ankawa
منتدى الهجرة واللجوء => الهجرة و واللاجئين => الموضوع حرر بواسطة: drlexa في 12:29 12/10/2009
-
مرحبه اخوان...
اليوم دك التلفون برايفت نمبر كلت هلت بشارة الخير..وبلفعل طلعو ال iom بس تفاجات ديكولي عندج اعادة محلفين؟؟؟!؟!؟!؟!؟!؟ وحتى تكون واضحة قصتي رح احجيلكم ياهه...اني مقابلة محلفين بسبتمبر 2008 وبعد ان استلمت الظرف وكان موافقه سويت هولد عل ملف مالتي وربطتهه ويه الاهل ولكن لتاخر الامنيه مال اهل طلبت فصل ملفي عنهم((يمكن هوايه خربطت هسه تكولون)) بس بلحقيقه جنت داريد اكسب اكثر وكت ممكن علمود الجامعه...المهم ماطولهه عليكم اسبوع الفات خابروني وكلولي انفصلت المفات والامنيه مالتي صارت اكسبايرد وهسه اعادة محلفين.....زين ليش ديعيدوه تتصورون؟؟؟ وشنو رح انتظر استلام ظرف من جديد ويجوز يجيني رفض؟؟؟؟؟؟؟؟ يا ريت الي عنده معلومات يكولي رجاءا لانه صدك بديت اخاف على ملفي وعلى اهلي همينه
اشكركم جميعا
اختكم drlexa من عمــّــان
-
السلام عليكم اختي العزيزه مجرد اجراء روتين لااكثر ولااقل وما اعتقد ينطوكي رفض لان انتي بالاساس مقبوله وما تهتمي مقابله عاديه واصلا ما راح اتطول اكثر من عشر دقائق وان شاء الله وراها اتسافرين وكولي يالله
-
يا الله
الله يسمع من حلكك يا اخويه العزيز
-
دكتورة الله شكاتبلج تشوفي
نامي وارتاحي وهي تصفى يمعودة
تحياتي وردة
-
اطمئني اختي جدا بالنسبه لأعادة مقابلة المحلف راح يكون مجرد استفسار بسيط لو عن مواليد لو عن شغله بسيطه المهم لاتقلقين حتى اختي صار وياها نفس الشي وماطولت يم المحلف 10 دقايق ويارب يسهل عليج وتسافرين بسرعه
-
اختي العزيزة الله سهل امرك وينور طريقك وبعون الله الي تريده ايصير الك ان شاء الله
-
اختي اني هم مثلج اتصلو بيه اعادة تحليف ليش مادري يوم 27\10 انتي شوكت انطوج موعد
-
اختي مجرد سؤال بسيط وعادي وتافه بنفس الوقت او لتاكيد معلومه سبق وان ذكرتيها لهم وماكو رفض
اتمنالك التوفيق
-
الله يطمن قلبكم اخواني وان شاء الله ماكو شي.....اخويه بكر العراقي اني مقابلتي يوم 25 بلتوفيق الك ان شاء الله..
اختكم من عمــّــان drlexa
-
يعني آني ماأريد أحبط معنوياتج
بس اني مثلك حلفت بشهر 6/2008 ودننتظر الأمنية
واذا بهم يخابرونا ويطلبون تحيلف ثاني نهاية 10/2008
كَلنا هم ميخالف ورحنا وطلع انهم مشتبهين بإسم زوجتي
ويه اسم شخص ممنوع من دخول امريكا
وصححوا الموقف والله وياكم ومثل ماكالوا الأخوان
ماطول التحليف الثاني أكثر من 10 دقائق
وظلينة ننتظر من جديد الموافقة الأمنية
ومانشوف الا ورة 8 شهور اتصلوا بنا مرة لخ وطلبوا تحليف ثالث
وهالمرة بس زوجتي
ورحنا وكان يوم 22/6/2009
وكان يسألوها نفس السؤال اللي سألوه قبل 8 شهور بالتحليف الثاني
وأياض طولت 10 دقايق صححوا الموقف .. ومن هذاك الوقت
الى هسه واحنا بشهر 10/2009 وماكو شي علما اننا بكل تحليف يقولون لنا هذه المرة ماراح اتطول
الموافقة الأمنية ... أعدنا الفحص الطبي وإعادة الاتصال بالكفبل
والله كريم
هذه طبعا حالتي وموشرط تنطبق عالكل ... وماأريد أحبط معنوياتك
بس يعني لا تتأملي شي قريب ..لأن ورة كل تحليف لازم تروح المعاملة لأمريكا
وكأنه حلفتي من جديد ...,تعال انتظر تجي
علما انه اللي حلفوا ورانا ... لحكَوا سافروا
الله كريم وان شاء الله ماتمرين باللي اني مريت بي وتكون معاملتك أسرع
تحياتي
[/size
-
شكرا اخ BB على مشاركتك تجربتك ويانه
اني الشي الي مستغربتله انه اني من الناس الي الامنيه مالتهم ما طولت يعني يمكن بخلال شهر من استلام الظرف جتي الامنيه مالتي وكان كلشي كامل بملفي لولا اني طلبت الربط مع اهلي فشنو الي تغير هسه وطول الامنيه واستوجب اعادة المحلفين؟؟!!!
عل عموم...الامنيه مالتي تم اعادة طلبها اتصور 21-9-2009 والبارحه اعدت الفحص الطبي و ان شاء الله بعد اسبوعين اعادة التحليف..ان شاء الله يسهلهه علينا وعليكم اخويه العزيز.
اختكم من عمــّــان drlexa
-
الله كريم ..ان شاء الله اتفض عالجميع
والمشكلة انه ماكو فد نظرية الواحد يكدر يحسب عليها أو يقدر الوقت اللي تاخذه
كلها بكيفهم وكل كيس شكل وكلمن وحظه
اني مثلا هنا بعمان آخر تحليف ( الثالث ) كان بالسادس وليهسه ماكو شي
و بينما اكو ناس حلفت بالسابع ...وهسه انطوهم موعد سفر وقسم سافروا
يعني محد يعرف
ان شاء الله تفرج قريبا للجميع