ankawa
منتدى الهجرة واللجوء => الهجرة و واللاجئين => الموضوع حرر بواسطة: حبيبتي بغداد في 11:30 27/10/2009
-
الاعضاء الاعزاء السلام عليكم
منذ فتره ليست بالصيره ونحن نقرا في منتدانا العزيز ان هناك مواعيد سفر كثيره جدا من بغداد ؟ ولكن لم نقرا ان هناك احدا قد استلم او اخبروه المنظمه بوصول الموافقه الامنيه وهو بالنتظار اجراءات السفر .
ارجو من جماعة بغداد اذا كان هناك اي احد قد استلم الموافقه الامنيه ان يضع اسمه هنا ويكتب تواريخ مقابلاته بالكامل ارجوكم . علما اني لم استلم الموافقه الامنيه لحد الان وانا بانتظارها منذ اكثر من 7 شهور .
المقابله الاولى 28 / 1
مقابلة المحلفين 28 / 3
موافقه المحلف 17 / 5
الفحص الطبي 19.21 / 5
والمحروسه حبية الكل لسه ما شرفتش بالرغم ان الكثير ممن قابلو في الشهر السادس والسابع قد استلمو الموافقه الامنيه .
-
شباب حبيت اشارك بهذا الموضوع
اني كانت مقابلتي الاولي ب 30\ نوفمبر\2008
اما الثانيه فكانت ب14\02\2009
الفحص الطبي يمكن ب 19\02\2009
استلام الضرف ب 26\03\2009
وصول الموافقه الامنيه ب 30\09\2009
وخابروني IOM مكتب عمان على وصول الموافقه الامنيه وكالو بقى تحديد الولايه وختم الملف وليهسا دا انتظر ماكو اي شي جديد
شكرا
-
هاي المشاركة الخاطر عيونك يا كاتب الموضوع
ولو انت مرة فصختني بحجيك بموضوع بشاره جديده الى جماعة بغداد من كلت
اكو بعض الاشخاص ( بدون تحديد اسم معين بس من تراجع الموضوع راح تعرف اني المن اقصد ) يستهزؤون بمشاعرنا ويكولون مكتب بغداد سدوه وبعد ماكو سفر
واني جنت بس دا اتمازح وية كاتب الموضوع
هاي المواعيد هية لوالدي والدتي
مقابلة اولى 11 شباط 2009
مقابلة محلفين 17 شباط 2009
فحص طبي شهر الرابع نيسان 2009
استلام رد المحلف الاختيار الرابع 24 اذار 2009
توقيع على الكفالة من سان دييكو 17 اب 2009
وحاليا بانتظار الطركاعة الامنية
بالمناسبة شصار من شغلة ال SIV مالتك ؟؟
تحياتي
ابو اندرو
-
أحبائي ............ ولو المواعيد مالتي صارت معروفة للكل (القاصي والداني ) في المنتدى ........ ومع 1لك راح ابلش اكتبهن من جديد :
المقابلة الاولى (منذ سنة بالضبط) 26 تشرين الاول 2008
الفحص الطبي 21 كانون الثاني 2009
مقابلة المحلفين 4 شباط 2009
استلام الظرف 12 اذار 2009
حسب مايقولون جماعة مصر انه الموافقة الامنية از كليير
لحد اليوم المحلف لم يتخذ قرار ((رغم انه الرئيس باراك اوباما اتخذ قرار بغلق معتقل غوانتانامو!!!!) ولااعرف متى سيتخذ القرار ((عودين هذا احنهة جماعة بغداد مهددين ومااعرف شنو )) وملفاتنة نايمة!!!!
طبعا الطركاعة الجديدة هسة ابني الجديد (مصطفى) لازم اضيفهة للكيس مالتي ......... اني بعتلهم ايميل كالولي ابعثنلنهة شهادة الميلاد والمعلومات مالتهة .......طبعا صار 11 يوم كلما اروح لمستشفى العلوية ببغداد علمود بيان الولادة ايكلولي(ماكو استمارات تعال فد يومين...........) تعرفون مو هوة هذا العراق الجديد!!!!! طبعا اني هسة لازم الزم سرة جديد من اول وتالي .... اعادة فحص طبي ومقابلة للمحلف علمود ابني ...........يعني عالس هالشتوية عالسهة لو اطير بس الحجي بيناتنهة اني ناوي نية مو كلش زينة اذا دزوا عليهة للمقابلة وية المحلف ...........لو اطخهة لو اطلع مخهة على كولت العراقي............لانه صارت مو بس بلية ملح كلش ..........صارت امصخ من ................... تحياتي واسف على الاطالة ودوختكم.............صفاء الكرخي
طبي
-
صفاء مبين عليك كلش متاذي من ورة الاي او ام
بحيث ابنك مصطفى مدا اتفرق بينهة هو ولد لو بنية
هههههههههههه
تحياتي دا اتشاقة وياك مو تزعل
-
ارجو من جماعة بغداد الرد على هذا الموضوع حتى يبقى دائما في البدايه . وايضا احب ان اقدم الشكر الجزيل لكل من وضع توارخ مقابلاته هنا , ونحن بانتظار الموافقات الاخرى . على فكره ابو اندرو اني الاس اي في نسيتها اصلا لان اني مكمل كلشي هنا ولحد هسه ماكو شي , فمعقوله ابدي من الصفر . على العموم اني اسف جدا على ردي السابق واعرف كلبك كلش جبير وتسامح . اتمنى من جميع الاخوان التواصل في هذا الموضوع واي واحد يسمع اي شي عن الامنيات في بغداد ارجو منه كتابة ما يسمعه في هذا الموضوع .
شكرا لكم
-
سلام الرب عليكم جميعا....
مع حبي واعتزازي وتقديري لكل المساهمات والمداخلات من قبل كل الاعضاء في هدا المنتدى والذي لو كتب له الاستمرار فلسوف يصبح اكبر واوسع منتدى في تاريخ النت او الشبكة الالكترونية ليس لنوع وكمية المواضيع التي يدور حولها النقاش وتبادل الاراء مع فائق احترامتي مرة اخرى لانه في البداية وفي النهاية كلها تدور حول اوتتناول موضوع واحد الا وهو الهجرة... وهنا الكارثة, فهذا بلاء ابتلى به ابن هذا البلد ابن التاريخ ابن الحضارة ابن الطيبة وابن اول كل شي في هذه الخليقة وفي التهاية لايجد له في عربة موطن او من يقبل ان يوطنه او يستوطن ارضه كبديل او كملاذ او كخلاص بعد ان احس بغربة الوطن.
يااخواتي واخواني... انا ايضا ابتليت بهذا المرض وركبت نفس القارب الذي ركبتموه انتم و الذي لاوجهة ولاعنوان له وسوف يمون ضربا من الخيال ان حاولت ان توجخه او ان تريد ان تعلم الي اين يتحه والى اي شاطئ سوف يرسى بك في النهاية لاته ان حاولت ذلك كل الذي ستحصل عليه المزيد من التشتيت والقلق وفقدان الثقة بالنفس وبالعير ولاهم من ذلك فقدان الثقة بالقدر الالهي.
لقد حاولت قبلكم ولساعات وايام واسابيع وشهور واستخدمت جميع اللوغاريتمات والاحتمالات الرياضية وعلم الفلك حتى افهم او افك طلاسم هذا اللعز "ليش وشلون هذا قبلي وليش اني قضيتي تاخرت وليش وشلون..... " وبالنهاية كنت ارجع الى نفس نقطة البداية فقط مع الفرق كان يتولد لدي المزيد من التوتر والقلق ونفاذ الصبر والاحباط وهذا هو الدمار بعينه.
لذلك قررت ان اترك كل شي في يدي الرب وان لااتابعه الا من حين وحين وهذا فقط للتاكد من ان الامور على مايرام او على المسار الصحيح دون وضع توقعات قريبة او بعيدة سواء كانت متشائمة او جيدة. الصبر والصبر ثم الصبر والنهاية هي في جانبك.
ياأعزائي.. نحن العرقيين تعودنا على الصبر ةالتحمل كما تعودت المصائب علينا واصبح ثوبا ملزمين ان يتلبسنا طول حياتنا ولن يفلح اي شي او ينقذنا من اي مكروه سوى الصلاة والدعاء الى الرب بان يوصلنا جمبعا الى بر الامان.
طولو بالكم اخوان وخلوها على الخالق وعلى الاقل احنا عايشين بنص اهلنا ووننتظر الفرج وغيرنا عايش بالغربة ودينتظر الغرية الثانية "العفو.. اقصد الوطن الجديد".
اسف جدا اذا اطلت عليكم ولكن من كثر اعتزازي وحبي للجميع اريد اقدم شي ولكن ليس بمقدوري او ياستطاعتي تقديمه سوى الدعاء للجميع ان يحقق امانيهم دون ان اخوض في متاهات او احجية وماقيل وقال عن ال iom او siv سامح الله من يعمل او من هو مسؤؤل في هذه المنظمات يتلاعب بمشاعر الناس.
مع اعتذاري الشديد وتحياتي لشعبنا الحديد