ankawa
منتدى الهجرة واللجوء => الهجرة و واللاجئين => الموضوع حرر بواسطة: ensio في 15:13 19/09/2009
-
اني بسوريا وما اكدر ارجع للعراق شلون اقدم على siv بعد ما اوصيكم بية اريد اجوبة تشفي القلب
-
اخي العزيز اول شيء اهلا وسهلا بيك بين اخوتك و ثاني شيء ايامك سعيدة و كل عام و انت بالف خير و ثالث شيء تكدر تدخل على موقع السفارة الأمريكية بالعراق و اتحصل الأيميل الرسمي و بيها فور تسحبها و تمليها و هم عليهم الباقي و لا تقلق و اذا متكدر اتبحوش اني ابحوشلك و تامر امر
-
في بدايه الحديث احب اهنئ كل اخوتنا الاسلام بعيد الفطر المبارك وانشالله يعم عليكوم بالسلام ويعم السلام على كل العراق تحت رايه الصليب (امين)
اخويه العزيز بالمناسبه احب اوضحلك على كم شغله بالنسبه لي جماعه ال SIV الي يردوون يقدموون عليها بس حبيت اذكرلك شغله مهمه انو ماكو بسوريا تقديم مباشر على الهجره الخاصه بس من العراق ومصر وعمان فقط وبالنسبه الك انته تكدر اتبلش اوراقك بس تذكر بالقصه انو انته مهدد وهاجرت من العراق بسبب ضرف ما واهم شغله انو تملي الفورم تمام بدون اغلاط ولازم يكون عندك خدمه مع قواة التحالف (الامريكان) مباشره لا تقل عن سنه ولازم اتكون عندك ورقه تثبت انته مكمل سنه . هاي شغله والشغله الثانيه الركمنديشن مالتك من مسؤلك المباشر بالعمل اذا كنت تعمل بالجيش كمترجم لازم يكون ايميل الشخص الي كنت تعمل معه مخلي ايميله العسكري بالركمنديشن وبالتقديم مال سفاره بيها شرووق وتشمل الركمنديشن ايضا الشرووط هيه ( انتو انته متشكل تهديد مباشر على امن ولايات المتحده الامريكيه وانو صاحب الركمنديشن هوه مسؤلك المباشر ولازم يذكر انته مهدد وخدمتك متقل عن سنه )وهاي اهم شرووط بالركمنديشن وبالنسبه للورقه الي انته تكتبها عن حياتك لازم اتكون كلش مختصره واتكون مقنعه واهم شي الباجات اتكون موجوده عندك نسخه منها اخي العزيز انته من اتكون عندك هاي الشرووط انته الك حق اتقدم اخويه العزيز واني اساعدك بكلشي مطلوب مني والي اكدر عليه بالخدمه بس اتكون هالشروط عندك واهم شيانو صاحب الركمنديشن يجاوب على الرساله الي راح يدزوها اله من يسئلون عليك واذا ميجاوب مراح تمشي معاملتك شبر
اخووك سلفو (الكمش)
-
اخي العزيز احب احجيلكم تجربتي قبل سنه او اقل
اني طلعت لسوريا بدايه 2008 بشرده يعني ما اكدر ارجع للعراق من طلع البرنامج مال اي او ام وال اس اي في واني كل الشروط متوفره بي من الباجات 18 من الركمونديشن قيامه والخدمه 4 سنين المهم راسلتهم على كل مكان وراسلت الرايسي بمصر ايضا وعمان وبغداد المهم كلهم نفس الجواب بعد ان شافو كل اوراقي بس احسن جواب هو ابو مصر كالي انت مطابق للشروط وكلشي اوكي بس البرنامج ممشمول بسوريا بس اردن وبغداد ومصر احنه خلينالك رقم فايل عدنه بس لازم تحضر للمقابله في احد الدول المذكوره
غير هذا منكدر نسويلك شي فتركت الموضوع لاسباب انو ما اكدر اطلع من سوريا
-
اصدقائي الاعزاء
كلكم الظاهر معلوماتكم شوية مبتدءة بالبرنامج وانتو اعضاء جدد بمنتدانا فاسمحولي اجاوب الاخ صاحب الموضوع
اخي العزيز
اذا انت خادم سنة فما فوق في اي وضيفة مع الامريكان وتكدر تثبت هذا الشي برسالة من الجهة اللي كنت تشتغل وياهه بالاضافة الى تزكية مرتبة من مسؤولك السابق المباشر فتكدر تقدم عسى ما تكون بجزر الواق واق لان هذا البرنامج ما بيه لا مقابلات ولا تعال وروح
كلله ايميلات
وتستمر الى ان توصل لمرحلة المقابلة الوحيدة اللي تستلم بيهه الفيزا مالتك واللي لازم تكون بالقسم القنصلي لاي سفارة امريكية انت تختارهه وهاي مو مشكله بحد ذاتهه بس لان سوريا وامريكا متزاعلين حاليا
لان عدنا اعضاء بالمنتدى قابلو واستلمو فيزهم بالامارات وبلبنان وبماليزيا وبالسويد وبكوريا
واني ارشحلك اسهل شي بالنسبة الك هي لبنان ومتكلفك هواية واحتمال همه يسهلونلك دخول الاردن او لبنان بس انت ابدي بالتقديم والله كريم
-
اخويه العزيز مع كل احترامي اني هسه اصدكك لو اصدك الربلي مالتهم من راسلتهم واني بسوريا
بنص العباره بالضبط كالولي انت لازم تحضر لاحد الدول المذكوره علما انو احنه مالنه علاقه ولا نسهل طريقه دخولك لهاي الدوله الي تصير بيهه مقابلتك
بقت نقطه وحده بس اشك بيهه انو هذا كلامي صار تقريبا سنه يعني اذا كلامك صحيح اكو احتمال انو الامور تحست او تغيرت هسه وانشالله تكون اسهل هسه بس هذا الي صار معي واني لحد الان ممقدم عليهه
بس تدري من حجيت هذا الحجي ورويتهم الايميلات بمقابله اليو ان العاديه اهتمو بيه ومشوني واخلا 4 اشهر كملت كل المقابلات واني انتضر الفيزه هسه وشكرا
-
اخوية العزيز مشكلتك مثل مشكلتي وبقائك ابسوريا راح يحرمك من ميزة برنامج الهجرة siv
صدك الحل الوحيد انوا تبدي من هسة اتراسل iom ابعمان او مصر ولمن ينطوك الموافقة اخذ بعضك واطلع
بس اكوا مشكلة وصارة بية لان اني بعد ما حددولي موعد واتصلوا بية واني كاعد اسورية قدمت على
فيزا مستعجلة العمان وانرفظت ابهشكل حالة لازم اتحظر امور الفيزا والسفر قبل فترة من المقابلة الاولى
بالنسبة الي عفتهة كلهة وهسة بعدني ابسوريا دا انتظر الموافقة الامنية على اليوان وانشاء الله احصلهة
هاليام وابشركم بيهة
وراح انطيلك اشوية ايميلات علمود تستفاد منهة بالمراسلة
قسم التوطين مصر
cairoinfocenter@iom.int
0020223595060
0020223582054
0020227381220
0020227350879
قسم التوطين الاردن
AmmanInfoCenter@iom.int
0096265659660
0096265902280
0096265625089
0096265625426
0096265625088
0096265625427
قسم التوطين بغداد
BaghdadInfoCenter@iom.int
07901306311
قسم التوطين سوريا
iomdamascus@iom.int
0991009334
0991009335
0991009336
0991009337
00963-6121370
00963-6121375
السفارة أمريكية سوريا
damascusweb@state.gov
if you have a comment or a suggestion.
damasweb-query@state.gov
if you have a query or a question.
Consular Section direct email addresses:
acsdamascus@state.gov
for American Citizens questions.
nivdamascus@state.gov
for Nonimmigrant visas questions.
ivdamascus@state.gov
for Immigrant visas questions.
damascuseca@state.gov
for Commercial, Agricultural, and Economic questions.
turan@unhcr.org
لجنة التوطين سوريا
http://travel.state.gov/visa/immigrants/types/types
الموقع الرسمي لوزارة الخارجية الأمريكية
refquestions@wrapsnet.org
للراغبين في الحماية في بلد ثالث
SIV@wrapsnet.org
مركز معاملات اللاجئين للحصول على نموذج بيانات حيوية
NVCSIV@state.gov
أيميل المركز الوطني للتأشيرات للمراسلة والسؤال بالنسبة للمترجمين
IraqSIVApplication@state.gov
أيميل مكتب الهجرة للمراسلة والسؤال بالنسبة للمترجمين بالعراق
sivtranslator.nsc@dhs.gov
وزارة الأمن القومي للأسئلة ولاستفسار
NVCinquiry@state.gov
1-603-334-0700
المركز الوطني للتأشيرات
SIVTranslator.NSC@dhs.gov
استفسار وتقديم طلبات I-360
http://www.wrapsnet.org/RPCWRAPS/FAQ/tapid/75/language/en-US/Default.aspx
الخاص بتأشيرة الهجرة 130
http://www.kbr.com/
موقع الكيبي ار
http://www.titan.com/home.html
التايتن الموقع الرسمي
David.T.Richardson@L-3com.com
عنوان التايتن للمراسلة
-
اخويه مروان العقراوي كلامك صحيح وياكد كلامي انو الي بسوريا او لبنان صعبه عليه واني وانت تحملنه وبقينه على اليوان الي همه قدرو حالتنه ومشونه واني مثلك منتضر الامنيه والفيزا وكانو كل المقابلات سهله ويايه ولو القلق اصلا بمقابله المحلفين نص ساعه فقط وبالاخير كلتلي لتكمل شي كوم اطلع
المهم موضوعنا انو التقديم بسوريا بس على اليو ان ماكو غير شي واذا تقدم بالانترنيت على الاي او ام لازم تروح لاحدى الدول بغداد مصر لبنان حتى تقابل
كلامك vincenzo حلو على يكون واقع بس احنه نحجي تجارب حقيقيه احنه مرينه بيهه 100 بالميه واتمنى انو تكون سهله مثل ما تكول انت
-
اللي اعرفه انه
Sasy
سيف المشهداني
البصير....واخرين
هسه بامريكا على الاس اي في وقابلوا بلبنان وهواي اكو اعضاء قدموا بسوريا او باي مكان بالعالم وبوكت المقابلة دزولهم يالوهم وين يريدون يقابلون وهمه اختاروا الدولة اللي يقابلون بيهه وراحولهه وقابلوا
اصلا كان اكو موده بالمنتدى قبل كم شهر انه المقابلة ببيروت اسهل من اللي ببغداد ومياجلون الواحد وانما راسا يفيزوله وفيزتهم اصلا تكون ام ال 6 اشهر حتى لجماعة ال SIV5000 او البرنامج الجديد
يجوز الامور تغيرت عن وكتكم
بس فد سؤال: انتو مو مقدمين لجوء على مفوضية الامم المتحدة ؟؟
لعد شنو امريكا هم تنطيكم فيزا لو شنو؟؟
اني اللي اعرفة اللاجئين ميريدون منهم جواز ويسفروهم بورقة ما اعرف شاسمهه مو فيزا
-
عزيزي اني الاول ردت اقدم على الاس اي في والاي او ام بعدين من مصارت قدمت يو ان ووراهه مشت الامور يعني همه شافو القصص الحقيقيه للتهديدات وفعلا قدرو ومشوني بسرعه
اما بخصوص الجواز لا بسوريا تقدم يو ان بجوازك ومهم حتى يشوفون تاريخ طلعاتك وطباتك والفيزه تطلع بورقه بس تسافر بجوازك والدخول امريكا يختم بالبجواز هاي من سوريا وحتى لازم قبل السفر تعمل من دائره الهجره والجوازات خروجيه على جوازك والا لن تستطيع الخروج من المطار هذ1ا نضام سوريا يختلف
-
ومع ذلك ارجع واكلك انه الخطوات مال الاس اي في ما بيهه اي تحديد وين انت لان هو ايميل تدزه وبيه اتاجمنتات وابوك الله يرحمه
فشنو المانعك من التقديم!!!!
-
الى الاخ العزيز WRONGED السلام عليكم
ابصراحة اني كلش فرحان انوا لكيت شخص قضيتة تشبه قضيتي واني اتمنة اتعرف WRONGED بيك اكثر
بالمستقبل وبالنسبة للاخ vincenzo هوة حجيك صح انوا ادز المعلومات بالاتاجمنت بس اكوا شغلة
كلش مهمة الي هية موعد المقابلة واني واحد من الناس الي مكدرت اسويها لان ما انطوني فيزا العمان مع
انوا اني حاولت بيهة وعلى اساس جابولي واسطة وهم ما فاد لان كان ابوكتهة الضروف غير شكل
الهم انوا ابفظل الرب ابهذاك الوكت اني كنت واصل على التقديم باليوان ودا انتظر قابلة iom يعني نفس
الشي بس على اليوان وهذاك كنت راح اسوي على siv بس لغيتة وكملت على un وهسة دا انتظر
وانشاء الله ابشركم باخبار حلوة ابقرب فترة
-
كل عام وانتم بألف ألف خير
مرحبا اخي العزيز
مرحبا اخوتي الكرام في هذا المنتدى الرائع
ردا على سؤالك اني مثال حي على الSIV بسوريا, اخي قدمت على البرنامج وقابلت بشهر الثامن بالسفارة الامريكيه في سوريا واستلمت الفيزا بعد المقابله بأربعه ايام ومنتظرة حاليا موعد السفر من ال اي او ام....
شوف اخي دزيت ايميل على الكوم ابروفال وحصلتها ( طبعا دزيت عليها بالبدايه بس جان عندي نقص بالاوراق وورا ست اسابيع دزولي الجواب بالنقص ورجعت دزيت الاوراق كامله ووراها بست اسابيع اجاني الكوم ابروفال)
يوم 15/2 استلمت الكوم ابروفال ودزيت اوراقي لنبراسكا يوم 18 بواسطه الDHL ومكانه ما يتيه هنا بدمشق فيوم 5/3 دزوا اوراقي لل NVC وهذولي دزولي ايميل علمود ادزلهم الاوراق المطلوبه مني طبعا يردون صورة قيد 57 اني عندي قديمه مطلعتها من 2007 دزيتها بس هم طلعت صورة قيد مال السفارة يطلعونها بالسفارة العراقيه اعتمادا على جوازك بنص ساعه وتطلع عدم محكوميه اعتمادا على صورة القيد مال السفارة تاخذ هذه الاوراق وجنسيتك لأي مترجم محلف ومعترف بيه يترجمهن الك وتصدق العدم محكوميه من وزارة الخارجيه السوريه والباقي صور واستماير وهكذا بس المشكله المعامله نامت بالاNVC لأربعه اشهر , المهم اجانا موعد مقابله بالثامن رحنا قابلنا اني وزوجي والمقابله تلقاها بصفحه 13 من ارشيف معاملات ال اس اي في
نصيحه جدا مهمه .....
شوف اخي من عبرنا 3 شهور بال NVC ماكو موعد مقابله حسينا باليأس زوجي هم مشتغل وي الامريكان وحصل الكوم ابروفال فدزينا اوراقه لنبراسكا جاي تفهم شلون يعني نفس المعامله بس بأسم زوجي وبالI-360 اكو فقرة تقول وين تريد مكان مقابلتك فكتبنا بغداد يعني قدمنا على سفارة بغداد ومن راحت لل ان في سي انطونا كيس نمبر مال بغداد وتعرف شكد طولت بس 23 يوم بالا ان في سي ودزولنا موعد مقابله , النكته بالموضوع موعد مقابلتي يوم 9/8 ويوم المقابله على معامله زوجي يوم 16/8 فرحنا قابلنا على معاملتي من ضمنا الفيزا سوينا withdraw لمعامله زوجي يعني سحبنا المعامله.
جاي تفهمون اخوان نفس المعامله بسوريا اخذت 4 اشهر وببغداد 23 يوم
احسن الك انه من تملي الاستمارة I-360 تختار سفارة بغداد لأجراء المقابله حتى ما تطول بال ان في سي ومن يدزولك موعد مقابله اطلب تحويل المقابله لدمشق هيج احسن لو من البدايه اني مقدمه هيج جان هسه اني بأمريكا
استلمنا الفيزا ودزيناها للرابسنت وعدنا صديق هناك هو مو كفيل بس قلنا نفضل ان نسكن يمه وبالضبط 26 يوم واجتني الانشورنس فورم ووراها بال3 ايام استلمت ايميل خلود وقلت الها نريد السفر بأسرع وقت ممكن هذا الايميل قبل 12 يوم ولحد الان ماكو شي يخلص العيد ونشوف
وشكرا لكم اخوتي الاعزاء
-
اخواني الاعزاء ... اذا انت رايد الـ SUV هاي التقديم عليهه و كل المراسلات على الايميل الى اخر مرحله و هاي ممكن ان تكون باي مكان بالدنيا بس يكون عند انترنت ... و المقابله (و هاي مذكورة ضمن المعلومات) تكون باقرب قنصليه امريكيه على عنوانك ... ماكو اي محددات على المكان ... اني بالخليج و سويت المقابله هنا ... اما الـ IOM هاي لازم لو بغداد لو عمان لو مصر ... اذا انت رايد SIV ابدي و قدم اوراقك و توكل على الله ... اخوكم مازولا
-
اخي العزيز مروان اكيد نصير اصدقاء واني اتمنى ايضا
الاخوان الاعزاء هسه توضحت الامور اكثر من خلال تجربه الاخت كراميلا واثبت انو هسه بصير التقديم على الاس اي في وشكرا للجميع المهم اكتشفنا انو الامور صايره احسن من قبل سنه وبيهه تسهيلات وهذا الشي اكتشفناه من النقاشات وكل واحد يعرض تجربته شكرا للجميع واني كلش فرحان بهيج مواضيع تنتهي بنهايه واضحه واكيده ليستفاد منهه الجميع
ارجو من كل الاخوان باي موضوع يشتغل التفاعل والنقاش مثل مصار هنا حتى نوصل لنتيجه
-
طبعا اولا اريد اقول كلمة مهمة للأخ ensio وهي انه سؤالك واضح جدا عن ال SIV وليس عن ال IOM وعليه فهناك بعض الاخوة والاخوات كتبو اشياء وكان قصدهم ال IOM ولكن الاخ يقصد ال SIV وهنا نرى كلام كراميلا واضح جدا وهو انه يحق لك ان تقدم على برنامج ال SIV حتى لو كنت في كوريا الجنوبية مثل الاخ أيوكا يعني البرنامجين مختلفين وطبعا المفتي فنشونزو قد وضح الطريقة تقريبا لكن عليك اخي ensio ان تذهب في المنتدى الى قسم اهم المواضيع في منتدى الهكرة ومن ثم سوف تجد المرجع الكامل والشامل في برنامج SIV من كتابة الاخ المبدع شبح بغداد وان احتجت اي مساعدة انا قدمت مع كراميلا على البرنامج من سوريا وحصلنا على الفيزة ونحن الان بأنتظار السفر فأي مساعدة يمكنك الاتصال بي وانا تحت امرك بأي طلب
بالمناسبة كان هناك شخص اسمه علي حسن الان في امريكا وكان في سوريا من بداية البرنامج الى ان سافر الى فلوريدا
رجاءا لا تشوشون على ensio وعلينا التفرقة بين برنامج SIV اللي يتم من اي مكان من الكرة الارضية ما عدا ايران وكوريا الشمالية والسودان وكوبا وبرنامج ال IOM التي يتم التقديم عليه فقط في بغداد وعمان والقاهرة ولكم مني جزيل الشكر
-
هااااااااااااااااا
شكلنه
ههههههههههههههههه
اخوي ابو الصخرة مواليد الثورة مالة الشعب ضد الضلام واختي كاراميلا اشكركم على الردود واسف لان نسيتكم انتو واخونا علي حسين وانتو كلكم من سوريا
اتوقع حتى من هاي الدول المخربطه اللي كلتهه هم يصير اذا الواحد قرر ان يقابل بغير مكان بس يمكن الNVC تصير شوية اطول
مشكلة الجماعة ... وكل الاعضاء اللي مقدمين بس اي او ام لو امم متحدة رغم انه يستحقون اس اي في انه قافلين ويحاولون بس يلكولهم سبب حتى ميقدمون
واذبحهم ولا تكللهم اقروا بارشيف الاس اي في لو بموضوع فالكون لو بالتعليمات اللي موجودة بموقع السفارة الامريكية ببغداد