ankawa
منتدى الهجرة واللجوء => الهجرة و واللاجئين => الموضوع حرر بواسطة: b@rbie في 22:43 23/10/2009
-
مرحبا شلونكم اني جنت مشتركه وياكم وغبت فتره جنت بيونان ورجعت العراق وهسه اني بعمان صارلي شهر ونص
قدمنه اي او ام المقدم الرئيسي هو اختي انطولها مقابله يوم28وكالولها تجين انتي وابنج لان تعتبر عائله وحدها
ف هاي المقابله شتعتبر مقابله اولى لو متعتبر شي لان احنا مو وياها
ودائما شكد اطول المعاملات مال اي او ام بعمان وشلون تكون الاجرائات
انشاء الله اشوف جوبه الاسالتي شكرااا
-
اختي العزيزة اول شي اهلا وسهلا بيج مرة ثانية
وثاني شي شكد اطول الاجراءات فهاي كلمن وحظه اكو ناس مطول اكثر من اربع شهور كله من اول مقابلة لي يوم السفر واكو ناس على كولت الاعضاء تصير طرشي
اما بخصوص المقابلة الاولى فهي مقابلة تعريفية
هدا الي اعرفة واكدر اجاوبج ععليه ممكن الاخوان الي يعرفون اكثر يجابوج
وانشاء الله الموفقية
جعفر من عمان في انتضار الامنية
-
انشالله بخير barbie و100 هلة بيج...وتقريبا نفس الشي اني وياج لان رجعت من السويد الى العراق وصارلي اسبوع بعمان وثاني يوم خابرت عل منظمة تقديم مباشر اخذو واسمي ورقمي والاي زت مال اهلي وكالو احنا نتصل بيك....بلنسبة لسوالج عييني كرايبي قابل بل اي اي او ام قبل شهرين ونص مقابليتن بيوم واحد كانت وهسة دينتظر محلفين فا حتى لو كل مقابلة يوم ف المدة قريبة تكون بينهم اهنا بعمان وانشالله يدزون عليج هل ايام مدام المحلفين اهناااااااااااا..
تقبلي مروري
-
شكراااا يا جماعه على الرد واستجوابكم
انشاء الله تتسهل عليكم المعامله
واحنا بعدنه باول مرحله والله كريم
اتمنى اليعرف معلومات اكثر يكوللنه حتى تكون على علم
مثلا على الاسأله طبيعة المقابلات شيسألون على شنو يركزون وعلى منو اكثر شي يكون الضغط
-
اختي العزيزة اليك الرابط الاتي للاخ عكعك
وبي معلومات شاملة عن الاسئلة انصحك تنزليه يمك وبكل مقابلة تراجعين الاسئلة
http://www.ankawa.com/forum/index.php/topic,294296.0.html
-
عيني باربي اهلا وسهلا بيج والحمد لله عالسلامة راح افيدج بأجابه انشالله راح تفيدج:
انتي اذا مقدمة على اي او ام مباشرة فالاجراءات تكون كالتالي:
اختج اذا صاحبة الكيس راح يقابلوها مقابلة تعارف وهي يأخذون منها الهويات ورساله التوصية هارد كوبي يعني على اوراق وراح يأخذون منها شجرة العائلة بالتفصيل المملل يعني تواريخ ميلاد عائلتها اللي تتضمن من الجد اللي هو ابو الاب والجدة والعمام والعمات والاب والام والاخوان والاخوات بتاريخ ميلاد الصحيح يعني يوم -شهر -مواليد فمن هسة خلي تبدي تاخذ ميلاد العائلة ولتتورط مثلي وسألني ومعرفت اجاوبة واكو تواريخ الفتهة بكيفي...وبعدهة راح يكول لأختج راح اندز اوراقج لأميركا وبعد اسبوعين اذا جتي الموافقة نبدي بنظام المقابلات ومن تجي الموافقة راح تكدرين انتي همين تقابلين وية اختج وانشالله اموووووركم تتيسر.. واتمنى ان تكون هاي المعلومات مفيدة الكم...تحياتي ابو شكرية
-
اختي اذا المقابله بالامم المتحده فالشغله بعدها طويله كدامج واذا المقابله الي تكولين عنها بالاي او ام فحسبي من ثلاث اشهر الى سته
نسألكم الدعاء
-
اختنا العزيزه اهلا وسهلا بيج
الحقيقه انتي ما بينتي انو تقديمج عادي على اليو ان او اس اي في او شنو
اذا تقديم عادي معناه انو هاي المقابله هي للتسجيل باليو ان
عاد بعدين يدزون عليكم ما يسمى باعادة التوطين وابهالمقابله اذا اقتنعوا يحولوكم على شو وين انتو طالبين اما احدى السفارات او الاي او ام وجيب ليل واخذ عتابه
بس الي اني مستغربتلا انو هو بالمقابله مال تسجيل حتى الرضيع يريدون يشوفوه فشنو انتو بس اختج راح اتروح
ارجو توضيح الحاله حتى نكدر انساعدج اكثر
المخضرمه ام فائز منتظره الامنيه
-
اخوية العزيز النورس الحزين
احب بس اوصحلك فد معلومة اني تقديم مباشر وجيت عمان بشهر الثالث وجانت اول مقابلة واني لي هسة بعمان وبعدني تا انتضر الامنية فأخي العزيز صدكني من اول مقابلة للاي او ام تصير شغلة التقديم المباشر حاله حال المحولين من اليو ان اني حتة مرات اكول زين ماكو امتيازات للتقديم المباشر وخصوصا انو تا اشوف جماعة المحولين من اليو ان اسرع من عدنة رغم انو حجي الموظفة من اتصلت بينة كالت بين اربعة شهور الى ستة هاي اقصى شي
وداعتك كله نفس الشي
اخوك جعفر من عمان في انتضار الامنية
-
شكرا على الردود يا اخوان
وجوابي للاخوان الي سالو على تقديمي وين بالضبط ف على اي او ام ومباشر
واما بالنسبه للاخت ام فائز ف اختي فعلا تعتبر عائله وحدها لان متزوجه ف راح تروح هي وابنها و زوجها مموجود ف هي المقدم الرئيسي كلولها تجين وحدج ومثل مكال الاخ ابو شكريه طلبو تواريخ الميلاد مال العائله وتواريخ الزواجات وتواريخ الوفيات اذا اكو
وشكرا على المعلومات والرابط الدزه اخ رافد
واتمنى اي معلومه جديده تفيدوني بيها لان ماعرف اي شي عالاجرائات والمقابلات
احنا حسب ما سمعنه الاي او ام مطول هوايه مستحيل اكثر من سنه بس كل واحد حالته شكل
ناس تكول باليو ان طلعت الموافقه ب3اشهر وناس ب اي او ام يكولون طولنه اكثر من سنه
ف اتصور هي كل واحد وحضه
تحياتي للكل
-
تحياتي الطيبة لكل اعضاء هذا المنتدى الرائع،،،
أني حبيت أبشركم أنه أتصلوا بيه IOM وانطوني موعد مقابلة محلفين يوم 10/11 بعمان. اني هسة رح اسافر لعمان واقابل هناك ثم ارجع للإمارات.
سؤالي هو شوكت رح يتصلون بية عالفحص الطبي؟/ يعني شكد المدة بين مقابلة المحلفين والفحص الطبي؟
وهل ان إستلام الظرف يكون قبل الفحص الطبي أو بعده ؟
لآنه اني بركبتي عائلة كاملة لازم تسافر وياي -قصدي اكو داعي نبقى بعمان وشكد؟ او ارجع للامارات علمود شغلي؟
أرجو توضيح ذلك من أعضاء وعضوات المنتدى الكرام... وبارك الله في جهودكم،، والموفقية للجميع انشاء الله،،،
Shark2001
-
اخويةالعزيز بين الفحص ومقابلة المحلفين فترة قصيرة ادا انقبلت بأدن الله انشاء الله ويكون الفحص بعد مقابلة المحلفين وهدا دليل الموافقة وبالتوفيق
اخوك جعفر من عمان في انتضار الامنية
-
اخونا شارك 2001
ماكو وقت محدد للفحص الطبي احنا فحصنا بعد شهرين من مقاله المحلفين وبعد ان تمت موافقه المحلفين على الكيس مالتنا
بس اكو ناس فحصو حتى قبل استلام الضرف مال المحلفين وهذا يعني ان المحلفين وافقو مباشره لان اكو كيسات المحلفين الموجودين الضاهر ما يكدرون يبتون فيها مباشره وهاي تاخذ وقت شويه بس مو اكثر من شهرين اتلاثه وخلال ذلك ما يفحصون
بس الي يدزون عليه على الفحص فهذا معناه انو المحلفين موافقين على الكيس مالته ويبقى الموافقه الامنيه
موفق