ankawa
منتدى الهجرة واللجوء => الهجرة و واللاجئين => الموضوع حرر بواسطة: alusha1 في 23:25 02/11/2009
-
السلام عليكم ورحمة الله وبركاته لكل أعضاء المنتدى الرائع
قررت قرار نهائي بأن اتوقف عن التقديم لل iom بعد ان بعثتلهم الايميل الاول جاوبوني واكثر من مرة دزولي رسالة خطية يتوسلون بية بس اكمل باقي الأوراق واللي كان نقص عندي هو رسالة التوصية واللي هية اهم شي طبعا راح قسم يكلون ليش لعد قدمتي وماعندج رسالة توصية لان بصراحة جان عندي امل أحصل الرسالة مال التوصية قبل ان يراسلوني او حتى بعد ان يراسلوني
لكن مع الأسف والحمد لله لم استطع الحصول على هاي الرسالة وحاولت عدة طرق وماكدرت فبكل سهولة تركت الموضوع ونسيتة وهمة ياعيني عليهم كلسع يدزولي رسالة ما قصرو بصراحة يكلولي نذكرج انه رسالتج ناقصة كمليهة حتى ننطيج رقم لحالتج (يمكن هسة فد يوم ينقهرون علية ويدزولي رسالة ويكلولي ملازم منريد رسالة توصية وهاج الرقم شتكولون ؟) هههههههه
وسبحان الله لاحظت بيهم انهم مستعجلين بلأجراءات وية الكل وبسرعة ديجاوبون على الايميلات
المهم اشكر كل الأعضاء بهذا المنتدى المميز وحبيت انشر موضوعي لأي شخص يحب متابعة حالتي في التقديم للiom
ولا تفهمون انه راح اترك المنتدى بلعكس راح اظل اتواصل واساعد اذا اكان باستطاعتي المساعدة
واحب دائما اسمع اخبار كل الاعضاء اللي اغلبهم صارو اصدقاء واخوة ألي
واني مرتاحة جدا لكون تركت الموضوع بلرغم من انه الحالة في العراق متعبة بس اكول وعسى ان تكرهو شيئا وهو خير لكم يجوز منيتنة قريبة هنا بلعراق ويجوز الله كاتبلنة عمر وعافية ورزق ابلدنة
والحمد لله على كل حال
تحياتي علوشة
-
أختنة العزيزة علوش,
مثل ما اتفضلتي بمقالتج "وعسى ان تكرهُ شي وهوة خيرُ لكم " . اتمنى من رب العالمين ان يسهلهة عليج ويريح بالج ان شاء الله, يعني صحيح " الخير في ما اختارهُ الله " بس المُشكلة يعني ليش مكدرتي ادبرين الرسالة المطلوبة ؟ يعني عندج ياستار ( خصومة ) سابقة لو شنو ؟ ترة الرسالة والله سهلة كلش ومابيهة ذيجي المسؤولية الجبيرة على الي يكتبها .
اتمنى من رب العالمين ان يسهلهة عليج ويشوفج طريق الخير .
ريفولفر
-
اختي خير ما فعلتي
واهنيج على شجاعتج لان موضوع السفر هو مو واهس لو سفرة سياحية هو قرار مصيري يرتبط بيج وبالعائلة ويهاي الحالة انت دتنطين مجال الغيرج اللي فعلا محتاج ايسافر
بارك الله بيح وانشاء الله الموفقية الج وللعائلة في بقعة من العالم
تحياتي
-
اختي العزيز الخير في ما ختاره الله والله اهنئك على شجاعتك في اخذ القرار الي يكون مناسب لكم وان شاء الله يعوضكم خير منها ......اختك ايات
-
شكرا اخي العزيز ريفولفير
والله ماعندي اي خصومة لكن فقط ماعندي ايميل رسمي للمشرف اللي يخصني وحصلت ايميل رسمي لاكثر من شخص وراسلتهم وبدون نتيجة مع انه اوراقي بعثتهة الهم بلكامل وما كدرو يساعدوني
والحمد لله واني شفت شغلة الرسالة اصعب شي يمكن هلكد ما دخت بيهة
وشكرا للاخ ابو اندرو
والله آني اشوف هاي الشغلة مو بس شغلة شجاعة علة كولتك هية مو سياحة لو واهس هذا شي مصيري
والله عالم أنه أحنة من الناس اللي جدا محتاجين الخروج من العراق وصعب علينة الاستمرار هنا بلعراق مع ذلك آني الله الحمد لله ناطيني ايمان قوي وصبر وبرود بهيج مسائل مصيرية
يعني ما اظل آكل بنفسي وأنتظر ايميل منهم وبس أفكر حتى لو احنة ما مرتاحين المهم نمشي يومنة على الاقل بهاي الفترة بدون توتر واعصاب وقلق نفسي
لأن بلأول والأخير اللي كاتبة الله النة يصير لو شما نسوي
وشكرا لعزيزتي وأختي آيات وان شاء الله التةفيق للجميع وأسمع اخباركم الحلوة دائما
تحياتي اختكم علوشة
-
ربي يوفقج ان شاء الله, ويريح بالج وينعم عليج وعلى عائلتج بلطمأنينة والسعادة طول العُمر, وماطول عندج ايمان برب العالمين فماكو شي اتخافي بعد, ونعمة بالله , والله يسهل اموركم وينعم عليكم براحة البال .
ريفولفر
-
علوشة بلكي اذا نزلتي معلومات عن اسم الشركة احد من الاعضاء يكون مشتغل بيها ويعرف احد من الشركة او حتى نزلي الاسم واني احاول ادورلج على النت على اي معلومات عنها ويلكي نلكي ايميل او رقم تلفون سوي هاي اخر محاولة والله كريم
اختج رشا
-
اختي العزيزة..حسب كلامك انتي بحاجة ماسة الى السفر بسبب ظروفك الصعبة وبنفس الوقت مسالة بسيطة تحولت الى عائق غيرت مسار حياتك..المفروض ان لا تستسلمي بسهولة وانا على يقين اذا استمريتي بالمحاولة راح اتحصلين التوصية..ولكن اذا انتي غير متاكدة من نية السفر فهذا شيء مختلف..
نصيحتي تابعي المحاولة وانتي بكل الاحوال لن تخسري شيئا ولكن في حال نجحتي فستتغير حياتك نحو الاحسن انشاءالله
بغدادي
-
شكرا اختي رشا على مشاعرج الحلوة ومحاولة مساعدتج بس صدكي ماكو حل وتدرين حتى الفكرة ضجت منهة هسة يعني شنو كاتلة نفسي ادور على امريكي ديكتبلي رسالة توصية حتى اخلص من وضعي الصعب هنا واروح لأمريكا يعني بلنسبة الي هاي هية بقت على هذا الشخص هو راح ينتشلني من التهديد أعوفهة على الله أحسن والحمد لله والشكر صدكي هسة مرتاحة اكثر من قبل لأن تركت الموضوع وما أفكر بيه ولو بتفكير بسيط
شكرا اخوية بغدادي والله هم راح احاول ابحث والله لخاطرك مو لخاطري انت سويتلي واهس ما ادري يمكن مرات واحد من الهم يتعب ويصير ما بيه حيل يفكر ويدوخ وبلعكس اني جدا مقتنعة بفكرة السفر لان ماكو اي شي بلعراق يشجعك على البقاء والاستمرار
شكرا تحياتي علوشة
-
السلام عليكم
قرارك صائب وربي يوفقك يالغاليه
تحياتي لك
-
هو صح خبر مو حلو وأنتي حاولتي بكل قدراتج أن تحصلين الرسالة بس شسوي هاي هي.... نشكرج على أعطاء فرصة التقديم لغيرك من الأخوان وأنشاء الله ربي يوفقج أنتي والأهل أمين يا رب.....
-
السلام عليكم
أختي العزيزة "وعسى أن تكرهوا شيء وهو خير لكم"
أن شاء الله يوفقك بأي مكان انتي بيه ويحفظك من كل مكروه.
تقبلي مروري
عيني بغداد
-
السلام عليكم
اختي العزيزه
الله يصبرج ويفرجه عليج وعلى العراقين جميعا
والموفقيه للجميع
اخوكم ابو علي -مصر
-
عزيزتي الاخت علوشة
تحية طيبة
اولا قرارج جان جدا رائع بانه راح تبقين اب وطنج الجريح, عزيزتي انتي حاولتي ان تتركي الوطن ولكن الظروف ما ساعدتج او ماكو عتب عليج لانه ماقعدتي بدون محاولة ولكن مثل مايكولون خيرها اب غيرها, بلكي ربنا يفرج على عراقنا او تتحسن اوضاعه بعدين انتي اتكونين الرابحة لانه ما تركتي الوطن.
اتمني اليج حيات سسعيدة بين اهلج واصدقائج وبربوع الوطن.
اخوج المغترب
جوسي البغدادي
-
اختنا علوشه
اولا الخير فيما اختاره الله
ثانيا لو انتي بس تقرين ما كتبته الاخت ام يلده عن معاناتها الى ان الله سهلها عليها حتى اعتبروها ارهابيه بس هي ما فقدت الامل
خلي املج بالله العزيز القدير وهو يدبرها
-
شكرا الكم اخوان كلكم شكر خاص الى
الأميرة
ابو سارة
عيني بغداد
نهاد احمد (ابو علي)
جوسي البغدادي
أم فائز
الحمد لله على كل حال
تحياتي أختكم علوشة
-
السلام عليكم
الحل الوحيد للاخت انك تغيرين مدينتج وتشوفين مدينة ثانية والسلام ولحد يضحك عليج يكلج يلكوج ماكو احد هسة يدور ورا احد .
-
و عسى ان تكرهوا شيئا
مو؟؟
-
حبيبتي علوشه مااعرف شكول القرار قرارك بس كان انتظرتي مثل الكل دينتظر بس انتي ادرى بمصلحتج وانشاءللة ربي يفرجها عليج بمحاولة ثانية اذا حبيتي تطلعين مرة اخرى ربي يوفقك ويحرسك دائما وابدا
-
أختي العزيزه
هي حلوه شجاعتج هاي بس بعدج انتي بالبدايه أني من رايي لتستعجلين بهذا قرارج وأشوف لو دزيلهم أيميل تكليلهم الرساله التوصيه مدااكدر احصله لان المسؤو ل مالتي مااكدر احصله اونقل بغير مكان ولا تستسلمين وأذا انتي معرضه للخطر بالداخل روحي الى دول الجوار وقدمي عن طريق الامم المتحده أهم شي لتيأسيين من أول مره والحقيقه هوايه جان اكو مثل حالتج بهذا المنتدى وظلو ينتظرون بالسنين الى ان ربج سبحانه وتعالى فرج عليهم وطلعوا بس اهم شي انتي أنوي على الشي التريديه وطولي بالج تره من الساعه الساعه فرج.
أني هم اجت مرحله يأست بيه من الطلعه وردت أرجع للعراق مع العلم مضل شي الي هناك لابيت ولاقريب ولاصديق بس من دخلت للمنتدى هذا وشفت ناس حالتهم اسوأ مني حمدت ربي وشكرته على كولتهم الي يشوف مشاكل الناس تهون عليه مشكلته.
القرار قرارج وأنشاءالله تشوفين الطريق الصح الحياتج ويارب يوفق كل من يحاول يعيش بسلام......
تقبلي مروري........
أخوج
الحديقه-عمان
-
هلو اختي علوشة
طبعا كلامج وقناعتج كلش فد شي حلو اني تقريبا نفس حالتج بس صدكيني دا احاول بكل الطرق والي كاتبه الله يصير وانشالله يوفق الجميع
تحياتي ميكانو
-
اختي العزيزة الله يسر امرج واتمنالج الموفقية وان شاء الله تشوفين الافضل بعون الله
-
الاخت العزيزة علوشة اول شي سمالله عليكم ونشالله الله يحرسكم من كل مكروه وثاني شي نشالله الله يسلها عليج وتكدرين تحصلين الرسالة وتكملين المشوار الي بديتيه وشكرا الج على مشاركاتج في المنتدى الغالي على قلوبنا جميعا والي كليتنة صرنة بيه اهل واصدقاء واخوان والتوفيق للجميع
اخوووج ابو محمود
-
اني اتكأب من اسمع هيج خبر ...صح القرار راجع لشخصك الكريم ... لكن اعتقد القرار مستعجل ويحتاج للتأني ..
بلاك ووتر
-
أشكر الكل بدون أستثناء وبصراحة جدا فرحتوني بأجاباتكم وردودكم الي وشوية زال من الهم على كلبي حسيت اكو ناس واكفة يمي تسندني
آني ما مستعجلة بقراري بس المشكلة حتى أذا انتظر شأنتظر هو المشكلة منين اجيب الرسالة المهم أنه راح اظل احاول عسى ولعلا بلغلط تجيني
وأخي العزيز الحديقة سويت مثل ما وصيتني وبعثتلهم رسالة لل iom وكتلهم مدا اكدر احصل رسالة التوصي وقريتلهم اليتيمة وكتلهم الاوراق اللي بعثتهة مو كافية حتى تثبت انه مشتغل وياهم وانه موقفة جيد لان حتى شهادة تقدير هم بعثتلهم وبيهة مدح وحسن سلوك
المهم وكعادتهم بلنسبة ألي رأسا جاوبوني ماشاء الله عليهم لان شغلتي مو كاملة اي ايميل ادزلهمياه راسا يجاوبون ميخلوني انتظر هواية لو كاملة اوراقي يمكن جان شتلوني
وجانو كل يوم يدزولي رسالة دزيلنة رسالة التوصية حتى ندزلج رقم كيس
المهم جاوبوني وكالو منكدر احنة نحصلهة الج لان اني طلبت منهم وكتلهم بلكي انتو تكدرون توصلون للمشرف مالتي وهم عادو دزيلنة رسالة توضيف او رسالة توصية او راجعي السفارة الامريكية بس ليش اراجعهم ما اعرف ؟ عدكم علم بهيج شي
وشكر خاص للكل حبيبتي انجي شكرا على جوابج وشكرا الى
kyoto1880
shawqi shumran
AnGie
الحديقة
ميكانو
القرش الاسود
koka 75 (ابو محمود)
بلك ووتر
وتحياتي الكم
اختكم علوشة
-
الله يسهل عليك اختي علوشه ويحفظكم بحفظه ويرزقكم بالخير اينما كنتم
اتمنالك التوفيق والسعاده وراحه البال
-
اختي المحترمة
السلام عليكم
بشريني قدمتي عالاي او ام رسميا لو لا؟؟
فد معلومة احتمال تفيدج:
صديقي قابل محلفين قبل فتره وهو عنده خدمه باكثر من شركه امريكية وتهدد من جان يشتغل باحدى الشركات بس ما عنده اثبات انه جان يشتغل بهالشركة بالذات فالمحلف اثار هاي النقطة وكاله لازم تنطيني فد شي من مسؤول امريكي كايل بيه انه اننت مشتغل وياه بهاي الشركة بالذات واللا اكو احتمال تنرفض وما فك منه ياخة الى ان شوفه صديقي ايميل من مسؤوله بالشركه بيه اسم صديقي فكالله اييييييييييييييييييي هو هذا اللي اريده
ووره ما طلع من يمه اجاه المترجم وكالله المحلف بعد ميريد ان تدزله اثبات بعدين لان هذا الايميل كلش كافي
تصوري!!!!
مجرد ايميل
فارجو منج ان متأيسين وتحاولين ولو فد ايميل مخاطبة بين زوجك واي امريكي يذكر بيه انه كان يعمل معهم ومو شرط ورقة رسمية مثل هاية اللي تشلع الكلب اللي يطلبوهه بالاس اي في
تحياتي وتمنياتي بالتوفيق
ملاحظة: البارحة يلله عرفت هاي المعلومة من الولد واتذكرت قراركم المستعجل واليائس فارجو التريث
-
شكرا اخ عكعك على تمنياتك النة وشكرا للأخ vincenzo
نعم قدمت على ال iom رسميا وفعلا يا اخ فينسينزو بلا ما توصيني اني هم اتأمل احصل ولو ايميل بس منين اجيب ايميل رسمي حتى اراسلة ويكتبلي ماعدنة اي ايميل رسمي فقط ايميل رسمي واحد ولشخص ما يعرفة زوجي وهم راسلتة وما جاوبني مع العلم كلولي هذا الايميل يجوز يفيدج لأن ما يتذكر منو جان يشتغل وياه واي شخص يسويلة رسالة توصية ولو مقتنعت بهلحجي بس هم جربت وماكو شي
وأيضا اني مو مثل صديقك واصل للمحلفين وقبل بعدين بلايميل اني بعد رقم كيس ما محصلة فما اتصور يقبلون بأيميل بلبداية هو صديقك انطوه رقم كيس بدون اي اثبات؟
اذا احد يحب المساعدة وعندة ايميل رسمي لشخص ممكن يسويلي ايميل او رسالة توصية اكون شاكرة وممنونة
والحمد لله على كل حال
وشكرا للكل اختكم المحبة والمخلصة علوشة
-
للتقديم للاي او ام ميراد لا توصية ولا اثبات توضيف وانما اي نسخة من باج قديم صادر من جهة امريكه بس خلي ببالج انه احتمال ومو اكيد يتصلون بهاي الجهة وهو هذا اللي يؤخر الكيس نمبر....هاي اولا
وثانيااني ذكرت موقف صار وية الولد ما اله علاقة بوين هو واصل محلفين او غيرهه
الرباط مال المثل اللي ضربته انه الاي او ام (واقوى شي عدهم المحلف) يقتنع حتى بايميل غير رسمي
-
[color=blue][/color]
RE: Missing EV
Tue, November 3, 2009 12:59:42 PMFrom: BaghdadInfoCenter <BaghdadInfoCenter@iom.int>Add to Contacts
--------------------------------------------------------------------------------
Dear,
Thank you for your email. Please note that we will not be able to obtain a recommendation letter for you. Please send us an employment letter, recommendation letter or contract with the US Company.
Kind Regards
Baghdad Info Center
يعني يردون لو رسالة توضيف لو رسالة توصية لو عقد عمل وياهم اكيد فهمتهة من قريتهة
هذا نص رسالتهم الي ياعزيزي فينسينزو فشلون ما يردون لا رسالة توصية ولا رسالة توضيف اول مرة اسمع منك ما يردون بل iom هاي الرسالة
لعد ليش يردوهة مني وهمة ديأكدون انه معلوماتي كاملة ودازتلهم باجات 2 وشهادة وصورة
وآني قصدت على صديقك انه ردت أفهم هل هو حصل الكيس نمبر بدون ما عندة هاي الرسالة ولهذا كتلك انه واصل للمحلفين وقبلو بلايميل بس لو من البداية يجوز ما يقبلون وهم اني حتى ايميل هم ميخالف ادزة اذا احصل
شكرا على جوابك وياريت تجاوبني اذا عندك معلومات اكيدة هم حتى اكلهم انتو ما تردون هذا الشي ومو ضروري ومع العلم دزيتلهم رسالة كتلهم الباجات مو كافية ؟ وكان هذا جوابهم اللي فوك
وشكرا اخ فينسينزو مرة ثانية
اختك علوشة
-
or contract with the US Company
هاية تعني (الcontact) اي طريقة للاتصال بالجهة اللي جان يشتغل بيهه
يعني عنوان او ايميل او رقم تلفون او اي ايميل تبادلتوه وياهم
وبس
ومو معناه عقد عمل
لان الامريكان جانوا نادرا ما ينطون نسخة من العقد للموضف المحلي (العراقي او ال LN او الLocal National)
-
شكرا عزيزي vincenzo على التوضيح وراح ادزلهم ايميل عندي ولو ما الة علاقة بينة بس اشمر حجارة بلشط
الف شكر الك وتمنياتي بلموفقية واكمال شغلتك بسرعة ان شاء الله
تحياتي علوشة
-
[/color]اختي العزيز الخير في ما ختاره الله والله اهنئك على شجاعتك في اخذ القرار الي يكون مناسب لكم وان شاء الله يعوضكم خير منها
اخوكي عماد الشمري
-
شكرا أخ عماد على مشاعرك واكيد الله يقدم اللي بيه الخير للكل ان شاء الله
تحياتي علوشة