ankawa
منتدى الهجرة واللجوء => الهجرة و واللاجئين => الموضوع حرر بواسطة: رشا بنت بغداد في 05:59 16/09/2009
-
ألسلام عليكم
اكو حالة صارت كدامي حبيت أحجيها للي ناوين يجون عن اللجوء اكو عائلة اعرفها من اجوي لامريكا المنظمة سالتهم شكد عدكم فلوس كالوا 12 الف وطبعا لا فود ستامب حصلوا ولا الفلوس الكاش مال الحكومة ولا الاب انشمل بالتقاعد كالولة من تثبت انة انت صرفت الفلوس كلها بلة نصرفلك نقاعد فارجو من كل الاجئين ابلاغ المنظمة من يسالوهم طبعا انة كل نفر عندة فد 200 دولار حتى ينشمل بالمساعدات وما على الرسول الا البلاغ
ودمتم اختكم رشا
-
تسلمين اختي العزيزه رشا على هاي النصيحه المفيده
-
صار معلوم وشكراً جزيلاً.....بس يبقى عندي سؤال : يعني خلي نكول انهم كالوا ماعدنا هذا المبلغ وشاء القدر انه عن طريق الصدفة يكتشفون اشكد صدك عدهم شنو الي راح يصير بهاي الحالة؟
-
السم عليكم
الف شكر منك اختي على هاي المعلومه ..وكلامك صحيح 100%والمنظمه تبقى تدور وره الواحد ويدورون عليه اقل غلطه حتى يكطعون المساعدات .
ابو انس
شيكاغو
-
هاي العائلة معقولة محد كلهة شتسوي
هاي عبالهم رايحين جزر الواق ويق مو امريكا
يعني ماكو لاجئ اجة امريكا ميعرف بهل سالفة شلون عبرت عليهم ما ادري؟؟
-
اني اجاوبك اوراس
اذا عرفو انت عندك فلوس وتاخذ منهم
ايخلوك تدفع اظعاف اللي انطوك ياة بالاضافة الى ذللك راح اتكون عليك نقطة سودة بالهستوري مالتك وهذا اياثر عليك بكلشي وحتة ورة 5 سنين من اتقدم على الجنسية اياخروك هواية يمكن ايسوهة عشرة سنوات
هذا ايسمو Fraud
-
شكرا جزيلا اخت رشا و بارك الله بيج اختي يعني صدك احنه من هذا المنتدى الرائع بيكم نستفاد كل يوم معلومة جديدة
-
اها عاشت ايدك Abo Andrew والله كفيت ووفيت.
-
;D ;D ;D ;D
هذا مو خوش خبر يعني شنو واحد يروح لامريكا يشيل وياه بس 200 دولار ؟
يعني اذا أكثر راح يحاسبونا
وهذا السؤال وين راح يسئلو بلمطار قصدكم لو من نوصل لأمريكا
أذا من نوصل سهله منكللهم ;D
بس اذا بلمطار شويه صعبه
-
اي اخوان اني اسئل نفس سؤال اخ زيونة يعني من نوصل مطار يسالون لو بعدين ؟؟؟
-
اولا من انتو بعمان الIOMراح تنطيكم ورقة انة انتو كل واحد شايل 10 الالاف بس بالمطار محد يكلكم شكد شايلين وصارت وياية ووية فد 7 عوائل اعرفها بس العوائل للاحتياط توزع الفلوس بينهم يعني كل واحد يشيل دفتر يعني رسميا انتو مسموحلكم دفتر الحجي على المنظمة ومكتب المساعدات راح يسائلوكم اذا عدكم فلوس اذا كلتوا اي كلشي ما تحصلون واذا كتلوا كم مية اموركم ماشية بس لازم ما تخلوها بالمصرف حتى ما يعرفون اني هيجي سويت اشتريت خزنة وخليت بيها الفلوس ومن خلصت مدة المساعدات وعرفت بيهم مراح يساعدوني بعد خليتها بالمصرف ان شاء الله هذا الجواب كافي
-
عاشت ايدك هذا الجواب الشافي و الكافي
-
رشا هذا الكلام معقول وعسل, ان شاء الله نستفاد يعني اني راح اخذ وياية عشرة الاف دولار واقسمهة بيني وبين زوجتي(كلمن ايمد رجلة على كد غطاه) يعني بأي مطار محد راح ايمد ايدة ويفتش الجنطة ويلكة الفلوس لو راح يكتفون بكلامي ؟؟ اسف لحينة عليج بالموضوع بس موضوع مهم هذا.
-
من تدخل امريكا محد راح يسالك وكتلك انت عمان راح تنطيك ورقة انت شايل 10 الالاف سواء انت شايل اكثر او اقل وانت بالسيف سايد اذا راح تطلع بس عشرة بينك وبين زوجتك فلا تشيل هم والموضوع الاخر اكو مكاتب تحويل فلوس من بغداد لامريكا يعني الي عندة فلوس وما يريد يشيلها كلها يمشي امرة بالفلوس الي جايبها وبعد فترة المساعدات يخلي اقرباءة او اهلة يحولولة الفلوس وبالمناسبة اني جنت استلم مساعدات وخابرت المنظمة مالتي احتاجيت فلوس وكتها واهلي دا يحولولي كتلهم اقرباءي راح يجون ويريدون يحولون فلوسهم على رصيدي يصير كالت يصير اذا راسا تسحبيها وفعلا والله يشهد ب 30 الف تحولي وراسا اسحبها وماكو اي مشكلة وبقت بحسابي كم يوم الفلوس يعني مو بيومها وهنا بامريكا على الانترنت تجيك رصيدك وتعرف اذا دخلتلك فلوس او اذا عندك اقرباء ثقة او اصدقاء بدل ما يحولون على رصيدك يحولون على رصيدهم هم حل ثاني هذا واذا ردت عنوان المكاتب مال التحويل استفسرلك من اهلي وارجعلك خبر واني الممنونة
تحياتي
-
اخواني الاعزاني تسلمون عالردود وخاصة اخت راشا, يعني كل نفر بالعائلة يشيل ويا دفتر عادي؟لو قصدكم كل كيس من العائلة؟لان السالفة رح تختلف هسة
زين وبعمان ميفتشون الجيوب اذا خليناهة بجيوبنةولا امريكا؟؟؟؟؟؟؟؟؟؟؟؟؟؟؟
-
أخوية العزيز انت رسميا من عمان راح ينطون كل فرد ورقة انة شايل 10 الالاف دولار سواء انت شايل او لا وسواء وجماعة الحدود مالهم علاقة بالمساعدات الي يم المنظمة والحكومة اني الي اعرفة كل شخص جبير يكدر يشيل 10 الالاف بس الاطفال ما اعرف او الي جوة 18 اتمنى من الاخوة اللاجئين ابداء رايهم بالموضوع واذا احد حاسبهم على الحدود مال امريكا طبعا
-
شكرا للمعلومة المفيدة
تحياتي
شقلاوي
-
والله عاشت ايدج اخت رشا
صدك موضوع مهم ومفيد
بس اكو شغله بانه صعب جدا واحد ياخذ وياه فلوس اول فترة سفر وبدون متكون ابنك لان هناك خطرة واحد يتنقل باماكن جديده عليه وهو شايل فلوس وين ميروح
بس شغله التحويل من عمان اني اعرف مكلفه ؟؟؟شكد تكلف تقريبا اذا واحد حول خل نكول دفتر فرضا
؟؟؟
هيج حاله احسن من ما ياخذ وياه فلوس ويحير بيهم
ولو اني سمعت بانه الي تتحوله مبالغ مثل دفتر واكثر يصيرون يراقبوة بامريكا على اساس مواضيع غسيل اموال ودعم ارهاب ومن هل الافلام
فهوايه نصحونه بانه ناخذ الي نكدر عليه ومحد راح يسأل ؟؟
وهسه منعرف يا طريق افضل
-
اخوان
مثلا" احنا عائلة من 4افراد واريد اشيل فد 6ملايين احولها دولار طبعا" واوزعها على اهلي شلون المنظمة اكللهم ماعندي كم ورقة يعني شايل اكللهم 20ورقة لو شلون
-
زين الي ماعندة دفاتر شلون,,من تخلص المساعدات,,
لو الفقير وين ماكان محروم
سوؤال مهم ؟
-
شكرا اخت رشا على لتنبيه
-
الله يحفظج اختي الغالية
-
الاخت العزيزة رشا
شكرا جزيلا
اخوج زيوس
-
السلام عليكم
اخواني خواتي قريت الموضوع وحبيت اشارك اذا تسمحولي .... كل كيس له حق عشرة الاف فقط هذا رسميآ واكوا ناس دخلت عشرين واربعين واكثر ..مااحد يفتش الجيوب ابدآ واذا سألوكم اشكد عدكم تكولون الف او الفين بس ...وديروا بالكم تفتحون حساب بالبنك اكثر من 200$بس لان اذا اكثر راح تنقطع المساعدات فورآ .
ابو انس
شيكاغو
-
ابو انس اريد اختلف وياك شوية
اني عندي حساب بالبنك صارلة 9 اشهر
وكل شهر احط ما يقارب 1300دولار حتة ادفع الايجار واليوتيلتيز ( كهرباء ولانترنيت وهل سوالف) وحتة فواتير الكردت كارد
ومن جنت اخذ جيك المنظمة الي هو 723 جنت احط بالحساب مالتي واظيفلة فلوس وقبل شهرين رحت قدمت على الكاش ايد وطلبو مني ستيتمت مال بنك وشاوفو شكد عندي وشكد دا اصرف وكلشي محجو اصلا وافقولي على الكاش ايد ورة اسبوعين
هاي من حق اي مواطن
يعني الواحد شيسوي يفتح حساب بنك اذا ايحط بي 200 دولار؟؟؟ للزينة فقط ؟؟
لو ميفتح احسن
بس للتوضيح وشكرا
-
رشا بنت بغداد .... السلام عليكم
شكرا لك على هذه المعلومات و ما تلها من تعليقات ، نعم علينا ان نكون متيقضين لمثل هذه المسائل.
vet2009
-
اني عندي علاج بسيط ولطيف لهاية المشكلة
اي واحد من اصحاب الملايين والمليارات والدفاتر يعجبة يغير ويصير لاجئ بامريكا ياخذ بس مبلغ بسيط ميسويلة مشاكل والباقي يتبرعون بيهه الية اني واخوية ابو شهوبي الوردة لان احنا هم اخوانكم وشكد متصير عدنه فلوس هم نحتاج اكثر لان ماكو احلى من الفلوس الهواي
-
شكرا على المعلومه الحلوه
-
والله والله ثم والله عيب على كل واحد عنده فلوس حاير اشلون ايدخله ويريد مساعدات من الناس اللي احتلو بلده اشبيكم العراقيين والله عيب هي شنو المساعدات تره كديه يعني مثل واحد ماد ايده بالشارع ويا مكثرهم ليش اللي عنده مثل الماعنده الله يراقب تره لاتنسون رب العالمين
_________________ابو مصطفى العراقي
--------- ابو مصطفى
-
ليش اختي ابتسام هذا الحجي هذا حق كل اللاجئين لحد ميلكون شغل و يعتمدون على نفسهم و اتصور مابيها شيء
-
تسلمين يا اختنا العزيزة بنت بغداد
الله يبارك بيج
-
عاشت ايدج رشاوي على هذا الموضوع وعلى هاي المعلومات الحلوة
-
اعزائي
تحية طيبة
اتصور الموضوع استوعب النقاش عليه, الاخت رشا بس رادت اتوضح الكم نقطة مهمة حتي لاتوقعون في خطئ او اتروح عليكم الاول والتالي, بس لازم نعرف شنو اللجوء او شنو مخزى المساعدات الاجتماعية, حيث تعطى للمحتاجين وعلى سبيل المثال قريت امرأة ارملة ة عدها اطفال المساعدات الاجتماعية ما اتكفيها, زين شنو ذنبها اذا ابناء وطنها يتحايلون على الدولة او بعدين تنكطع منها المساعدات الاجتماعية.ـ
في بلدان الديمقراطية اكو قانون مساعدة الغفراء لاجل ان لايلتجئون ان يتسسولون في الشوارع لهذا السبب يطبق القانون على كل انسان في هذا البلد, بس اهنا صارت هوسى اغلب جماعتنا ياخذون المسساعدات الاجتماعية من البلدان الاوربية او يرجعون للعراق او يضربون بالرواتب, او يوم من الايام ينكشفون بس بلى عليكم مو عيب مو نحنا عراقيين او اهل النشامة والغيرة شنو هذي الحيل على الدول التي قبلت ان تحوينا اذا على موظف المسؤل مشيت على ربك هم تمشي, وين صار الضمير او عزت النفس, اعزائي اششويا فكرو بالمحتاجين من ابناء بلدنا او كونو صريحين بهذي المواضيع, او هذا المنتدي مو منتدى غسل الاموال بس منتدى مساعدة اللاجئيين حتي ايشوفون طريق الصحيح للهجرة من الظلم, ليش هيا سهلة واحد يترك بلدا او يتغرب او الافلوس شنو اتفيدا, المعذرة اني اشويا اضايقت من هذي التعليقات لانه اهنا اب المانيا هم عشتها من اروح ويا عراقيين الى دوائر المساعدات الاجتماعية والمنظمات الخيرية اتشوف الاخت لابسة كيلو ذهب او الاخ لابس خواتم ذهب او ساعة ذهب ويا سلسلة او من اقوم بالترجمة يدعون هما ما عدهم اكل للجهال او المساعدات الاجتماعية ما اتكفيهم والله مرات اخجل من اشوف هيجي منظر, او نصيحتي اذا واحد عندا شي خلي يضما او لايكشف عنا الا لوقت الحاجة لانه الغربة صعبة او ابوكم الله يرحما,
اخوكم جوسي
-
والله والله ثم والله عيب على كل واحد عنده فلوس حاير اشلون ايدخله ويريد مساعدات من الناس اللي احتلو بلده اشبيكم العراقيين والله عيب هي شنو المساعدات تره كديه يعني مثل واحد ماد ايده بالشارع ويا مكثرهم ليش اللي عنده مثل الماعنده الله يراقب تره لاتنسون رب العالمين
_________________ابو مصطفى العراقي
--------- ابو مصطفى
اول مرة اشوف وحده اسمهه ابتسام بس هيه اب مو ام
-
[/quote]
اول مرة اشوف وحده اسمهه ابتسام بس هيه اب مو ام
[/quo
هههههههههههههههه