ankawa
منتدى الهجرة واللجوء => الهجرة و واللاجئين => الموضوع حرر بواسطة: سكوفيلد في 17:49 01/11/2009
-
شلون الاخوان والاخوات....
اني عضو جديد بهذا المنتدى الجميل
اريد منكم ترحيب ومباركة لان اجالي ال IZ number
بس عندي سؤال الكم اذا امكن
اني هسه شراح انتظر من جماعة المنظمة ايميل لو تلفون
وبرأيكم شكد راح انتظر علما يجيلي خبر منهم
وقبل المقابلة بشكد
اتمنى تجاوبوني ولا تفشلوني
-
الف مبروك يوم السفر هسة الاخوان يجاوبوك وميفشلوك والنعم من كل الاعضاء.
-
والنعم منك اخوية
مشكور على مرورك
-
مبروك انشاءللة التوفيق وكل الهلا بيك بين اهلك وناسك مراحب
-
الف الف مبروك
حبي اجاك iz لو BGD اذا iz فتبقى يتصلون بيك على الايميل ويحددون الك مقابلة اولى وان شاء الله قريبة
اخوك مهند هادي بغداد
-
اخي العزيز مهند
اجالي iz number بس الي يهمني اريد اعرف قبل شكد من موعد المقابلة راح ينطولي خبر؟
-
اخوية الف مبروك وبلموفقية ان شاء الله
ريفولفر
-
شكرا جزيلا اعزائي ريفولفر و angie
اعرف انه حضراتكم عدكم علم بمسائل الهجرة.... شتكولون يكون عندي امل انو فد يوم اهاجر مادام اخذت ال iz number لان ال هسا مامصدك.
-
عيني اسكوفيلد .... بداية مرحبا بك في المنتدى
انتة هسة تنتظر مقابلة منهم يعني عادة همة ايدزولك ايميل قبل المقابلة اقل شي ب 10 ايام لكن من المهم جدا جدا ان ترتب معلوماتك بطريقة جيدة ومتسلسلة وبعيدا عن الكذب (حاشاك منهة) ويفضل ان تكتبها بورقة وتعيدها باستمرار وهذا بالنسبة لافراد العائلة ايضا الذين سيقابلون معك ... لاحظ انه من المهم جدا جدا ان تتطابق المعلومات التي تعطيها في المقابلة الاولى مع ماتعطيه في المقابلة الثانية وهذه النقطة مهمة للغاية وهي محور الموضوع كله اذا عليها يعتمد موافقة المحلف ... اي شي محتاج اخوك موجود بس اكتبلي ومااقصر ترة اخوك عندهة دكتوراه فخرية باللجوء وسوالفهة..........!!!! واني كلش كلش اشكرك.... اخوكم صفاء الكرخي
-
الف الف مبروك اخويه
و الموفقيه للجميع
اخوكم ابو علي
-
اشكركم اخوان صفاء و ابو علي على رفع معنوياتي
شكرا جزيلا اخي صفاء على المعلومات القيمة واكيد راح احتاجك بلمستقبل
ممنون الكم
-
اهلا وسهلا بيك ,,,والف مبروك بالموفقيه انشالله ويوم السفر القريب
-
شكرا جزيلا اخت سوسن
-
أخوية العزيز
يدزون عليك اقل شيقبل اسبوعين او اكثر بالنسبة الي دزولي قبل 25يوم والحمد لله قابلت ولاتهتمللمقابلة ان شاء الله بسيطة بس اهم شي تكتب الكلام بعد المقابلة لنك مطالب بي بالمقابلة المحلفين حتى ميصير كذب بالموضوع او فد ثغرة عليك من قبل المحلف مثل ماكال اخوية Safaa Alkhrkhy
وان شاء الله يسهل امورك واي شي تحتاج اني والشباب بالخدمة
اخوك مهند هادي بغداد
-
مساء الخير شباب
مادام انفتح الموضوع اعرف اصدقاءنا دزولهمIZ BGD بس ممكن تكولولنا شنو الفرق بين الIZوالIZ BGD؟
مع العلم اني من جماعة الSIV بس حبيت اسأل حتى تعم الفائدة
تحياتي
-
سكوفيلد
مبروك . وشايف كل الخير
عن قريب انشاء الله يتصلون بيك بخصوص المقابلة الاولى . يعني بهذا الشهر انشاء الله راح تكون المقابلة مالتك . ولول انا ما متاكد منها . بس يعني هيه تكون قريبة الشغلة . ومعنا ها دا يشتغلون بقضيتك وجاهز للمقابلة الاولى . وبالنسبة للمقابلة الاولى تقدم كل مستمسكاتك واوراقك الاصلية ومعاها استنساخ . وتسولف قصتك والي هيه لازم تحفضها لان بعدين راح تسولفها من جديد للمحلف .
تمنياتي لك بالتوفيق .
انا استلمت IZ بنفس الايميل الي حددو بيه المقابلة . يعني ايميل واحد IZ و مقابلة اولى .
تحياتي
اخوك
المهندس حمودي
-
اخي العزيز الف مبروك وانشاله يوم السفر .اني هم اجاني IZ قبل شهر تقريبآ هسه احنه ننتظر موعد مقابله اولى والي افتهمته اكو ناس راح يجون يعني امريكان للعراق بنهاية شهر 11 وبدايه شهر 12 وانشاله خير
اخوك
الحلي
-
مرحبا اخوان مشكورين عالردود والله دنستفيد موشلون ماجان
بس ماكلتولنا شنو الفرق بين اللي عندهIZواللي عنده IZ BGD? وجزاكم الله خير
-
صديقي العزيز.......
بالأول أنت حصلت على IZ نمبر ومبروك وأنشاء الله يوم السفر ......بس شغلة تحديد يوم المقابلة تاخذ وقت لأن عندي أصدقاء صارلهم فترة طويلة ومحد مخابرهم أو مراسلهم على تحديد المقابلة ....يعني ما تنحزر أسبوع شهر سنة أنت وحظك ...........وهمه ومزاجهم........
ثاني شي رقم البي جي دي يعني أنت دخلت بالبرنامج بس مو يعني هاي هي راح تروح الأمريكا ....
والأي زي يعني ها تقدمت مرحلة جيدة وراح يتم التحقق من أوراقك لتقديمها وبعدها تحديد المقابلة....
-
الف مبروك والله يتمم بالخير انشاءالله
-
اولا اهلا وسهلا بيك اخويه في بيتك الثاني
ثانيا الف الف الف مبروك وان شاءالله يوم السفر
-
مبروك ... مبروك ....مبروك
ان شاء الله يوم القبول والسفر بس انته حبيبي (بعدك سبيعي) هههه ترة ااتمازح وياك واريد اكلك كلهة ترة بدت هيج شوية شوية . :-\ . وخليهة على الله تعالى هو الي يوفقك ويبرالك ...
النـــــــــــــــــــــــــــــــــــــاسك
-
اولا اهلا وسهلا بيك بالمنتدى وثانيا مبروك واتمنالك الموفقية
-
الف الف مبروك ان شاء الله موعد سفر قريب
-
مشكوريين اخواني واخواتي على ردودكم وتبريكاتكم
مهند الهادي
szsz
المهندس حمودي
علي الحلي
abu sara
عكعك التطوى
ام عبد الله
الناسك
القرش الاسود
صابرين
اخواني المهندس حمودي وعلي الحلي اني هم متأمل بهذا الشهر يخابروني
اخي ابو سارا...مو مهم شوية تتاخر بس المهم يطولي مقابلة ومينسوني...ولو يوم عن يوم اشو اعصابي دتتلف وهاي اني بعدني بلبداية مثل ميكول الاخ الناسك سبيعي ههههههه
-
الف مبروك اخي سكوفيلد
وياربي ان شاء الله ايحددولك مقابله قريبه
وحافظ على اعصابك تره هاي الفتره احلى من الجايات
هسه كل تقدم تتونس بيه وعندك امل بتغيير بس من توصل مثلنا وتنام الشغله بالامنيه فهذا الانتضار قاتل ومزعج لان كل شي متكدر اتسوي
فخليك متونس هسه بالاجراءات بلكت شغلتكم تخلص بسرعه على االتغييرات الجديده
والله ايوفقك
-
شكرا جزيلا اختي العزيزة y.a.r.a
واتمنالج التوفيق
-
الف مبروك اخويه الخالي ان شاء الله الموفقيه الك واللجميع
اخوكم اسير الروح
وشكرااا