ankawa
منتدى الهجرة واللجوء => الهجرة و واللاجئين => الموضوع حرر بواسطة: اوراس اورو في 07:12 21/09/2009
-
بعد التحية والسلام
اخوتي واخواتي الاعزاء...
عندي استفسار مو بس اني استفاد منه بس اكيد اكو حالات مشابهة لحالتي ...والقصة كالاتي:
كنت اعمل مترجم مع شركة تايتن و طبعاً تركت العمل بس عملت اكثر من سنه ...وحالياً اردت المحاولة على التقديم على ال SIV بس عندي شغلة رسالة ال HR مااعرف اشلون ادبرها لان المعسكر الي كنت اعمل فيه استلمه الجيش العراقي وماكو بعد امريكان فيه ولا مكتب الموارد البشرية الHR...شنو الحل ؟؟؟؟؟
وشكراً
م.اوراس اورو
-
اخي العزيز اوراس كل عام وانتهبالف خير
بالنسبه للhr لازم تحصلهه من امريكي لان عن طريقه يرسل معلوماتك الى بغداد حتى تحصلهه اذا انت تكول ماكو بعد امريكان
الحل اذا عندك باج او اي شي يثبت ان انته مشتغل ويه الامريكان روح الى اقرب وحده عسكريه امريكيه وكللهم اني اريد اقدم على الsiv ومحتاج الhr وعن طريقكم اريد احصل عليهه لان لازم امريكي يحصلهه الك ونطيهم كل المعلومات يعني يمته داومت ويمته انقطعت وكل شي وانشاء الله راح تحصل عليهه وانشاء الله ما راح يقصرون وياك لان همه يحبون المساعده
او اذا عندك صديق امريكي باقي بالعراق حاول امن تخابره وتتفق وياه يسويلكياهه
واتمنالك التوفيق
اخوك ابو العينتين
-
اشكرك اخي على الجواب ...بس هذولة الموارد البشرية موجودين بالمنطقة الخضراء؟؟؟؟؟؟ اذا موجودين حتى اشوفلي فد طريقة اوصلهم؟؟
-
اخي اوراس كلامك سليم المركز بالمنطقه الخضراء بس اي امريكي ومن اي موقع بالعراق يكدر يرسل معلوماتك البغداد وتحصل عليهه بشرط انو عندك بباج او اسكان باج وصفحتك بيضه وياهم يعني ماعندك اي مشاكل
مو ضروري انته تروح اي امريكي يكدر يسويلكياهه حتى لو ما يعرفك
روح اللى اقرب وحده عسكريه وكللهم واذا عندك صديق عراقي بعده دا يشتغل وياهم همينه يكدر يسويلكياهه عن طريق مسئوله المباشر
بس انته اسعي بيهه لان هذي فرصه ماتتعوض وبقيتك بالعراق غللللللللططططططططط
-
اخي العزيز
حاول تتصل على شركه تايتن في امريكا وهسه اسمها اتبدل وصار ال 3 كومنيكشن ايميلهم هوا
hq.webmaster@L-3com.com هذا الويب سايت مال الاتصال دزلهم رساله وكللهم اني اشتغلت واريد رساله التوضيف او
linda.mclaughlin@L-3Com.com
هذا الايميل اخر اتصل بيه بس انصحك بالاول لانه الويب سايت مالتهم يعني رسالتك راح يجيكوها كل المشرفين بال شركه وراح ادورلك على الرقم مال تلفونهم وادزلكياه وتدلل
-
اخي تاخذ الباج مالتك مال تايتن والوثائق مالتك كلها وتروح للخضراء من جهة ساحة النسور وتراجع شركة GLS همة عدهم كل الاوليات مال تايتن وينطوك كتاب بيه الايمل اذا واحد يريد يتصل بيهم للتاكد لان هاية الشغلة اني سويتها
-
اني اشتغل بشركه امريكيه ولحد الان اوهم رادو مني اخر شي ال HR اوحرت محد يسويلياها بس اكو مهندس بالشركه فلبيني جاوبلي على شكل ايميل او دزيته او ماادري هذا يمشي لو لا؟
او ليش الا امريكيلان الركومانديشت امريكي بس الHR هم لازم امريكي؟والمشكله اللي سوالي الركومانديشن الامريكي ابو قلب الطيب صار بي مرض فلونزا الخنازير واشلون بيه بلكي الله يطيب وايجاوب على اسئلة ال siv
-
شكراً جزيلاً لكل الاخوة على اجوبتكم ....هو افضل شئ اروح للخضراء واشوف GLS بس بقى عندي سؤال يعني هذا الHR شنو فرقه عن EMPLOYMENT VERIFICATION ؟؟؟؟؟
-
الاخ اوراس
انت تسأل عن فرق الـ HR عن الـ EV اي الاول هو دائرة الموارد البشريه التي فيها معلومات عن اسمك ومكان وفترة عملك وهذه الدائره هي التي ستزودك بـ EV اي تأكيد توظيف او اثبات توظيف اوكي يعني ال اج ار هي الدائرة التي تزودك بال EV وهذا العنوان تراسل عليه راح ايزودوك بكتاب الـ EV بس اعطيهم اسمك ومكان العمل واتمنه انو اكون ساعدتك ووضحت الك استفسارك.
Will Proctor HR Support Specialist
L-3 Communications
Titan Linguist Operations & Technical Support
Phone # 703-390-7373
Fax # 703-390-7308
william.proctor@L-3com.com
ام ياسر
-
اخي اوراس ,,,,,
ما تفضل به الاخوه و الاخوات سليم و صحيح 100% ,,,,,, لازم تراجع ال GLS و همه راح يعرفون الي ينطوكيا لان انته مو اول واحد ,,,,,, في حاله كالولك بان انته مموجود بالداتابيس او من هاي البلتيقات مالتهم ,,,,, بس راسل اي ايميل زودك بي الاخوة و راح ان شاء الله تحصل على ال EV
-
بالضبط مثل ما كال الشبح
روح لجي ال اس واذا ما انطوك او انطوك ورقة مو حلوة او مو كود ستاندنك استعمل ايميلات ايوكا وبانه والثاني اني استعملته واشتغل
اني كلتلك عالخاص دور على ردودهم (ايوكا وبانه) بالارشيف بس سبحان الله بس سمعوا واحد يريد هالمعلومة راسا نزلوا اللي يعرفوه وهذا دليل على انه همه دائما متابعين
الله يسهل امرهم وين ما همه وبعد ما يوصلون لامريكا لان يستاهلون كل الخير
-
الف شكر لجمع المشاركين بالموضوع و ممنون للاجابات الواضحة والمساعدة..
بس وين تروح مني الGLS بعد راح الزكلهم لزكة زينه وان شاء الله احصل هاي الامور ..
مع جزيل الشكر والتقدير ...
اخوكم :
م.اوراس اورو
-
أشكركم آني أيضا لأن كان عندي نفس السؤال والشكر لصاحب السؤال أوراس
تحياتي علوشة
-
شباب عاشت ايدكم والله بس ممكن خدمة اريد احصل شغل مترجم ع هاي الشركة احد ايفضل علينا ويحكينا اشلون احصل وظيفة بيها
شكرا
-
السلام عليكم
اخواني كيف الحال لدي بعض المعلومات بخصوص الموضوع وهي
اذا اتريد HR الباج واسمك ومواليدك المده الي مشتغل بيهه ولا تسويه اقل من سنه وهمه حتى اذا انته مشتغل اقل من سنه ايسووهه سنه بس كون تذكرلهم ان انته محتاجhrعلمود اتقدم على الـــــــــsiv وتذكر المكان الي كنت تشتغل بي على هذا الاميل
linda.mclaughlin@L-3Com.com
اما بخصوص الاخ الي يريد ايحصل شغل مترجم اخي هناك عدة فروع لهاي الشركه تكدر تختار الي يعجبك مثل اذا بغداد تكدر تختبر با المنطقه الخضراء باب ساحة النسور من توصل كول اني اريد الـــــــــGLS
با المنطقه الغربيه معسكر الاسد
با الشماليه مطار كركوك
با المنطه الوسطى يعني الحلى معسكر كالصو على الطريق الدولي
با الديوانيه با المعسكر البولندي ما اعرف اسمه بس خلف محطة وقود عباس الشعلان معروفه با المحافظه
با الكوت خلف السد معسكر دلتا
با الناصريه معسكر طليل القاعده الجويه
با البصره مطار البصره
ملاحظه عندي بعض ارقام التليفونات مال ناس عراقيين يشتغلون با الـــــــGLS بهاي المناطق اذا اتريده انطيني علم واني بخدمتك
اخوك علي الحلي
-
اخي على الحلي بارك الله بيك على هاي المعلومات القيمة والجهد الرائع .....
-
شكرا أخ علي على معلوماتك لكن راسلت هذا الايميل وهو يجهز فعلا ال hr لكن فقط للعاملين مع شركة اي تايتن حيث خبروني انهم متاسفين وما يكدرون يجهزوني لأن ما موجود عدهم بلDATABASE
كون انه ماكان يشتغل عدهم ودزيتلهم الباجات وشهادة وكان هذا جوابهم
فبحالتي اللي ما مشتغل وياهم
شلون أدبر ال HR?أسعفوني
وماعندي اي شي يوصلني الهم لان هو ماجان تابع لشركة معينة كان يعمل بمحل هناك
تحياتي علوشة
-
اختنا علوشة
اتصور لو تقدميين عل IOM احسن
لان هسة SIV مديقبول بعض الشركات البريطانية و الامريكية اللي مصدر تعاقدها مو وية وزاره الدفاع الامريكية
اعرف صديقي يشتغل بالمطار وية شركة ايرنيست الامريكية شركة حمايات و الاس اي في كلولة دزلنا عقود الشركة علمود نشوف شركتك موهلة لو لا
لذا اختي تره صعبة يعني لو جان زوجج عندة عقد وياهم يعني وية الوحدة العسكرية جان مدومن
و جنت اعرف صديقي او الوندري ( يغسل ملابس الجنود) جانو مسوين عقد وياه و يفيدة هذا العقد
اذا حصل علر رسالة توصية من مسؤؤل مباشر يوكد بانه يعرفة هذا الشخص و لا يمثل تهديد للامن القومي الامريكي
اني مدا اهبط معنوياتج العالية بس الا اي او ام احسن الج
تحياتي
-
علوشه شنو الاخبار احنه اتفقنه انقدم على الـــــــــiom ودزيت اوراقي والمعلومات ودزولي اشعار وانتظر جواب اختي باشري ودزي اوراق مالتج بلكي اكو خير وهاي هم معلومات تستفادين منه حمليه وقريه
علي الحلي
-
اخواني اني بالخدمه وكل من يحتاج مساعده . بس اني هسه محتاج مساعدتكم عندي ولد صديقي مشتغل ويا GLS ودا يحاول ايحصل الHR وياريت اذا واحد عنده اميل الجي ال اس مال الخظراء او اميل جسطن حتى نتصل بي على الانترنيت
ولكم مني جزيل الشكر
اخوكم
علي الحلي
-
هاي شنو صديقي ماجلان بس لا justin ليهسه بعده ال site manager مالة ال IZ
لان هو اخر مرة شفته من جانت وياه سنثيا المرية العجوز اللي بعدين بدلوهه بشابة حلوة
بس هذا الحجي قبل 8 اشهر تقريبا
اختي الوشا اني نصحتج قبل هواي ايام ووضحتلج وانتي بوقتهه اعتبرتيني عصبي لو اتعارك لو ما اعرف شنو
الله يسامحج
المهم
زوجج ما مشتغل وية الامريكان... هيه كوه...لان ما عنده عقد
يعني جان عنده محل بمعسكر او قرب معسكر امريكي وجانو الامريكان من زبائنه
واكيد عنده باج واللا شلون يطب ويطلع
وهذا باج المكان مو باج شركة...فما ياكل
وحتى الاي او ام ببغداد هم ما اعتقد تفيدكم لان ما مشتغلين عند الامريكان بعقد
وصدكيني هذا كلامي مو ضدج وانما وياج حتى تتوجهين وتعرفين شتسوين ومتضيعين وقت
انتي دتراسلين ودتلحين والاس اي في تره ما راح ينطوج لا حق ولا باطل لو بعد ميت سنه لان ما عدكم الشروط مالة البرنامج اللي هيه موضحة بموضوع فالكون اللي مبين انه ما جاي تتعبين نفسج وتقرينه هو او اللنك مال الخارجية الامريكية اللي انطته الج بوكتهه
لا والنوب تدورين على عنوان امريكي تراسلينه حتى ينطيكم تزكية وهي مذكوره بالشروط انه لازم يكون direct supervisorللبرنامج الجديد و للبرنامج القديم مالة المترجمين
on the chain of command of the unit that he works for
فيا اختي هي مو كوترة وانما فد سلسلة خطوات تلعب النفس وبيهه كومة اثباتات وتحريات
ارجو ان يكون كلامي الج مفيد وواضح وميزعل واذا اكو اي شي مو واضح فاحنا بالخدمة
صديقي علاوي
جي ال اس بالعراق فلا يجاوبون اللوكال ناشونال (اي العراقي) بايميل ولا ينطون اثبات توضيف بالايميل
وصديقك هو يندلهه ويروحلهم وهمه حبابين وراسا ينطونه واذا ما يندل فيروح لنفس المكان اللي توضف منه ولازم يكون مكمل سنه يلله يصرفوله هالورقة
-
استاذي الحلي يا ريت اشوفنا احد من جماعتك العراقيين خلي ايساعدونا نشتغل بالخضراء مترجم او مهندس اي شي وكون ممنون
-
اخويه العزيز الولد صاحبي خارج العراق حاليآ وهو يريد ان يقدم على الـــــــــــــــــiom يعني ماكو حاجه ان يكون مشتغل سنه بس الضروري انه مشتغل ويا الامريكان هو مشتغل اربع اشهر وعنده باج نمبر من الـــــــــــــــGLS اذا واحد يعرف شلون نتصل بيهم عن طريق الاميل وشكرآ
اما بالنسبه الى الاخ الي يريد يشتغل مترجم او مهندس اخي اصبر من تبدي الدراسه راح اكو هواي طلاب وحتى مدرسين راح ايبطلون ويكون الامريكان بحاجه الى مترجمين يعني بشهر 11
ولكم مني الشكر والتقدير
-
الاخ علي الحلي
احب ان أأكد لك انه مثل ما قال الاخ vincenzo انه الGLS لن يردون عليك من خلال الايميل ....وعن تجربة صديق لي قال انه لابد من يتواجد الشخص بنفسه ....اما بعد فقد تمكنت من الوصول الى فد ايميل يمكن يفيدك ويمكن لا ؟بس انت جرب مخصران شي....مرة ثانية اكرر انه هذا الايميل يمكن ميرد عليك..انما فقط حبيت اساعدك والايميل كالتالي ... justin.secrease@gls-1.com
-
شكرا اخوان على ردودكم وتعبتكم وياية
أولا أخ علي الحلي
شلونك يارب تكون امورك ماشية ويسهلك أني هم مثلك قدمت على ال iom يوم 23 من هذا الشهر وفقط أجاني اوتو ريبلاي بنفس اللحظة ودا انتظر والله كريم وأيضا قدمت على ال siv بلعربي يوم 19 وما اجاني شي واني ادري يجوز ما يصير الة انكليزي بس كلت اجرب وفعلا اليوم اجاني رد من الsiv وكالو نريد بلانكليزي لان nvc يردوه بلأنكليزي وعدت ارسالهة بلأنكليزي اليوم والله كريم آني مأيسة لان ماعندي رسالة توصية بس كلت امشي بلموضوع والله كريم وما مستعجلة على شي واذا ماصارت هاهية
ثانيا شكرا أخ شقلاوي على جوابك بلعكس ماهبطت معنوياتي عادي اني متوقعة اي شي حتى اذا ماصارت الحمد لله وبلعكس انت انطيتني امل ولو بسيط انه ممكن تصير على ال iom لكن مو هية نفس المشكلة بلنسبة لرسالة التوصية ؟لو الباجات والشهادة تكفي؟ وشكرا مرة ثانية
أما بلنسبة للأخ vencenzo
فأخوية اشكرك على ردك وايضا آني متعبة نفسي وقارية موضوع فالكون وحافظتة وادري وقريت كل مواضيع المنتدى حتى اللي ما الهة علاقة
بس آني كلت خل أجرب مثل مانكول اشمرلك حجارة بلشط حتى لو يشتلوني على كولتك 100 سنة ما خسرانة شي بلكي الحظ هلمرة يكعد وياية ويعبروني مثل اللي عبرو هم عند الله مو بعيدة واذا ماصارت هذا هو شريد اسوي قابل .
وثاني شي ما محتاجة يا اخي انه اكول انه مشتغل وية الامريكان وهو ما مشتغل لأن اني اساسا اريد استفاد من معلوماتكم فماكو داعي اغير الحقيقة واكول هو يشتغل وهو ما مشتغل
وهو بلفعل كان بلمنطقة الخضراء يشتغل وبلمطار-- وبلمطار همة طلبو منة ان يجهزلهم محل الحلاقة وفعلا حضرة وهيأة واشتغل بيه وجاب صديقة وياه وهم اشتغل بس والله ما سوولة اي عقد
كانت اجراءات كلش عادية
وعندة اسماء سوبر فايزر بلباجات بس مدا اكدر اوصللهم
وشكرا جزيلا وأكيد ماكو زعل لأن الله ناطيني صبر وعقل جبير الحمد لله يخليني اعرف اتصرف بوعي وثقافة بحيث حتى اذا تجيني أهانة على الايميل او بلمنتدى او بأي مكان ما ازعل لأن اساسا الاهانة تلف تلف وترجع لصاحبهة وما اتعب نفسي و ارد على اهانات الهم الله واخليهم وية روحهم يهينون ويجاوبون نفسهم
وأهم شي اخوية العزيز vencenzo مو تردلي وتكلي هاي شسويتيهة ترة والله والله مو قاصدتك ولا قاصدة اي احد بس هذا الكلام ذكرتة للفائدة العامة أيضا لأن لاحظت هلأيام تصير مشاحنات بلمنتدى
فأنتو كلكم عزاز على كلبي وتحياتي للجميع وألف شكر وعلى العين والراس أجوبتكم شلون ماتكون
تحياتي علوشة
-
علوشه انتي اختنه وعلى الراس وتعجبني فكرة ماكو خساره بس اكو فد سؤال حول الباجات مال الخظراء هو منين جابهن غير من مكتب الباجات الي با الخظراء .
واسم المكتب الي يسوي باجات للأشخاص الي يشتغلون با الخظراء واسمه (اوشن كلف)واني مراجع هذا المكتب وهما ناس يساعدون راجعيهم واخذي الباجات وياج وكليلهم الي تحتاجينه والله يسهل
علي الحلي
-
سلام ع الجميع....
اكول يامعودين استلمت ال hr بس كاتبين اسمي غلط شنو الحل وكاتبيها mamshekوهي بالجوازmam sheikh
-
حبيبي ماكس ,,,, اني جاوبتك على الخاص ,,, ولكن لتعم الفائده راح اخلي جوابي الك هنا حته بقيه الاعضاء يستفادون
حبيبي ,,,,,
اني من رايي بان عادي مشي الموضوع ,,,,,لان من يطبعولك الكوم يمشون على الاسم بالجواز ,,,, و انته مادام االسم الاول و الثاني صحيحات يعني االشكال بس باسم الجد ,,,,, فهذا الشي مو فدشي ,,, همه ورقه ال اج ار بس يريدون يتاكدون بيهه بانك صحيح مشتغل بالشغله الي انته مقدم عن طريقهه ,,,,,
-
اخي اوراس اورو
اني جان عندي نفس الموضوع واحتاجيت ورقة ال HR دزيت ايميل لجيستن وجاوبني راسا وكال تعالي وجيبي وياج المستمسكات المطلوبه وفعلا رحت ثاني يوم للGLS حتى اخذت الايميل حتى لااحد يعترض على دخولي وزودني بالاوراق الي اريدها
وان شاء الله تتوفق واتحصل على الاوراق
اختكم ريم
-
الاخت ريم عبد
شكراً للمعلومات ....لكن عندي سؤالين ان امكن ..
اولاً ....ممكن تعطيني تأريخ هذا الكلام (يعني شوكت صار؟) حتى لو تقريبي.....
ثانياً ....ماهي المستمسكات المطلوبة التي اخذتها معك لل GLS ؟
مع تحياتي
م.اوراس اورو
-
اني اجاوبك صديقي اوراس
قبل اقل من شهر راح واحد من اصدقاءنه لهايه الشركة وجاب الورقة وكمل تقديمه
وكل اللي تحتاجه هو جنسيتك ورقم باجك مالة جي ال اس لازم حافضة وهاي هية
ها ولتنسه السبيلنك مال اسمك بالانكليزي بالجواز الجي احفضة او شيله للجواز بجيبك لان غالبا راح يطلبون منك ان تكتب انت اسمك حسب ما موجود بالجواز لان يدرون بيهه للاس اي في
-
ممتاز ............شكراً اخي vincenzo .
مع تحياتي
م.اوراس اورو
-
اخي العزيز اوراس اعتقد ان الاميل الي دزيتلياه مال جستن بي خطأ لائن دا ارسله ويرجعلي ايكلي اكو خطأ ياريت تتأكد من الاميل وتحاول ادزلياه مره ثانيه واكون ممنون منك وشكرآ
ولك مني التحيه
اخوك علي الحلي
-
Oras
you welcome
Eng. Vincenzo
اصدقائي
بالنسبة للسايت منجر مال المنطقة الخضراء ما اعتقد ليهسه موجود او يجاوب لان اني ايميله هو كتبلياه بايده بس وره فتره كام ميجاوب تدرون ليش؟؟ لان هو جان مسؤول عن مترجمي معسكرات الخضراء اللي كلهه تسلمت وانسحبوا الامريكان منهه بدءا من يونتي وانتهاءا ببروسبرتي اللي جان عندي اصدقاء يشتغلون بيه وهسه حايرين لان ماكو شغل ... بس وين ؟؟؟ ههههههههههه بامريكا
فبعد الرجال شعنده كاعد
اكيد لو نقلوه لغير مكان لو رجع لامريكا لان صارله فوك السنه بالعراق
والله اعلم
-
اني جنت اشتغل قبل بتايتن بس اشتغلت بس 3 اشهر....اذا اروح عليهم ينطوني امبلويمنت فيريفيكشن على انه اني مشتغل سنه؟؟ حتى اقدم عالاس اي في ...لان اني هسه مقدم على الاي او ام....واذا اريد اروح هسه لجي ال اس فممكن احد يدليني بالظبط منين اروح؟؟....مع العلم انه عرفت من ساحة النسور بس بعدين وين؟
واشكركم
-
اي تكدر تروح لتايتن بفرجينيا اذا تكدر
بالمناسبة همه تايتن من جانو موجودين ما جانو ينطون اثبات توضيف قبل ما تكمل سنة
ثم ما عتقد الواسطة والتوريق ممكن تفيد ويا شركة امريكية بحجم تايتن حتى يحرفون الفايل مالتك ويزيدون فترة خدمتك
بس انت دزلهم ايميل اسألهم (بس اهم شي لتطلب منهم ان يكتبون سنه وانت ما عندك سنه اصلا لان احتمال ما يجاوبوك) وجيبلنه النتيجة على ايميلهم اللي ذكرته اختنا المبدعة بانه بموضوع الاج ار بالصفحة الاولى
بالنسبة لجي ال اس فيم النسور اكو كونكريت بجهة المنطقة الخضراء بيه فتحه راح تشوف الناس يدخلون منهه
بس هم ما اعتقد ينطوك شي لان انت ما مشتغل وياهم وما عندك باج الهم او عقد وياهم
بس انت روح واخذ وياك جنسية ام الفسفورة واحفظ رقم باج تايتن وعود بلغنه بالنتيجة
اس اي في ما اعتقد تمشي لان انت ما مشتغل سنه فما فوق
-
اخي العزيز علي الحلي ...تقبل اعتذاري لاني تأكدت من الايميل اكثر من 5 مرات لكن هو نفسه بدون خطاء....اما بعد ..فكما ذكروا لك الاعضاء سابقاً حلاً لهذا الاشكال لابد من التوجه الى GLS في المنطقة الخضراء واعتقد هو مايحتاج يكون موجود حيث ان المستمسكات المطلوبه هي الجنسية و رقم الباج يعني احتمال تقدر تنوب عنه في هذه الحالة !!!! و تقبل اعتذاري مرة اخرى..
مع تحياتي
م.اوراس اورو