ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 20:43 30/09/2009
-
السلام عليكم اعضاء المنتدى
لدي صديق ذهب هذا اليوم الى مقر الun في كفر سوسه لاجراء مقابله الرعايه الاجتماعيه
وهنا سوف اقسم الخبر الى جزئين
1- هذا الصديق قد اكمل مقابلات التوطين كافه الى نيوزلندا قبل سنه واربع اشهر وهو الان بانتضار السفر
وحين اجرى مقابله الرعايه الاجتماعيه قالت له الانسه التي قابلته ( مبروك لقد احيل ملفك للتوطين بعد ان درس من قبل اللجنه وانتضر تلفون ) فاجابها ( شو هل حكي يا ابو زكي ) انا مقابل توطين وبانتضار السفر فاجابته انا لااعلم هذا بل اقول ماهو مكتوب في الحاسوب ..... بربكم مو بوري معدل راح يتعاركون عليه الدول
2- ومن ضمن المقابله قالت له سوف نبدا بتوزيع المواد الغذائيه هذا الشهر انتضرو رسائل .. ومن الممكن ان نوزع بدل غذائيه اي ( مصاري = فلوس ) اما هذا الشهر او الشهر القادم وقالت من الممكن ان نعطي لكل شخص 1000 ليرة للشهرين اكرر للشهرين .
هذا مالدي ولكم الاراء
تقبلو تحياتي
-
والله من دنعل ابوهم لبو حتى الف ليرة خلي يخلوها الهم
ادري هو الشخص العادي اذا ميريد يصرفلة يصرفلة فد 300 ليرة يوميه
شنو هيه كدية
يمته الله يفرجها ويفتحلنا فد باب سفر ونستقر بلا هل منية طايح حضها
-
اخوان لا موهيج الموضوع بالنسبه للغذائيه اني اشرحلكم لان كنت اليوم بالموضوع
تم اختيار عشوائيا 1000 عائله فقط لتجربه برنامج جديد يكولون لراحه العراقين بس هو يزيد عذابهم والبرنامج رح يجربوه لنهايه السنه ويه الالف شخص الي اني من ضمنهم
رح ينطونه شريحه تلفون من شركه ام تي ام وهاي الشريحه لازم نشغلهه يعني بالوجه لازم نشتري جهاز ثاني
يدزولنه كود نمبر على الشريحه ومن نروح نستلم الغذائيه حالنا حال الباقين رح ينطونه رقم ثاني بس الغذائيه الي رح نستلمهه من الدوما ناقصه نص الكميه مال رز ومرفوعه منهه البقوليات والزيت
رح يخصصون مواد بقيمه 1000 ليره او 22 دولار للشخص في الفايل من ضمن الالف فايل الي يسوون التجربه هاي الفلوس مو ناخذهه فلوس لا ميصير
نرجع نروح لمركز محددين مركزين بمنطقتين نروح لهذا المركز وننطيه الكود وناخذ منه مواد غذائيه بالالف ليره لكل شخص
بس المواد محدد الي تاخذه ه وهي
زيت
بيض
جبن مثلثات
رز
طحين صفر
علب تونا
زيت
يعني لازم تصرف الالف ليره على هاي المواد
هذا كل الموضوع
بس المشكله انو همه عذبونه مو ريحونه لان فوك روحه الدوما لازم تروح للمركز حتى تستلم زائدا الشريحه لازم تشتريلهه تلفلون بله بركم هو هذا تخطيط لو شنو
-
بصراحة اخواني الوضع كله مخربط والله يستر من القادم ,,,,بس شي على شي لو يسوون مركز تجاري خاص بالللاجئين وكل شهرين واحد يروح يتسوق من عنده بضمن بطاقة مدفوعة الثمن مسبقا مثل الامريكان ونخلصصصصصصصص
تحياتي للجميع ولكاتب الموضوع ماجك الورد
اخوكم ابو محمد