع حرر بواسطة: القرش في 10:11 14/09/2009
-
السلام عليكم
اخواني اخواتي اعضاء منتدانه العظيم
الكل يعرف ان هناك اعضاء جدد في المنتدى وبكثره والمفروض ان نفرح لهذا الاقبال الكبير منهم لمنتدانا ونساعدهم ونقف بجانبهم مثلما وقف الاسبقون معنا ووصلنا الى ارض الاحلام ونحن بدرايه كامله عن كل الاوضاع هنا في امريكا العظيمه ....اخواني الواصلين الى امريكا هناك الكثير من الطلبات من الاخوان يسألون عن كل ولايه وعن المساعدات المقدمه من المنظمة او من باقي المنظمات الخيريه .والرجاء منكم اخواني ان يشرح كل واحد منكم عن مساعداته ومااستلمه من المنظمات المسئوله والخيريه وهذه المعلومات سيستفاد منها اخواننا الجدد (ولاتخافوا مااحد يصيبكم بالعين ) ولاننسى كم استفدنا من هذا المنتدى وكيف كنا مثل العميان لولا منتدى عنكاوا الموقر . ولكم جزيل الشكر اخواني الكرام .
واريد اشوف منو اول عضو متألق سيفتتح الموضوع
ارجو من الاداره الموقره اذا امكن ان تثبت الموضوع بحال نجاحه ومشاركة الاخوان في امريكا .وذلك للمصلحه العامه والمنتدى .
ابو انس
شيكاغو
-
بارك الله بيك ابو انس واكيد الاخوان ميقصرون
-
تسلم وتعيش ياوردة
-
شكرا جزيلا اخونا العزيز على هذه المبادرة الطيبة و احنه في امس الحاجة الى اي معلومة عن امريكا و شكرا جزيلا
مع تحيات العربيد الأزرق يمه اخوفففففففففففف
-
مشكور عيني ابو انس على اهتمامك
وربنا يباركك
-
متألق دائما يا وردة اني اعذروني انقطع وارجع كل فترة .. اني مستعدة اجاوب عن اي سؤال من الاشياء الشفها ودا اشوفها واتعلمها يومية هنا بامريكا
ام تبارك
ويسكنسون - ميلووكي
-
احبائي اسف عن الانقطاع ........ لاسباب كثيرة اولها الركضة على المعاملات وثانيها عدم توفر النت الا قبل اسابيع قليلة
حبايبي مثل ماقسم منكم يعرف انا وصلت قبل شهرين تقريبا الى ولاية وست فرجينيا وساكن في العاصمة جارلستون.. الولاية جدا جميلة وجوها حلو بس هناك مشكلة وهي عدم وجود عراقين معنا احتمال عائلتين وساكنين خارج العاصمة وحسب ماتعرفون الواحد يحن لاهلة ولغتة الجميلة بس الحمد لله على كل شي الناس جدا طيبين وودودين ومرحبين بينا الى ابعد الحدود بحيث من يعرفون بينا عراقين يتعدرون على ماحدث ويسالون هل يوجد ضغينة
نجي على المهم وهي الاوراق مثل السوشك طول تقريبا اربعين يوم يلة استلمتة وهاي مشكلة لان كلشي ماتكدر تسوي بليا وكلشي ماتكدرتسوي بلا سيارة والسيارة يرادلها سوشل ولكن الحمد لله اشتريت سيارة على كدي ومحد اله دخل بيك يعني بلمعقول وفتحت حساب بلبنك حتى اكدر ادفع الفواتير
الاطفال دخلو مدرسة والحمد لله جدا متعاونين بس ياجماعة اهم شي جيبو وياكم التطاعيم ومترجمة لان يعيدوها كلها على الاولاد
الفودستامب وصلني بعد اسبوعين مع كاش موني يعني عائلة مكونة من خمس اشخاص الفود ستامب 750 والكاش 450 وهاي حسب ماعرفت يعتمد على الولاية وحسب دخل الفرد بهاي الولاية الايجار المنظمة دفعت شهرين فقط ومن المبلغ المخصص لنا ال 450 دولار والباقي استلمنا ايجار الشقق والبيوت تقريبا نفس الشي بيت 3 غرف نوم 750وغرفتين 600 والكهرباء والتوابع عليك ومع الاسف التوابع مرات توصل لل 500 واكثر يعني الكهرباء اجاني 209 هدا الشهر
نجي على المنظمة وهي كاثولك جارتي واعتمادها على كنيسة لمساعدتنا والله ينطيهم ماقصرو بشي من اجرنا البيت عشرات الاشخاص معنا كانو متطوعين من الكنيسة ساعدو في التنظيف والترميم ونقل الاثاث
الحمد لله على كل شي احبائي ماحجيلكم كل ساعة جماعة داكة الجرص وجايبة شي يعني البيت كمل من احسن وافضل الاشياء وكثير من الاثاث جديد المساعدات لمدة ثمانية اشهر مع الفود ومديكت والكاش وادا اشتغلت حسب دخلك يبقى وادا دخل العائلة 2750 وفوق تنقطع المساعدات او تقل
بلنسبة للشغل موجود وبلنسبة الي شغلي مع صديقي وكفيلي وبدات عملي معه تقريبا شهر بعد اكتمال اوراقي واخد اجازة السوق والي ماكو اسهل منها اما الشغل عن طريق المنظمة هم موجود هسة زوجتي تنتظر فرصة لشغل مناسب يتوافق مع وقتي لان عدنا اطفال ولازم تنظم وقتك معهم
اخواني واخواتي ابدا لاتتاثرون بكلام احد الحياة هنا جدا مريحة وانت الي تتحكم بيها تسويها جنة لو نار ومحد يموت من جوعة اخوان لكل شي اكو برنامج لمساعدتك يعني مثل الهاوسنك وهي بيوت تسكن بيها والحكومة تساعدك بدفع قسم من ايجارها ولكن المشكلة بلمنطقة والجوارين والي راح يتبعا المدارس بس الواحد ادا مجبور يسد بابة ويرتاح من المشاكل ومحد يندك بيك
واي سوال بلخدمة وان شاء الله اكون قد فدتكم ولو بشي بسيط والله ياخوان انتو كنتم سندي ومازلتم ان شاء الله ماقصر وعدروني عن الانقطاع ورة لخ ادكركم لالالالالالالالاتخافون ولالالاتترددون وربكم ماينسة عبدة
سوالي عن اخوتي عكعك وشيبو وابو دجلة الغالي ماهي اخر تطوراتكم حبيبي الغالي ابو انس الحمد لله على وصولكم انت والعائلة الكريمة ان شاء الله بلتوفيق ادارتنا العزيزة اشكركم لسعة صدركم وتعاونكم معنا برج وتايكر والاخرين كلكم عزاز علينا شكرا مرة ثانية واي سوال اني بخدمتكم
تمنياتي للجميع بلموفقية وتحقيق الامنيات
اخوكم المحب ابو لانا
-
:-*عيني ابو انس الوردة اني اخوك احمد قريب عليك في مدينة روكفورد اريد منك اخبار عن المنظمة الي اساعدنة طبعن انا بعدني في الاردن بانتظار الامنية ابو انس اريد مساعتك حبيبي حبيبي لاتنساني اخوك احمد البغدادي
-
اخي ابو انس دائما خلاق ومواضيعك مفيده ومشوقه بحيث خليتنا نترقب نزول مواضيعك لان اكيد راح نلكي بيها المعلومه الجميله وباسلوبك الشيق
وهذا الموضوع الحيوي الي اول شي يتبادر لذهن الاجئ
ياريت اخوانا اباقي الولايات اتكون مساهمتهم مميزه بهذا الموضوع
اما اخي ابو لانا شنو هذا الشرح الحلووو وشنو هاي الولايه الي سويتها جنه اللهم بلا حسد
بس طريقتك السلسله بالشرح وتوضيح كل التفصيلات خليتنا انعيش وياك بكل تفصيلات الولايه
ياربي ايوفقكم وايسعدكم ويفتحلكمياها من اوسع الابواب
اختكم ريم
-
اخي ابو انس المحترم اشلونك اشلون العائلة انشاء الله بخير
والله اشتاقينه الك صار فترة غايب علينه الحمد لله ضهورك مرة ثانية
نسال الله التوفيق لك والعائلة
اخوك غريب اني
-
اخي العزيز ابو لانا
عندي اسئله اذا امكن--- خروجك كان على الاي او ام او اس اي في وكم كانت الفتره من المقابله الاولى الى ان خرجت ومن اي دوله وهل السكن كان مهيا لك حسب عدد العائله ان كان بيت او شقه وهل المدينه بارده اوحاره لان اني بصراحه نفس عدد افراد اسرتك --------------
مع الشكر الجزيل
-
بارك الله بيك اخونا العزيز ابو انس الورد ...
والله اني ماعندي شي احجي لان مثل متعرفون اني مستلمت مساعدات وغيرت ولايتي والحمد لله على كلشي ...
تحياتي الك ولجميع الاخوة ...
ابووو اللــــــــــــــــون الورد تحياتي حبيبي وعاشت ايدك على هذا الشرح الحلو والله يبارك بيك ويوفقك .... تحياتي
اوديسوس
فرجينيا
-
اخي العزيز iraqidau تقديمي كان مباشر على ال اي او ام وفي الاردن والفترة كانت تقريبا عشرة اشهر اما بلنسبة للسكن كان غير مهيء وسكنة في موتيل على حساب المنظمة الى ان لكينا بيت مناسب وبسعر مناسب بس اعطونا مدة اسبوع للبحث يعني بقينا اسبوع في الموتيل والمنظمة والكفيل ساعدونا في ايجاد البيت والبحث وعدم وجود سكن مهيئ كان بسبب المنظمة وعدم علمهم بوصولنا الابايام قليلة اما بلنسبة لجو المدينة فهو معتدل صيفا مع وجود رطوبة قليلة ويكلون الشتاء بارد واي سوال انا بلخدمة
-
بارك الله بيك ابو لانا هذا الكلام الصحيح مو مثل البعض يسوون امريكا موزينة و هم متمتعين و مرتاحين لعد البقاء بالعراق احسن لو بالدول العربية الي هي بعيدة عن الأسلام و الأنسانية ممنونين منك على هذا المجهود
-
عاشت ايدك اخي العزيز ابو انس دومك مبدع وتحب الخير لأخوتك العراقيين
ابو فهمي
-
الاخ ابو لانا المحترم
اشكرك على الاجابه السريعه ------------اريد ان استفسر منك على تغيير الولايه هل تم تغبيرها عندما كنت في عمان او عندما وصلت وكيف تم التغيير مباشره من المطار او استقريت في البدايه وبعدين غيرت لاني اريد ان اغير ولايتي واني حاير صراحه حيث ان ولايتي هي فارغو ولايه نورث داكوتا ولكونها بارده واني الان عندي صديق في اريزونا وممكن ان يكون اسلونسر لي ارجو النصيحه يااخي العزيز
مع الشكر الجزيل
-
السلام عليكم
اخويه الغالي ابو لانه الورد الف الف الف شكر منك على هاي المعلومات واكيد الاخوان هسه صار عدهم معلومات جيده وان شاء الله من يوصلون يكونون على درايه بكثير من الامور ..اتمنالك كل الخير والصحه والعافيه يااخي العزيز ابو لانه .
ابو انس
شيكاغو
-
ابو انس وينك انتظر منك جواب اخوك احمد
-
السلام عليكم
اخويه العزيز احمد البغدادي عيوني انت تأمر امر واني اخوك واي شي تحتاجه اني حاضر ...بس اريد اعرف انت على اي منظمه حتى اكولك شنو مساعداتهم ...وبس لايحولوك على الكاثوليكيه تره ابد مو زينه وعدهم هوايه عقوبات للاجئين وهوايه شروط تعسفيه .. انت حاول تعرف منظمتك وراسلني وان شاء الله خير لاتشيل هم .
ابو انس
شيكاغو
-
ابو أنس دومك سباق في فعل الخير
ربي يبارك بيك ويحفظك
وأن شاء الله الأعضاء الي بأمريكا يفيدونا
ونكون شاكرين الهم وبارك الله بكل واحد يقدم خدمه لأخوانه
وأن شاء الله احنا هم نفس الشي من نوصل نساعد للي يحتاجون من عدنا مساعده
أدعولنا بلسفر القريب ;D
-
اخي العزيز ابو لانا السلام عليكم وعلى كل اعضاء المنتدى
مشكو على هذا الشرح الوافي عن تجربتك في الولايات المتحده وارجو منك سعت الصدر والجواب على سؤلي اذا كنت تعرف شيء عنه
لقد علمت او قرئت في المنتدى انه يتم السؤال اذا كان الاجئين يملكون المال وفي حلت انهم يملكون المال تقطع عنهم المساعدات واذا اكتشفوا ذلك بعد مده سيتم معاقبت الاجء وفرض غرامات عليه وعقوبات قد تاخر الكرين كارت والجنسيه واذا كان هو كذلك فكم هو المبلغ المسموح به او الذي يكون معقول
ولكم جزيل الشكر والامتنان
-
اخويا العزيز ابو لانا الورد
الله يبارك بيك ويوفقك كفيت ووفيت
عندي سؤالين
الاول - سئلوا الاخوان حول تغيير الولاية
الثاني - اذا امكن توضحنا ( اجازة السوق ) تفيدك الاجازة الدولية الصادرة من العراق
تسلم وتعيش والله يوفقك
-
الاخ الفاضل ابو انس الوردة
مساهماتك دائما غاية بالروعة و مفيدة جدا وهذا الشي ايدل على كرم اخلاقك و حسن سلوكك والله يوفقك ويحفظك ويوفق الجميع
انا الحقيقة من هذولي الناس الجدد بالمنتدى واتشرف ان اكون عضو وياكم بس بعد الطريق امامي طويل ومع ذلك احب اسمع قصص الناس الي بامريكا حاليا.... تحياتي الكم جميعا
شكرا جزيلا
اخوك زيوس
-
اشكركم جميعا واتمنى لكم راحة البال والسفر والاستقرار
بلنسبة عن المبلغ اخد و شكد متريدون ولا احد يسال لاسيما في نيويورك وكان سوال ومحد فتش ولكن القانوني هو 10 الاف دولار كل عائلة واكيد ادا المنظمة عرفت عندكم فلوس تنقطع المساعدات اما بلنسبة للعقوبات اسف ماعندي علم بلموضوع
اخي iraqidau انا لم اغير الولاية في بداية المقابلات في ال اي اوم حددت الولاية لان عندي كفيل بس حسب علمي تكدر تغير الولاية عند وصولك ولكن بشرط قبل ان توقع على اي اوراق ونصيحة ان تعطي اسم صديقك في اريزونا لكي يكون كفيلك يعني اخصمها من البداية في ال اي او ام وليكون معنوي فقط
اخي العزيز اهلي ياعراقين اكيد اجازة السوق الدولية تفيد اصدار اجازة السوق جدا سهلة وهي عبارة عن جزئين نظري على الكومبيوتر اسئلة تقريبا 23 سوال وادا جاوبت على 19 كافي والاسئلة بسيطة عن الاشارات وما شابة تكدر تدخل على موقع اجازة السوق التابعة لولايتك وتقرا الكتيب وقوانين الولاية وتروح تمتحن والعملي يسمو رود تيست وهي تاخدلك فرة بلسيارة مع الانتباه على الاشارات والله وكيلك
تحياتي لكم ياغلى الاهل وبلتوفيق
-
السلام عليكم
اخواني اشكركم على مشراكاتكم والمتألق ابو لانا الله ينطيه الصحه والعافيه ....بس الى حد الان ماشفت احد شارك وشرح عن ولايته ومنظمته شنو الاخوان يخافون من العين والحسد هههههههه لو شنو ؟؟؟؟؟يمعودين وينكم صدك جذب .
اخوان احجيلكم شويه عن منظمتي وهي الاثيوبيه .جزاهم الله الف خير متعاونين ومامقصرين لحد الان .
اخواني اول ماوصلت طبعآ اني كفيلي هي اختي وتسكن هنا في شيكاغو من قبل 7سنوان .ثالث يوم زارني المسئول علينا وجابلي صك ب 1800$وكال هذا ايجار وتآمينات اول شهر ورحنه سوى للبابلكيت وسوينه الفود ستامب وهو 668$ ..وكال ومن الشهر القادم نبدي وياك البرنامج وهو .900$ للايجار ... و480 مصرف جيب .... والفود ستامب مستمر..وبعدها استخرجنا السوشيل وهوية الولايه وهوية العمل وجابولي شوية اغراض للبيت وارسلوا جماعه متطوعين جابوا اغراض جديده بسيطه للبت ...وقبل يومين ارسلو هديه بايسكل لابني الصغير جديد طبعآ وبس هههههههههه ...وابو المنظمه اخبرني انه اذا لكيت شغل بهاي الفتره واشتغلت ماتنقطع مساعدات المنظمه وكال اذا اشتغلت باي مكان وبدون انقطاع لمدة 3شهور ننظيك شهر اضافي مساعدات هديه وتشجيع من المنظمه وهذا حسب كلامه ..وهذا كل الي حصل ويانه لليوم وطبعآ استلمنه المدكل كارت بعد وصولنا ب8ايام واكملنا الفحوصات الطبيه وطبعآ هاي كلش مهمه للكرين كارت واوصيكم ان تكملون كل الفحوصات واذا انطوكم موعد ثاني للفحص بعد شهر ارجو ان تروحون على موعدكم لان اي تخلف مايطلع الكرين كارت اكرر مايطلعلكم الكرين كارت يعني شنو يكولون بالمستوصف لازم تسمعون كلامهم وتكولون نعم وبكل ممنونيه .
هذا واتمنالكم الموفقيه واي سؤال اني برسم الخدمه وتتدللون .
ابو انس
شيكاغو
-
و الله كلمات الشكر عاجزة ان تطلع من فمي لتحيي اصابع يدك الكريمة التي تكتب هذه الأسطر و بما فيها من معلومات قيمة و مفيدة للجميع و خصوصا لنا نحن الذين لم تتسنى لنا فرصة السفر الله يطرح بيك البركة و يقدرك على عمل الخير
-
يسلمووو اخ ابو انس
اعضاء هالمنتدى كلهم شهامة وميقصرون باي سوال
اختك عراقيةوافتخر
-
موضوع جميل من اخ اجمل بارك الله بك اخي ابو انس وبارك الله بيك على حب المساعده اتمنالك كل التوفيق يارب وسلامي للاخت ام انس والاخت ديما والاهل جميعا
تحياتي اخويه العزيز
-
اني راح احجي عن ولاية ديترويت مشكن
الايجارات
البيوت بيت طابقين اربع غرف نوم وصالتين وحمامين بسعر 1200 دولار بمنطقة جيدة
وبيت ثلاث غرف نوم وصالة بسعر 750 دولار بمنطقة هم جيدة
الشقة بمنطقة جيدة 600 دولار غرفتين وصالة وحمام واحد
شقة بمنطقة وسط 450 دولار غرفة وصالة وحمام واحد اكو مناطق زينة ومناطق اغلبها يعيشها السود هناك تكون الايجارات رخيصة والمناطق الي تكون اغلبها عراقيين واغلب المحلات العربية تكون اسعارها شوي اغلى
المساعدات 8 اشهر واذا ما شاف صاحب العائلة عمل يكدر يقدم مرة اخرى للمساعدات الى ان يشوف شغل
الاعمل الاكثر متوفرة حاليا هي الاعمال الحرة مثل محل تصليح تلاجات او محل ميكانيك او محل خياطة يطلبون عامل ومحل النجارة ومحل البيزا ومحل بيع المواد الغذائية ومحل الحلاقة ومحل لصبغ البيوت ومحل لتركيب الدش ومحل لتصليح الكمبيوتر ومحل لكوي وغسل الملابس ومطعم لوجبات السريعة وكثير من هذة الاعمال هي حاليا متوفرة ولكنها تطلب شخص معرفة او واسطة مثل ما نكول مشكن رائع لانه اغلب العرب فيها واغلب المحلات العربية موجودة هنا شئ مزعج بيها الثلوج والجو دائما مزعج هنا وقلت الاعمال شي الوحيد الحلوة بيها انه الاجئ مايحس بالغربة هنا الكل يساعده حتى لو ما نعرفة كل واحد يهدية هدية والكل يساعده بكل شي والمنظمات هنا هم كلش زينة هواية تساعد الاجئ هاي المعلومات عن الايجارات بالنسبة للمساعدات :
هي طبعا 8 اشهر
مبلغ عند الوصول تنطيه المنظمة 425 دولار لكل فرد من العائلة
المساعدات الحكومية يعني الولفر تامين صحي وكارت الطعام وكاش من المبلغ على شكل كردت كارت
بالنسبة لنفر واحد ينطون مبلغ كاش 300 دولار قبل كانت 150 هسى زيدوها صارت 300 دولار وكارت الطعام بيه مبلغ 190 دولار وتامين صحي
وبنسبة للعائلة طبعا حسب عدد النفرات تقريبا لعائلة مكونه من الاب والام وثلاث اطفال ياخذون كاش مبلغ 600 دولار وكارت الطعام تقريبا مبلغ 550 دولار وتامين صحي واذا الاطفال صغار يدهبون الى المدرسة يعطوهم لكل طفل مبلغ 180 دولار وطبعا دخول المدارس مجانا ومع وجبات الاكل اثناء الدراسة وجبتين ببلاش وطول ما يوجد عند العائلة التامين الصحي يكون الاكل بالمدارس ببلاش وحتى باص المدرسة يكون ببلاش لانه اذا ما عندكم تامين صحي معناها انتوا حالتكم جيدة وراح تدفعون فلوس الاكل وفلوس الباص الي ياخذ الطلاب الى المدرسة وبنسبة للاشخاص الي عدهم اهل مثلا رجل مسن او امراءة مسنه يكدرون يقدمون على التقاعد بس لازم يكون اعمارهم فوق 65 سنة وراح يشمل التقاعد راتب شهري 674 وفود ستام 150 دولار وتامين صحي واذا يحتاجون عناية خاصة يكدر ابنهم او بنتهم ان تقدم استمارة الخدمة حتى يدفعون راتب الها او له نسميها هنا ( كير هوم ) وينطون راتب قدرة من 250 فما فوق طبعا حسب الخدمة المقدمة لهم وطريقة عمل هذة الاستمارة تروحون للمكان الي قدمتوا اول مرة على شوسل نمبر وهنا اكو استمارة اسمها هوم كير تاخذوها تملوها بكل المعلومات من الاسم والعنوان وطبعا اهم شي تقارير الطبيب وترجعوها الهم بنفس الدائرة واذا وافقوا على طلبكم ينطون موعد حتى يجون للبيت ويشفون شنو الخدمة الي انتوا تقدموها للاهلكم مثل الوالد او الوالدة وراح ينطيكم اوراق على شكل مربعات صغيرة جدا لازم تكتبون بيها حرف x على اي فقرة مكتوبه للخدمة الي تقدموها لاهلكم وبعد ستت اشهر يجي نفس الشخص ياخذ الاوراق الي تملوها كل هاي الفترة وكل مرة على نفس الموال هاي هي طريقة الخدمة والراتب مثل ما كلت حسب الخدمة الي انتوا تقدموها لاهلكم الكبار بالعمر واكو هم شقق خاصة الهم وهم للدخل المحدود يكونون اقل سعر الايجار من باقي الشقق وحتى اذا لا سامح اللة ما يكون عندك مساعدات الحكومة ومااشتغلتوا راح تسكنون بهذة الشقق ببلاش الى ان تشوفون شغل انصحكم اخوانا رحوا سجلوا فور وصولكم للولاية بهذة الشقق وما يهم شوكت تتطلع المهم انتوا سجلوا بيها وحاولوا تسالون الناس الي قبلكم وين عنوان هاي الشق صدكوني كلش زينة بالنسبة الكم كبداية الى ان تكونون نفسكم واغلب الناس يسكنون بيها واتنمى انه كدرت اشرح ولو الشي البسيط الكم واي سؤال اخر عن مشكن او اي سؤال اني بالخدمة اختكم انجي
-
حبيبي ابو لانا الورد شلونك اخويه انشاءالله بخير سالت عليك العافيه انشاءالله واني سعيد بوجودك مره اخرى وسعيد بسماع اخبارك الطيبه اتمنالك كل الخير والتوفيق والنجاح والرزق الوفير والله يبارك بيك ويسهل امرك وبالتوفيق دائما
تحياتي واعتزازي
-
اخي الكريم ابو انس ,,,,,
بارك الله بيك على هاي الروح الطيبه ,,,,,, اني من العالم ما انكر الفائده الي قدملياها المنتدى و الاخوه و الاخوات الي كسبتهم من وره المنتدى ,,,,,, ولكن مرات الضروف متنطي للواحد فرصه بالتواجد مثل قبل ,,,, بس ان شاء الله اني احاول قدر الامكان اتواجد بالمنتدى ,,,,,, و اني بخدمه الطيبين ,,,,
-
السلام عليكم ورحمة الله وبركاته
حفظكم الله وجزاكم كل خير
الله يبارك بيكم ويوفقكم ويرزقكم ويفتحهه بوجهكم
دمتم ذخرا واخوة اعزاء
-
اذا محد يسولف غير ابو انس وابو لانا وانجي ترة اكسر واهسكم وابدي اسولفلكم على العيشة بولاية عراق دي سي
-
غريسو انت وين ساكن هسة انت مقدم على لجوء لو انت اصلا واصل الى امريكا؟؟؟ فهمنا لأن انت مبين عليك تفتهم و اني يعجبوني الي يفتهمون
عربيد
الأنتماء مافيا العراق
الرتبة القائد العام للحرس العربيدي
-
اخواني الاعزاء
منظمتنا هية ال IRC
خوش منظمة ولو بعد ما اكدر احكم
مريلاند ونورث فرجينيا كلش غالية ديروا بالكم
يعني شقتنا غرفة وحدة ب 900 دولار
بس الكهرباء عليهم
المنظمة استقبلتنا
محضرين الشقة
اثاث جديد بالنايلون وكتبت تفاصيله بموضوعي
100 دولار كاش
وثاني يوم قدمنا على السوشل سكيورتي نمبر ودننتظر
وهذا الي شفته لحد الان
-
شكرا ابو انس على الموظوع لان صدك اكو هوايه ناس محتاجين ايعرفون اخبارنا
اني وحده من الاعضاء الي استفاديت هوايه من هذا الموقع ومن ناسه الطيبين على كلا راح احاول افيدكم شويه
طبعا اني جنت لاجئه في يونان وقدمنا مناك اني وزوجي بعد ان رفظتنا اليونان ولان زوجي جان مشتغل ويه الامريكان قدمنا عن طريق الايميل وصارت المعجزه وطلعنا وحسب حجي السفاره جنا اول اثنين نطلع لجوء من اليونان الى امريكا ورسمي والحمدلله والشكر اني اعتبرها معجزه
وصلنا امريكا قبل 4 اشهر ولاية مشكن وشفنا الفرق الي مجنا نحلم بي بين امريكا والشعب الامركي ومعاملته للاجئين وبين اليونان الي عشنا اتعس ايامنا بيها
راح احجي عن المساعدات الي هسه احنا استلمناها صار 4 اشهر
اول ماجينا استلمنا الولكم جيك والي جان 850 دولار هاي مال نفرين ولمره واحده فقط ورها سجلنا بلوفر واستلمنا المدكيت والفود ستامب 370 هم للنفرين وتكفي وتزيد والكاش الي هو 403 دولار كل شهر
وهاي المساعدات تنزل كل شهر ولمده 8 تشهر قابله للتجديد في حالة عدم وجود العمل
وخلي اكون صريحه وياكم هاي المساعدات متكفي لان احنا نفرين وماعدنا اطفال فزوجي الحمدلله والشكر كدر ايشوف شغل واشتغل ومنقطعت المساعدات لان ميشتغل فول تايم علما بان اجرنا شقه اجارها 525 غرف وصاله واول شهر ابلاش والمي والهيت عليهم يعني السعر كلش اوكي ومنطقه راقيه
وكرايبنه الي شافوله الشغل والمنظمه عرظت عليه مرتين شغل وهو فظل هذا الشغل يعني بين قوسين اذا عندك لغه المنظمه اتشوفللك شغل بسرعه وهسه الحمدلله كلشي ماشي اوكي وامريكا بالنسبه النا حلوه للي ايشوف شغل واذا اشتغلت اهنا تكدر اتسوي كلشي واطور نفسك ومعيشتك مو مثل العراق شغل بلا تقدم
اما بالنسبه الي هسه حاليا داروح مدرسه تعليم لغه ومجانيه وهاي طبعا بطلب من المنظمه لان اني ماريد اشتغل اريد اتعلم لغه فهما يمهم لو شغل لو دراسه حتى المساعدات تستمر ميحبون الواحد بس يستلم مساعدات وميطور نفسه واي سؤال اني بالخدمه
-
حبيبتي لاجئه من يونان اني بمشكن منطقة سترلنك هايس اذا قريبة عليه امري اي شي تحتاجين راسليني على الخاص واني بالخدمة ومليون هلا بيج بالولايات المتحدة وبمشكن وبمنتدانا واسرتنا