ankawa
منتدى الهجرة واللجوء => الهجرة و واللاجئين => الموضوع حرر بواسطة: كامل الدباغ في 09:15 07/10/2009
-
اخواني اولا اسلم على كل اخواني في المنتدى الغالي والي لمنا كلنا العراقين بكل اطيافه وحبيت اعرض موضوعي عليكم اذا احد يكدر يساعدني اني قدمت الى اليو ان قبل سنتين ونص وراح ادخل بالثالثة وماكو غير التجديد الست اشهر واني موضوعي وقصتي يعني معرض للخطر في العراق ومااكدر ارجع لان والدي انقتل اهناك واني هم معرض بس ماادري ليش موضوعي مديتحرك باليو ان ارجو مساعدتي رجاءا ونصحي منكم اخواني لان طولت القصة واني دااكرط بفلوسي وراح تخلص وماادري شسوي وجدا ممنون منك
-
السلام عليكم
كان الله في عونك, هذا مو بس حالك لوحدك ولكن حال الكثيرين اللي مسجلين على اليو ان ولحد الان ممتصل بيهم أحد.
ما عندك غير الصبر الى الله يفرجها.
لمساعدتك أكثر حاول أن تقدم معلومات مثل أنت حاليا باي دولة و شنو سبب قتل والدك وشنو شغلك انت؟
تحياتي
عيني بغداد
-
ما بيدنا غير انكلك الله يكون ابعونك وصحيح اكو مثلك العديد ما اعرف هل هو حظ بالاختيار ام ماذا
الله يسهل عليك يا رب انه سميع مجيب
-
اهلا وسهلا اخويا كامل بس حضرتك باي بلد حتى نكدر نساعدك
-
اخويه كامل اهلا وسهلا بيك بين اخوانك واخواتك
بس اذا ممكن تكولنا انته في اي بلد حاليا ؟؟
اذا كنت في عمان فانصحك بشي واحد تسوي وتخلي الباقي على الله
تكتب مناشده الى المفوضيه وتحطها بالصندوق الي بالباب وانتظر لمدة اسبوعين واذا ماكو اي اتصال من قبلهم حاول تكتب مره ثانيه الى ان تفرج عليك ويتصلون وخلي الباقي على الله
الله يفرجها على كل منتظر السفر
اخوك : الفريدو
-
شكرا يااخواني على ردودكم والله يحفظكم ويريح بالكم واما عن سؤالكم في اي بلد انا في عمان فانصحوني اكثر يااهل الغيرة
-
اخوي كامل مثل ماكالوا اخواني على ردهم روح واكتب موضوعك او قصتك وارفق الاوراق وابعثها في صندوق اليو ان في منطقة دير غبار واسأل الاستعلامات اين تضعها وان شاءالله تمشي امورك لانك ماعندك غير حل الله يصبرك
-
اخي العزيز ..جرب وراسل المفوضية بالايميل ..ولح عليهم يعني اخبصهم ضوجهم بالتلفون واحجيلهم حالتك ..وانشالله خير اخوية