ankawa
منتدى الهجرة واللجوء => الهجرة و واللاجئين => الموضوع حرر بواسطة: عاشـق الصمت في 17:12 27/09/2009
-
السلام عليكم
اخواني عندي سؤال اذا امكن الرد عليه من قبل من يعرف هذه الحاله
اولا : سؤالي عن مدى صلاحية جواز نوع S للسفر علما اني مقدم على اي او ام بغداد يعني سفري ان شاء الله راح يكون من مطار بغداد ؟ علما ان جوازي اني داخل بي ايران واني سامع ان الاردن ترفض دخول اي شخص بجوازه ختم ايران ... هل هذا الخبر صحيح ؟
ثانيا : تم اضافة مولود جديد الى قضيتي وارسلتلهم بيان الولاده مالته وجاوبني بانه تمت الاضافه .. سؤالي هو هل يجب علي ان استخرج جواز لهذا المولود ؟ او لا ...
شكرا جزيلا مع تحياتي
-
glow=red,2,300 اخي عاشق الصمت الي اعرفة ان الحكومة الاردنية مالها دخل بروحتك الى ايران
المهم عدهم انك ماعندك مشكلة ابلدك او امسوي مشكلة او مترتبة عليك
غرامات سابقة في بلدهم هذا الي اعرفة بعد سؤالك عن المولود الجديد طبعا مبروك ويتربا ابعزك انشاءللة
انا همين كنت اسئل نفس السؤال وانت سبقتني فياريت اذاعرفت الجواب اتكلياة
اختك الجنابية
-
اخي الغالي
الدوله الوحيده الي اتدخل العراقيين بجواز اس هم الايرانيين علمود ايدخلون مفخخات براحتهم
اما اذا جوازك تريد تدخل بيه لامريكا ومختوم بيه ختم ايران فانشاءالله اتصيرلك فد معجزه الهييه وتدخل وغير هذا ابد ميدخلون عراقي جوازه مختوم ايران
بالنسبه للطفل ممكن يطعولك ورقه اسمهه
ترافل داكيومنت ( او وثيقة سفر))
والله يوفقك
هذا اذا اتريد لحجي الصدك
اما اذا تريد مجاملات فلا
الحجي راح يصير
مشي معاملتك والله كريم بلكي ايعبروك منا منا
اخوك ابو عبد الله التكساسي
-
اختي الجنابيه
شكرا لمرورك الكريم وتهانيك
اخي ابو عبد الله
اود ان اصحح معلومه لديك وهي انه بالنسبه الى جواز نوع Sفليس ايران فقط تسمح به وانما الكثير من الدول فالسعوديه لا زالت تتعامل به بالنسبه للعراقيين وماليزيا كذلك وكثير من الدول الاخرى ونحن هنا لستا بصدد طرح مواضيع المفخخات ومال الى ذلك فلكل مقام مقال واشكرك لردك بخصوص المولود
سؤالي هو انه فيما اذا كانت الاردن تسمح بدخول العراقيين الذين يحملون جواز اي ام لا
يا ريت جماعتنه اللي سافرو عن طريق اي او ام بغداد يساعدونه بهاي الشغله
مع تحياتي
-
اخي عاشق الصمت
مبروك على المولود الجديد ان شاء الله يتربى بعزكم
اما بالنسبه للطفل فاكيد لازم ايكون عنده جواز
اختكم ريم
-
اذا تروح لأمريكا فالجواز اس يمشي واني جربت
تحياتي
-
اني لم اجيت بنتي جان عده جواز س ,ومصار شي دخلوه بهذا الجواز
-
سؤال الى كل الاخوان الي دخلوا بجواز اس الى امريكا
هل الجواز كان مختوم بفيزه من ايران لو لا
سواءا للاطفال او للكبار
وشكرا
-
اخوية عاشق الاردن منعت دخول جواز الاس بس ممكن تدخل فيه الى سوريا.
-
عزيزي الكريم ابو الجواز إس
تحية طيبة
الاردن صارلها زمان ما دتعترف بجواز إس او تبعتها الدول الاوربية بعد 1.4,2008 لانه جان بالسويد عدد من الجوازات لزموها مزورة.ـ
وبما انك سوف تسافر عن طريق الاردن الى امريكا اكيد راح تسلك طريق احدى الدول الاوربية او حسب علمي من المحتمل مطار فرانكفورت الالماني , ما ادري راح تيقى بالترانزيت او راح يدققون الجواز مالتك لامه اهنا اب المانيا اكو رقابة امريكيةعلى المسافرين الى امريكا عن طريق المانيا لانه حدثت عدة حوادث بالطائرة, لذا انصحك اذا عندك مجال اتغير جوازك ولاسيما انك سوف تتخلص من الطمغة الايرانية ,تهانينا للمولود الجديد وتقبل التحيات والسلام
جوسي البغدادي ناشط في حقوق المهجرين والمهاجرين المانيا
-
اخي الكريم
اني دخلت الاردن بتأريخ 1\8\2009 وجوازي س وكلش عادي لان الاردن لغت قرار منع الدخول ب س
-
أخوان هاي شبيكم؟؟!!!!!!!!!!!!!! الظاهر كلكم ماافتهمتوا سؤال الرجال............
الجواز اس مطلوب منك في مطار بغداد فقط ........... يعني فقط اياشرولك علي خروج من العراق وانت اكيد طالع من قبل الIOM فهناك شي اسمهة ترافيل دوكمنت تصدر الك ولاي فرد من العائلة ودخولك الى الاردن او اي مكان ثاني حتى لو امريكا راح ايكون على اساسها وطبعا اني ارسلت ايميل الى الIOM بهذا الشأن فأجابوني بأرسالهم ملف يوضح كل شيء سأقوم بتنزيله في موضوع مستقل يمكن لكم الاطلاع عليه لعموم الفائدة......... واشكركم اخوكم صفاء الكرخي
-
اخي عاشق الصمت
بالنسبه لفيزه ايران وجواز الا S ليس لها تاثير على حالتك (خاصه) لانك مسافر عن طريق المنظمه وهي مسؤوله عن دخولك لعمان وثانيا جوازك مراح ينختم بدخول وخروج بعمان لانك تبقى بصاله الترانزيت لحين ركوب الطائره المتجه الى امريكا وبكل الضروف هناك ممثل من قبل المنظمه في عمان مسؤول عن هذه الامور وبالنسبه للصغير الله يخلي فيخرج بواسطه وثيقه سفر مثل ما وضح الاخوه الي قبلي واحب اطمئنك اكثر حتى لو ماعندك جواز هم المنظمه دخلك عمان وتسفرك
تحياتي وتمنياتي لك بالتوفيق
-
كلام الاخ عكعك مضبوط 100%
مبروك المولود الجديد......
-
السلام عليكم
اخي العزيز اني بتاريخ 20\9\2009 قدمت طلب دعوة زيارة لاخي الى عمان علما بان جوازه من نوع S وجوازه ساري المفعول وسالت الموظف اثناء تقديمي لعاملة اخي حينها حول هذا النوع من الجواز ومدى قبوله فقال لي بالحرف الواحد نحن لدينا تعليمات باعطاء الموافقة لدخول العراقيين الى الاردن من حملة جواز فئة S في الوقت الحاضر لحين نهاية هذه السنة وماكوا اي مشكلة بمجيئه في الوقت الحاضر وقال لي ايضا واما بخصوص السنة القادمة سوف تنزل تعليمات اخرى بخصوص تمديد الموافقة مرة اخرى ولمدت عام اخر لحملة جواز S علما بان اخي قد وصل الى الاردن قبل يومين
اما بخصوص المولود الجديد بالخير عليك وان شاء الله يتربى بعزك فباستطاعتك اضافته الان على جوازك قبل المضي باجراات السفر الى الاردن وانا انصحك بذلك
تقبلوا تحياتي
اخوكم مشتاق 67
-
اخواني واخواتي الاعزاء
تقبلو تحياتي وشكري وامتناني لردودكم الطيبه
طبعا الاخوان صفاء الكرخي وعكعوك الورد همه فقط اللي افتهمو شنو اللمقصود من سؤالي
اني مو مسافر الى عمان وانما راح امر بيهه ترانزيت يعني اطير من بغداد وانزل ترانزيت بعمان فما اعتقد يريدون مني جواز حتى يدكون بي دخوليه وخروجيه
تحياتي القلبيه لكل من ساهم برد على موضوعي