ankawa
منتدى الهجرة واللجوء => الهجرة و واللاجئين => الموضوع حرر بواسطة: لوردالحب في 15:03 30/10/2009
-
السلام عليكم ورحمة الله وبركاته
بس اني عندي استفسار هذا الموقع للعراقيين الذين يعملون مع الامريكان فقط لو شنو لان بصراحة اني محتاجة كلش ..؟؟
والسؤال الثاني اني قدمت على موقع وما اعرف هذا الموقع صحيح او نصب واحتيال http://www.usagc.com/ هذا الموقع اتمى اتساعدوني او احد يجاوبني ويفهني الطريقة الي اكدر بيهة احصل على اللجوء للعلم اني ما مشتغل وية الامريكان بس اني اعلامي .تحياتي وتقديري للجميع
-
عيوني لورد الحُب,
اولاً مية هلة بيك ابمنتدانا الغالي وان شاء الله اتشوف بي كل الي تحتاجة .
اخوية العزيز مُنتدى الهجرة واللاجئين هوة لخدمة اخوتنة الي طالبين هجرة او لجوء الى امريكا او بريطانيا او استراليا او اوربا .. وهذا يشمل الي مشتغلين مع القوات الامريكية او البريطانية او اي قوة من قوات التحالف . واذا عندك اي استفسار اطرحة واحنة حاضرين .
الموقع الثاني ماعندي اي معلومة عنة, بس كلنة انت وين مشتغل وشتريد اتقدم ؟ واحنة حاضرين ..
ريفولفر
-
اشكرك يا وردة revolver
المشكلة اني ما مشتغل وية اي قوة من قوات التحالف اني اعلامي صارلي اكثر من اربع سنوات واتأذيت اهواية والى هسة ما مرتاح بالعمل الي اني بي الي طالبة اريد اقدم لجوء ال امريكا لان عندي اصدقاء اهناك يستقبلوني بس ما عندي احد من اهلي ولا اقارب هاي المشكلة الي اني بيهة وما اعرف بيا طريقة اكدر اقدم على اللجوء
شكرا على مرورك .
-
اخوية العزيز انت وين ساكن حالياً
لأن لازم بهل الحالة يجاوبوك جماعة برنامج الـ IOM . وهذا البرنامج مشمول بي الي مشتغلين وية الامريكان اقل من سنة او مامشتغلين والي ساكنين خارج العراق. مثلاً بسوريا وبمصر وبلأردن وبلأمارات حتى ..
وان شاء الله اصحاب الخبرة بهل البرنامج يجاوبوك لأن اني مقدم على برنامج العاملين مع القوات الامريكية ..
تحياتي الك واصبر شوية الى ان يجي احد ويفهمك شلون اتقدم لجوء
ريفولفر
-
وردة اني ساكن بغداد
ليش ال iom ميقبلون التقديم للي ما مشتغلين وية قوات التحالف ؟؟؟
تسلم على مرورك .
-
ألي اعرفة يقبلون بس الي خارج العراق. لأن تدري مهزوم كـ لاجئ لأسباب امنية, بس المشكلة ماعرف بلنسبة الجماعة بغداد ..
ان شاء الله يجاوبوك احد الاخوة ..
ريفولفر
-
عيني لورد الحب هذا الموقع صحيح و لا تخاف منة بس هذا خاص باللوتري يعني انتة و حظك اتقدم وية 100 مليون شخص و يختارون خمسين الف منهم للاقامة في امريكا لذا نصيحتي قدم اي او ام و قدم على هذا سوى ما خسران شي
اخوك مصطفى
-
تسلم وردة مصطفى
مصطفى مو هوة اني ما اعرف ايقبلون على اي او ام لو لا ؟؟؟ يعني عادي اقدم لو ماكو فايدة ؟؟
تسلم على ردك يا ورد
-
حبيبي رتبلك قصة زينة انو انتة متهدد و وضعك بالعراق سيء و عائلتك خايف عليهة و قدم و اتوكل على الله
اني بخدمتك حبيبي
اخوك مصطفى
-
اخ عزيز مصطفى
انشاء الله راح اسوي على الي كلتة انتة بس الصراحة ما اعرف بالبداية شنو اكتب وهم يريدون اوراق وطريقة الكليشة اشلون اكتبهة
اتمنى تعلموني طريقة كتابة الموضوع او التقديم
واشكرك يا وردةة
-
اخي اولا اهلا بيك بالمنتدى
ثانيا
الطلب راح يكون لجماعه اي او ام بغداد بس اذا ما مشتغل ويا الخوال شويه صعبه
بس انت قدم والله كريم
الرساله الي دزهه اكتب بيهه انه انت اعلامي عراقي وبسبب اعمال العنف الطائفيه انت تعرضت للاضطهاد والتهديد ومن هاي السوالف
بس انتبه زين
القصه الي تكتبهه لا تبالغ بيهه ولا تنساها لان راح يسالوك بيههاكثر من مره بالمقابلات وره ما اتامن وتكول خلصت شغلتي وراها يجيك رفض وتكوم تكمز
يعني خلي نسخه جوه ايدك على طول
للعلم انه هذا الشي ما صاير لا اذا ما مشتغل ويا القوات متكدر اتقدم الا من سوريا لو الاردن لو مصر لو الامارات
تحياتي
اخوك ابو عبد الله التكساسي
-
السلام عليكم اخي الغالي لورد بالنسبه الى الاي او ام وهي منظمه الهجره الدوليه طبعا الحالات التي تفتح الها ملفات بهاي المنظمه هيه او الاشخاص الذين عملوا معه القوات الاميريكيه ويشترط مدق سنه المتزوجون من اميريكيات والمتزوجات من امريكيين والي عنده اقرباء من الدرجه الاولي وهيه يعني نفس العائله يحملون الجنسيه الاميريكيه وهمه باميركا وهو بالعراق او ببلد اخر وايريد يلتحق بيهم وكل هذوله هم لازم ايكون عندهم سبب جعلهم ايغادرون العراق لخوفهم التعرض للموت او الاضطهاد او تعرضوا اصلا هاي طريقه للتوطين وين اب اميريكا واكو طريقه اخرى وهيه انه تتحول الى لاجيء يعني لازم تنطبق عليك صفات اللاجيء وتعريف اللاجيء هو شخص عبر الحدود الدوليه بسبب خوفه من تعرضه الى الاضطهاد بسبب عرقه او دينه او بشرته او اراءه السياسيه ولمن يعبر الحدود ايروح ايسجل بمكت المفوضيه الساميه لشؤون اللاجئين التي راح تكون بالبلد الى هو سافر اله وايسجل المعلومات مالته ومن ضمنها سبب مغدره بلده وهمه وفق الاثباتات الي راح اتقدمها والقصه والتواريخ التي ترعضت فيها للمواقف الخطره همه راح ايقابلوك ومن بعد المقابله ايقررون قرار التوطين في بلد ثالث باختصار سافر من العراق واطلب لجوء في احد بلدان الجوار ومن الممكن تستفسر من الاخوه اي بلد احسن بالنسبه لسرعة المعامله والمعيشه وانا من هسه اكلك لاتجي الا الاردن اني فيه طبعا وما انصح بيه والله ولي التوفيق وهذا موقع المفوضيه وبيه بالعربي اطلع عليه وشوف اوكي www.unhcr.org
-
الف شكر اخوية ابو عبدالله
راح اقدم بس بعد اريد اسويلي قصة وية قصتي حتة اكدر اقنعهم ولو اني تعبت والله من التفكير
بس انشاء الله خير اتمنى اذا احد يعرف طريقة هم يوصلي للطريق
الف شكر على المرور ابو عبودي
-
تحياتي الك بغداد بقلبي
اشكرك على توضيحك الي وشكر على هاي المعلومات ولو انتة هبطت معنوياتي الف شكرر على المرور
وحبيت اسال اذا اكو صديق بامريكا يكدر يسويلي شي او يقدملي على لجوء من امريكا؟؟؟ وللعلم صديق مو اقارب
الف شكر ونورت الصفحة بردك بغداد .
-
اخي لورد الحب هاي شروط التقديم مال ال iom بالنسبه لحالتك غير مشمول بالتقديم المباشر مع الاسف
الا اذا كان عملك يمول من جهه امريكيه ولكن يمكنك التقديم على الامم المتحده بدول الجوار سوريا اردن مصر لبنان ومن ثم حسب قضيتك قد تتحول الى التوطين او لا والعمليه تاخذ وقت قد يطول سنه او اكثر فاذا كنت قادرا على ذلك توكل على اللله ومن الله التوفيق
بالنسبه لرد الاخير لايمكن سوف تجد اجابته في الشروط بالمختصر الا قرابه درجه اولى
هاي الشروط للتقديم على IOM
الافراد التاليين ( و أفراد عائلتهم من الدرجة الأولى : الأزواج و الأبناء غير المتزوجين تحت واحد عشرين سنة ) مع وجود اثبات للوظيفة يحق لهم طلب الدخول فى البرنامج فى الأردن , مصر و العراق وهم :
1. الافراد العراقيون الذين يعملون /عملوا على أساس دوام كامل كمترجمين فوريين/مترجمين تحريريين لصالح الحكومة الأمريكية أو القوات المتعددة الجنسيات MNF-I)) فى العراق .
2. الأفراد العراقيون الذين عملوا كموظفين محليين ( ( LES لدي الحكومة الأمريكية فى العراق .
3. الأفراد العراقيون الذين يعملون/ عملوا على أساس التوظيف المباشر لدي منظمة أو كينونة مرتبط ارتباطا وثيقا بالبعثة الأمريكية بالعراق , و التى تلقت تمويل من الحكومة الامريكية من خلال عقد رسمى و موثق أو استحقاق أو منحة أو اتفاقية تعاون .
4. الأفراد العراقيون الذين يعملون/عملوا فى العراق لدي منظمة اعلامية أو منظمة غير حكومية مقرها الرئيسي فى الولايات المتحدة .
5. الأزواج/ الزوجات و الأبناء/ البنات و الآباء / الأمهات و الاخوان/ الأخوات للأفراد المشار اليهم فى الفئات الأربعة أعلاه , أو للفرد المؤهل للحصول على تأشيرة الهجرة الخاصة كنتيجة لتوظيفه/ توظيفها من قبل أو بالنيابة عن الحكومة الأمريكية فى العراق , بما فى ذلك الفرد الذي ليس على قيد الحياة , و بشرط أن يكون قد تم التحقق من العلاقة .
6. الأفراد العراقيون الذين هم الأزواج/ الزوجات و الأبناء/ البنات و الاباء / الأمهات و الاخوان/ الأخوات لمواطن امريكى , أو الافراد الذين هم أزواج /زوجات أو أبناء غير متزوجين /بنات غير متزوجات لأجنبى حاصل على اقامة دائمة فى الولايات المتحدة , و بحكم إنهم او سيصبحون المستفدين من معاملات تأشيرة الهجرة الموافق عليها I-130)) و المبنية على صلة القرابة الأسرية.
بخصوص الأشخاص الذين تم ذكرهم فى البند السادس , على أقاربهم من المواطنين الأمريكيين و الذين قد قاموا بملء معاملة تأشيرة الهجرة الموافق عليها (I-130) للأقاربهم من العراقيون أن يتم أستلامهم خطاب من وزارة الخارجية يعلمهم بأحقية أقاربهم فى تقديم طلب اللجوء . و ان لم يتم تسلم القريب الأمريكى هذا الخطاب أو انهم لم يقدموا على تأشيرة الهجرة (I-130) بعد وإذا كان المستفيد العراقى لديه الرغبة فى المزيد من المعلومات يمكن مراجعة الرابط الألكترونى التالى الخاص بتأشيرة الهجرة (I -130) :
-
اشكرك حبيبي على المرور
بس اريد واحد يفرحني ماكو الله كريم حبي اني لو اكدر اطلع من العراق جان ما اجيت اقدم منا جان اكيد رحت على اليو ان
تسلم يا ورد على الرد.