ankawa
منتدى الهجرة واللجوء => الهجرة و واللاجئين => الموضوع حرر بواسطة: Allami في 23:06 24/09/2009
-
اخوان شنو سالفة الاي او ام ترى حيل ضوجوني كلشي مكمل صار شهر و10 ايام ومنتظر موعد سفر وماكو ... الي عنده موعد على شهر العاشر خلي ينورنا لان طكت روحي من مصر ومن العيشة هنا علما انا بولاية ايوا
-
شهر و10 ايام اخي العزيز طاكة روحك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اني 6 اشهر واكو ناس اكثر من سنة مخلصة وماكو شي
طول بالك
كلــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــش هواية
-
والله الله يساعدك ابو اندرو اخوية الغالي والله ينطيك طولة البال بس انا همين مو جديد هم من وجبة شهر الثالث وبشهر الثامن يلا اجتي الامنية مالتي ونختم الملف ورى 4 ايام ومنتظر موعد سفر حالي حالكم
-
عمي انته زين اني من جماعه 3 وليهسه لاولايه ولا موعد سفر الله كريم
-
والله اني هم من 16/8 /2009 انختم ملفي وانطوني الولايه بس الى هسه ماكو موعد سفر بس اليوم اتصلت بيهم كالو اتصلو من بداية شهر عشره وانشاءالله خير تحياتــــــــــــــــــــــي
ميادة / مصر
-
بس انت مخلص كلشي خلاص اخي الكريم مابقى الا السفر يعني شغلتك منتهيه
والله اكو ناس لا يعرفون ارضهم ولا سماهم
فقول الف الحمدلله وانت شهر شهرين او حتى لاسمح الله ثلاثه تعرف انت مسافر بالاخير
بس الله يعين الي صدق ينتظر ولايعرف انتظاراه يجيب نتيجه لو لا
-
شكرا اخواني واخواتي ماجلان وميادة ومنتظرة الفرج ويا رب الفرج قريب ... اي والله اكو ناس منتظرين على جمر ومن ضمنهم اهلي كانو قيد الدراسة وبعدين اجتي موافقة المحلفين مالتهم وهسه ينتظرون الموافقة الامنية وعلى كولة منتظرة الفرج ما يعرفون سماهم من ارضهم ... ما بيدي سوى ادعي لكل مكروب وتعبان بالفرج القريب
اخوكم اللامي
-
صدقني اخي الكريم الله يفرجها عليكم عاجلا غير اجل وتذكر كلامي هذا من يخابروك بموعد السفر ويارب بهاي الايام يخابروكم
:)
-
السلام عليكم اخوية العزيز بعد وكت الصراحة على الضوجة لان انتة فقط صارلك شهر وعشر ايام واكو ناس مثل مشفت صارلهة سنة واقل تنتضر
وللعلم اني كذالك تقريبا نفس وقتك انتضر موعد سفر ولحد الان كلشي ماكو بس كلام مسئولة السفريات كالت لنهاية شهر اكتوبر يلة ننطي سفر لان رح ايعطلون 3 اسابيع من شهر العاشر اول 3 اسابيع وهذا الي كالتلي اياة مدام رشا
اخوك جوزيف
-
مرحبا بك اخويه ....ان شاء الله نهاية صبرك خير ...وان شاء الله ما ظل شي ...وحشر مع الناس عيد مثل ميكول ابو المثل ...يعني من اطك روحك ادخل للمنتدى وانت اتشوف الصابرين ... :)
نخلة عراقية
عمـــــان
-
الله يساعدك اخونا ويساعد الجميع صدك الانتظار قاتل احنا النا اكثر من ست اشهر ودا ننتظر الموافقه الامنيه وبعدين تبين انو الموافقه الامنيه لزوجي جايه بس موافقتي بعدها يعني الحقيقه ما اعرف ديقرون عليها خما ديقرون عليها يعني اسالكم بالله عليكم امريكا وكل قاعده المعلومات الي بيها وابمسلسلاتهم يطلعولنا ابدقيقتين يطلعون المعلومات عن اي واحد يريدوه تعصى عليهم موافقات كم عراقي امخليهم مسموطين ابهالبلدان بس يصرفون فلوس وماكو قبض
-
الله يطيك الصبر ان شاء الله كلنا على هالطريق ذبحونا ذبح
-
و الله يا اخوية كلنة طكت رواحنة و بعد مدنتحمل بس ما بيدينة شي بس الصبر و نكول الله كريم
-
اشكركم كلكم بدون استثناء على مشاركتكم المعنوية والله محد يصبرنا غير كلماتكم الحلوة ويا ربي يخليكم ويوفقكم
-
اخويه اللامي الله سهل امرك ان شاء الله
-
عندي ولد صديقي اجاه موعد سفر يوم 28-9 بس اجلة لأسباب خارجة عن ارادتة فكالتلة هاي اللي اتصلت بيه انه راح ننطيك موعد على بداية شهر العاشر بس لازم تكون جاهز للسفر, فوافق على الموعد بس ماكالت بالضبط شوكت بشهر العاشر
-
والله اني هم كلش ضجت ومليت من الانتظار بس من اشوف غيري اسكت اكول اني شهرين واسبوعين
بعدني بالبدايه هههههههههه
وان شاء الله التوفيق للجميع
-
اخوية Al nashee ان شاء الله ما بقى شي ونسمع يوم سفرك باقرب وقت بس واحد من الملل شيسوي ويا رب الكل تمشي امورهم
اخوية Solid Snake يا ربي نسمع خبر سفرك انته همين اكيد كلكم تعبانين وضايجين من الانتظار اللئيم وصديقك رجع بيه الامل بلكي على شهر العاشر يمشونا ان شاء الله
-
ها بشروا اخواني محد اتصل على IOM مصر اليوم ؟؟؟؟؟؟؟ انا كعدت فايت وكت وما اتصلت لان غالبا تبليغات السفر تكون يوم الخميس ... الي مخابر ومحصل اي معلومة على سفر او طيارة خلي يفيدنا ولكم الشكر الجزيل
-
الله يصبرك ويصبرنه اني من جماعه 4_7 والى هسة هم ماكو شي وان شاء الله تفرج علينه كلنه