ankawa
منتدى الهجرة واللجوء => الهجرة و واللاجئين => الموضوع حرر بواسطة: محبوبكم في 04:45 29/10/2009
-
السلام عليكم اخواني ..
طبعا انا عضو بالمنتدى من زمان لكن منقطع بسبب ظروف الغمل كمترجم لان الاجازات كلش صارت صعبه والمشكله انه اني مترجم خاص لاحد القاده الكبار الامريكيين لذلك لا استطيع التواجد دائما بالمنتدى ...
أخواني عندي مشكله واريدكم تجاوبون بأدق المعلومات المتوفره عندكم .. وهي .. ابن عمي موجود حاليا في الاردن ورفض المحلف الموافقه لان كما مذكور في النتيجه( عدم مصداقيه أوعدم تطابق في الكلام) وقدم استئناف حسب الاصول ولكن السؤال هل هناك اي أحد من الاخوان اللي كانت نتيجته الرفض لنفس السبب وقدم استئناف وحصل على الموافقه؟؟؟ يعني اكو احد من جماعه المرفوضين بسبب عدم المصداقيه او عدم تطابق الكلام قابلوه مره ثانيه وحصل قبول؟؟ وكم هي نسبه الذين حصلوا على موافقه في هذه الحاله كبيره أم صغيره وهل فيها امل..
أرجو من الذين يعرفون معلومات اكيده ودقيقه ان يجاوب على السؤال ..
التوقيع محبوبكم
-
أخواني اني كلش اشكركم على مروركم الجميل الما شفت بيه ولا واحد وردودكم الحلوه المكتوبه بالحبر السري الما ينقري بحيث ولا واحد جاوب على السؤال من يومين ..مشكورين وما قصرتو وساعدتوني هوايه حتى انقل اجوبتكم الما مكتوبه لابن عمي المسكين .... مع العلم هاي اول مره اسالكم بيهه سؤال ويمكن راح تصير اخر مره ..وطبعا هاي روح التعاون الحلوه يعني لو هيجي التعاون لو ما ينراد .. اشكركم مره ثانيه وانا لله وانا اليه راجعون ... ولا حول ولا قوة الا بالله
التوقيع محبوبكم
-
أخوية العزيز محبوبكم,
اولاً ياعُمري اكو بعض الاشخاص ومنهم اني, ماعرف الاجابة على سؤالك وماأكدر افتي بي لأن ماعندي معلومات كافية عن الموضوع, مابيهة شي ياعُمري انتظر الى ان يجي واحد من الاخوة اصحاب الخبرة وان شاء الله يجاوبك. واعذرنة عن التقصير عُمري بس ترة مو كلهة عدهة اجوبة صحيح ومثالية مثل ما انت دتطلُب, تدري مسؤولية ومحد يريد يأذي احد بهل المُنتدى ..
اخوك ريفولفر
-
اخي العزيز اكو ناس قدمت استئناف و حصلت قبول و اكو ناس حصلت رفض و حولوهم على غير دولة مثل كندا او استراليا
اما بخصوص محد يجاوبك فأبشرك انه المنتدى صار تجمعات بي يعني اذا انت مو منضمن تجمعهم راح يهمل سؤالك و اعذرني على الصراحة لأن اني قبل فترة سألت كم سؤال و هملوا سؤالي و محد يقبل يجاوب
-
أخوية العزيز طيف,
الله يساعدك حُب, ان شاء الله بخير, حبيبي مع كل االاحترام لشخصك احب اكلك انت " غلطان " ماعتقد احد بهل المُنتدى ميحب يساعد اخو, وخاصتاً المنتدى هذا بلنسبة الية هوة بيت الخير, لأن الحمدلله ديقدم كل ماهوة خير النة وللناس كلها, دتشوف الكل دتحب اتساعد .
وبلنسبة الموضوعك ياعيني, احب اكلك انو اذا احد معرف الاجابة, مو معناها " اهملوا " موضوعك, حبيبي اذا مو يجيك واحد ويجاوبك وعن " تجربة شخصية ", محد يكدر يجاوبك لأن الناس اتريد اتفيدك مو يضرون بيك . فأنتظر انت يجي احد ان شاء الله ويجاوبك, وياريت اتكون مُتابع الموضوعك, يعني خلي رد تحت السؤال مالتك او اتسوي تعديل عليه علمود لا ينزل ويروح للصفحة الثانية ..
وصدكني الكل يحب يساعد هنانة ولا اكو تجمُعات ولا تحزُبات لأن هنا العراق الحقيقي, مو الي دتشوفة بلشوارع .
اخوك ريفولفر
-
اخي الغالي لا تزعل لانه سبب عدم اجابتنا لايتوفر عندنا اي معلومات دقيقه وانته محدد سؤالك اتريد اجابه دقيقه وهذا الشيء معناها انه الي راح ايجاوبك راح يتحمل مسؤليه لانه اكو مصير انسان يعتمد على ها الاجابه ولهذا السبب اني احد الناس الي ما قدرت اجاوب وازيدك علم اني انرفضت واستانفت ووره سنه اجاني رفض والله ولي التوفيق
-
اخواني الأعزاء افهموني اني مو مقصدي احجي على الأعضاء او انتقدهم بس فعلا اني قبل فترة سألت سؤال و طلبت اجابة محد جاوب بس عفتهم ملحيت لا اكثر و لا اقل على العموم اني ما اريد احد يزعل
يا رب سهلهة علينا و على كل العراقيين و بسسسسسسسسس