ankawa
منتدى الهجرة واللجوء => الهجرة و واللاجئين => الموضوع حرر بواسطة: بغداد وبس في 23:33 06/10/2009
-
السلام عليكم اخوان يوم الخميس مكو مراجعات بل iom لان اتصلت بيهم اكثر من مرة وكالو مكو عدهم اجازة فليريد يروح خليروح باجر الاربعاء اخوكم بغداد وبس
-
ابني بغداد
انته متأكد انه باجر الاربعاء ماعدهم اجازة؟؟؟؟
لانه اني ناوي اجيب الحجية من الاسكندرية وتعرف اشكد المشوار متعب للي بعمرنا ....
وخصوصا اليوم جان 6 اكتوبر....
عمك ابو محمود
-
السلام عليكم عمو اشونك
عيني طالما الحجية الشغلة مو اكيدة اني سمعت اليوم اكو عطلة
واليوم ثلاثاء وحتى لو باجر طبكوهة وية العطلة فة الخميس مرح ايطبكوهة
بس انت روح الاحد تحسبا لكلشي عمو لان الطريق طويل اني جنت با اسكندرية واعرف الطريق اشكد مزعج
واني باجر انشاء الله اتاكد واردلك الخبر الاكيد مية بالمية
وطبعا اني مدا اشكك بكلام اخوية العزيز بغداد شاهد ربي بس انت رجال كبير والحجية تتعبون
بالتوفيق
ابنك جوزيف
-
ابني الغالي جوزيف
ممنون حبيبي لردك السريع .... بس اني سمعت انو الجماعة بالمنظمة ميقابلون الا يومي الاربعاء والخميس!!!!
فأكو هيجي شي؟؟؟؟
عمك ابو محمود
-
والله ياعمو هية كل يوم سالفة
اني البارحة رحتلهم وحجيت وياهم علمود السفر
ودخلوني عادي ادك الجرس ويفتحولك الباب رح تلكة الحارس وهوة دخلني
بس انا انشاء الله باجر اردلك الخبر الاكيد
ابنك جوزيف