ankawa
منتدى الهجرة واللجوء => الهجرة و واللاجئين => الموضوع حرر بواسطة: طاير يا هوا في 19:38 02/10/2009
-
الجمعة 13 شوال 1430هـ - 02 أكتوبر2009م
خلال الأشهر المقبلة
الرئيس الأمريكي يتوقع أن يستمر معدل البطالة في الارتفاع
واشنطن - رويترز
قال الرئيس الامريكي باراك اوباما اليوم الثلاثاء إنه يتوقع أن تستمر أرقام البطالة في الولايات المتحدة في الارتفاع في البضعة أشهر القادمة.
وأبلغ اوباما الصحفيين في البيت الابيض بعد اجتماع مع رئيس الوزراء الهولندي يان بيتر بالكننده "سنستمر على الارجح في رؤية ارتفاع للبطالة لبضعة اشهر".
وأضاف قائلا "شهدنا بعض الاستقرار في الاسواق المالية وذلك شيء جيد لانه يعني أن الشركات يمكنها الاقتراض وأن البنك تبدأ مجددا في الاقراض، ما رأيناه ايضا هو انه تاريخيا مع بدء التحرك الي انتعاش ونمو ايجابي فانه في العادة يتأخر التوظيف لبعض الوقت بعد ذلك".
البطالة الأمريكية تقفز إلى أعلى مستوى لها في 26 عاما
واشنطن – رويترز
قالت وزارة العمل الأمريكية إن وتيرة فقد الوظائف في الولايات المتحدة بلغت أدنى مستوى لها في عام الشهر الماضي، غير أن معدل البطالة قفز إلى أعلى مستوى في 26 عاما، إذ بلغت 9.7%.
وأشارت الوزارة إلى أن 216 ألفا فقدوا وظائفهم، وهو أدنى عدد منذ أغسطس/آب عام 2008، وعدلت حجم فقد الوظائف في يونيو/حزيران ويوليو/تموز بإضافة 49 ألف وظيفة مفقودة إلى الأرقام السابقة.
وكان محللون قد توقعوا انخفاض الوظائف غير الزراعية بواقع 225 ألف وظيفة في أغسطس وارتفاع معدل البطالة إلى 9.5%.
وقالت الوزارة إنه منذ بداية الركود في ديسمبر/كانون الأول 2007 فقد الإقتصاد 6.9 ملايين وظيفة، ويتسبب ارتفاع معدل البطالة في اضعاف ثقة المستهلك والطلب المحلي، فيما يشير إلى انتعاش ضعيف من أسوأ ركود في 70 عاما. غير أن تقرير أغسطس أكد أن وتيرة تسريح العمال بدأت تتباطأ مقارنة معها في مطلع العام حيث فقد نحو ثلاثة أرباع مليون شخص وظائفهم في يناير/كانون الثاني.
وهبط عدد الوظائف في قطاع الصناعات التحويلية 63 الفا وبلغ مجموع الوظائف المفقودة في المصانع مليونين منذ بداية الكساد وهبطت كشوف الرواتب 65 الفا في صناعات البناء بعد هبوطها 73 الفا في يوليو/تموز.
وإستقر متوسط عدد ساعات العمل الاسبوعية التي ترتبط ارتباطا وثيقا بالانتاج الكلي وتعطي مؤشرا متى تبدأ الشركات توظيف عمال عند 33.1 ساعة في أغسطس/آب.
وارتفع متوسط الاجر في الساعة الى 18.65 دولارا في أغسطس/آب، مسجلا زيادة للشهر الرابع على التوالي، وهو ما يظهر زيادة الحد الأدنى القانوني للأجور، وبلغ متوسط الأجور في يوليو 18.59 دولارا.
ارتفاع عدد المتقدمين لإعانات البطالة الأمريكية إلى 584 ألفا
واشنطن – يو.بي.أي
أعلنت وزارة العمل الأميركية ارتفاع أعداد المطالبين بالحصول على إعانات البطالة في الولايات المتحدة بمقدار 25 ألفاً منذ الأسبوع الماضي، حتى وصل العدد الإجمالي إلى 584 ألفاً.
وأفادت الوزارة -في تقريرها الاسبوعي اليوم- أن عدد المطالبين بالحصول على إعانات البطالة تخطى التوقعات التي كانت ترقبت وصول الرقم إلى 559 الفاً لتصبح 584 ألفاً.
وبلغ معدل البطالة الموسمية المؤمنة في الأسبوع المنتهي في 18 تموز/يوليو 4.7%، فيما وصل إجمالي عدد العاطلين عن العمل لكل البرامج إلى 5.497 ملايين.
وامتدت الأزمة المالية، التي بدأت في بورصة "وول ستريت" في نيويورك كمحصلة لأزمة الرهن العقاري في الولايات المتحدة، إلى معظم اقتصادات العالم، وما تزال البورصات العالمية وأسواق العمل تعاني من تداعياتها، رغم ضخ مئات المليارات من الدولارات فيها.
إقتصاديون يتوقعون تجاوز البطالة الأمريكية 10% العام المقبل
واشنطن – يو.بي.أي
توقعت مجموعة من 49 اقتصادياً أميركياً أن يبلغ معدل البطالة في الولايات المتحدة 10% في العام 2010.
وذكرت صحيفة 'يو أس إي توداي' الأميركية ان مسحاً أجري بين 16 و22 يوليو/تموز الجاري وشمل 49 اقتصادياً أظهر ان نصفهم يتوقع إرتفاع معدل البطالة ليبلغ 10.2% في الأشهر الستة الأولى من العام 2010.
ورجّح 16% منهم أن يواصل معدل البطالة الارتفاع في النصف الثاني من العام 2010 أيضاً. وتوقعت غالبية المستطلعين أن يكون الانتعاش الاقتصادي بطيئاً.
وقال كبير الاستشاريين في مجموعة استشارية اقتصادية آلن سيناي إن على الأسر أن تدخر الكثير لتصلح ميزانياتها قبل أن تتمكن من الإنفاق أكثر.
وأضاف "لا أعتقد ان المستهلكين لديهم الوسائل لشراء الكثير من السيارات والكثير من المنازل".
http://www.alaswaq.net/articles/2009/10/02/28456.html
تقبلو تحياتي
-
انشاءاللة ازمة وتعدي اللة كريم اخي لا بد يكون نهاية لهذا الوضع الاقتصادي هسى يرجعون الجنود من العراق وكلشي يتحسن اللة كريم
-
انشاء الله احنا شريد الله كريم بس همة حجيهم غير مشجع يعني عدهم احباط ما عدهم حلول
-
حبييب الله يساعدك
اهلا بيك بالمنتدى
بس يا اخي انت نسيت شغله
الارقام الي انت ناقلهه نسيت تذكر انه امريكا مو بلد وانما قاره وهاي الارقام من تقارن ببلد عادي تكون كبيره
بس قاره ؟
مو بالسوء الي تتصوره ومن تجي لامريكا راح اتشوف بنفسك
والله الموفق
اخوك ابو عبد الله التكساسي
-
شكرا اخي على التقرير
-
شكرا على التقرير
و الله يستر من الجايات
-
اخوي العزيز
الله يسهلها الله موجود وان شاء الله تفرج على امريكا والعراقيين اللي بأمريكا واللي يروحون الها يتمتعون ويحصلون وظائف ويبنون مستقبلهم وكلها هذا بس امريكا تبقى احسن من العراق ومستحيل نتراجع عن الذهاب الى امريكا
اخوك مهند هادي بغداد
-
هذا اوباما كلشي ميفتهم
ام محمد و ابو مرتضى كالو الوضع كلش زين و الشغل تمام بس الناس مدا اتعب روحه
-
شكرا اخي ربك يفرجها على الجميع
-
تسلم اخويه عالتقرير
بس والله والله ربك الي يفتحها بوجه العراقيين الي هناك وميتخله عنهم وانشاءالله الازمة تفرج على وجوهم الطيبه لان رب العالمين يعرف العراقيين شكد تعبو وتأذو ومراح يسد باب بوجهم اكيد
اختك ميادة / مصر
-
الله كريم ,,,,
شكرا على التقرير ,,,,,
-
ما اتضيك الا تفرج ............خو ما اتضل الازمة للابد هم يجي يوم وتفرج
-
اخوان اني اشكر مروركم بس اني نقلت هذا التقرير حتى ايكون علم بكل ما ايصير في اقتصاد امريكا بس هذا التقرير ايوضح ان الاقتصاد في تراجع مو مثل ميكولون في تحسن بس الله كريم
واشكركم مره ثانية
-
لا مجال لأي مقارنة بين امريكا وأي دولة اخرى في العالم ومهما علت الارقام فأن التأثير الفعلي انصب على مستوى الرفاهية التي يتمتع بها المجتمع الأمريكي ولم يؤثر بشكل فادح على مستوى الخدمات الأساسية والضمان الاجتماعي.
فالأمريكي الذي كان يملك سيارتان او كثر اصبح من الصعب عليه تجديد هذه السيارات بموديلات حديثة او اكتفى بسيارة واحدة والذي كان يقضي عطلته السنوية بجزر البهاماس او اوربا اصبح يقضيها داخل امريكا.رغم ان مشكلة القرض العقاري الحقت الضرر بكثير من المواطنين والمقيمين فانها مشكلة قد تم ايجاد حلول اولية لها وبقية الحلول ستطرح على مراحل
صحيح ان نسبة 10% نسبة كبيرة وفق المعايير الغربية..ولكن هذه النسبة وحتى ضعفها لن تحول الامريكان الى متسولين في تقاطعات الطرق
الموضوع بأكمله يعتمد على قوة امريكا في ادارة رأس المال عبر الاراضي الامريكية وعبر استثماراتها المباشرة وغير المباشرة في العالم بأكمله مدعومة بقوة عسكرية هدفها الاول توفير الأمان والاستقرار
لمجتمعها ولحفظ منابع ثروته ومناخ استقراره
الأيام الحالية قد تكون صعبة على القادمين الجدد الى امريكا لكونهم محدودين المعرفة بنمط الحياة اليومي سواء على صعيد التعامل او اللغة أو تدبير وسائل العيش ولكونهم محدودين العلاقات بالمجتمع الجديد ولكن بقليل من الصبر وبكثير من حسن التصرف والتفكير سيتم تجاوز هذه الصعوبة او تقليلها الى ادنى ما يمكن لغاية الوصول الى موعد تعافي الاقتصاد والذي هو حتمي لكون الولايات المتحدة ببساطة..اقوى دولة في العالم.والقوى دائماً يتعافى أسرع من الأخرين
تحياتي
-
اخوي مهاجر ابدي شنو السالفة مو العراقيين بامريكا صارو متسولين ابرزونا وباقي الولايات حتى الامريكان نفسهم طلعوهم بل اخبار كاعدين بخيم ماعدهم فلوس ايدفعون الايجار عيوني انتة
-
شكرا اخي على التقرير وهاي المعلومات ..
المهم اخ طاير هوى طرح موضوع وليكتب الذي عنده تجارب فعلية بأمريكا وقد يكون يفيدنا ويطلعنا على ماهو مجهول امامنا ولو انه اسوء شي بالعالم احسن حالاً من اوضاع العراق.. رجاءً لنتكلم بواقعية وارشاد الغير وفائدته وتعريفنا بالذي يضرنا والذي يفيدنا و لانكون فريقين فريق ( على حس الطبل خفن يارجلي.. الى أمريكا ) وفريق لايعرف بس العناد والضد.............ورجاء تكلموا في صلب الموضوع
-
اخوان اني جوابي ونضرتي للموضوع تكون مو هالشكل تكون نضره موضوعيه من مبدا ماذا تختار السيء ام الاسوء ورح الخص في نقاط
وتكون النقاط اجوبه على سوال
ايهما احسن
1-انت تبقى بالعراق راتبك يكون 2000 الى 3000 دولار وهاي موجوده بسهوله بالعراق بس تكون مهدد بالقتل او الخطف واذا انت مو مستهدف تبقى انت وحضك باي مكان تكون ويصير انفجار وتروح بالزلك + تتعذب بالخط المولده ومولده البيت والماي تشتريه وتجمع فلوس هوايه بس متطلع تتونس ولا اكو اي مجال ترفيه
لو تروح لامريكا تعيش حياه بسيطه يعني متوفر ولا فلس بالشهر بس تطلع وتفتر وحد يهددك ةتكون عندك سياره عاديه واهم شي جهالك يستلموهم بالمدارس وامالك علاقه بيهم همه يعلموهم وعندك تامين صحي وووووو
الازمه الاقتصاديه على الجميع وبكل مكان صح امريكا اكثر مكان تاثر بالازمه بس لازال لحد الان الي يريد يشتغل يشتغل واكو الشغل البسيط الى هو مو راسا تشتغل مدير وراتبه يكون زين ويسد لحد يكول لا الي يدور يحصل
ثالثا واهم شي هو المساعدات والفلوس الي تنطيهه الحكومه الامريكه
اول 8 اشهر ينطوك راتب للايجار وتامين صحي وفود ستامب هاي تسد الحاجه واني واحد من الناس اعرف تخصيصاتي واعرف حساباتي
بعد ال8 اشهر اذا مشتغلت وعندك اطفال يقوم الحكومه الامريكه بصرف الراتب او 80 بالميه منه الك والفودستامب والتامين الصحي الى ان يصير عمر الاطفال 17 لو 18 اعتقد هاي كلهه اذا انت متشتغل او تشتغل بدون تاكسات اما اذا وياهه اشتغلت بدون تاكسات وهاي كل العراقيين يسووه واني احجي اعرف هوايه فامورك تكون زينه وتوفر شهريا هاي كلهه ويه الامان والاحترام والتقدير للانسان بامريكا
اي بعد بشرفكم هسه جايين تسوون مقارنه اي تريدون نبقه بالخزف والذل بالعراق واكو هاي بامريكا بالرغم من الازمه الاقتصاديه
شبيكم يمعودين ماكو شي مابيه سلبيات
شبينه احنه العراقيين شو تغيرنا شنو نريد نروح لمكان مثل الجنه لو منقبل واذا ازمه اقتصاديه هاي الامور كلهه اسهل من ازمه العراق
اتمنى افتهمتوني
-
والله اخواني هسة دا اقرة خبر تلوث بناية بساحة التحرير بالاشعاعات!!!!
يعني شنو وراهة ؟سرطانات وغيرهة وغيرهة وغيرهة
شتفيد الفلوس هنا؟؟؟ والله ما ادري
-
حبايبنا يابطالة اشو راحوا جماعتنا ايكولون ماكو واحد يموت من الجوع الي يشتغل والي مايشتغل الكل عايشة والكل تضحك بوجهك ومرتاح البال هي هاي قليل
-
أشو من زلازل كالفورنيا المدمره الى البطاله .... شنو القضيه .... يله بطلنه ما نروح ... وراح اتعيين مدير عام بالنفط لو بالكهرباء احسلي ... لان هوايه تعيينات بالعراق...
-
يا اخي الطاير
بس كلي وين ديكدون العراقيين او وينة التقرير الي ذكرتة
طبعا اريد الرابط للفائدة العامة
-
اخوية اني ساكن باريزونا بشارع انديانا سكول والعراقيين والامريكان متسولين انت وين ابمريكا تعال الى اريزونا وشوف بعينك
-
اخي العزيز طاير يا هوا
انا ايضاً سكنت في شارع indian school ولمدة ستة اشهر ولم اشاهد من العراقيين غير ........وهو ذلك الشخص العراقي الذي ربح مليون ومئتين الف دولار في اللوتو وخسرهم خلال سنة في لاس فيغاس. اما بقية المتسولين الامريكان او الهنود الحمر او المكسيكان فأغلبهم اما مدمنين او شبه مختلين عقلياً واغلبهم مضى عليه عدة سنين وهو على هذه الحالة وليس للازمة الحالية دخل بأوضاعهم..وبالمناسبة هؤلاء الذي تراهم يتسولون تجدهم على ابواب ال DES كلما راجعت هناك.اي انهم يستلمون اعانات يصرفونها على الشراب والمخدرات بدل ان يصرفوها على السكن والملبس
تحياتي
-
اخي مهاجر ابدي كلامك اعتبره صحيح وحتى لو اكو جم علااقي متسولين هاي يسموهه وانت تعرف كلش زين
البطاله المقنعه وهذولي يسموهم الهومليس الي بس يسكرون ويكدون ويستلمون مساعدات حتى اكو مراكز خاصه ياكلون بيه وجبات الغداء مجانا
-
اخي العزيز
ليس دفاعا عن امريكا..او تهجما على غيرها
في بلدان تعتمد على احد العنصرين او كلاهما ف(لاخوف عليهم ولا هم يحزنون) والعنصران هما(الحرية , مصلحة المواطن)
ولكن في بلداننا والحمد لله البطاله غير موجودة لأن نص الشعب مهجر والنص الباقي ربعين ..ربع شرطة ..وربع حرامية
اما الحكومة فمحسوبه على النص الثاني..يعني..........العاقل يفتهم
-
اخوتي الاعزاء...
هيجي مواضيع مال امريكا ما ينعاش بيهه، واكو متسولين، وازمة اقتصادية... ما ينرادلهه لا عصبية ولا تفورون دمكم... اذا تحب لا تقره للموضوع، واذا تريد مر عليه وفد ابتسامه من هاي ام (بشرفكم شوفوا هاي العالم البطرانه) ويخلص الموضوع... اصلا ولا اكو داعي تضوجون نفسكم...
وهذا هماتين تقرير اليوم نزل من الـ UNDP علمود يكون دليل بالصوت والصورة على وضعية بلدك الاصلي (العراق العظيم صاحب الحضارات و.... الخ)، وبين بلدك الحالي (امريكا، ام الازمات الاقتصادية والبطالة و... الخ)، علمود تكون واضحة ليش العالم تريد تهج
Norway is best place to live, China moves up: UN
… .Mon Oct 5, 8:28 am ET
PARIS (AFP) – Norway takes the number one spot in the annual United Nations human development index released Monday but China has made the biggest strides in improving the well-being of its citizens.
The index compiled by the UN Development Programme (UNDP) ranks 182 countries based on such criteria as life expectancy, literacy, school enrolment and gross domestic product (GDP) per capita.
Norway, Australia and Iceland took the first three spots while Niger ranks at the very bottom, just below Afghanistan.
China moved up seven places on the list to rank as the 92nd most developed country due to improvements in education as well as income levels and life expectancy.
Colombia and Peru rose five spaces to rank 77th and 78th while France -- which was not part of the top 10 last year -- returns to the upper echelons by moving up three places to number 8.
The UNDP said the index highlights the grave disparities between rich and poor countries.
A child born in Niger can expect to live to just over 50, which is 30 years less than a child born in Norway. For every dollar a person earns in Niger, 85 dollars are earned in Norway.
This year's index was based on data from 2007 and does not take into account the impact of the global economic crisis.
"Many countries have experienced setbacks over recent decades, in the face of economic downturns, conflict-related crises and the HIV and AIDS epidemic," said the UN development report's author Jeni Klugman.
"And this was even before the impact of the current global financial crisis was felt."
Afghanistan, which returns to the list for the first time since 1996, is the only Asian country among the bottom ten which also include Sierra Leone in the 180th spot, just below the Central African Republic.
The top ten countries listed on the index are: Norway, Australia, Iceland, Canada, Ireland, the Netherlands, Sweden, France, Switzerland and Japan.
The United States ranks 13th, down one spot from last year.
وهذا رابط التقرير الكامل لزيادة الفائدة:
http://us.rd.yahoo.com/dailynews/afp/lf_afp/storytext/undevelopmentpoverty/33628689/SIG=11n89qi3h/*http://hdr.undp.org/en/media/HDR_2009_EN_Complete.pdf
ارجو ان تلاحظ انه بلدك العراق ما موجود اصلا بالـ 182 بلد....
واتمنى انه تمر على Statistical annex اللي يبدي من صفحة 141 وشوف الجداول واسم كل جدول وقارن بيناتهن....
تحياتي وتقبل مروري
-
اخويه لو كل واحد من الضغط النفسي لو ماكو شغل يشخط..جان العراقيين كلهم شخطو وضربو..وجان كل الفلسطينيين وكل الافغان وكل البنغاليين وكل .....وكل......
هذا شلون حجي
يعني هسه امريكا صارت موطن الضغط النفسي وانعدام العمل؟؟ وبقية العالم جنه؟؟
زين ليش ما نبطل وما نروحلها ونخلي الامريكان يموتون بحسرتهم
-
اخي من فضلك جاوب هههههههههه
-
اخوان هذا تقرير نشر قبل 24 يوم بس 40 مليون تحت خط الفقر
مليون شخص يعيشون تحت خط الفقر في أمريكا
واشنطن ـ الفرنسية :
أفاد تقرير أعده مكتب الإحصاء الأمريكي وأصدره أمس الأول، أن نحو 40 مليون شخص كانوا يعيشون تحت عتبة الفقر في الولايات المتحدة في 2008، وقد شهد هذا العدد ارتفاعا على خلفية الركود الاقتصادي.
وقال ديفيد جونسون رئيس شعبة مكتب الإحصاء المسؤول عن الإحصاءات المتعلقة بالعائلات، إن عدد الفقراء ارتفع من 37.3 مليون في 2007 إلى 39.8 مليون في 2008، وهو «مستوى قريب مما شهدناه في فترات سابقة في 1993 و1960».وأضاف التقرير الذي يحمل عنوان «المداخيل والفقر والتأمين الصحي في الولايات المتحدة»، أن الفقراء شكلوا 13.2 في المائة من السكان في 2008 في مقابل 12.5 في المائة في 2007. وأوضح جونسون أن «2008 دخلت بالكامل في فترة الركود التي بدأت في كانون الأول (ديسمبر) 2007، ما يعني أن الجميع كانوا يتوقعون ارتفاع نسبة الفقر».
وفي الولايات المتحدة، يعتبر الفرد أو العائلة فقيرة إذا كانت مداخيله دون عتبة الفقر التي حددت في 2008 بـ 11 ألف دولار سنويا للشخص الواحد و22.025 ألفا للعائلة المؤلفة من أربعة أفراد.
وجاء في التقرير أن الدخل المتوسط للعائلات قد تراجع 3.6 في المائة في 2007 و2008 وهذا التراجع شامل». والدخل المتوسط هو الدخل الذي يفصل الشعب فئتين متساويتين. ويتوافر لنصف الشعب دخل أقل ارتفاعا من الدخل المتوسط، ويتوافر للنصف الآخر دخل أكثر ارتفاعا. وتراجع الدخل المتوسط من 52.163 ألف دولار في السنة في 2007 إلى 50.303 ألف دولار سنويا في 2008.
ويشير التقرير في المقابل إلى استقرار النسبة المئوية للأمريكيين المحرومين من التأمين الصحي عند 15.4 في المائة من الشعب، أي 46.3 مليون شخص في مقابل 45.7 في 2007.ولم تتغير نسبة الفقر لدى السود في 2008 مقارنة بـ 2007 لكنها تبقى أعلى من النسبة لدى البيض. فنحو 25 في المائة من السود كانوا يعيشون تحت عتبة الفقر في 2008 في مقابل 8.6 في المائة من البيض. وكانت نسبة الفقر لدى المتحدرين من أصول إسبانية قريبة من النسبة لدى السود 23.2 في المائة وبلغت لدى الآسيويين 11.8 في المائة.ويشمل الفقر خصوصا الأولاد الذين تربيهم الوالدة وحدها. فأكثر من نصف الأولاد الذين تقل أعمارهم عن ست سنوات وتربيهم الوالدة وحدها كانوا يعيشون تحت عتبة الفقر في 2008
بس العراق العظيم دمره منو ؟؟؟؟؟؟؟؟؟؟ وشوف اصار؟؟؟؟؟
http://www.aleqt.com/2009/09/12/article_273593.html
-
اي صحيح هذا التقرير وهنا بمصر هواية امريكان ديطلبون لجوء وديشتغلون كلشي خطية حتى حماميل !!!
واني وين مدا اروح بيا دولة عربية دا اشوف شكد امريكان بس يريدون شغل المساكين مطشرين بالدول العربية محد يلفيهم ويشغلهم ...
عيني طاير عوفها لتروح خلي تولي انت وابو شهاب الورد ... خو ابو شهاب اليوم يومك كم عزة لكيتلك اكعد الطم بيها ههههههههههههه
-
:D :D :D :D :D هاهاهااهاهاهاهاهاهاهاهااها قوية هاي هاهاهاهاهااهاهاهاهاها
-
اخي ابو شهاب
انا في احد دول العالم كمبعوث للحكومة الامريكة التي انا عميل لها
وكما ترى انا من اكبر المطبلين والمزمرين لها فبالتالي انا ليس عندي اي مشكلة ان اصرف عشرة الاف دولار شهرياً فقط على الخدمات..هذا بالنسبة عني فماذا عنك
لماذا تصادر حق الناس بالذهاب الى بلد تسلسله الثالث عشر ولماذا تستمر بارعابهم بموضوع تسولهم تحت الجسور
لماذا لاتقدم نصائح لمن سيذهب كأن تقول له تعلم اللغة قبل سفرك واترك طائفيتك وقوميتك خلفك واستفاد من فرصة علاج وتعلم لن تراها في بلدك على الاقل في الوقت الحاضر وتنفس هواء غباره قليل
أرحموا من في الارض..يرحمكم من في السماء