ankawa

منتدى الهجرة واللجوء => الهجرة و واللاجئين => الموضوع حرر بواسطة: ابو رافد في 04:02 09/10/2009

العنوان: السنه المطلوبه عند التقديم على ال SIV
أرسل بواسطة: ابو رافد في 04:02 09/10/2009
لسلام عليكم اخواني الاعزاء

              عندي خدمه سابقه مع شركة تايتن لمدة 10 اشهر فقط, وحاليا عندي خدمه مستمرة مع شركة GLS امدها لحد الان 7 اشهر.فهل بالامكان التقديم على برنامج ال SIV؟ام شرط ان تكون الخدمه مستمرة وليست متقطعة؟علما بان مسؤولي الامريكي قد ارسل معاملتي الى الجيف اوف مشن قائلا يحق لك ان تقدم على هذا البرنامج وليس شرط ان تكون الخدمه سنه مستمرة.لكني وبصراحة عندي شك في ذلك.لذلك اردت ان استأنس بأجاباتكم أخواني الاعزاء وشكرا سلفا.


اخوكم
ابو رافد
العنوان: رد: السنه المطلوبه عند التقديم على ال SIV
أرسل بواسطة: Abo Andrew في 04:06 09/10/2009
ابو رافد

الخدمة مو شرط مستمرة المهم سنة على الاقل

لعد شنو رايك باللي همة خارج العراق وديقدمون SIV

هذولي هم خدمتهم مستمرة ؟؟

وحتة ترتاح اكثر وتقطع الشك باليقين هذا البرنامج بالتفصيل عربي وانكليزي

انكليزي

http://travel.state.gov/visa/immigrants/info/info_4172.html

عربي

http://www.travel.state.gov/pdf/SIVArabictranslation.pdf

تحياتي

العنوان: رد: السنه المطلوبه عند التقديم على ال SIV
أرسل بواسطة: ابو رافد في 16:40 09/10/2009
اشكرك عيني ابو اندرو الورده على جوابك اللي اكثر من رائع وعلى اللنك ايضا.
بس انا قصدي العفو ابو اندرو انه لا توجد عندي خدمه متواصله لمدة سنه.اي بالسابف مع تايتن 10 اشهر وحاليا عندي خدمه مع جي ال اس سبعة اشهر,فتكون مجموع الخدمه سنه وخمسة اشهر,فهل يجوز ذلك للتقديم على برنامج ال SIV ؟اي  الخدمه متقطعة ,راجيا الجواب من حضرتك ابو اندرو العزيز وشكرا

اخوك
ابو رافد
العنوان: رد: السنه المطلوبه عند التقديم على ال SIV
أرسل بواسطة: Abo Andrew في 16:43 09/10/2009
نعم ايصير اخي العزيز

اني زوجتي قدمت بوكتهة
وجانت السنة مقسمة على فترتين متباعدية والفترة بيناتهم حتة كانت سنة

وال COM اجة خلال شهر من قدمنا للسفارة
بس رغم ذلك احنا ما اجينا بهذا البرنامج لان اني جنت مقدم على IOM وصارت اسرع وسافرنا

المهم ايكون عندك اثبات وظيفي بالفترتين اللي اشتغلتها وخاصة من HR
تحياتي
العنوان: رد: السنه المطلوبه عند التقديم على ال SIV
أرسل بواسطة: shaklawe في 16:58 09/10/2009
اخي اني هم خادم 10 اشهربالتايتن

بس من اتصلت بيهم اتوسلت شوية سوولي اياها سنه كاملة لان همة يعرفون اول وحدة عسكرية مبقت بالعراق لمدة سنه
لذلك اتصل و كوللهم انته تريد فيريفيكيشن لمدة سنه عل الباج

وربنا يسهلها الك


تحياتي

اخوك شقلاوي
العنوان: رد: السنه المطلوبه عند التقديم على ال SIV
أرسل بواسطة: vincenzo في 18:29 09/10/2009
انت كلش من حقك تقدم
بس اني اللي اعرفه انه اي شهر من خدمتك كان بيه نقص ولو يوم واحد (يعني ما مستلم راتبه بالكامل) فينطرح ومينحسب بس انت عندك 17 شهر فما اعتقد عندك اكثر من خمس اشهر بيهه نواقص
هذا عن تشدد تايتن
اما تسامحهم وحالة صديقي الشقلاوي فباعتقادي جدا غريبة وكلش نادر تصير واحتمال بس هو لان القانون واضح وفايلاتهم ميزوروهه علمود واحد من عدنه
موو؟؟؟
العنوان: رد: السنه المطلوبه عند التقديم على ال SIV
أرسل بواسطة: ابو رافد في 20:02 09/10/2009
اشكركم اخواني الاعزاء كل الشكر ع اجاباتكم اللي اكثر واكثر من رائعة الاخ شقلاوي والاخ ماجلان والاخ vincenzo ,ومثل ما اسلفت اخواني الاعزاء باني قد ارسلت المعامله وفيها المدة اللي هيه 7 اشهر من جي ال اس وال 10 اشهر من العقيد الذي كنت مترجما له موضحا فيه باني كنت مترجمه ويعرفني معرفه شخصيه وانني اشتغلت معه من مايس 2003 ولغاية شباط 2004 وذاكر كل تفاصيله من اسمه الكامل ومنصبه ورتبته السابقه مع الايميل وارقام هواتفه سواء العمل او المنزل وعنوان دائرته الحاليه وكل شيء "بس ما ذاكر رقم بطاقته التموينيه هههههههه,والان انتظر اي رد ياتيني من الجيف اوف مشن"وخلي نشوف"والله كريم.

اما اخي vincenzo .فكتابتك اللي تحت تعليقك واللي هي we are unwilling .......فهي جددددا لطيفه فهي تذكرني عندما كان عندي محل لدى القوات البريطانيه T-shirt shop وكانوا الجنود البريطانيين مهووسين بهذه الكتابه عندما تضع ع ظهر الشيرت.وهي عائده لمقولة ونستون تشرشل,لكن عليك ان تضع بنهاية المقوله يااخي vincenzo عبارة"LIVING THE DREAM" ستكون بعد الطف,شكري مرة اخرى اخواني والله يحفظكم.

اخوكم
ابو رافد
العنوان: رد: السنه المطلوبه عند التقديم على ال SIV
أرسل بواسطة: vincenzo في 18:03 10/10/2009
ابو رافد
خدمتك الاولى جانت حتى قبل تايتن وبهالحالة متحتاج تتصل بتايتن وانما اللي دزيته ((ورقة المسؤول)) هي كلش كافية لان بذاك الوقت جان تعاقد اللوكال ناشونال وية وزارة الدفاع مباشرتا بدون توسط شركة مدنية بين الطرفين
بالنسبة للشعر اللي اني كاتبه فهو مو بس اللي تفضلت بيه وانما بيه بعد كلمه غلط بس بصراحة متعاجز اصلحة لان ماكو وكت واعتقد هي مو ل Winston Churchill بس يجوز هو مقتبسهه ومعجب بيهه وانما للام تيريزا:
We, the unwilling, led by the unknowing, are doing the impossible for the ungrateful. We have done so much, for so long, with so little, we are now qualified to do anything with nothing.
Mother Teresa

وهاي شغلات لخ هية كاتبتهه:
We can do no great things, only small things with great love.
Mother Teresa

In this life we cannot do great things. We can only do small things with great love.
Mother Teresa

There are no great things, only small things with great love. Happy are those.
Mother Teresa

I know God will not give me anything I can't handle. I just wish that He didn't trust me so much.
Mother Teresa

Be faithful in small things because it is in them that your strength lies.
Mother Teresa

If you judge people, you have no time to love them.
Mother Teresa

Peace begins with a smile.
Mother Teresa
العنوان: رد: السنه المطلوبه عند التقديم على ال SIV
أرسل بواسطة: ابو رافد في 14:06 11/10/2009
اشكرك اخي العزيز vincenzo على معلوماتك الرائعه,وكذلك جزيل الشكر على شعر او اقوال الام تيريزا الرائعة,وساحاول قدر الامكان على حفظها عن ظهر قلب,وشكرا مرة اخرى.

اخوك
ابو رافد