ankawa
منتدى الهجرة واللجوء => الهجرة و واللاجئين => الموضوع حرر بواسطة: bee bee في 21:22 05/11/2009
-
شلونكم شباب
عاشت ايدكم على المواضيع والأجوبة اللي دشارك بيها كل الأعضاء
عاشت ايدكم جميعا
اليوم اتصلت بال iom عمان ...داأسأل على ملفي
وكالتلي البنية انه ملفي الآن في" المراحل النهائية من التجييكات الأمنية" ؟؟؟؟
الحقيقة اني استغربت ..لأنه صارلي سنة وأربع شهور أنتظر .. وكلما أخابر
يكلولي انه دننتظر الأمنية ..أو بعدها ماجاية الأمنية
هاي اول مرة أسمع ... بالمراحل النهائية من التجييك
أكو أحد يعرف يعني شيقصدون ؟؟؟
علماً انه آني هوايه لحيت عليها أنه بس إتكَللي هل موافقتي الأمنية جاية من امريكا لو بعد؟؟
وما إنطتني نجدة وظلت اتكول : هي بالمراحل النهائية من التجييك !!!
آني الحقيقة شوية تفاءلت كلت يجوز هيه جاية وهيه مدتريد اتكَول
اذا أكو أحد عنده معلومات على هالشغلة ياريت إتطمنونا ....الله يطمنكم
علما انه اني امحلف شهر 6/2008
ووراها حلفت مرتين آخرها كان بشهر 6/2009
والى الآن ماكو شي
شكرا الكم وتحياتي للجميع
-
مبرووووووووووووووك اخي يعني وبكل بساطه ختم الملف ويطول في اقصى حد له شهر ونص واني ختم ملفي طول 30 يوم فقط ;D ;D ;D
-
بعد التحية............. الاخ العزيز بيب بيب احنا هم بانتظار الامنية للزوج فقط احنا من جماعة الشهر الثالث 2009 اخر مرة بعد التجييك مرتين كان اخر كلام الهم انه هذا التجييك الاخير حسب كلام لورنس كان يوم
27-9-2009 وننتظر من يومها شنو المرحلة الاخيرة عسى فعلا تكون ختم ملف اتمناللك وصول الامنية وموعد السفر سوة امين يارب
-
مرحبه اخويه beebee
اني قبل فترة كتبت موضوع بهلخصوص دا اسال عن المراحل النهائيه بس محد جاوبني شنو تعني المراحل النهائيه....واني صارلي اكثر من شهر كلما اخابر تكولي بلمراحل النهائيه وما مطوله !!
بس باعتقادي هذا معناه انه جزء من الامنيه جاي يا اما الكليرنس مال اسم والمواليد يا اما الكليرنس مال بصمات....والله اعلم.
بس همه من يكولولي بلمراحل النهائيه دائما يكلولي وياهه (مامطوله) فان شاء الله خير
تمنياتي بلموفقيه....
اختكم من عمــّــان drlexa
-
اخونا او اختنا بي بي
انا امحلفه ابشهر الثالث والموافقه الامنيه لزوجي جايه وبقت موافقتي وكلما اسالهم اباي مرحله هي يجاوبوني منعرف ولهذا السبب من يكولون بالمراحل النهائيه يعني صدقهم هي بالمراحل النهائيه وما امطوله ان شاء الله فمبروك الك وان شاء الله قريبا يتصلون بيك
-
اخواني خواتي التجيك الامني الاخير او المسح الامني الاخير هو يعني مرحله ختم الملف ;D ;D ;D
-
تسلمون شباب على الردود والإيضاحات
يعني معقولة ملفي ح يخلص ؟؟؟؟؟
يعني يجوز الأمنية جاية وصدك باقية على ختم الملف مثل ماتكولون
الله يسمع منكم .. وتطلع الشغلة صدك خلصانه يارب
وآني طبعا بس اسمع خبر ..هم راح أكلللكم
والجماعه اللي مثلي هم اذا سمعتوا شي ياريت لو تكتبوه حتى نعرف
شكرا لدعواتكم الي ولتبريكاتكم
مع تمنياتي للجميع بالخير
وان شاء الله تسمعون اخبار زينة قريبا
-----------------------------------------
الأخ أو الأخت alqaragulli
الله يبشرك بالخبر يارب
يعني ورة ماانختم ملفك بعد 30 يوم ...شنو الخطوة التالية ؟
سافرتوا لو بعد لو انطوكم موعد سفر ؟؟
-----------------------------------------
الأخت المتوكلة
ان شاء الله تسمعون خبر قريب يارب
وتكون سفرتنا سوة يارب... وقريباً
ياريت تخبرينا شيصير وياج اذا سمعتي خبر أو اتصلوا بيكم
مع الشكر
------------------------------------------
أختي أم فائز ...و drlex
شكرا لردودكم وان شاء الله تتسهل اموركم قريبا يارب
تحياتي للجميع
-
يمعود ..كول يالله ..نشالله مظلك شي ..راح الهواي ومابقى الا القليل...ربي يسهل امرك نشالله
مريمانه
-
السلام عليكم
اني هم خابرت قبل اسبوعين للاي او ام وكالولي نفس الشي بالضبظ "انت الان بالمراحل الاخيرة من التجييك الامني" فسألتها يعني الموافقة الامنية جاية من امريكا كالت نعم بس هسة الان في مراحلها الاخيرة سألتها شتقصدين بالمرحلة الاخيرة كالتلي الموافقة الامنية تم بمراحل عدة الى ان تخلص وانت الان بالاخيرة وهذا الشي هو في داخل الاي او ام.
علما اني مقابل محلفين 28/7 ومستلم النتيجة (الاختيار الرابع) يوم 5/9 ومسوي فحص طبي، ودورة تقافية 14/9 الكفيل متصلين به في 15/10
الاخوان والاخوات الاعزاء بالمنتدى كالولي معناه ختم الملف!!!!!!! وما ادري شكد راح يطول بعد؟؟؟
بالنسبة الك عيني بي بي شنو هي تواريخك اقصد المحلفين واستلام النتيجة ؟؟؟ وهل انت مسوي فحص طبي ةدورة تثقيفية لو لا؟؟؟
مع التحية للجميع وان شاء الله التوفيق للجميع والسفر ياقرب وقت
-
اخويه المراحل النهائيه هي الانتهاء من عمليه التجيك الصعبه بالمرحله الامنيه (SAO) مرورا ببعض الاجراءات الاداريه واخرها هي ختم الملف
-
شكرا اخت مريمانه
والله يسهلها عالجميع ان شاء الله
------------------------
knight rider
شكرا لردك
وبالنسبة الي اني امحلف بشهر 6/2008
والمغلف 7/2008
ووراها حلفت مرتين آخرها بشهر6/2009
يعني صارلي سنة واربع شهور بهاي المعمعه
علما اني اعدت الفحص الطبي للمرة الثانية
بشهر التاسع واتصلوا بالكفيل للمرة الثانية ايضا بنفس الشهر
والدورة اخذتها بشهر 1/2009
يعني جاهز من كل النواحي ههههههه
بقت بس عالمحروسة
وهاي اول مرة يكولولي هذا الجواب
المراحل الاخيرة من التجييك الامني
الله كريم وان شاء الله تفرج عالكل يارب
----------------------------------------------
اخ عكعك التطوي
يعني شنو "الانتهاء من عمليه التجيك الصعبه بالمرحله الامنيه "
يعني هم تجييك امني ؟؟
بأميركا لو داخل الا اي او ام
او التجييك بالبلد اللي احنا بي؟؟؟
ياريت اتوضحلنا هاي الشغلة اذا عندك بيها علم؟
حسب ماقال الأخ " نايت رايدر "
انهم قالوا له انها اجراءات وتجييكات داخل ال آي أو أم
يعني مايخص الدائرة نفسها
----------------------------------
شكرا لكم جميعا
وبالموفقية للجميع
-
عزيزي bee bee كما تعلم الموافقه الامنيه تمر بعده مراحل واهمها واصعبها هو sao فاذا الشخص اجتاز هذه المرحل فمعناه موافقته مطول وهذا يظهر عدهم بالسستتم اي انك عبرت المرحله الصعبه وتبقى اجراءات اداريه والشغله ليست بالمنظمه لان الموظف بالمنظمه من نراجعه يبين عنده الموافقه الامنيه جايه او لا والاجراءات الامنيه المنظمه ليس لها دخل بها مطلقا
تحياتي
-
شكرا اخوية العزيز عكعك على التوضيح
بس يعني هسه احنا " اللي بحالتي " شيعتبر؟؟
هل اجتزنا هذه المرحلة ؟ لو هسه احنا بالمرحلة الصعبة؟؟
و..يعني بال آي أو أم ...يعرفون المعاملة وين واصلة؟ وهي بأمريكا .؟ لو شنو
ضوجتك بالأسئلة ..أدري
بس شنسوي غير انريد شي إنجللب بي
شكرا الك
وبالموفقية
-
ا لسلام عليكم اخي انا الصراحه نفس الشي كلولي سابقا كلولي انت في المراحل الاخيرة وضليت انتضر تقريبا شهر ونص دايخ شنو نهاية مراحل الامنيه وشهر ونص وكل ما اتصل يكلولي نفس الجواب ولحد ما بعدها اجت الموافقه الامنيه وبعدها كلولي رفعناها لل dhs حتى ينختم الملف وبعد 25 يوم انختم الملف والحمدلله انا هسه بانتضار الفحص والسفر بس انا احب ابلغك انو الحمدلله ما بقى شي الك هانت يعني خلصت تقريبا والله يوفقك.....لاتضل تلوب مثلي :D :D :D
-
شكرا الك أخوية " حظك حلو "
وان شاء الله يبقى دايما "حظك حلو " يارب
يعني الشغلة بعد بيها انتظار ... يلا شنسوي
احنا ماعدنه غير الانتظار والصبر ... وان شاء الله هانت
والله يوفق الجميع
-
لا اخويه اني بعدني ما مسافر بس موعد سفري يوم 6\12 انشا الله لي ولكم جميعنا بس ثق انته خلااص انهيت كلشي اخوك احمد القراغولي من بغداد ;D ;D ;D
-
سلام عليكم
الاخ العزيز بي بي تحية طيبه
راح الهوايه ومبقى الا القليل بعون الله
والله يوفق الجميع
-
اخوان الله ايسهل على الجميع بس اذا تسمحولى اسئل اني كنت داخل مرحله soa وبعد 7 اشهر عادولي مقابله محلف وايضا عادولي فحوصات وانطوني طيران على 3 11 وقبل يومين من الطيران هم انلغى الطيران وهسه ايكولون تحقيق يعنى اكو واحد يدخل تحقيق مرتين علما اني مقبول على امريكا من تاريخ 15 9 2008 ومرتين عايد فحوصات و3 مرات انلغى الطيران ارجو من من لهو اجابه يفهمني شنو السالفه لان مسامع هيج حاله بتركيا وشكرا
-
شكرا alqaragulli وان شاء الله تتسهل عالجميع
والله يبشرك بالخير يارب
عراقي صابر تحياتي شكرا لك
والله يسمع منك
ويوفقنا ويوفق الجميع
الأخ toneyosf تحيه طيبة
أعتقد انك تقصد بالتحقيق ( التحليف ) مو؟
آني من الناس اللي حلفوا 3 مرات وبنجاح ساحق
بس مانطوني موعد سفر ... بس انتظار بإنتظار
وبعدين يعيدون التحليف
وآخر تحليف كان بشهر 6/2009
والله كريم
-
السلام عليكم يا جماعة الخير
اليوم اتصلت بال iom مصر للسؤال عن ملفي
وبلغوني انه الأمنية جتي لكل العائلة
وباقي فقط ختم الملف
الصراحه آني تفاجئت وطرت من الفرح
بعد سنة و4 شهور من الانتظار ان شاء الله تفرج قريبا
ان شاء الله تتسهل اموركم جميعا قريبا
ونسمع اخبار حلوة من الكل
تحياتي
ب ب
-
مبروك وبلخير عليك أخي bee bee
ان شاء الله تسافر باسرع وقت
تحيات اخوك المحب
Baguncero
-
شكرا الك Baguncero
والله يفرجها عليكم وعالجميع ان شاء الله
تحياتي
-
مبروك وشايفين الخير انشاء الله بهالخبر بس للتأكيد ظل خابر كل جم يوم مرة عالى مصر ومرة عالاردن لأن ترة الاردنيين كلش بخيلين بالمعلومات والمصريين هواية احسن , وانشاءالله تسمعون الاخبار الحلوة انشاءالله
-
شكرا الك Baguncero
والله يفرجها عليكم وعالجميع ان شاء الله
تحياتي
الففففففففففففففففف مبروووووووووووووووووووووووووووووووك
وانشاءالله يوم السفر بالتوفيييييييييييييييييق
تحياتي
-
الف مبروك وبلخير عليك والله ايسهل للجميع
-
الف شكرا الكم ولردودكم وتبريكاتكم
وان شاء الله يفرجها عالجميع قريبا يارب
jujiaro كلامك صحيح
الأردنيين بخيلين بالأجوبة
وبالحقيقة همه بخيلين بكل شي ;)
وآني كنت قبل يومين متصل بالأردن
قالوا ان معاملتك في المراحل النهائية من التجييك ألأمني
بينما مصر قالوا جتي الموافقة وباقي ختم الملف
وهم راح اخابرهم عالأسبوع الجاي
ان شاء الله
شكرا لكم وبالتوفيق للجميع
اخوكم ب ب