ankawa
منتدى الهجرة واللجوء => الهجرة و واللاجئين => الموضوع حرر بواسطة: alusha1 في 03:15 21/09/2009
-
كل عام وانتو بألف خير يا أعضاء المنتدى الرائع وان شاء الله كل سنة وكل عام واحنة متواصلين حتى بعد ان تنحل جميع قضايا الأعضاء وينتقلون للخارج
أخواني وخواتي
دزيت رسالة بلعربي كلت خل أجرب اول شي عربي اذا ماكو شي احول انكليزي
دزيت الى iraqsivapplication@state.gov وماجاني رد بعدين من أحد الاخوان دز هذا الايميل
baghdadsiv@state.gov
فعدت ارسال الرسالة الى الايميل الثاني ونص الرسالة راح اسويلة كوبي الكم تفضلو
السلام عليكم ورحمة الله وبركاته
عندي استفسار وطلب مهم جدا رجاءا
زوجي كان يعمل مع الامريكان في المنطقة الخضراء وفي المطار
freedom rest وفي ال
بمهنة الحلاقة واستمر تقريبا سنة ونصف ولديه مايثبت ذلك وهي
باجات عدد 2
certificate(شهادة خبرة وعمل معهم)
صورة واحدة
ونحن مهددين
فهل يحق له التقديم لبرنامجكم ؟ وماهي الطريقة والأوراق المطلوبة ؟
شكرا جزيلا مقدما
شاكرين تعاونكم
بلأضافة الى مرفق بيه المستمسكات اللي ذاكرتهة
فبنفس اليوم اللي هو يوم 19 من هذا الشهر اجاني رد منهم وهو التالي
If you are seeking to apply for a Special Immigrant Visa by obtaining a Chief of Mission letter, please email IraqSIVapplication@state.gov. If you already have an application in process, please send us the case number.
Sincerely,
Consular Section
U.S. Embassy Baghdad
وافتهمت معنى رسالتهم انه اذا ابحث عن برنامج ال siv عن طريق تحصيلي لرسالة التوصية فأراسل ايميل
iraqsivapplication@state.com
واذا ماشية بلبرنامج وعندي رقم حالة (كيس) فأدز الرقم الهم
فبصراحة الجملة الأخيرة حسيت تفيد كل المقدمين للبرنامج ومشتولين وما يعرفون وين واصلة قضيتهم فراسلوهم على الايميل هذا
baghdadsiv@state.gov
وان شاء الله يفيدوكم بشي وان شاء الله أكون قد وفقت في كتابة هذا الموضوع وان شاء الله يفيد الجميع
وأيضا أنطوني أرائكم على رسالتي الهم وشكرا
وبارك الله بلكل وان شاء الله التواصل دائما
تحياتي علوشة
-
اختي مو شرحنالج كل التفاصيل مالة التقديم بالعربي وبالانكليزي واذا بعد عندج استفسارات راجعي موضوع فالكون بالمواضيع المثبته
لازم تحضرين رسالة اثبات توضيف لمدة اكثر من سنه ورسالة تزكية من المسؤول المباشر لزوجك بيهه مذكورة اشياء معينه موجوده بالتعليمات اللي باللنك اللي ينتهي برقم 72 اعتقد
واهم شي كل المراسلات بالانكليزي
بالنسبة لاملاء الفورم DS-157 اكو موضوع استعملي البحث لايجاده لانه مو بالمواضيع المثبته وهو لزميلنا شبح بغداد
واذا عندج اي اسالة اخرى احنا حاضرين
فلتضيعين الوقت وهم قدمي عالاي او ام بنفس الوقت
ولو اكو فد طريقة اسرع لو اسهل فصدكي جان راسا سولفناهه هنا لان اكو عشرات الاعضاء سافروا من هالمنتدى على هالبرنامج واني شخصيا هم عندي عشرات الاصدقاء اللي هسه بامريكا على هالبرنامج ويمكن ما بقى زاغور بهالموضوع اذا مو اكتشفناه
بالنسبة للايميل الاخر واكو هم موقع تابع لليو اس سي اي اس USCIS بيه الواحد يدخل رقمه ويعرف شغلته وين واصله بنفس اللحظه وهذا الموقع والايميل اللي ذكرتيه حضرتج همه يدزونهه للمتقدم فماكو واحد ميعرفهه ولكن في مرحلة متقدمه ورى الكوم ابروفال COM APPROVAL
اما بالنسبة للجماعة اللي ديشكون كل كم يوم عن بطئ هذا الكوم ابروفال هالايام فكلهم اعضاء جدد واحنا دنجاوبهم
جهودج مشكورة عموما
-
شكرا أخوية العزيز VINCENZO
على كيفك شوية وياية راح تخليني اخاف أحط موضوع جديد آني والأخوان الجدد
أكيد آني مو فهيمة وخبيرة بهلشغلات لأن ذاك اليوم عرفت شنو SIV
يعني حطيتة الموضوع شمدريني آني كلت عسى ولعل يفيد أحد واذا ما فاد فهم ما ضر أحد :-[ :-[ :-[ :)
وعموما شكرا على توضيحك ألي لأن ريحتني بسؤالي اللي جنت دايخة بيه يعني معناهة أأيس لأن ما نكدر نحصل رسالة توصية
وأكيد انت وكل الأعضاء القدامى ما قصرتو ومتقصرون بأي معلومة وشفناكم وجربناكم
شكرا الك
ملاحظة ههههه عجبتني جملتك الأخيرة جهودج مشكورة عموما
شكرا أخي وردك على عيني وراسي وتسلم
تحياتي علوشة
-
اختي الوردة
انتي دزيتيلي رسالة عالخاص وجاوبتج بس المنتدى حشش الصبح والظاهر ما وصلت
اسف مرة ثانية اذا ردي عليج جان شوية عنيف
وهذه مقتطفات من الجواب مالتي:
اكو بعض الاعضاء الجدد هالايام ديسالون شلون يبدون بالاس اي في
ودائما نوجههم للاطلاع على موضوع فالكون
لان فالكون قبل حوالي 8 اشهر لخص السالفة كلهه وموجوده
بس قسم يرجعون يسالون بغير موضوع شلون نبدي !!!!
انتي شخصيا اني دليتج عالدرب سابقا
وعجبني انه انتي هم راسا تحملتي المسؤواية ونزلتي اللنكات لغير عضو جديد
اعتذاراتي اذا ما عجبج اي شي
وكل الهله بعين كاوا
-
فبصراحة الجملة الأخيرة حسيت تفيد كل المقدمين للبرنامج ومشتولين وما يعرفون وين واصلة قضيتهم فراسلوهم على الايميل هذا
baghdadsiv@state.gov
شكرا اختي اني مجنت اعرف اكو هيجي ايميل يجيك الحالة بارسال الرقم
اشكرك مرة اخرى للفائدة العامة
تحياتي
شقلاوي