ankawa
منتدى الهجرة واللجوء => الهجرة و واللاجئين => الموضوع حرر بواسطة: Aouss في 15:40 18/09/2009
-
اشلونكم عيني طبعا يوم 16 قابلت والحمدلله خلصت طبعا هاليوم احب انطيكم فكرة عن المقابله ماعرف منطيكم اياها قبل لو لا يله بالاعادة افادة
طبعا كالعادة كالولنا انو لازم قبل 7:30 صباحا لازم تكونون بمنطقة الانتظار اللي بساحه فندق الرشيد والدخول من نقطه التفتيش رقم 3 وكالعادة من السته كعدت لان اخاف يفوتني الموعد وخصوصا من وجود الازدحامات ماطولها عليكم وصلت بالسبعة ولكيت عائله كدامي دتنتظر وبدت بقيه العوائل اللي عدها مقابلة تجي.
صارت 7:30 والباص مااجى واني اتوقعت مواعيد امريكيه بس شنسوي عراقيين المهم. ضلينا ننتظر وبلشت الناس سوالف بيناتها كلمن وين يروح ومادري شنو اجى الباص ب 8:10 وبدو يصيحون بالاسماء وصعدنا للباص واخذنا الباص للسفارة ووكفنا سره بره واحد واحد تفتيش بالضبط بال 9 احنه جوه وبلشنا نسلم الجوازات وانتظرنا مقابل شباك رقم سته ( طبعا لاتتصورون انو المقابله بمكتب مثل مجنت اتخيل لا المقابله فد شئ كدام شباك ويحاجوك من وره الشباك فد شئ حلو يعني لاتخافون ) بدو يصيحون على الاسماء كلمن يجي يرتبوله اوراقه وياخذون الصور ويجيكون كل الاوراق كاملة ويكلوله اتفضل انتظر المقابلة واكو 3 شبابيك 3 يقابلون جانو اثنين امريكان وواحد متجنس يعرف يطكطك عربي وهو اللي قابلني طبعا يسال بالانكليزي بس اللي ميعرف يحاجيه فصحه .
اول شئ يكلولك ارفع ايدك اليمنى واقسم الملعومات اللي بالاوراق صحيحه وهاي مو بس النا لان حتى شفت امريكان عدهم غير معاملات وهم اقسمو.
ياخذ بصماتك بعدين يسالك اسئله عن شغلك من اللي كاتبها بس يتاكد وبعدين يكلك وقع .
هي المقابله قصيرة للشباب وشويه اطول للعائله بس باعو فرق الوقت ويايه
با 8:10 اجى الباص
ب 9 بالسفارة ولازم تكون شاطر وتسلم جوازك بالبدايه لاتبقى مثلي اخر شخص سدو ورايه الشبابيك.
بال1:10 ظهرا صاحوني علمود ترتيب الاوراق والصور.
بال1:45 ظهرا قابلت
1:55 ظهرا اني بره والناس دتنظر الباص اني راسا دكيتها بتكسي وطلعت .
ملاحظه اكثر اللي اجوي ممترجمين اوراقهم يم مكتبه نادر او هذيج الثانيه بالنضال
[size=12 يريدوووووووون الاوراق مال الهويه والجنسيه مترجمه ونسخ اصليه
pt][/size]
وشكرا
-
مبروك اخ Aouss وانشالله يوم استلام الفيزا والسفر ...بس ما كلتلنه .. هم قفص عليك الاسكورت بكم فلس؟
-
مرحبا أخ AOUSS
الف مبروك وان شاء الله تستلم الفيزة وتسافر وتخلص من الوضع التعبان ويسهلهة على الكل يا رب
ممكن سؤال هاي اول مقابلة الك؟ وعلى اي ايميل راسلتهم لو قدمت لمكان معين؟لأن اريد اقدم وما اعرف منين دزيتلهم ايميلات وكلشي ماكو ولا اوتو ريبلاي اجاني
وفعلا مسهليهة أكثر من قبل لو لا؟ أي شي يفيدنة اكتبة ومشكور مقدما بارك الله بيك
تحياتي علوشة
-
حبي سيزر لا ولا فلس اخذ مني الاسكورت لان هو جان باص اخذنا كلنه...
اختي هي SIV مابيها غير مقابله وحده فاذا انتي مقدمة على SIV والايميل هو BaghdadSIV@state.gov
وهذا ايظا موضوع بالمنتدى عن تفاصيل التقديم واي شئ اني حاضر
http://www.ankawa.com/forum/index.php/topic,267544.0.html
اخوكم اوس
-
مبروك اخوية وبالموفقية
-
شكرا أخي اوس على ردك
مشكلتي كلتهة بأكثر من موضوع ماكو جواب عليهة يمكن ماصادفت وية احد مقدم ما اعرف
المشكلة انه ماعدنة رسالة توصية ولا ايميل رسمي فقط شهادة تقدير وباجات 2 وصورة فهل يكفون هذولة للتقديم اذا تعرف عفية جاوبني ؟
واني قدمت على هذا الايميل IraqSIVapplication@state.gov
انت الايميل بدل عراق بغداد ما ادري غير شكل لو هم نفس الشي وهم اراسل على عنوانك والله كريم
تحياتي الك شكرا
اختكم علوشة
-
الف مبروك وان شاء الله يوم استلام الفيزا
-
تحية طيبة اول شي اني مجاي افتهم شنو siv ولا طريقة التقديم الها ممكن مساعدة لان اني بسوريا
وشنو شروطها
-
الف مبروك واني مريت بنفس التجربة بس بعدهم مجلبين بالفيزا
-
اخت علوشة لازم يكون عدكم توصية من مسوول امريكي مباشر يكول بانو شاف الشخص المعني بالعين واشتغل وياه بهالاسلوب هذا والباجات تفيد بس حاولو على i.o.m بس اني الادري بيه الايريدون رساله توصيه مباشرة ويتاكدون من الشخص الامريكي المرسل يعني لازم يكون امريكي الجنسية حاولو تتصلون بالشخص اللي جنتو تشتغلون وياه او اي شخص مسوول امريكي في العمل السابق ويكول اي اني جنت وياهم وهيجي شئ.
-
حبي ستورم شكد صارلك من قابلتك وشكد يجلبون بالفيزا؟؟ وهل تعرف اشخاص قبلك قابلو وشكد يله تطلع فيزتهم؟
-
الف مبروك اخي اوس على المقابله و ان شاء الله يوم استلام الفيزا عن قريب ,,,,,,
هاي مساله الترجمه اني كتبت بيهه موضوع يمكن قبل 6 اشهر و كلت لا نادر ولا هم يحزنون ,,,,,,
-
حبي اوس اسف على الرد المتاخر بس ايام عيد وكل عام وانتو بخير
عزيزي اني قابلت يوم ثمانية من الشهر الجاري ودزيت رسالة اول البارحة وكالولي بعدني تحت الدراسة مع العلم كل جماعتي الي اعرفهم استلمو الفيزا في مدة اقصاها اسبوع لا اكثر وبصراحة بس ولد واحد استلمها خلال اسبوع والبقية على اربع ايام خمس ايام اقل بنية وياي بنفس الموعد استلمتها قبل اسبوع واني بعدني شنو الخلل ما اعرف عدا انو زوجتي حامل والكل اكدولي هذا الموضوع مابي اي تاثير وهم يكيفون ولادة الطفل تكون في اميركا شنو السبب بصراحة ما اعرف
تقبل مروري اخي الكريم
-
مرحبا Storm2
ملفك قيد الدراسة معناها ان ال Case مالتك قد تحولت الى Adminstrative proccess مرة اخرى
و حتى السفاره لا تعلم متى تنتهي هذه العملية حيث لا يوجد سقف زمني لها
بشكل عام هي تاخذ من شهرين الى 4 اشهر
اتمنى ان تحصل على التأشيرة باقرب وقت ممكن
-
الف مبروك وبالتوفيق انشاءالله
-
الطارق خوية مروتك سلج فجل يمعود كول غيرها تفائلو بالخير تجدوه شنو بروسس شنو 4 اشهر حبي اوراقي كاملة والقنصل كالي الفيزا مالتك صدرت ومرحبا بك بالولايات المتحدة الاميركية واوراقك كلها كاملة وحتى كلي شكرا جزيلا على تنظيم الاوراق وترتيبها بشكل متسلسل كلي بس انتظر ايميل من عدنة حتى تجي تستلمها من عدنه عدا ذلك انعل ابو اميركا لابو الي يروحلها اذا ابني ما نولد هناك شعندي رايح هية روحة اميركا المن طالع اتونس
على العموم اشكرك على التشجيع عاشت ايدك راح الغيها هسة وداعتك اصلا بعد ما ادخل المنتدى اني صارلي سنة وشوية اشجع بالناس وتالي تجيني دكلي 4 اشهر خلف الله عليك جانت عايزة التمت
بس مدكلي منو عينك قنصل.....!!!
-
محد عيني قنصل يا (ولد)!
بس انت منو عينك ما يسمى ب ( مؤسس مافيا العراق)؟
اكو مثل اميركي يكول What goes around comes around
ان شاء الله القنصل يفهمك هالعباره عن طريق الايميل
تحياتي لك وبالتوفيق
-
Beauty is before me,
And beauty is behind me.
Above and below me hovers the beautiful.
I am surrounded by it.
I am immersed in it.
In my youth I am aware of it,
And in old age I shall walk quietly
The beautiful trail."
.......كن من تكون فانت من تراب.......
ولا علم لي الا ما علمني الله
لذلك ساحدث العاقل بما لايعقل فان فهم فلا عقل له
-
عيني استاذ ( الطارق ) ---
للاسف ومن خلال الردود اللي دنشوفها هالايام انه بعض الاعضاء يحاولون استخدام بعض الكلمات ( الوضيعة ) وبقصد مسبق --- ومثال على ذلك كلمة "ياولد" --- لان المفروض انه تكون حذر باستخدام هيج كلمات لعدم معرفتك بخلفية الشخص اللي كاعد تتكلم معاه وماهي خلفيتة الثقافية ايضا
واحب اعقب بهذا الشي ايضا بمثل امريكي يكول
Always has been --- Always will be
واذا تكون فاهم معنى هذا المثل خير على خير --- واذا لا انطيني اشارة علمود افهمة الك
ارجو ان تتقبل ردي بكل شفافية
تحياتي
-
مشكورين اخوتي الاعزاء وكل من مر على موضوعي
اخويه ماجلان يمكن راح احتاجك شويه لان شغلة كاليفورنيا اريد اني هم اجي لهناك يكلك الجو يشبه العراق شتكول اخويه شنو المساوئ شنو الفائدة.
اخوك اوس