ankawa
منتدى الهجرة واللجوء => الهجرة و واللاجئين => الموضوع حرر بواسطة: salah-eng في 23:55 16/10/2009
-
سلم عليكم اخواني اخواتي الطيبين
اليوم كنا جالسين مجموعة شباب عراقيين طيبة مثل وجوهكم الطيبة وسولفنا بموضوع الي داخلين للاردن بوثيقة او جواز من نوع h او s وما يقدر يطلع جواز نوع G على انه غير رسمي واموره واصله ب iom وكل شي ذاكره باللملف على حد علم الاخوان هل هذا الامر راح ياثر على معاملة سفره او الاجراء المعتاد المتخذ من قبل iom لهذا الامر يعني هل يشترطون على المتقدم جواز حديث رغم انهم يعلمون بوضعه الرسمي بالبلد المتواجد به
للاخوان الي مرت عليهم مثل هذه الامور افيدوا اخوانكم الذين يحتاجون لهذه المعلومة علما انهم ادلوا بوضعهم
هذا لدى un وانهم منتظرين الحلفين في iom
وقلت لهم انه لو كان لديكم امور تعرقل سفركم لما حولتكم un الى iom والله اعلم
واقبلوا فائق الاحترام والتقدير ويارب يفرج عن الموجودين والمنتظرين والمقبولين وباسرع وقت امين يا رب العالمين
-
اخويه صلاح اولا اهلا وسهلا بيك
بالنسبه الى السفر يطلبون منك جواز ساري المفعول فقط وما الهم علاقه بنوع الجواز واذا منتهي مدة الجواز بكل سهوله تروح للسفاره العراقيه وتمدده بمستمسكات مستنسخه وتدفع رسوم 18$
اتمنى ان تكون وصلت الفكره
اخوك : الفريدو
-
اخوية صلاح (من رخصة الاخ الفريدو)
سواء اج او جي او اس او اي حرف اخر
اتذكر السفارة الامريكية اتريد جواز نوع جي فقط ... واذا الاي او ام خلتلك الفيزة على جواز الاس (ولو ما صايرة حته لو تدخل الامم المتحده) فخلاص لا اتشيل هم...
بس نصيحه قبل لا ايروح عليك الوقت وخصوصا انت بعدك تنتظر المحلفين سوي الجي لان مثل ما كتلك السفارة الامريكية ما اتخلي فيزة سواء مهاجرين او لاجئين الا على جواز نوع جي ... والقانون قانون هنا ما يتخلفون عنه لو شنو ما اتكون...
وتحياتي الك
اخوك علاوي
الولايات المتحده
-
من رخصة اخويه علاوي مشكور على جوابك بس ممكن انطيك فكره عن الجوازات
انا في الاردن واغلب السافرو من الاردن طلعو بجواز s وما الهم اي علاقه بنوع الجواز واما عن الدول الباقيه فنفس الشي لان اني متابع هذا الموضوع ولكن اهم شي يكون الجواز ساري المفعول وهذا جوابي عن تجربه
ارجو قبول ردي مع جزيل الشكر
اخوك : الفريدو
-
اخوية الفريدو اني دا اتكلم على الولايات المتحدة حصرا... ما اعرف على بقية الدول اشلون
لكن اميركا الا جي وتحياتي
-
من رخصتك اخ علاوي
اني اهلي متكونيين من 8 افراد 4 طلعو على جواز اس لا امريكا وواحد طلع على جواز جي لا امريكا واني انشاء الله طالع على جواز جي
وجدتي مقدمة على جواز h وهسة هية مخلصة كلشي ومنتضرة موعد السفر
فة مالة علاقة بالجوازات ونوع الجواز
اخوك جوزيف
-
اخوية جوزيف اهلك طلعو هالسنة؟
اني كنت اعمل بالسفارة الامريكية ببغداد ... ومن اهم الامور المواطن العراقي لازم حامل جواز جي سواء لاجيء او للفيزة الخاصه (ودا اتكلم من بعد قرار تمديد الفيز الممنوحه لمده سنتين للعراقين الزائرين اميركا) الي صدر في مايو هالعام.
اذا بالاردن الامور غير بعد ما اعرف .. لكن ارجو ان تتاكد من هالخبر لان يوثر بالكمرك اثناء الوصول .. بالنسبة لجواز الاج فمسموح للمواطنين اللي امغادرين العراق قبل عام 2004 ..
وتحياتي
-
salah-eng
اخي بالنسبه لحالتك ميأثر اي جواز تحمل ولا يشترط عليك استخراج جواز G كل ما هنالك جواز ساري المفعول
تحياتي
-
الاخ علاوي كاعد يتكلم عن غير موضوع هو قصدة انه الفيزا عن طريق السفارة الامريكية مثلا دراسات او زيارة بس اذا انت طالع عن طريق الامم المتحدة فاخي اكو اشخاص طلعوا حتى جواز ماعدهم فمهما كان نوعية الجواز ماراح اثر على السفر عن طريق الامم المتحدة
-
اخوية جوزيف اهلك طلعو هالسنة؟
اني كنت اعمل بالسفارة الامريكية ببغداد ... ومن اهم الامور المواطن العراقي لازم حامل جواز جي سواء لاجيء او للفيزة الخاصه (ودا اتكلم من بعد قرار تمديد الفيز الممنوحه لمده سنتين للعراقين الزائرين اميركا) الي صدر في مايو هالعام.
اذا بالاردن الامور غير بعد ما اعرف .. لكن ارجو ان تتاكد من هالخبر لان يوثر بالكمرك اثناء الوصول .. بالنسبة لجواز الاج فمسموح للمواطنين اللي امغادرين العراق قبل عام 2004 ..
وتحياتي
تحياتي للحبيب علاوي
انا جوازي حرف ال G وزوجتي واولادي حرف ال S وماكو اي مشكلة من ناحية ال UN لان اهم شي عندهم جواز ساري المفعول
اخوك
ALWISMY
-
حبيبي رافد شكرا للتوضيح
واخوان اني دا احجي على الي راح ياخذ فيزة لدخول الولايات المتحده سواء (هجرة خاصه , فيزة لجوء ايسموهه امكريشن , زيارة, دراسه , او اي انواع فيز اخرى تطلب الاصدار من اي سفارة امريكية (اعيد سفارة امريكية) سواء بغداد او اردن او اي مكان وانتو ابكيفكم) ..
بالنسبة للامم المتحده ما اعرف اي شي عنهه ...
سوالي منظمة الهجرة العالمية منين تاخذ الفيز اخوان...
ابغداد الهه مكتب خاص بالسفارة جوة بالانكس تو وتجي الموظفه حالهه حال اي طالب فيزة ويملي استمارة طلب الفيز بوجود مندوب امم المتحده ... وهم ارجع واكول جي
المطلوب رد من اخ هنانة بالمنتدى اجه لجوؤ عن طريق الامم المتحده ودخل اميركا بجواز غير نوع جي او اج من بعد مايو 2009 وسلامي
-
حبيبي علاوي اني اهلي طلعو بهذة السنة طلعو وهمة طلعو على iom وطلعو من مصر
وهوة كذالك ديتكلم الاخ على الاي او ام وليس السي اي في
اخوك جوزيف
-
حبيبي رافد شكرا للتوضيح
واخوان اني دا احجي على الي راح ياخذ فيزة لدخول الولايات المتحده سواء (هجرة خاصه , فيزة لجوء ايسموهه امكريشن , زيارة, دراسه , او اي انواع فيز اخرى تطلب الاصدار من اي سفارة امريكية (اعيد سفارة امريكية) سواء بغداد او اردن او اي مكان وانتو ابكيفكم) ..
بالنسبة للامم المتحده ما اعرف اي شي عنهه ...
سوالي منظمة الهجرة العالمية منين تاخذ الفيز اخوان...
ابغداد الهه مكتب خاص بالسفارة جوة بالانكس تو وتجي الموظفه حالهه حال اي طالب فيزة ويملي استمارة طلب الفيز بوجود مندوب امم المتحده ... وهم ارجع واكول جي
المطلوب رد من اخ هنانة بالمنتدى اجه لجوؤ عن طريق الامم المتحده ودخل اميركا بجواز غير نوع جي او اج من بعد مايو 2009 وسلامي
اخويه علاوي كلامك صحيح ومضبوط ضبط العكال انته ده تحجي عن الفيز الي تصدر من السفاره على الجواز ولكن اللجوء عن طريق UN والتقديم المباشر على IOM حالته تختلف لان اصلا الفيزه مراح تكون على الجواز وبحاله الاخ صاحب الموضوع لا يشترط حصوله على جواز G وبامكانه السفر بالجواز S - H انشاءالله اكون وضحت
تقبل تحياتي
-
اذا هيجي الكلام لعد غير
بس سوالي اذا الفيزة مراح تتخله على الجواز (يعني على بطاقه اخرى) ... زين لعد شيسوي بالجواز سواء اس او اي نوع واذا صالح او غير صالح اصلا؟ ما طول البطاقه الاخررى راح تحل محل الجواز؟
وتقبلو تحياتي
-
اخي العزيز
اريد اوضح لك هذا الموضوع انت ما عندك مشكله باي جواز تدخل الى امريكا اذا كنت على اليو ان الجواز مالتك يحتاجوا بس بالمقابلات لاثبات انك ما رجعت للعراق وللتاكد من شخصك اما بعد ان تكمل هاي الاجراءات ف بعد ما تحتاج الجواز العراقي لانك راح تسافر ب فيزا تجي من واشنطن على شكل ورقه مطبوعه ومحد يسالك على جوازك العراقي لكن اذا كان عندك جواز جي العراقي يفيدك بحاله وحده هو انه تكدر ترجع بيه للعراق بشكل طبيعي بعد حصولك على الكرين كارد وره مرور سنه بس هذا الفرق واذا احتاجيت جواز منا تكدر من توصل تقدم على ترفلل دوكمنت جواز مؤقت بقيمه 385 دولار ويطلع الك الجواز خلال شهريمن تقديمك عليه لكن ما ينصح بدخول العراق بهذا الجواز وان كان مسموح لك قانونا الدخول
واخيرا تقبل مروري
-
اذا هيجي الكلام لعد غير
بس سوالي اذا الفيزة مراح تتخله على الجواز (يعني على بطاقه اخرى) ... زين لعد شيسوي بالجواز سواء اس او اي نوع واذا صالح او غير صالح اصلا؟ ما طول البطاقه الاخررى راح تحل محل الجواز؟
وتقبلو تحياتي
الجواز يحتاجه طبعا مستقبلا كجواز مرور تدخل وتخرج بي كأي جواز عادي وكوثيقه رسميه
تثبت شخصيتك
اما صلاحيه الجواز فتحتاجها عند خروجك من الدوله الي راح تطلع منها فلا يجوز ان تطلع او
تدخل اي بلد بدون ما يكون جوازك ساري المفعول وهذا قانون متبع بكل الدول
تحياتي
-
اخوية عكعك مو انت اتكول الجواز يحتاجه مستقبلا للدخول والخروج زين اذا هوة جوازة اس ممعترف بيه وين بعد يحتاجه اذا اجه هنا الى اميركا وايريد يطلع ؟؟؟؟ ما اعرف
-
حبي كلام عكعك ذهب وهوه الصحيح
-
اخواني الاعزاء
اشكر الجميع مرورهم الطيب وهذي المعلومات القيمة من الجميع
بس اني اقول او الي اعرفه من الناس الي سافروا عن طريق un او iom ما مرة سمعت انه الواحد طلع من الدولة الي كان بيهة وجوازه بيدة للدولة المانحة له اللجوء لانه اعرف مرة واحد طلع وكان معه وثيقة الي صدرن بعد 2003 مجرد ورقة وعليهة ختم وصورة مكبوسة على الورقة وطلع لامريكا من الاردن عن طريق iom بسنة 2007 واعتقد ان طالب اللجوء يحتاجون منه بس شي يثبت شخصه كعراقي لانه اكو ناس كانوا بدون جوازات يدخلون واعتقد تفهمون قصدي ومرت علي هاي السالفة قبل 2003 وسافروا لدول مانحة بهذا الوضع بس مااعرف شلون الوضع هسة بعد 2003 ؟
مع حبي وتقديري للجميع وشكري وياريت الي عنده اي معلومة تمر عليه او ناس طالعين يفيدنا بيها مع دعائي للجميع
اخوكم صلاح