ankawa
منتدى الهجرة واللجوء => الهجرة و واللاجئين => الموضوع حرر بواسطة: ameer98 في 15:42 20/09/2009
-
ان عضو جديد اتشرف بالتعرف عليكم واتصلوا بيه جماعة عن طريق عمان وخبروني بهذا الموقع وعلى المساعدات الي قدمها الموقع وارجو مساعدتي اني بسوريا وغريب اهنا اطلب المساعدة منكم واول مرة اطلع من العراق واتمنى ان تساعدوني لاني اتلقيت تهديد بخطف بنتي وهربت ولم اخذ اي شي وتركت كل شي ورائي لكي انفذ بالاطفال وارجو منكم لان مقابلتي يوم 24 بهذا الشهر باليوان ارجو منكم ان تخبروني كيف التقديم ومساعدتي
اخوكم
امير 98
-
الله سهل امركم ان شاء الله
-
اخونه امير اولا كل عام وانته بالف خير وثانينا نرحب بيك اخ عزيز بين اخوتك الي موجودين بهذا المنتدى اخي العزيز ارجو التوضيح انته متقدم للتسجيل جديد يعني المقابله مالتك مقابلة تسجيل بال un لو عندك مقابله توطين اذا كنت متسجل جديد راح تقابل وتسرد القصه الي طلعت بسببها من العراق واذا عندك اي اثباتات قدمها لان راح تنفعك وان شاء الله تتيسر امورك واي شي تحتاجة من معلومات الاخوه الاعضاء مراح يقصرون باي شي تقبل اعتزازي واهلا وسهلا فيك مرة ثانيه باسرة المنتدى
اخوكم
alfaras
-
الاخوان اب سوريا همكتم ويه اخونا
و اتمنالك الموفقية بالمقابلة
بس ابد لا تجيب طاري دافع فدية لارهابيين لانه يعتبر نوع من الدعم للارهاب
ابقة على قصتك هذه و ربنا يوفقك
تحياتي
شقلاوي اسطنبول
-
اخي امير انا ساكن في مصر لو يمي اشيلك على راسي بس اكيد اخوتنه الاعضاء الي ساكنين بسوريا مراح يقصرون وان شاء الله يتيسر امرك ومثل مااتفضل اخونه shaklawe لتذكر اي شي على فديه او ماشابه لان يعتبرو دعم للارهاب تقبل اعتزازي
اخوكم
alfaras
-
اخي امير راسلني على الخاص حتى انطيك تلفون اخوية ... هو بسوريا راح اوصيه يساعدك
-
اتمنى من الله ان وفقك في سوريا اخوان امير صديقي في سوريا كل ما اتمنى من الاخوان الي بسوريا المساعدة لان صديقي ترك العراق من وراء تهديد واتمنى المساعدة منكم
اخوكم
القرش الاسود
-
اهلا وسهلا بيك اخويا
الحمد لله على سلامتك وسلامة اولادك
عيدك مبارك ولتشيل هم احنة اخوتك والله يفرج على الجميع
-
اخي امير انا كلي ثقه ان اخوتنه الي موجودي في سوريا مراح يقصرون وان شاء الله يتيسر امركم وامر العراقين كلهم
اخوكم
alfaras
-
مرحبا اخي امير كل عام وانت ابخير واللة يعينك انشاءللة
تفرج عليك وعلى كل العراقين بغربتهم القاسية
اختك الجنابية
-
اخوية امير قبل كل شيء اقول الف الحمد لله على سلامتكم وسلامة الاطفال وكل عام وانتم بالف الف خير واني اتمنى من اخواني العراقيين اللي بسوريا اهل الغيرة والعونة والفزعة ان ميبخلون على مساعدتك واكيد راح ايساعدون لان العراقي معروف بشهامتة وباصلة الطيب الطاهر.
اخوكم
شكوماكو
-
اخونه امير....
اهلا وسهلا بيك ونتشرف بيك اخ بين اخوتك...وكل عام وانت بالف خير...والحمدلله على سلامه بنتك وياربي يحفظ كل اهل بيتك اللي بداخل العراق وخارجه من كل سوء...
ويحفظ كل اهلنا العراقيين ...امين يارب....توكل على الله ونشالله مقابلتك تكون سهله....ومثل ماكالو الاخوه ابد لتكول دفعت فديه حتى اذا انت دافع شي ىن مو بصالحك ابد...وموفق نشالله يارب...
مريمانه
-
بشر شنو الي صار وياك اليوم ان شاء الله خير واشلون كانت المقابلة