ankawa
منتدى الهجرة واللجوء => الهجرة و واللاجئين => الموضوع حرر بواسطة: wamidh77 في 08:57 24/09/2009
-
اخواني الاعزاء اعضاء المنتدى الغالي ارجو من اصحاب الخبره افادتي ونصحي بعد الاطلاع على قصتي ادناه
قبل سنه تقريبا يعني بشهر 9 من عام 08 قدمت عن طريق الايميل على الاي او ام بغداد علما انو اني مقيم باحد الدول الخليجيه ووره فتره قصيره اجاني رقم BGD 4xxx
وتفائلنه خيرا ولكن بعدها اسبوع يمضي وره اسبوع وشهر وره شهر وماكو شي وكلما اراسلهم يجاوبون انو الكيس مكامله ودزلنه employment verfications مع العلم اني دازه اكثر من 3 مرات بين كل مره ومره شهرين او 3 حسب طلبهم
الى ان اكتشفت بالشهر الاخير يعني قبل شهر او اكثر من التاريخ الحالي وعن طريق مديري بالشركه الامريكيه الكنت اعمل بيهه ( وذلك لعلاقتي الطيبه المستمره بيهم وهذا شي مهم لكل شخص مقدم على الاي او ام !!)
انو الكيس مالتي مخربطين بيهه حيث انهم راسلوه قبل كم اسبوع دازيليه الورقه مال الemployment verfications مالتي ويه اوراق جنسيه وشهادته جنسيه لغير شخص طبعا عراقي ايضا
وعليه راسلهم الرجل مشكورا ووضحلهم خطئهم وخالني بال CC مالايميل واني هم رجعت دزيتت الاوراق القديمه مرت اللخ يله عد اجاني ال IZ نمبر
وهسه دانتظر الخطوه الجايه واعتقد هيه المقابلات وماعرف شوكت بس الله المعين وماعدنه غير الصبر
علما انو IZ العطونياه كالاتي
IZ 108xxx
سوالي هوة هل تنصحوني احول الكيس مالتي الى الاردن لان سمعت كيسات الاردن متطول اكثر من 6شهور
-
اخي العزيز الفاضل اني مثلك مقدم على بغداد و انتظر لحد الأن كلشي ماكو نصيحتي الك اذا تكدر اتقدم على مصر و اتكولهم اني في بغداد و اتفهم شنو السالف ترة جماعة مص حبابين
-
شكرا اخ عربيد على الرد ...
اخوان وين النصايح مالتكم شو بس اخويه عربيد جاوب
-
اخي العزيز آني اقترح تحول اوراقك على عمان اذا تكدر لانه هم كالوا اللي يريد يطلع اسرع يراسلنه وخلال اسبوعين يحولون اوراقك وانشالله هناك اسهل واسرع بس لازم تروح لعمان تقابل بس اذا انت مستلم IZ NUMBER ما اعرف شلون راسلهم وشوف والله يوفقك انشالله.
-
اخي العزيز السلام عليكم
الضاهر انت قصتك نوعا ما مثل قصتي وتقريبا بنفس التوقيت اني هم قدمت من 2008 الشهر التاسع من بغداد وساعدوني كثيرا ايضا بعض الاصدقاء الامريكان والذين كانت تجمعني بهم علاقة صداقة طيبة كونهم كانوا مشرفين على عملي انذاك والذين اخذوا على عاتقهم وبحكم الصداقة التقديم لي وبالصورة المباشرة بعد مراجعة السفارة في بغداد وقاموا بتزكيتي والتوقيع على بعض الوثائق التي تخص طلبي وكذلك قاموا بالاستفسار عن المدة التي سوف تستغرقها العملية بكاملها قالوا لهم الفترة ستاخذعلى اقل تقدير اكثر من ثمانية اشهر او سنة او ربما اكثر ولكننا ننصحكم بنقل الفايل الى منظمة عمان كون هناك تسريع بالمعاملات بالاضافة الى تقديم التسهيلات وبالتنسيق مع منظمة الهجرة الموجودة في الاردن للدخول الى الاردن بدون الحاجة الى تاشيرة دخول علما انا والحمد لله قد اكملت كل المقابلات و انتظر الان موعد السفر والحمد لله لذلك اخي العزيز انا وبحكم التجربة انصحك بنقل الملف الى الاردن اما بخصوص IZ number فهذا شيء اعتيادي ما بيه اي مشكلة بعد حصول الموافقة المنظمة بغداد على طلبك سوف يعطى لك رقم اخر توكل على الله وبالتوفيق مقدما ان شاء الله
اخوك مشتاق 67
-
حول لعمان او مصر بالنسبه لعمان همه يسهلون دخولك واذا مصر لازم دبر فيزه والتحويل هم ياخذ بعض الوقت لحين تسهيل اجراءات الدخول
-
حبي انت ليش متحول عىل عمان احسلك و تخلص من العراق لأن شغلة اي او ام بالعراق تعبانة و اطول فأتصل بعمان الأردن احسلك
-
اخوان الي نصحتوا بعمان اني عندي اقرباءي من شهر ال 12 2008 مقدمين على IOMبغداد ولحد هسة بس الكيس نمبر فوك ال خمس الالاف زين اذا حولوا على عمان ورة شكد يقابلون بتوقعم وهمينة ورة شكد تخلص الاجراءات ويسافرون يعني وقت تقديري اذا تكدرون وطبعا اشكركم واشكر الاخ الي منزل الموضوع لان نفس سؤالي .
اختكم رشا
-
حبيبي..... كسر بجمع مثل مايكولون هية شغلة جنص وحظ ... خاف اتحول على مصر لو عمان وتطلعلك بلتيقة الموافقة الامنية او قيد الدراسة .......... أنتة هسة احسن شي اتسوي انه تخبصهم بالايميلات كل اسبوع طكهم ايميل وتكدر تتصل على مصر وعمان بين فترة ولخ علمود تسأل على الكيس مالتك .... واشكرك
-
تحية طيبة .انا مع رأي اخوية صفاء الكرخي انه هيه شغله حظ وايجوز من اتحول لمصر انوب تبدي الاجراءات تتعقد ويجي حظك في بغداد .. صحيح كثر عليهم الايميلات وظل راسلهم وخابرهم هسه اتشوف هناك رد...وياربي بالتوفيق وانشاء الله يجيك كل الخير وللجميع ....السومري
-
اخويه العزيز wamidh77 انت اذا تكدر تحول على عمان حول بس ترة هوة نفس الروتين الى ان تحول والى ان يدرسون حالتك هم حياخذ وقت طويل وتالي متالي نطلع مسوينة شي
لان اقاربي طولت سالفتهم سنة ونص من عمان وميفيدك من ناحية مصرف زايد مو هين
واحنه دتشوف مثل حالتك هم صارنا سنة وشويه مااعرف سنة ونص من مقدمين وممحصلين شي وداعتك بس الكيس نمبر والIZ نمبر ودنشوف تاليها عسى ولعل انه يجينا ايميل المقابلة واذا نجي على الحقيقة كلها هية عباااااااااااااااااااااااااااااااااارة عن رووووووووووووووووووووتين
وانت ادرة بحالتك ووضعك شمدريك ممكن احنه ننتظر ويطلع بيها صالح النا مو يكولون الي بالتالي ربة عالي؟؟؟؟؟؟؟