منتدى الهجرة واللجوء => الهجرة و واللاجئين => الموضوع حرر بواسطة: رشا بنت بغداد في 06:23 03/11/2009
العنوان: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: رشا بنت بغداد في 06:23 03/11/2009
اخواني واخواتي الاعزاء حبيت افيدكم بموقع دخلت علية قبل فترة من اتحولت من كولورادو لكاليفورنيا طبعا اكو شركات لتقل الصناديق مثل فدكس ودي اج ال بس اسعارهم غالية سمعت اكو شركات هنا يسموها cargo يعني ينقلون الغراض بشاحنات كبار من ولاية لولاية او بنفس المنطقة واسعارهم رخيصة طبعا سويت بحث اكو هواية شركات بس لكيت موقع تخابرهم وهمة راح يسالوك شكد الحجم والوزن اني كتلهم ما اعرف لان تعرفون شايلة بيت كامل بالصناديك ههههه كتلهم خلي نكول 300 باوند بس كتلهم اذا اقل ترجعلولي الفرق اذا دفعت مال 300 باوند كالو الشركات ما توزن الصناديك الا اذا يعني تكول 10 باوند وهية فد مية كيلو المهم كتلهم لعد 200 باوند حتى اذا وزنوها واكثر ادفع الفرق واذا مشت خير على خير طبعا محد كلي على عينج حاجب ودفعت نص قيمة فدكس ودي اج ال الموقع هوة http://www.freightcenter.com/cargocompanies/ ورقمهم 8007167608 تخابرون على الرقم وتحددون من وين لوين الشحن والوزن وكم صندوق همة عبارة عن وسطاء الشركات مال الشحن تنطيهم اسعار رخيصة وهمة يرتبون وياك شوكت يدزولك السيارة يجي السايق وياخذ الغراض من باب البيت ويوصلها لباب البيت مال المكان الي تريدون تدزة الهم وطبعا الدفع بالتلفون او بالنت على موقعهم اني سويتة بنفس اليوم على التلفون وورة كم ساعة دزولي السايق والسيارة وورة 3-5 ايام وصلت الصناديك ان شاء الله يكون هذا الموضوع مفيد للي حاب يتحول من المهاجرين والاجئين من ولاية لاخرى واني هذا الموقع جربتة بنفسي وان شاء الله يكون مفيد الكم .
تحياتي
أختكم رشا بنت بغداد
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: angie-dawood في 06:36 03/11/2009
عاشت الايادي اخت رشا على الموقع ربي يبارك بيج
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: رشا بنت بغداد في 06:41 03/11/2009
تسلمين حبيبتي انجي شكرا الج ولمشاركاتج المميزة دائما
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: القرش في 06:42 03/11/2009
السلام عليك
عاشت ايدك اختي على هذا الموقع وان شاء الله يستفاد منه اخواننا في المنتدى ومن هم في امريكا .
ابو انس شيكاغو
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: رشا بنت بغداد في 06:53 03/11/2009
اشكرج ابو انس وان شاء الله الي يتحولون مثلي يومية بولاية يستفادون منة
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: مهند هادي في 08:08 03/11/2009
الف الف الف شكر الف الف الف شكر الف الف الف شكر
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: sami949 في 10:43 03/11/2009
الاخت الفاضله رشا بنت بغداد شكرا على هذه المعلومات القيمه بصدد اجور النقل . عندي سؤال اذا امكن اعرف الجواب: ماهيه اسباب انتقالك من كولورادو هل بسبب وجود مساوئ فيها او امور اخرى قد تكون مفيده لي علما انني تم تحديد الولايه لي والمدينه دنفر والان انتظر الامنيه. مع الشكر سامي 949 من مصر
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: Revolver في 11:05 03/11/2009
الف شُكر على المعلومات والله يبارك بيج .
ريفولفر
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: نهاد احمد في 11:49 03/11/2009
اخت رشا الف الف شكر على المعلومات المفيده والقيمه وبارك الله بيج احوكم ابو علي -مصر
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: رشا بنت بغداد في 18:24 03/11/2009
الاخ سامي من مصر ان شاء الله بخير سبب انتقالي هو للشمل بعائلتي لا علاقة لة بالعمل والدراسة ولكن دنفر حلوة كلش بس شتاءهم بي ثلج وباردة بالشتا وفرص العمل نسبيا زينة والتوفيق من الله .
اختك رشا بنت بغداد
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: ابو عبد الله التكساسي في 18:32 23/12/2009
والله موقع حلو واستفادينه منا هوايه وبالفعل ناس متعاونين بالنسبه لتوقيتهم الي ماشين عليه هو توقيت الساحل الشرقي
شكرا اخت رشا على المعلومه
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: Alawi في 05:55 24/12/2009
عشتي اختنه رشا والله هاي خوش معلومة وحرامات خسرناكي من يمنه كنتي كولورادية هسة صرتي كالفورنية اتمنالج الموفقية والخير من كل كلبي ويارب نسمع اخبارك الطيبة
تقبلي سلامي اخوكي علاوي من دنفر كولورادو 8)
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: ســـرى في 07:27 24/12/2009
عاشت الأيادي ياوردة ويارب الكل يفيد الاعضاء بهيج معلومات مفيدة
تقبلي مروري اختكszsz
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: y.a.r.a في 14:48 24/12/2009
عاشت الايادي تسلمين على هذا الموقع وشكرا لنقلج الموضوع الي بيه فائده لهوايه من الاخوان الي ايحبون ينقلون موفقه ان شاء الله بولايتك الجديده
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: رشا بنت بغداد في 04:57 26/12/2009
اشكر الجميع على الردود والتمنيات الطيبة والحمد لله اكو من استفاد من الموقع اخوية علاوي لو ابقى ميت سنة هنا راح نبقى نحس احنا عراقيين حتى لو ردنا ننسى هم همة راح يذكرونا والحمد لله كاليفورنيا حلوة وجوها حلو وناسها زينين وفرص العمل زينة تمنياتي الموفقية للجميع
العنوان: رد: موقع لنقل الصناديق والبقج للي ناوي يتحول من ولاية لاخرى بامريكا واسعارة كلش زينة
أرسل بواسطة: زيوس في 13:37 26/12/2009