ankawa
منتدى الهجرة واللجوء => الهجرة و واللاجئين => الموضوع حرر بواسطة: ankawason في 15:24 25/09/2009
-
ألسلام عليكم اخواني فطاحل الــsiv .. احبائي انا لدي سؤال عن حالة تعود لأحد اصدقائي من ابناء المحافظات البعيده جداً ... يرغب في ترجمة صورة قيد 1957 له ولعائلته في بغداد / السنك -دائرة الاحوال امدنيه الاساسيه ... صديقي يسئل عن امكانية الحصول على تلك الوثيقه المترجمه من بغداد دون ان يلجأ الى مرافقة زوجته واولاده معه الى بغداد ... كبف يتم ذلك؟ وهل هناك تسهيل امر من تلك الدائره المعنيه ؟... هل عليه جلب كفاله خاصه من زوجته له لينوب عنها؟ ... ام ان الشغله مقفوله... يعني الا يجون ويشلعون قلبه...
والف شكراً لاجاباتكم المفيده والناصحه لصديقي بعون الله ...
ابنكم ابن عنكاوا
-
اخوية العزيز بالنسبة لي انا من المحافظات الجنوبية ومقدم على برنامج IOM وبرنامج SIV وبمساعدة محامية امريكية جاي تساعدني على التقديم طلبت مني صورة قيد 57 مترجمة لي ولعائلتي المكونه ثلاث نفرات وكالتلي ميحتاج تروح الى بغداد تصدقه بس ترجمه من مكتب معتمد سويته ودزيته وهاي هيه ولااخذت وياي زوجتي للنفوس ولا صدقته بالسنك بس طلعته من محافظتي وترجمته هيه وباقي الوثائق وهاي هيه
-
الاخ السائل تحية طيبة
بخصوص صورة القيد ..اسهل منها ماكو ..اول شي تروح على الدائرة مال الجنسية مالتك ..وحدك وتاخذ وياك مستمسكات الاهل كلهم ..وتسويها من دائرة الجنسية مالتك ..هاي اول شي
اما عن الترجمة والتصديق ...فما تحتاج تروح لاي دائرة حكومة للترجمة ..وما تحتاج تصديق اصلا ..
يعني تكمل الورقة وتاخذها من دائرة الجنسية مالتك وبعدين تروح لاي مكتب ترجمه اترجمها وترفقها بالمعاملة ..
هاي تجربتي اني شخصيا ..اكو هواي ناس يروحون يترجموها مدري وين بدائرة حكومية ودوخة الراس وهاي كلها ما مطلوبة ..
وطبعا التصديق من الخارجية هم ما مطلوب
وشكر ا
-
اخوان السلام عليكمز
بالنسبه لصورة قيد العائله ما بيه اي دوخه اني رحت للنفوس اخذت مستمسكات العائله كلها من البطاقه السكن-الغذائيه-الجناسي-العراقيه-صور2-جوازات ورحت للسنك وحدي بدون العائله وخلصت بساعة وصادقته من الداخليه وثاني يوم من الخارجيه ومايطلبون العائله ......
كركوكي
-
اخي العزيز
ربي يسهل عليك وتحصل صورة القيد بسهولة .
وكذلك لمساعدتك بهذا الموضوع ..
http://www.mudheffar.com/ArHome%20Page.htm اطلع على هذا الموقع للترجمة القانونية تستطيع ان تتصل بيه ويساعدك في ترجمة مستمسكاتك ترجمة قانونية .
واتمنالك التوفيق
-
مرحبا شباب اتمنه تكونون بخير يا احله وروود ..... اخويه العزيز بالنسبه لصوره القيد ميحتاج اترووح البغداد حته اترجمها او اتصدقها بمجرد تاخذ مستمسكاتك واترووح للنفووس مالتك وتملي طلب يعني عريضه ويسويها الك كاتب العرائض طلب صوره القيد لغرض الترجمه ىن انته شغلتك لغرض الترجمه لان اتدزها النبراسكا او اي جيه حكوميه امريكيه ويوافق عليها المدير المسؤل عليها وبعدين اترووح تشتري من المعتمد مال نفووس الي انته بيها 3 استمارات لون ازرك واتوديها لابو الشباك وراها راح يفتح السجل مالتك وراح يكولك منو اتريد اخليلك بالقائمه وراها يمليها الك ويكولك وديها للمدير يوقعها الك ويختمها وابووك الله يرحمه ... ووديها لائ مكتب ترجمه (قانوني) ويترجمها الك وهاي هيه لا اكو داعي اترووح بغداد لا خارجيه ولا داخليه ولتعب نفسك ابد اخويه العزيز وانشالله بالتوفيق
اخووك سلفر :-*
-
مرحبا شباب اتمنه تكونون بخير يا احله وروود ..... اخويه العزيز بالنسبه لصوره القيد ميحتاج اترووح البغداد حته اترجمها او اتصدقها بمجرد تاخذ مستمسكاتك واترووح للنفووس مالتك وتملي طلب يعني عريضه ويسويها الك كاتب العرائض طلب صوره القيد لغرض الترجمه ىن انته شغلتك لغرض الترجمه لان اتدزها النبراسكا او اي جيه حكوميه امريكيه ويوافق عليها المدير المسؤل عليها وبعدين اترووح تشتري من المعتمد مال نفووس الي انته بيها 3 استمارات لون ازرك واتوديها لابو الشباك وراها راح يفتح السجل مالتك وراح يكولك منو اتريد اخليلك بالقائمه وراها يمليها الك ويكولك وديها للمدير يوقعها الك ويختمها وابووك الله يرحمه ... ووديها لائ مكتب ترجمه (قانوني) ويترجمها الك وهاي هيه لا اكو داعي اترووح بغداد لا خارجيه ولا داخليه ولتعب نفسك ابد اخويه العزيز وانشالله بالتوفيق
:-* اخووك سلفر
-
أخواني الاعزاء :
Maitham70
black water
كركوكي
المهندس حمودي
silver_d
و ماجلان
الف شكر قليله بحقكم اخوتي انتو ... الف رحمه على والديكم ... اني وصديقي تره ماندري بس اسمع بسالفة النقيب عمار كلت هذا نقيب عمار يخرع والله و هو اللي يطلع الناس لامريكا وماكو غيره وهذا الا يشوف العائله واحد واحد يله يترجم ... يعني كلكو انتو طلعتوا وما احتاجيتوا هاي السالفه ...
اني اشكر ردودكم كلكم وخصوصاً كلكم برأي واحد معناته انتو صح ميه ميه واني راح ابلغ صديقي يسوي مثل ما كلتولي ..
اخوكم ابن عنكاوا
-
الاخ المحترم
وازيدك معلومة اني وعائلتي كلنه خارج العراق واحتاجينه صورة القيد سوينه وكاله لاحد الاقارب او الاصدقاء وسواهه النه بورقه ونص وطبعا هيه ما تحتاج اذا رحت انت بنفسك تطلع بنفس اليوم بس لان احنه بالخارج بس اوصيك بالانتباه لعدم وقوع اخطاء بيهه مثل ما حصل معي ومو مهم اترجمهه واتصدقه اذا انت مترجم ترجمهه او عند اي مترجم عنده ختم وبس.
ام ياسر