ankawa
منتدى الهجرة واللجوء => الهجرة و واللاجئين => الموضوع حرر بواسطة: koka75 في 22:27 02/11/2009
-
الى جميع الاخوة والاخوات اعضاء المنتدى الغاليين وصلت الى العراق الجريح حوالي قبل شهر وانا اعتذر عن التاخير في الكتابة لعدم وجود النت لدي مباشرة بعد وصولي ولكوني صارلي اربع سنوات ونص خارج العراق فقد تفاجئت بالحياة والوضع الصعب الموجود في العراق والذي للاسف وبعد ان نصحوني اعضاء كثيرين من المنتدى الغالي ولم ااخذ بنصيحتهم وابقى في السويد امثال انجي وبغدادي وغيرهم كثيرين حيث كنت اعيش في السويد قبل رجوعي الى العراق فلاحضت من بقائي الشهر الفائت في العراق عدة متغيرات ولاتعتبروها فلسفة مني او مبالغة مني فالعراق وبعد انقطاعي عنه لمدة اربع سنوات ونص لم يبقة كما عرفته سابقا في كل شي ولااعرف كيف اصف الحالة التي انا فيها بعد ان تفاجئت بالوضع الراهن في العراق -- المهم الحمدالى الله على كل شيئ وارجو ان تدعولي بان احصل على الكوووم واكمل معاملة السفر الى امريكا لانني لااعتقد اني استطيع ان اعيش في هذا الوضع في العراق اخوووكم
ابو محمود ( خوخة )
-
اخويه ابو محمود ليش منو مايتمنى يرجع لبلده بس الوضع كلنا نعرفه شلون صاير والله يساعدك شلون اتخذت مثل هيج قرار ورجعت لان الوضع جدا ميؤس منه وماكو اي تحسن وماطول حكومتنا مابيها خير ومتكدر تحقق الامن فمسالة الرجعه مستحيل احد يفكر بيها في الوقت الحاضر
المهم اخويه الله يساعدك على ماشفت وراح تشوف في بلدنا العزيز ولو تريد الحقيقه صار مو بلدنه
والله كريم وانشالله تكدر تحقق غايتك وتوصل الى امريكا ولا تفكر ترجع الا اذا استقر الوضع وما اتصور راح يستقر الا بعد مئات السنين والله ييسر امرك اخويه
اخوك : الفريدو
-
الاخ koka
على الاقل انت رجعت وفي نيتك الهجره (يعني عندك فرصه )
بس اكو ناس هنا تريد فرصه تخلص و مدا تحصل
من اطلع على مصائب الناس هانت عليه مصيبته
بالتوفيق للجميع
-
الحمد لله على سلامتك اول شى ونتشرف بمعرفتك ثانى شى والله يسهل امرك اتمنى لك التوفيق
-
ألله يعينك أخي والله قرارك شلون قررتة المهم الحمد لله على كل حال وهم تصيرعبرة للي يفكرون بلرجعة اني بعدني عايشة بلعراق بس جنت قبل مسافرة واروح وارجع للعراق ولاحظت اللي شاف الحياة النظامية والمرتبة والجو الحلو والشوارع النظيفة والأمان اهم شي ، صعب بعديتحمل العيشة بلعراق
فلكل الأخوان اللي يفكرون بلرجعة للعراق ان يتأنون بقرارهم هذا
وان شاء الله يا اخوية تحصل الكوموتطلع برة والله يوفقك ويسهل امرك
بس ليش ماتكدر ترجع للسويد ماحصلت اقامة او شي هناك؟
تحياتي وكل التوفيق الك
علوشة
-
ايكون ايسمعك ابو شهاب اشو شراح ايعلق ؟؟؟
-
اول شي الف الحمدلله على السلامة, وثاني شي الله يعوضك ان شاء الله وتسافر وترتاح والله يوفقك ان شاء الله.
ابو اندرو انت على الجرح مرهم . ;D داكتبهة ولكيتك كاتبهة . تسلم ايدك .
ريفولفر
-
الحمد لله على سلامتك وان شاء الله تسهل معاملتك وتسافر باسرع وقت .....اختك ايات
-
[hانشاء الله توصل للمكان الي تريده
بس الكل يتمنى يرجع للوطن بس بعد ان ينحكم من المثقفين مو من المتخلفين ويجي يوم يرجعون كل الناس للعراق بعد ان ينحكم صح ويتعدل ولامجال للمتخلف والقاتل والطائفي للحكم
والله يوفق الجميع
النســـــــــــــــــــــــــــــــــــــــــــــــــــيم الجاثم بسبب الامنيهr]
-
بله زحمه عليك اخوية خوخه بلكي توضحلي بنقاط شنو بالضبط اللي ما عجبك وجان قبل خمس سنين ونص عاجبك؟؟؟
-
الحمد الله على السلامه اخي وانشا الله تسهل امورك ... وهم كان عندي نفس سوال الاخ فنزن الك ماهي الاشياء التي تغيرة عليك ولم تعجبك
-
اكيد اخوي العزيز ماراح تكدر تعيش بالعراق في ضل هاي الضروف والفوضى وخاصة انت كنت ببلد بيه نظام وقانون
وانا راح اجاوبكم اخواني vincenzo وهيثم واكول شنو التغير بالعراق عن قبل 4 سنوات
1...كانت الكهرباء تنقطع قبل 10 ساعات باليوم هسا 15 ساعه ;D ;D
2..قبل كانت عبوات ناسفه عاديه هسا عبوات لاصقه ??? ???
3..قبل 4 سنوات كانت اغتيالات نفرات هسا بالجمله
4..قبل البانزين رخيص هسا غالي
واخلي النقاط الباقيه يكملها صاحبنا ابو الموضوع انشالله
-
السلام عليكم
الله يساعدك ياخويه على هاي الحياة الصعبه بس اني سمعت يكولون الوضع زين ومستتب وكلشي رخيص وصارت احلى من اوروبا وتحس نفسك عايش بغير عالم ومتتطور وناس مثقفه واخلاق عاليه ودوائر الدوله تستعمل الرجل الالي لخدمة المراجعين وكل ابناء الشعب مرتاحين ويرقصون م الفرح على هذا التطور السريع والحكومه مابقى شي ماوفرته للمواطن اوووووووووووو اني اسف اخويه لان جنت احلم بالعراق سنة 3000 اعتذر اخويه ..... وارجع اكولك الله يساعدك وان شاء الله قريبآ تسافر وتخلص من هذا البلد المقبور .
ابو انس
شيكاغو
-
الحمدلله على سلامتك اخي العزيز وانشاءالله رجعتك ايكون بيهة خير الك طالما منتظر موافقة الكوم وماشي بالاجراءات..المهم ان لا تفكر بالوضع الحالي لان بقائك مؤقت وانشاءالله تتسهل تفاصيل سفرك وتفرج..
بغدادي
-
[السلام عليكم
اخي العزيز الف الحمد لله على السلامه .... الله يصبرك ويعينك
وان شاء الله يسهل شغلتك وتسافر
ويسهله على الجميع والله كريم
اخوك ابو علي -مصر
-
عزيزي خوخة ابو محمود
تحية طيبة
اولا الحمد الله على السلامة برجوعك للوطن بين اهلك واصدقائك.
عزيزي وياك الحق بالوقت الحاضر وطنا بي اشياء صعبة لكن شفت من جنت بالسويد كلشي متوفر عندك لكن حنين الوطن ماجان متوفر عندك او تعرف وين ما انعيش نحنا العراقيين ما انشوف احسن من وطننا, او انشاء الله ندعي من الله ان يحسن الاوضاع او نحنا كلنا نرجع, اعذرني على هذا الرأي بس العراقيي اشكد ما يتغرب مايلكي احسن من وطنا وتقبل تحياتي.
اخوك
جوسي البغدادي
-
اخونا ابو محمود
حمدالله على السلامه
يعني كلش طبيعي انو انت راح اتعاني بعد ان عشت هالسنين ابارقى بلد بالعالم ورجعت الى العراق الجريح واكيد شهدت التفجير الاخير حسبي الله ونعم الوكيل بكل واحد يريد يؤذي العراقيين
الله يوفقك
-
شكرا لكل من قام بالرد على موضوعي وانا اتشرف بيكم وبمعرفتكم الغالية اما بالنسبة الى بعض الاسئلة التي سالو عنها الاعضاء فاجابتي لكم ستكون
اولا اعذروني لانيي لم اشكركم بالاسم لكوني حاليا صاير ضعيف الذاكرة ومداكدر احفض الاسماء وطبعا قبل جنت لاوالله ذيب امعط بس والله ماعرف شنو الي صار بيه يمكن دماغي تعب المهم نرجع لموضوعنة
اولا بالنسبة الى الاقامة في السويد فانا استطيع ان ارجع باي وقت اريده لانني مقيم في بلغاريا اقامة دائمية فاستطيع ان اتجول في اوربا كلها واقيم باي دولة اريدها ولكن لاتوجد اي مساعدات مادية لي ولااستطيع العمل في اي دولة اوربية عدى بلغاريا طبعا لكوني حاصل عالاقامة الدائمية فيها وايضا لااستطيع الذهاب الى بلغاريا في الوقت الحالي وان اعمل هناك لكون الرواتب في بلغاريا مو مثل باقي دول اوربا الطاكة والي منها السويد وغيرها اما عن العمل الحر فان افتح فدشغلة الية خاصة مثل مطعم او محل اسواق او ماشابه فحاليا لايوجد عندي مبلغ من المال استطيع ان ابدا به في بلغاريا ولهذا فانا اساس رجعتي كانت هية المادة اي خلصت فلوس ورجعت للعراق علمود ارتب وضعي اي ارتب عملي الذي تركته من قبل اربع سنيين ونص تقريبا اما عن السائل عن العراق وشنو الي تغير بيه فاني اجاوبه بعد ان اذكرلكم الشغلات الي صارت وياية اهنا بالعراق تقريبا في اول اسبوع وصلت بيه حيث تمرض ابني الصغير محمود في الليل وبعد منع التجول اي حوالي الساعة الثانية عشر ونص ووديتة لمستشفة الاسكان وايدي على قلبي وكل شوية سيطرة توكفنا وتحقيق ووين رايح ووين جاي وعلماوصلنة المستشفة احنة متشاهدين علروحنة وبعد ماوصلنة المستشفة وبعد ماتحملنة حشاكم الزبل والوصخ في المستشفة وصبرنة الى ان صبح الصبح واجانة الدكتور الاخصائي وبعد ان كشف عليه وسواله تحليل دم كال الحمدالى الله الدم مالته مابيه شي بس كال انصحكم اطلعوه من المستشفة لان المستشفة كلها امراض معدية وكلها اطفال بيهم امراض معدية هاي اول حالة صارت ويانة والحمدالى الله هسة ابني محمود بخير وبصحة جيدة والحالة الثانية الي صارت بنتي الكبيرة 13 سنة تمرضت ووديتها للعيادة الطبيه القريبة علبيتنة ورحت الى دكتور وكتبلها تحليل وبعد ان اخذنة التحليل وديتة اله فجان يكتبلها دوة وكلي هاهية روح كتة دكتور يمعوود البنية شنو بيها والدوة شنوة شلون نستخدمة والبنية شنو الي تكدر تاكله وشنو الي متكدر تاكله جان يجاوبني الدكتور وكال اخوية روح لابو الصيدلية وهوة يفهمك كلشي واني مشغول وراسي يوجعني ودايخ كتلة هوة انت الدكتور لو ابو الصيدلية هوة الدكتور وحجاية مني وحجاية منه جان اتعارك وياه واكوم اصيح بالعيادة وطلعت ورحت اشتكيت عليه يم مدير المركز الصحي وهناك تفاجئت بكلام المدير والي كال هاي صار اكثر من مرة يجون يشتكون عليه ومن اكلهم يابة كتبوه شكوة ووقعوها وكتبو عنوانكم يبدلون وميكتبون الشكوة وللاسف اني كتبت شكوة ووقعت ولازم تذكر بيها عنوانك وبعدين ورة ماسويتها سالت بعض الاصدقاء وفهموني شنو الفلم الي موجود بالعراق حيث نصحوني بان ابد ابد ماكتب عنواني باي شكوة وحسب كلامهم يكولون لان كلش عادي تنعلس المهم نرجع لموضوع الدكتور فكال مدير المركز الصحي كلي ان هذا الدكتور في وقت صدام طلعوه تقاعد مبكر للاسباب النفسية لان الدكتور طلع اصلا مخبل وحالتة النفسية مو طبيعيه ومن اجوي الامريكان رجعوه واعتبروه مبعد سياسي وخلوه يعالج الناس وهوة اصلا مخبل فمن سمعت هيجي رحت علدكتور ثاني وكتله عالعلاج الي نطاه لبنتي فكلي هذا شلون يكتبلك هيجي دوة لان الدوة الي كاتبها مفعوله قوي فكال ابمكان الحباية انطيها نص حباية ولغه قسم من الدوة وبقة قسم فبشرفكم صايرة دايرة واحد يجي يخلي دكتور مخبل بمركز صحي هاي الحالة الثانية الي صارت بيه من دخولي العراق العضيم اما عن العراق بصورة كاملة او اشمل فالي لاحضت بيه من تغيرات الاتي
الزباله زايدة اكثر من قبل حيث صح العراق جان وصخ وزباله بيه قبل اربع سنوات ونص بس هسة زايدة بصورة موطبيعيه اما عن الجو فاني اول موصلت المطار وانفتحت باب المطار وطلعت للشارع ضليت اكح من التراب الموجود في الجو مع العلم جان صديقيي ينتضرني بالمطار ومن شافني كلي ليش شكو شبيه الجو هذا اصلا جوة طبيعي وكلش حلو -- وعلكولة الجو بديع والدنيا ربيع هههههه- وثانيا الناس داشوفها كلها متغيره حيث الي جان فوووك صار جوووة والي جان جووة صار فوووك يعني خصم الحجي عبالك العراق ديمشي بالمقلوبي
والحالة الثانية الي لاحضتها والي مجانت موجودة في وقتها او يجوز موجودة بس بصورة قليلة
الشخص الغير مناسب في المكان الغير مناسب اي تجي وتشوف مدير في احد الدوائر وهوة عمره ميتجاوز ال25 سة او ال30 سنة وعلحجاية خالي يكول مرة جان ديراجع دائرة وهوة مهندس فاضطر العمل ان يقابل مدير الدائرة الهندسية في الدائرة فيكول اني جنت رئيس مهندسين ومن اسمع مدير الدائرة الهندسية اخاف من المنصب لان هيجي منصب يحتاجلها واحد فاهم ودارس وخبير لان مسؤلاياته كبيرة جدا يكول دخلت والكالك مدير الدائرة الهندسية في احد الدوائر التابعة للدولة العراقية العضيمة وهوة خريج سنة 2005 اي صارله اربع سنوات متخرج فبشرفكم بلد بهيج ناس وبهيجي عقلية شلون راح يتطور وشلون راح ينبين واكلكم على حالة هم شفتها ولو اني طولت عليكم بس مثل متعرفون واعتقد اني واكثر الاعضاء لحد الان بعدنة حديقة اي لاشغلة ولامشغلة فاسمحولي افرغ الي بداخلي اتذكر قبل ماسافر اجاني ولد صديقي ووياه ولد صديقة اعتقد جان عمره في وقتها عشرين سنة او 22 سنة فاجاني صديقي وكلي هذا الولد صديقي خطيه لاشغل ولاعمل وياريت تشغلة يمك فكتلة انشالله من اشوفله شغلة اني اتصل عليك وهسة من اجيت لكيت هذا الولد يملك وعلى اقل تقدير خمسين مليون دولار فبشرفكم سامعين تاجر او اي انسان بالعالم باربع سنيين ونص يشتغل من الصفر ويحصل خمسين مليون دولار وهذا واحد من الي اني اعرفهم لعد الي منعرفهم شكد كم واحد وهل بلدنة راح يصير براسة خير من اكو هيجي ناس وهيجي عالم اما حاليا وحسب ماسمعت ان الخطف رجع للعراق وخطف الاطفال ايضا زايد بالعراق والله اعلم اما عن الازدحامات الي موجودة بالعراق فماريد اسولف بيها لان لو اسولف بيها منخلص للصبح وصدكوني تعبت من الكتابة وراح اروح انام لان لو اضل احجي الحجي ميخلص للصبح واريدكم كلكم تقيسون الحالات الي ذكرتها وتفكرون بيها وتشوفون هل هيجي بلد راح ينبني وراح نكدر نعيش بيه واكلكم اخر كلمة العراق بقة بس للكلاوجية والحرامية والانسان النضيف والشريف ماعتقد يكدر يبقة يعيش بهيجي بلد والله اعلم واعذروني من الاطالة ولكن نصيحتي لكل من موجود خارج العراق ان لايفكر بالعودة الى العراق لا الان ولا بالمستقبل لان الصراحة اني اتورطت ولو اعرف هيجي الوضع وليوين وصل العراق فمجان فكرت ان ارجع للعراق وشكرا لكم اخوتي واخواتي ونشالله التوفيق للجميع اخوووكم ابو محمود
-
وما خفي كان اعظم
-
والله كفيت او وفيت, وهذا حال العراق العظيم ...
الله يخلصنة منة ان شاء الله
ريفولفر
-
اخي العزيز اولا الحمد لله على السلامة الوصول وثانيا زين سويت شنو اتظل امعلق بالسويد وكل يوم قلق نفسي بس اخي لا تظل ساكن اتحرك وانشاء الله اتقدم على اليوان وتطلع وترتاح احسن من السويد والقلق والتفكير والله يسر امرك
اخوك
القرش الاسود
-
والله كلامك صحيح يااخي العزيز صاحب الموضوع البلد مو مثل الاول ويوم عن يوم جاي يصير اسوء وفعلا ماينعاش بيه والله يفرجها عليك وعلى عائلتك وانشالله تطلع بأقرب فرصه يارب ويستر عليك
-
شر البلية ما يضحك..اتوكل على الله وامشي بمعاملتك والتسهيل من الله..
بغدادي
-
السلام عليكم والحمدلله على السلامه
اخونا ابو محمود (خوخه) اشورطك او رجعت ترى متلوم الا نفسك بس ميخالف الوطن عزيز من الولد
بس الاخوان بالمنتدى خوش كتبولك وخاصتا الاخ القرش فصلها تفصال مضبوط بس يمكن نسى شيء مهم
وحديث على الشاشه قبل كم سنه كانو يهددون مسؤلي الوزارات بس هسه ديهددون الوزارات بالكامل او خطي الموظف المسكين ديروح ايداوم او ذابه على (السجين ) شيسوي الراتب يغري او كل يوم كاطين من عنده اشويه اخونه بس لتصور فد يوم العراق راح يتحسن اذا متجي حكومه من صدك او تعمل لصالح ابناء هذا الشعب العريق ابن دجله والفرات .......... عمي كمل شغلتك او دير راسك واطلع
والتسهيل من الله
-
اخواني الاعزاء الي ذكره الاخkoka75 هذا غيض من فيض وما لم يذكر فهو اعظم ولا مجال لذكره ولايمكن لاحد ان يوصف بشكل واقعي ممارسات يوميه اتفور الاعصاب
اما شنو الفرق عن قبل 4 سنوات ؟؟؟ الفرق قبل 4 سنوات كانت بداية الانحدار وكان عدنا امل بتحسن قد يطرا وايعدل مسيرته باتجاه الاعلى ...واحنا الي بالداخل اتعايشنا مع الامور بشكل تدريجي واتعودنا على المعاناة بحيث بدينا نوصف انه اليوم احسن لان انطونا ساعتين كهرباء واليوم احسن لان العاصفه الترابيه كانت اقل كثافه واليوم احسن لان السيطره الفلانيه مشتنا بسرعه والازدحام اقل واليوم احسن لان مر 5 ايام على الانفجار السابق واحنا بانتضار الانفجار الاحق
بينما الي يجي من الخارج اكيد راح يتفاجا بوضع لا يطاق
وهاي رساله مهذبه لاخوانا الي بالخارج ويرومون الرجعه للعراق...العراق مو مثل ماعفتوا ولتتحسرون على تركه .. وتعودكم على نوع اخر من المعيشه اقل مايقال عنها انها انسانيه اتخليكم متفكرون مجرد التفكير بالقدره على التاقلم مع الوضع الحالي
اختكم يارا
-
بمزيد من الحزن والأسى وصلنا خبر رجعوكم الى العراق راجيين من الله سبحانه وتعالى أن يأخذ بأيدكم هذه الفتره وأنصحك بعدم الخروج الى الشارع العراقي الا في حالة الضروره القصوى حيث ستبدأفي هذه الفتره صراعات الانتخابات والتي تختلف في العراق عن بقية دول العالم حيث تمتاز المعركه الأنتخابيه بأستخدام جميع أنواع الأسلحه ومنها المحظوره دولياً مع تنمياتي لكم بالموفقيه والخلاص العاجل
أخوكم من لبة الحدث
-
وهم بعد اقول ماخفي كان اعظم وكل اللي قريتة بهذا الموضوع ميوصف الحال ,وبصراحة اني عندي اخوية اخذ جنسية المانية وهم نفس المعانة وياة وشلون يرجع والغربة صعبة ومن هاي السوالف اللي نعرفها,والشي الوحيد اللي نجح وياة انه شاف اخوية الثاني هاجر واني على الطريق انتظر بس موعد السفر وعلى هذا الاساس انلغت فكرة الرجعة بالنسبة لاخوية اللي بالمانيا وحبيت اشاركم بهذا الموضوع اللي قريتة باحد الكروبات على الانترنت وهو بشكل قصيدة اتمنى محد يزعل مني لانها توصف الحال بكل صراحة
<<<<<<<<<<<<<<<<<<<<<<منقول وبلا فخر>>>>>>>>>>>>>>>>>>>
عراقي وصرت منبوذ آنه اليوم وتلوم الناس بيه
ممحصل انا اي شي بس الهويه
واحد يكول بعتوها او واحد يكول ارهابيه
او واحد يكول صرتوا عدنا هوايه ويريد يسد بابه عليه
اتمنيت اكعد من النوم والكه واحد مثل زايد عليه
ويكولي هاك حصتك من النفطات روح تونس شويه
واتمنيت نرجع للعراق اليوم وأسد حدودي عليه
واكول ممنوع دخول الاردني والسوري والمصري وولد اليهوديه وممنوع دخول كل جنسيه عجمية وعربيه
وألكه شعبي فرحان وبغداد كلها مضويه
ولا شيعي ولاسني ولاكتل على الهويه
واشيل الحكومه كلها والعن ابو الطائفيه
واحطهم بجدر حامي واسويهم هريسه للحسينيه
ونبني مول جبير بصف نادي الهنديه
واضوي العرصات وتنضفها البلديه
ويرجع ابو نؤاس والجادريه
والكرادة وزيونه والحارثيه
واسوي ملعب جبير من الثورة للحريه
ونبني مبنى جبير بس ديسكوات ونوادي ليليه
واكتب لافته جبيرة ممنوع دخول السادة والوهابيه
وابنص دجلة برج جبير على عناد الخليجيه
واسوي نافورة طويله اطول من نافورة جده بالسعوديه
ويرجع كل عراقي باوربا وامريكا وبالدول العربيه
وترجع بغداد حلوة على عناد ايران والدول العربيه
بس مو كلها تريدوها هسه هاي
بسنه
3400
Ghazwan Abd ul Saheb[/color]
-
شكرا لكم اخوتي واخواتي الاعزاء وكلامكم كله صحيح واريد ان اضيف على تعليق الاخت يارا حيث كلامها صحيح مية بالمية فقبل خمس سنوات كنا نتوقع او نتامل ان يجي يوم ونعيش ابلدنا بخير وسلامة وحالنة حال العالم كله اما هسة من رجعت فاني اكولها واكولها للجميع الذين في الخارج العراق انتهى ومتصيرلة جارة ليوم الدين ومابقة غير بس للكلاوجية والحرامية وحشة الطيبين الباقيين لانه لو خليت قلبت والي اعتقد لو بيديهم هم جان عافو العراق ومابقة بيها واحد طيب ----
الله يوفق الجميع ويسهل امورهم انشالله وشكرا للجميع
-
اتمنيت اكعد من النوم والكه واحد مثل زايد عليه
واكول ممنوع دخول الاردني والسوري والمصري وولد اليهوديه وممنوع دخول كل جنسيه عجمية وعربيه
واشيل الحكومه كلها والعن ابو الطائفيه
واحطهم بجدر حامي واسويهم هريسه للحسينيه
واكتب لافته جبيرة ممنوع دخول السادة والوهابيه
وترجع بغداد حلوة على عناد ايران والدول العربيه
Ghazwan Abd ul Saheb[/font][/b][/color]
هذا الحل الوحيد والله
-
سلامتك اخونا العزيز ويارب تتسهل أمورك بأقرب وقت وتنال ماتترجاه حماك الله والعائلة من كل مكروة ولعلوا خير
دعواتنا معك والى كل من في ضيق
تحياتي وتقبل مروري
-
الله ينتقم من اللي كان السبب امريكا دخلت على اساس الديمقراطية والحرية وهذي جزء بسيط اتقدمة النة وبعد وبعد الله ينتقم منها ومن العجم
-
والله يا صديقي ابو محمود السويدي كلامك وكلام معضم الاخوة مضبوط لان العراق حاليا حتى بالنسبة لدول العالم الثالث فهو بالجعب صاير بس ترة بزمن القائد الضروري جان اسوأ وعلى الاقل هسه اكو امل
اما تقييم البعض انه هسه اسوأ من قبل كم سنة بالعراق فاني اخالفهم الرأي لان قبل سنتين كان اكو مناطق بالعراق كان زلمة اللي يطبلهه بينما هسه الناس براحتهه تتحرك وتروح وتجي وانشاء الله بعد كم سنة الامان يصير مثل السبعينات واحسن
واتمنالك تخلص بسرعة من هالدولة المتخلفة اللي اضطريت للعودة الهه وترجع تكمل حياتك بالدول مال الاوادم
وعاشت ايدك حسوني عالحل الجهنمي
-
الله ينتقم من كل واحد خطط لتفريق العراقيين وصارت حيره علينه نفكر نشوف العراق
هم يجي يوم ونشوف الخونه تتعلق على حبال المشنقه ؟؟ وهل يوجد احد ينقهر عليهم ؟؟
الله ينتقم منكم الي جبتولنا الطائفيه والغدر
اخويه العزيز الله يفرجها عليك وتطلع وربك كريم
اخوك : الفريدو
-
سلامتك اخونا العزيز ويارب تتسهل أمورك بأقرب وقت وتنال ماتترجاه حماك الله والعائلة من كل مكروة ولعلوا خير
اخوك عماد الشمري
-
مشكور للجميع ونشالله الله يحميكم ويحرسكم ويوفقكم وتنالون مرادكم وترتاحون وتبدون حياة جديدة
شكرا للجميع
-
الله يحرسكم ..ويسهل اموركم ..ويفرحها على الجميع نشالله
مريمانه