ankawa
منتدى الهجرة واللجوء => الهجرة و واللاجئين => الموضوع حرر بواسطة: MAMA MIA في 14:25 30/09/2009
-
السلام عليكم جميعا
ان شاء الله الكل بخير
ممكن استفسار بخصوص الكفيل باي مرحلة يتم تحديد الكفيل شو نبراسكا حددت موعد مقابله اليه بالسفارة وكلتلي اسوي فحص طبي واخذه بالمقابلة ولحد الان محد كلي على الكفيل
يعني راح يشمروني باي ولاية هم يريدوها لو شنو القصه والله ظل بالي
اذا ممكن احد يشرحلي وين تصير مرحلة اختيار الكفيل
بانتظار ردكم
-
السلام عليكم
اني من قبل حوالي شهريين من كملت كل شئ والى حد الان مامتصلين بالكفيل مع العلم دزيت الهم ايميل اكدت بي عنوان الكفيل وتلفونه وماكو شئ وبالمناسبه صديقي سافر ووصل بس ذبوه بغير ولاية يعني مو الولاية الي بيها الكفيل مع انو اتصلو بالكفيل ماله؟؟؟ ومن كلهم ليش مو يم الكفيل ذبيتوني كالوله اذا اتريد نلغي الموعد هذا وانتظر من جديد احتمال انذبك اهناك بس صديقي كال عصفورا باليد خيرا من عشره على الشجره وهسه هو بامريكا
والله كريم كلشي بمشيئة الله
ابو ماجد
-
اخوية العزيز تحديد الكفيل اما يكون بالمقابلة الثانية وتكون محضر عنوانة الدائم وتلفونة الارضي والموبايل
اما بالمقابلة الثانية تنطي عنوانة وتلفونة او بالمحلفيين تنطي العنوان للرسبشن او للموضفة الاي او ام
بالنسبة الي انطيت العنوان بثاني مقابلة صارت الي
وقبل شهريين اتصلو بلكفيل وتحددت الولاية
اي سئوال اني حاضر
اخوك جوزيف
-
اخي العزيز حاول تخابر
وانشاء الله يكون عدهم (خلك) ويطولون وياك ويحلوولك على قسم الDH
واسالهم اذا مكدرتوا تحصلون الكفيل علمود انطيكم غير كفيل
اني صارت ويايه
بس هم خابروني كالولي مدنحصل الكفيل
بس ورة فترة خابرت كالولي مدنحصله (او هو الكفيل ميريد يتكفل احد) بهل الحاله يصيرلك توطين عشوائي
تحياتي الك