ankawa

منتدى الهجرة واللجوء => الهجرة و واللاجئين => الموضوع حرر بواسطة: doctor from iraq في 04:15 03/11/2009

العنوان: قضيه الحجاب فى امريكا
أرسل بواسطة: doctor from iraq في 04:15 03/11/2009

السلام عليكم ورحمه الله وبركاته بالبدايه احب اعرفكم انى عضوه جديده بالنتدى وبصراحه عجبنى  جدا لانه يحتوى على مواضيع مشتركه ومفيده للكل.
انى صارلى حوالى سنه فى امريكا وعندى اطلاع على عده مواضيع وامور ومستعده للاجابه على اى استفسار اذا كان عندى رد مناسب ومفيد.
حبيت اليوم افتح موضوع جديد ومااعتقد انطرح قبل فى هذا النتدى وهو الحجاب فى امريكا  هل هو شى عادى؟هل تتعرض المحجبه للمضايقات فى انحاء امريكا؟والاهم من هذا هل ممكن ان تجد فرص عمل مناسبه؟لانه بصراحه انى اسكن فى احدى الولايات الشماليه وصارتلى تجربه شخصيه وهى انه انرفضت من عمل بمجرد ان شافونى محجبه لانه كنت متفقه وياهم على كلشى بالتلفون وكملنا الاوراق بالنت ولكن عندما شافونى محجبه كانت الفاجعه وانى متاكده انه هذا هو السبب.فيا اخوان اى احد عنده تجربه ياريت يذكرها هل هذا وضع جميع الولايات؟كيف الحال عندكم؟ وشكراااااااا جزيلا وعذرونى عالاطاله واقبلونى ضيفه جديده

العنوان: رد: قضيه الحجاب فى امريكا
أرسل بواسطة: القرش في 06:36 03/11/2009

                                السلام عليكم

اختي الموقره ..صارت كدامي حاله قبل عدة ايام عندما كمنت اقف بجانب محل لبيع الملابس انتظر زوجتي وهي داخل المحل  وكانت بجانبي سيده محجبه ولااعرف ان كانت عراقيه او فلسطينيه وسمعت تلاطيش كلام من الماره واستهزاء منهم وفات واحد اسود وتكلم كثيرآ عليها وبصوت عالي ههههه والله من خجلي تركت المحل ومشيت ونسيت زوجتي انها بداخل المحل ....اختي وقبل اسبوعين تقريبآ شفت سيده عراقيه لابسه عبايه والكل ينظر لها بااستغراب يعني معقوله عبايه في امريكا والله هيه شغله تحير يعني صح عندنا عادات وتقاليد بس عبايه في امريكا اعتقد انها صعبه قليلآ ومااعرف هل كلامي صح او غلظ ...نترك الموضوع لاخواني في امريكا ونسمع منهم الاراء .

ابو انس
شيكاغو

العنوان: رد: قضيه الحجاب فى امريكا
أرسل بواسطة: eng.a7med في 08:19 03/11/2009

بسم الله الرجمن الرحيم

السلام عليكم

طبعا هذا الموضوع حلو و مهم و تحياتي للاخت الي طرحتة اني من جنت باميركا شفت عدة حالات بس اغلبها تصرفات شخصية يعني مو حالة عامة موجهه ضد الاسلام ابدا و مرة سالت صديق امريكي عن الموضوع قالي بالحرف قبل احداث سبتمبر جنا احنا الامريكان نحترم و انقدر العرب و منفتحيين على ثقافتهم و نظرتنا عنهم انهم اغنياء و عدهم مصداقية بالتعامل بس بعد احداث الابراج الامور اتغيرت و صار العربي و المسلم ينظر اله بنظرة شك و ريبة و هذا الشي قل بمرور الوقت و طبعا اني صارت وياية عدة مواقف خاصة بالمطارات بالنسبة  للالي ملامحة شرق اوسطية ايخوف شوية و الي تلبس حجاب اكيد ايباعولها البعض بنظرة ريبة لان الاميركان اغلبهم اغبياء و ايصدكون السي ان ان نشرة الساعة السادسة و ميردون ايعرفون اي  شي خارج نطاق حياتهم طبعا مو الكل بس الاغلبية

تحياتي اختي و تقبلي مروري

[/b] [/size] [/font]

العنوان: رد: قضيه الحجاب فى امريكا
أرسل بواسطة: جوني جاك في 20:05 03/11/2009

اختي صاحبة الموضوع
اني لح احجيلج على تجربة شخصية بس مو بامريكا بالعراق لمن جنت اشتغل وية الجماعة
مرة من المرات جنة بقاعدة مال امريكان (( قاعدة مال الجيش)) واجة وكت الغدة واحنة مجان اكو ويانة تخويل لدخول المطعم فجابولنة اكل اكو ولد وياية كالوا هذا اخاف حرام فماكلوا فسالهم ولد ضابط امريكي (( كللهم ليش متاكلون فكلولة السبب)) فكللهم انتوا لا تخافون اني جبتلكم خضراوات سلك وماكو اي لحم بيز بس للاسف جان اكو واحد وياهم ظل (( يلغي لغوة مابيها داعي )) بعدين اتبين انوا هوة مسلم من اصول شرقية وجان دينتقد الاسلام كدامهم تدرين شصار
الامريكان سكتوا وكالولة كلام انوا نبي الاسلام ميكول كلام مو حلو وجانوا ماخذين نظرة على النبي محمد فكرة كلش طيبة
اتمنى انوا اكون فدتج
بالاضافة الى انو الامريكان ناس عمليين يعني المهم عدهم العمل مو الشسخص نفسة (( هذا باعتراف اي شخص اشتغل وياهم ))
وتقبلي مروري
جوني

العنوان: رد: قضيه الحجاب فى امريكا
أرسل بواسطة: الذكي في 20:36 03/11/2009

اختي العزيزة كاتبة الموضوع اني صارلي سنة ونص بامريكا وتقريبا  9 اشهر بالشغل مشفت بالشغل هيجي عنصرية يعني اكو تقريبا خمسة ستة بنات ويانا صوماليات محجبات ومن دا اكلج محجبات يعني صدك محجبات عباية تشحط بالكاع وحتى جفوف يلبسون حتى لتبين اصابيعهم المهم مشفت يوم من الايام احد ضوجهم او حجة عليهم وهاي لمن رفضوج من العمل كان الهم اسبابهم ما اعتقد انه رفضوج بسبب الحجاب وثانيا لمن تعرفين انه رفضوج علمود الحجاب ليش مرفعتي قضية عليهم مال عنصرية يعني يجوز انتي مو مؤهلة للشغل .وثانيا اختي ترة هو الايمان مو بالحجاب اني اعرف ناس هواية من كنت بتركيا كانو محجبات بس طلع قبولهم كالوا راح ننزع الحجاب وفعلا نزعوا الحجاب لانه الايمان مو بالحجاب الايمان بالكلب وبصراحة اكو قسم من المحجبات كلش مطوخيها يعني شدعوة هيجي حتى اقنعة لابسين ذاك اليوم شفت دا اسوق بالسيارة وفتت من يم المنضمة مال لاجئين وشفت وحدة حتى قناع لابسة من هذا الاسود بس معرفت هل هي عراقية لو لا لانه كنت فابت بطريقي بس هاية صارت كدامي  مع الشكر الجزيل

العنوان: رد: قضيه الحجاب فى امريكا
أرسل بواسطة: hussein5582 في 20:47 03/11/2009

اذا نتكلم كقانون بصوره عامه ممنوع يتعاملون مع الشخص او يرفضوه علمود الحجاب لان التعامل ممنوع يدخلون بيه الدين نهائيا ,, وقبل مده كان اكوا قضيه انحكم بيه شخص و اتضح بعدين انوا هيئه المحلفين اتفقوا على قرارهم بكلمات من ايات موجوده بالانجيل يعني اتبعوا الانجيل و على اساس هاي الايه الي باالانجيل اتخذوا قرارهم ضد المتهم ,, فالمحامي مالته رفع دعوه عليهم و طالب بالغاء الحكم
هاي وهمه اغلبيه مسيحيه,, عاد المسلمين واذا انته مقتنعه انوا الرفض كان بسبب الحجاب عندج الحق برفع دعوى

العنوان: رد: قضيه الحجاب فى امريكا
أرسل بواسطة: haitham40 في 21:09 03/11/2009

اخي ابو انس ما كان عليك ان تترك المكان وتمشي هكذا بل كان عليك ان تقف الى جانب الحق وتقول لهم الناس هنا احرار وهذه ليست اخلاق وهذا تعنصر وتدخل في ما لا يعنيهم لكني استعذرك و لي انك جديد لبربما لا تستطيع مجاراتهم في الكلام .... واما من ناحية المرأة التي تردي عباية فهي جدآ عاديه اخي فهناك اناس متمسكين في عاداتهم وتقالدهم ولن يتخلو عنها لمجرد كلام السفهاء وانا عندي خالتي قاربة على الستين عامآ فهل تريدها خلع العباية لمجرد كلام من هو لا ثقافه له ولا احترام الى الاخرين مثل الاسود الذي ذكرته ...ارجو ان لا اكون ازعجتك بردي هذا ولكن لكل انسان نظرته ورأيه ... تقبل عذري وتحياتي

العنوان: رد: قضيه الحجاب فى امريكا
أرسل بواسطة: tiger-ALtlkefy في 21:52 03/11/2009

الاخت doctor from iraq
الى جانب ما تفضل به الاخوة الكرام
هذا ما موجود بالدستور الامريكي

علمانية الدولة في الدستور الأمريكي

يعتبر دستور الولايات المتحدة وثيقة علمانية تبدأ بعبارة "نحن الشعب" ولا تحتوي الوثيقة على أي ذكر لكلمة الرب أو المسيحية، الإشارة إلى كلمة دين في الدستور استخدمت للتأكيد على عدم التمييز بين المواطنين على أساس عقائدهم، فالفقرة السادسة من الدستور تنص على أنه ليس من الوارد إجراء اختبار ديني لأي شخص يرغب في شغل أي وظيفة حكومية. كما نص أول تعديل أدخل على الدستور ينص على أن الكونغرس لن يقوم بأي حال من الأحوال بتشريع قانون قائم على أساس دين

وهذا التعديل الاول

التعديل الأول

يحظر على مجلس الكونغرس تشريع أي قانون يؤدّي إلى دعم ممارسة أي دين ، أو تشريع أي قانون يؤدّي إلى منع ممارسة أي دين ؛ أو تشريع أي قانون يؤدّي إلى تعطيل حرية الكلام أو النشر الصحفي أو حق الناس في إقامة تجمعات سلمية أو إرسالهم عرائض إلى الحكومة تطالبها برفع الظلم.

فان كنت متاكدة من ما تفضلت به ولك ما يثبت ذلك  لك الحق برفع قضية الى المحكمة لمطالبة بحقكي بما ينص عليه الدستور الامريكي

تحياتي

العنوان: رد: قضيه الحجاب فى امريكا
أرسل بواسطة: doctor from iraq في 22:07 03/11/2009

شكراااااا جزيلا اخوانى الاعزاء على ردودكم القيمه التى افادتنى كثيرااا,بصراحه طرحت هالموضوع لانه جنت فى حاله كابه من كثره التفكير فى هذا الموضوع وانى الى يهمنى هو الشغل مو مهم الشارع,حتى اذا احد ضايقنى بالشارع فعادى مو مشكله بس اخاف تاثر على مستقبلى المهنى وهذا هو الاهم وانى متاكده من سبب الرفض بس مالى خلك قضايا ومن هالشغلات احنا نريد نتحاشاهم اصلا,على كل حال شكرااااا لكل صاحب رد

العنوان: رد: قضيه الحجاب فى امريكا
أرسل بواسطة: القرش في 22:11 03/11/2009

                                  السلام عليكم

اخي العزيز هيثم 40 ....تدري اكوا مثل يكول  ياغريب كون اديب ..وانت تعرف اني جديد هنا واشكد مابيه اتجنب المشاكل وخصوصآ مع السود لان مثل ماشفت الكل يتجنبهم ويخاف يحجي وياهم تتصور صعد واحد اسود في الباص وكام يسب على كل الكاعدين في الباص وماشفت واحد تكلم وياه وصدضل يسب ويشتم والكل بس يتفرج ...وتريدني يااخويه اتلاطش وياهم واني غريب ..وعليه اني تركت المكان ومشيت خوفآ من المشاكل . ان شاء الله اكون قد اوصلت الفكره لك بس لو كنت في بلد عربي وتصير كدامي مثل هيج حاله جان اكون اول واحد يتدخل ولو حتى توصل للعركه والسجن .

ابو انس
شيكاغو

العنوان: رد: قضيه الحجاب فى امريكا
أرسل بواسطة: haitham40 في 23:07 03/11/2009

اخي ابو انس انا اسف جدآ لما بدر مني من كلام وحقيقتآ صدقة عندما قلت تجنبن للمشاكل وهنا الكثير من يتجنب المشاكل الا اذا وجه له الكلام مباشرتآ عندها يجب ان تتصدى وتدافع عن نفسك ... اخي والله اني اعرف انك لو في بلد عربي لما وقفت مكتوف الايدي فهذه شهامة كل عراقي فلا تحتاج اي دليل .. اسف مرةٌ اخرى وارجو ان لا اكون تسببت لك في اي احراج ... تقبل تحياتي وحفطك الله ورعاك وجميع الاخوه والاخوات