ankawa
منتدى الهجرة واللجوء => الهجرة و واللاجئين => الموضوع حرر بواسطة: ستروبري في 19:07 05/11/2009
-
اخواني بس سؤال شنو قصتنة اني تا اشوف الامنيات تتجي بالقطارة ومتا اعرف شنو القصة ادري ليش هشكل ياريت كلمن استلم الظرف بشهر السابع يكتبلة هو بيا دولة وشوكت قابل محلفين وهسة تعرفون شكم واحد باقي على الامنية والي تا الاحظة انو اكثرهم عوائل ونصهم جاية امنيتهم وباقي شخص مجاية وشكلنة رح يعوفونة على السنة الجاية الله لا يكولها زين اعرف اني هسة رح تطلع ناس تكول هدا بطران واحنة صالنة سنة واكثر بس اني الي اقصدة انو احنا وجبة كاملة هشكل كله تأخير مو موضوع شخصين وتلاثة احنا وجبة كاملة كل الي جت امنيتهم ميطلعون 5 او 10% ومتنعرف شنو القصة والله الواحد ميعرف شيكول
شوفو جماعة 4/7 وجماعة 11/7 هاي بس من عمان وهسة الاخوان الي رح يدخلون من سوريا ومصر
والمشكلة انو الوجبات الاحقة ماشاء الله الله يوفقهم اللف مرة كله تتمشي بس احنا هيج واكفة شغلتنة
وطبعا رح ابدي بنفسي قابلت محلفين بالسادس واستلمت الظرف بالسابع ولي هسة الامنية مكتش
-
اني اختك من مصر قابلت ويه اهلي يوم 6\7 واهلي وصلو اميركا واني ليهسه الامنيه لسه مجتش مع العلم اهلي سالو على ملفي وشافو بعينهم انو ملفي مختوم وخلصان وويايه هوايه ناس ملفاتها خلصانه مناك من اميركا وحتى همه متاكدين انو امنيتي خلص طلعت وكل مااتصل هنا يكولولي لسه مجتش
اختك ام مصطفى
-
السلام عليكم اضم صوتى الى صوتك اخى الموافقات وجبتنا بالقطارة انى مقابلتى وى الاخت ميادة فى مصر يوم 6 |7 وموافقاتنا ليهسة ممكتملة حسب كلام الاوام مصر وماعدنا غير الصبر والدعاء
-
اخوية جعفر و الله راح نتخبل اني مقابل من 17- 5 و مستلم الظرف يوم 6-7 و ليهسة باقية الامنية بس مال زوجتي و اخر قبل يومين اتصلت كتلهة زين ممكن تشوفيلي وين واصل او وين واكفة كالت و الله مش باين عندي بس همة شغالين فيها يعني مش وئفة يعني بين قوسين فسر الماء بعد الجهد بالماء و ما عدنة غير نكول الله كريم و ان شاء الله تفرج على الجميع بهالشهر
-
شلونكم شباب
يابة انتو دتكتبون بس الأشهر ؟؟؟؟
غير تكتبون يا سنة حتى الواحد يفتهم؟؟؟؟
-
اخوان انتوا دتسجلون كل الي استلموا الدفيرال لتر بشهر السادس حتى من بغداد؟؟؟
اني قابلت محلفين بشهر الخامس 2009 واستلمت الجواب بشهر السادس ولازلت بانتضار الامنيه
فهل انا مشموله ( بجماعة الاخوان) ;)
اختكم يارا
-
اني اشكر كلمن شارك ورح يشارك بموضعي
احنا بصراحة تنتكلم على الوجبة الي قابلو محلفين شهر الخامس والسادس 2009 من بغداد ومصر والاردن وسوريا والي مستلمين الظرف بالسابع
واحب اضيف عائلة من خارج المندى متكونة من رجل وزوجته وهم كبار بالعمر من جماعة استلام الظرف 4/7 وكانت مقابلة المحلفين يوم 13/5 وهم لسة مكتش هم وصوني اكتب بمكانهم
-
والله يا صديقي العزيز جعفر ....محد يعرف ذولله شلون يشتغلون
عندي صديقين قابلو المحلف بنفس اليوم بشهر السادس واستلمو الموافقه بنفس اليوم 11\7 وهمه العائلتين زوج وزجه وطفل واحد ....واحد صارلله من رمضان سافر والثاني راح يتخبل كلما يخابر يكولوله ما وصلت الموافقات بالرغم انهم تقريبا نفس العمر وما مشتغلين بمناصب حساسه ولا خادمين بالجيش
خلاصة الحجي انه همه عدهم سياسه معينه تمشية الملفات واني اتوقع ان اصحاب العوائل شغلتهم تحتاج ترتيبات اكثر بالنسبة للمنظمات اللي راح تستقبلهم والاجرائات الاخرى من تامين صحي والمدارس ...الخ من المتعلقات ....والله اعلم هاي اني اصبر نفسي واكول "ما تشاؤؤن الا ان يشاء الله "والله كريم ....تفرج
تحياتي toofy
-
حبيبي توفي نورت الموضوع بس المشكلة حتة الي عدهم كفيل وكافلهم كفالة كاملة هم تيأخروهم
-
والله ياخوان صدك ميكولون ان الي عدهم كفيل يتاخرون لان مثل معرفت من كفيلي ان الي عندة كفيل هو يقدم للشركة العقارية على بيت لايجار الكم ومو كل الشركات تقبل كفيل ومثل متعرفون الكل يمشي على السوشل سكيورتي يعني ايكلك اني اجر بيتي لواحد ماعرفة ينطيني فلوس لولا او شنو سلوكة حتى لو المنظمات تكفلك هم راد ياخذون موافقة من شركة العقارية للتاجر الشقق بعد العلم عن الله اذا هيج السستم مالتهم او غير بس الي افتهمتة هو هذا وحبيت انقلة الكم
-
يا جماعة ترة مو بس احنة اكوا كومة ويانة مو بس بهل اشهر
اني واحد مثلكم بالشهر الخامس استلمت ضرف قيد الدراسة بس لحد هسة ما اجتي الامنية يعني صارلي
خمس اشهر وغيري ماخذهة ابشهر مدنعرف اشلون يمشون كل واحد عندة معاملة خاصة
بس كل شي بيد ربنة وهو اشلون كاتبلنة نطلع واشوكت هاي عندة من يم هاي المنظمة
تحياتي لجميع الاعضاء
-
أخوية العزيز إحنـا بسوريا إستلمنا المُغـّلف بيوم 7/7/2009 وقبل3 أسابيع خابرتهم باقية الأمنية مالتي ( شوية صغيرة ) ومال أخوية الكبير ( لساتو مطــّول ) وباقي العائلة جاية حسب كلامهم بس أكوناس أعرفهم ويانة بنفس الفترة سافروا وناس حددولهم موعد سفر والله كريـــم ......
أخــوكــُم / وسـام بهنـام داؤد الخابـــوري
-
السلام عليكم
اشلونكم
يسعدني ان ابلغكم
انسحابي من جمعية المنتظرين والحمد لله قد استلمت الموافقة والسفر يوم امس وموعد السفر يوم 16 من الشهر 11
وانشاء الله باقي افراد الجمعية يتبعونني سريعا
احببت ان ابشركم كي تشاروكننا الافراح مثلما شاركتونا الاحزان والهموم
وانشاء الله تفرج للجميع
اخوكم
W.R.M
-
اللف مبروك اخوية العزيز ونتمنالك كل الموفقية والنجاح بحياتك القادمة
-
الف مبرووووووووووووك
وياربي ان شاء الله بالتوفيق
شنو هاي بعد ملحكت اتسوي اوراق الانتماء ولا وقعها رئيس الجمعيه راسا انسحبت
ياربي يوم ان شاء الله لكل المنتمين والغير منتمين
وايبشرك الله بالف خيييييير
اختك يارا
-
والله يااخوية جعفر اني عندي صديق مقابل محلفين ببداية شهر الخامس واستلم الظرف بتاريخ 4/7 وهم لهسة ماكو لاموافقة ولا اي شي ..... بس هو اعصابه باردة وان شاء الله كلنا تبقى اعصابنا باردة ..
ماعدنا غير الصبر والدعاء.
ياااااااااااااااارب
-
ممبروك اخوية w.r.mان شاء الله توصل بسلامة
-
مبروك اوية w r m و ان شاء الله توصل بالسلامة و يا رب توصل موافقاتنة كلنة بحيل الله و نتبشر هالاسبوع
-
السلام عليكم
اشلونكم اخوان وشكرا لكم على هذا الموضوع
اني قابلت محلفين 13-5
واني من جماعة استلام الظرف 4-7 والى حد الان كاعد وخال ايدي على خدي مسويها الربع سكتة متكولولي شنو السالفه اشو هوايه شباب والي هما وحدهم سافروا واحنا المتزوجين ماكو شي شنو نسونا لو شنو السالفة
اني طولت عليكم بس استحملونا
اخوكم ابو يويو
-
اخواني الاعزاء .. السلام عليكم
اني قابلت بشهر 6 الفائت واستلمت موافقة المحلفين بشهر 7 ولحد الان انتظر الموافقة الامنية وكلما اتصل يقولون لي لسة ....
اخوكم
ابوهدى-مصر
-
طبعا اني متأكد انو العدد رح يكون بزدياد وكلهم لسسسسسسسسسه مكتششششششش
-
السلام عليكم
اشكرك اخويه جعفر على هاي الجمعيه لغرض لم شمل اصحاب الموافقات بشهر السابع النايمه طابوكه علينه
اني قابلت بشهر السادس واستلمت موافقه المحلفين 11/7 (عمان) اخواني ما اعرف شكول خلوني ساكت وحاط ايدي على خدي :-\
اكيد راح نحطم الرقم القياسي باعضاء هاي الجمعيه :-[
اللهم اني اسئلك بنبيك-نبي الرحمه-الذي ارسلته رحمه للعالمين-ان تيسر لي ولاخوتي واخواتي هذا الامر....
اخوكم : ابو طبر >:(
عمان
-
السلام عليكم
والف الف شكر لجميع الاخوة المهنئين وانشاء الله اسمع عنكم كل الخير وانشاء الله تنتهي رحلة الانتظار وتبدأ رحلة اعادة البناء والامل ويارب كلكم هذه السنة طالعة الموافقات وتحديد مواعيد السفر
وتقبلو تحياتي واعتذاري لعدم ذكر الاسماء
اخوكم w.r.m
-
اخواني بشرو ماكو شي اليوم بداية اسبوع جديد بالنسبة الي اني اتصلت و كالعادة الجواب المعهود تعرفو ماكو داعي اكولة سالتهة كتلهة زين تكدرين تعرفين موافقة زوجتي وين واكفة كالت همة شغالين فيها و مش باين عندي سدئني
الله كريم ان شاء الله تفرج قبل راس السنة
-
السلام عليكم
اني اخوكم مقابل يوم 27-4 ومستلم المغلف يوم 4-7 ولحد الان ماكو شي
بس بأذن الله تجينا الموفقات كلنا ويا ربي الكل تتيسر امورها وخاصة المتأخرين والجدد جميعا ياربي
-
الله كريم اخويه جعفر ها شنسوي ننتظر والله كريم هيه لسه مكتش ومتحددتش سلامي للاهل
-
اشونكم اخواني بشرو اكو شي جديد بالنسبة الي لسة مكتش بس الحمد الله اكو اشخاص تتجيهم الامنية هذا الاسبوع الفات معناها بشارة خير وان شاء الله كلنة نسافر قبل نهاية هذه السنة كولو امييييييييييييييييييييييييييييييييييييييييييييييييييييييييييييييييييييييييييييين
-
مرحبا اخوان
آني مقابل يوم 12-5-2009
واستلمت الموافقة يوم 5-7
ولي هسة ماكو شي واني عائلة من 6 اشخاص
همو - سوريا
-
هاي وينك اخوية همو شو مختفي صار فترة ليش عايفنة احنة و لسة مكتش مو كمنة نكش ذبان من الكعدة و لو لسة مكتش شجرة جان هسة خضرت و طلعت ثمر من كل ما تشتهي الانفس اني هم اتصلت و هم ................
تحياتي
-
والله يا أخوان آني قبل عدة أيام دزيت إيميل لمصر واليوم الساعة 8:30 الصبح دگوا على تلفون اخوية وفصل ومن جنت اجيك الرقم لانه عرفنـا هذا للأي أو إم دك بيدي وفتحته وطلبت تحجي ويا وسام شخصياً يعني وياية ;D وگالت إنته بعثت إيميل لمصر تسأل عن ملفك واليوم دزولنا إيميل ؟؟؟ إنته ليش تدز لمصر إتصل إهنـا وإحنا ننطيك النتيجة ورجعت عددتلي أسماء العائلة وكلهم خالصين إلا أخوية الجبير لازم ننتظره بإعتبار إحنـا
hard case ترابط قوي على أساس بقت إجراءات قليلة ومن يخلص يخابرونـــا ؟؟؟؟؟؟؟؟
بصراحة لگيتها مبادرة جيدة من عدهم من يهتمون ويخابرون وأكيد نعرُف إنه الشغلة مو بيدهم على العموم إخوان أتمنى للجميع التوفيق والإستقرار والسفر القريب بإذن الله وتفرج وتصير كلها سوالف ودُتم بألف خيــر †
أخــوكــُم / وسـام بهنـام داؤد الخابــوري
دمشـــق / سوريــا