ankawa
منتدى الهجرة واللجوء => الهجرة و واللاجئين => الموضوع حرر بواسطة: ankawason في 06:51 16/10/2009
-
أخواني واهلي من اعضاء هذا المنتدى الطيب ... تحيه حب واعتزاز بكم جميعاً ...
غدر الغادرون ... والله اكبر.... حيث قام المجرم ( كفيلي المعنوي) بالتهرب من المنظمه التي تحاول الاتصال به وعبثاً تحاول لتأكيد معرفته بي لاجل توطيني في مدينته فقط وهي لوس انجلس ... عود هو صديق عمي اللح وعمي وصاه عليه وكله لعمي بعيوني اظمه ... عوفهه عليه ومالك علاقه ... تالي المنظمه البارحه دزولي رساله يكلولي ما يستجيب الهم ويتجاهلهم ... (حلو ).... واني حالي صار حال الطرشي التايخ من الخل ...
اخواني الاعزاء ... اني طلب مساعدتكم واني بشارب الطيبين... اللي يحب يساعدني يبعثلي عنوانه عالخاص او على الايميل الاتي لاحقاً ياريت من تكساس لو نورث كارولينا لو كالفورنيا لان احب هذني الولايات... اني دزيت رساله عالخاص الى احد الاعضاء الطيبين بس ما متاكد انهو وصلت ... لذلك اعرض مشكلتي عالعام ... وفيزتي بعد الهه 40 يوم عالصلاحيه ولحد الان الــIOM ما مسويه كلشي .... ومن الخوف بطني كامت تمشي .... :-\ :)
اللي يحب يساعدني لو عالخاص لو على ايميلي اللي جوه ... وبارك الله بيكم .. واعذروني اذا اكو اخطاء لان البوري حيل ثاولني ...
اخوكم ابن عنكاوه
ali2004usa@yahoo.com
-
السلام عليكم
اخويه ولاتهتم ولاتنقهر انت تريد تروح لتكساس وكارلفورنيا .اذا تفكر بشيكاغو اني موجود وتتدلل وبالخدمه واني صارلي شهرين ونصف اذا تحب تجي هنا اسأل المنظمه يحق لي ان اكفلك ؟؟؟؟
اذا قبلوا اني برسم الخدمه ولاتشيل اي هم .
ابو انس
شيكاغو
-
الله يساعدك اخي العزيز ... والله البواري بهيج سوالف هوايه صايره حرامات ... اني بعدني بالعراق بس لو بأمريكا بعيني ادزلك عنواني واحب اشكر القرش على مبادرته الاكثر من رائعه ...
انشاء الله تنحل مشكلتك
سيزر
-
الف شكر اخي العزيز القرش ... والنعم منك وبارك الله بيك على روحك الطيبه ... اني ردت تكساس لو نورثكارولينا لان اني ما احب الجو البارد والصقيع بالاضافه لانهو اسمعت بأن فرص العمل بتكساس جيده رغم الازمه الاقتصاديه ... احب اسئلك على ولايتك شيكاغو ... شلون الجو بيهه ... وفرص العمل ... والمنظمات الانشانيه هناك والمساعدات ... واذا تكدر تساعدني اكون جداً ممنون الك ...
مسكور اخي سيزر ... ايه والله كفيلي طلع مو خوش ... هسه اني كلشي ما رايد غير بس مكان اشويه جيد لا يروحون يشمروني بالاسكا لو مدري وين ..
والف شكر للي قروا موضوعي ما شاء الله عبرو الخمسين ...
-
السلام عليكم
والله مو خوش دكه
تعرف اني كفيلي المعنوي واحد امريكي ما مشتغل وياه بس اسبوع واحد ... نعم اسبوع واحد فقط ولو تعرف شنو سوالي... صدكني دزلي ريكومنديشن للاي او ام كلش قويه وكفلني وكلهم اني اكفله تجيبونه لولايتي اللي هيه واشنطن دي سي مكان كلش راقي ... طبعا اني بعدني بالعراق ما سافرت بس اخوي الي قدمتله وياي سافر طبعا هو بكيس منفصل وهذا كله طبعا بمساعدة كفيلي اللي هو امريكي وما يعرفني غير بس اسبوع واحد
شوفو الفرق اخواني
عموما اخي العزيز اتمنى اني هسه بامريكا حتى اسويلك كفاله بس للاسف بعدني بالعراق
تحياتي
-
اخوي عاشق الصمت .. لا الحمد لله انا كفيلي عراقي واصيل وابد ما قصر وابو الغيره هو... بس هو يمكن اشويه مشغول وتعرف الحياة تلاهي .... واني اشكر كل اعضاء المنتدى لان حصلت اكثر من 500 عنوان...وبصراحه حاير المن اختار ... ما قصرتوا وبارك الله بيكم ... راح اكتبلهم ما عندي احد وهم يختارولي احسن ... الله كريم ..
اخوكم ابن عنكاوه
-
والله يا اخوية من قريت موضوعك كلش ضجت لان اني صارت بية نفس الشي بس الحمدالله هسة انحلت
وانا طالع يوم 27 لا امريكا لرود ايلاند واتمنى اكدر اساعدك والله لو اني هناك تدلل وبرسم الخدمة ولا اشيل هم
اني جدا اسف جنت اتمنى اساعدك
لتكول شي بس كول حسبي الله ونعم الوكيل بس وهوة ارحم الراحميين واكيد الاخوان الي بالولايات الي انت رايدها مرح ايقصرون اكيد
اخوك جوزيف
واي مساعدة اني حاضر
-
حبيبي السلام وعليكم والله اتالمت كثيرا لمن سمعت ان كفيلك كام يتهرب وضحكت هوايه والله من اكول ان بطني كامت تمشي وجنت فد مغثوث من شغله اخويه اني بفرجينيا بهاري سونبوك اذا تريد تجي اهنا اني اخوك اهنا انطيك عنواني واني اكفلك ولايهمك وولايتا كلش حلوه واكو شغل متوفر على طول ولايهمك وما اريد بطنك تمشي
اذا تريدني اني موجود ولا تترد اوكي اني بانتظار ردك
-
اخي العزيز
اني حاليا في اريزونا فينيكس اذا اتحب تجي هنا اسئلك المنظمه مالتي و انطيك عنواني واي شي تحتاج اني حاظر
تحياتي
-
اتصير اخي الكريم بأرقى العوائل و حتى بين الاخوة اتصير الاخ ينكر المعرفة باخوة او اخته اخي ان شاء الله الاخوان بامريكا يساعدوك
-
من رخصة الاخوان
حبيبي واخوية ابن عنكاوا ... انت زين اتخله عنك السبونسر وانت ابغداد اني جماعتي هناية اتخلو عني واني هنا هههههه زين هاي اشلووووون... بس اني سبع وطلعت احسن منهم ووكفت على رجلية واسست نفسي والف الحمد لله والشكور ...
على العموم اني عندي حل الك علمود اتلحك على روحك لان فيزتك ما بيهه الا 40 يوم... حبيبي انت احجز وتعال الهناية واتفق وية اي واحد اخ هنانة شريف انو يستلمك بالمطار (باي ولاية انت اتريد اتروح) وايخليك بس يومين يمه او ايشوفلك وية جماعه ولد هيج موقت وتالي اتروح الى اي منظمة قريبه عليك وتاخذ حقوقك وانت اتاجر وتعتمد على الله يا عيني ولا تنسة من تجي هنا سواء انت على المنظمة من بغداد او من توصل على حسابك الكل راح تاخذ الحقوق نفسهه وتحياتي
واني بالخدمة اذا اتريد تجي هناية الى كولورادو - دنفر ...
وتحياتي الك
اخوك علاوي
-
الله يكون بعونك والله من قريت الموضوع انقهرت هوايه بس نكول حسبه الله ونعمه الوكيل ما اريد اطول عليك بس اني نفس مشكلتك واكثر اني عود كفيلي بولايه كارفونياوهو صديق هم كلي ادلل وبعيوني ودزلي عنوانه وكلشي تمام وبعدفتره خابرني وكلي المنضمه اتصلو بي واتفاهمت وياهم وكلي لازم تدفع فرق الايجار ........ما اطول عليك السالفه وقلت له مو مشكله ادفع الفرق وبعدين اخباره انقطعت اتصلت به بعد فتره رد عليه كلي ما صاره الشغله ...السبب هو يكول المنضمه كلفتني لازم اجر شقه واني اثثه .............قلت له اشكرك واني طبعا صرت ناربس سكتت وخليته على الله هو ارحم الراحمن طبعا اني ردت كفيل على مود عندي اربعه اطفال كلت بلكت صديقي يساعدني (الكفيل)
بس كول الله كريم واني اسف على التطويل واكلك اذا ما لكيت كفيل خليه على الله اخوكم ابو علي \مصر
-
اخي العزيز جوزيف العراقي ... تروح وتوصل بسلامه والله يبعد عنك كل مكروه والله يبارم بيك ... شتسوي ما كو شي يجي بالسهل والحياة تجارب نتعلم منها ... ولا تكول سمسم الا تلهم مثل ما يكولون ... والحمد لله على كل حال ... :)
اخي الغالي حسام الجبوري ... اني ممنمون منك يا طيب وبارك الله بيك .. اني خليته على الله وعفتهه للنصيب وانشاء الله يخلوني بولايه زينه والف شكراً لعرضك الطيب يا اصيل ... وفعلاً فرجينيا من اجمل الولايات. :)
اخي العزيز Volca ... رحمة الله على والديك احبيب ... اني جداً شاكر الك ولعرضك الطيب الله يخليك ويحفظك انشاءالله ... :D
اخي العزيز رافد ... على كولتك اتصير ... بس حرامات والله ... لان الرجل اذا وعد صدق ... اشيبقى منه اذا خالف بوعده ...؟ الله كريم تفرج واشكر مرورك الطيب.. ;)
علاوي يا ورده ... اني حيل ممنون منك والله يخليك ويحفظك ذخر ضامك للشده احبيب ... واني فعلاً حاط في بالي اسوي مثل ما اتفضلت بس من تحمى الطاوه اكثر ... ;D
اخي العزيز نهاد ... شتسوي يله الله كريم ... الناس معادن ( يتبربر بالبروره على كولة سعيد صالح :D) ...اني استفاديت من هذه التجربه انهو اعتمد على نفسي وهاي المشكله انطتني دافع انهو اسوي شي وحدي ..
اخواني الاعزاء في هذا المنتدى الاصيل ... اني البارحه قررت ابعث رساله للمنظمه وكلتلهم انتو اتكفلو بموضوعي وانتو اختارولي الولايه ... وخليتهه ورا النصيب لان اني ما اكد انتظر اكثر وفيزتي بعد الهه ما يقارب الــ 40 يوم ومدري ايصير ما يصير ... يجوز ينسد مطار بغداد ... يجوز يبدلون المطار بمطار ثاني فئة غير حرف كلشي يصير بهاالبلد ;) ... كذلك اني كنت مليت من وظعيتي وبس اريد اطلع لان ظروفي السكنيه ابد مو حلوه ...
احب انصح كل الاخوان انهو يتأكدون من الكفيل بصوره جيده ... ولا تنطي العنوان بالمقابله اذا ما مالي ايدك منه بنسبة 200% .... لان راح اتضيع وقت حرامات عالخالي بلاش وترجع تنتظر من جديد ... اني حددت مده اذا اتجاوزتهه المنظمه اطلع على حسابي والله كريم ...
بارك الله بيكم ... ومن هنا احب اشكر الاخ العزبز ( Haitham40 ) على مبادرته الحلوه واكله الله يكثر من امثالك ... والله يخليك على اخلاقك الحلوه .... الحقيقه ما قصر وياي برسالته عالخاص ...
كذلك شكري واعتزازي الى الاخ ابو عبدالله التكساسي ...
انشاء الله الكل اتسافر بدون مشاكل او بواري ... اني انضريت بوري بس يله متعلم من ايام الجامعه كنت يوميه انضرب بوري من الصبح وبكل روح معنويه عاليه ;D بس غير اتوووووب !!!!!!!!!
شكري لكم جميعاً
ابنكم
-
بس اخي ابن عنكاوا ... انت انطيت عنوانه الى القنصل اثناء المقابله؟... :-[ :o :o :o
يمعود كول غيرهه لان اذا انطيت عنوانه قبل لا يتبرة منك معناهه الكرين كارت مالتك راح اتروح للعنوان اللي انت انطيته...
ما اعرف اذا سويت هيجي هسة اليوم قبل باجر راسل السفارة الامريكية واعطيهم عنوان اي شخص مثلا قريب او صديق .. ومن توصل الى اي مطار باميركا اثناء ختم الجوازات بالكمرك هم راح يسالك على العنوان فانت اعطيه العنوان الجديد حته ايرسلون الكرين كارت والظيم والظلايم .... اويليي عليك عيني
-
يبووووووووووو ه .... هاي وين جانتلي ... فدوه احبيب اشو اني حيل كمت اخاف ... اخي علاوي دزيتلك عالخاص استفسار فدوه جاوبني .... والف شكر
-
حبيبي اقرة جوابي ويارب ايفيدك وسوي اللي كتلك عليه بالحرف الواحد ولا اتخاف
اكو تمديد مثل ما كتلك
وهم لا تستحي من تنطي عنوان الكفيل اللي اتخله عنك لان اللي يتخله عني وانه ابهيجي مرحله هم اتخله عنه واخلي اي او ام تعرف شنو تحجي وياه
واتمنه ان فدتك واي شي اني بالخدمة
واعيد لا اتخاف لان الاربعين يوم مو شوية ولا تستعجل وخليك حكيم .. الكنائس هسة ظاله والاي او ام اكيد راح اتشوفلك سبونسر خلال هاي المدة
اخوك علاوي
-
شلون دكة مال ............. ..على العموم أخوية أذا تريد واحد يكفلك بجورجيا فأني موجود وخل أكولكشي ترة جورجيا هواي أحسن من الولايات اللي كولتهن ...ففكر ودانش عقلك وأني بالخدمة ..بعد شتريد؟؟؟؟!!!!!!!!
-
عنكاوا,
وأريد احجي بلجمع, اللللللللللللللله يوفقكم ان شاء الله على كل الي دتقدموا النة .
اخوكم ريفولفر
-
الله يحفظكم ويسلمكم من كل شر
ياجماعة الخير شكد فرحت لمن شفت جميع الاخوان ايد وحدة ومامتخلين عن احد من اخوانهم
ياربي تدوم هالمحبة والترابط على طول
وربي يسهل امرك اخونا الغالي ---ولاتهتم اخوانك موجودين وماراح يقصرون وياك
وربي يسامح كفيلك والواحد مايدري الغايب عذره معاه
-
حبيبي كاتب الموضوع اني انصحك تكوللهم انه انت ماعندك كفيل هواية احسن الك واريحلك وهما اصلا ميجبرون الواحد الة يكون عندة كفيل اذا عندك عندك واذا لاء همة غصبن عليهم يجيبوك اذا انت مقبول وانت شوف باي ولاية يذبوك اذا عجبتك خير علة خير واذا لاء تكدر تحول لغير ولاية وابوك الله يرحمة
-
السلام عليكم
ولو اني تعذروني صارلي هواية مداخل بس والله مشغول واللي بامريكا وديشتغل يعرف شنو يعني مشغول .....
اخوية العزيز اني حاضر لخدمتك وجاهز
ولاية فرجينيا
تحياتي للجميع
-
الله يوفقك وان شاء الله ما تشوف شر
ورجاءا اذا تكدر تبقى ويانه حتى نعرف شراح تسوي , وشلون تختار الولاية مالتك
اخوك زيوس
-
اذا شيكاغو تفيدك اني بالخدمه
-
اخوية النورس الحزين ولو يعني اتصير عليك زحمة
اني امفكر انتقل الى شيكاغو وما اعرف شنو الاحوال هناك منو اللي اسئله ميعرف شي
شتكول وانت هسة هناك تكدر اتكلي نبذه مختصرة سريعه عن الجو والاحوال الاقتصادية
اني كنت هناك من مده واتصدك تهت لان المدينه حيل كبيرة
واتمنه ان متضوج من سوالي
تقبل تحياتي
اخوك علاوي
كولورادو