ankawa
منتدى الهجرة واللجوء => الهجرة و واللاجئين => الموضوع حرر بواسطة: George W. Bush في 05:58 06/11/2009
-
السلام عليكم
اخواني الاعزاء في هذا المنتدى الرائع احب اطرح موضوع الانضمام الى الجيش الامريكي محاسنه و مساوئه لأني افكر جديا بالانضمام للجيش الامريكي كون الطريق الى الحصول على حياة جيدة في امريكا اشبه بالمستحيل في الوقت الحاضر
كون شهاداتنا غير معترف بها و مهاراتنا مادامت خارج الولايات المتحدة فهي غير معترف بها
فيا اخواني الي عنده رأي او مداخلة بهالموضوع او الي عنده خبرة يا ريت يرشدنا كون الموضوع مهم و قد يكون مفتاح الفرج للكثير من الواصلين الجدد عسى ان يكون هذا الموضوع بداية جديدة للذي يرغب بالتطوع للجيش الامريكي
اخوكم George W. Bush
-
والله اخي اني هم طرحت هذا الموضوع اذا تراجع الصفحة الرئيسة راح تلكة اكو اخوان امجاوبين بس هو الاهم اللي أنريدة تفاصيل عن الخدمة المدنية وشنو أنواع الخدمة المدنية في الجيش الامريكية
-
اخي العزيز...
هذا اللنك موضح به كل شيء فيما يخص التتطوع في الجيش والشركات الاهلية الامنية ..واني بالخدمة وتدلل ..
http://www.ankawa.com/forum/index.php/topic,269002.0.html
تحياتي
-
مشكورين اخوان على الردود
الأخ رافد اني مو قصدي الخدمة المدنية اني قصدي الخدمة العسكرية
لأن الخدمة المدنية بالجيش الامريكي صعب ننقبل بيها حالها حال الشركات الي دنقدم عليها و مننقبل
بس العسكرية ممكن يقبلونك
الاخ ابن بغداد شكرا جزيلا على الرابط
انا طرحت الموضوع للنقاش حتى نعرف المساويء و المحاسن لهاي الخطوة و هل تستحق المجازفة ام لا و بالاخص لأصحاب العوائل لأن العزاب ممكن تكون الشغلة اخف عليهم
شكرا مرة اخرى و بانتظار مداخلات اخرى
-
اذا تريد تكون نفسك على السريع و تختصر سنين كثيرة من حياتك تروح للجيش ...
والجيش سور للوطن
بلاك ووتر ..قاهر قلوب العذارى
-
اخي العزيز عندي اصدقاء هم حاليا جنود كل الي دااسمعة منهم انو احسن شي سوه هو انضمامهم للجيش وابن بغداد انطاك لنك بي هواية تفاصيل واهم شي بالجيش هو الجنسية ويسد احتياجاتك المادية والدراسة على حسابهم والاهم المستقبل لان يفتحلك باب الوظائف على مصراعيه.هسة نجي على المساوئ انو لازم تخدم سنة اوفر سيز وللي عندة عائلة هاي مشكلة يعني وين يعوفهم.الشغلة الثانية انو برنامج الجندي المترجم للغة العربية حاليا مسدود فيعني اذا ردت تقدم حتكون جندي عادي .اما مسالة الخطورة فهذه متروكة لتقديرك الشخصي اذا عندك اي استفسار عن المميزات والعقد اني اكدر اساعدك عندي صديق ديشتغل حاليا بمركز تجنيد بولاية تنسي فاذا تريد اساله بس ورة 12/11 لان عندي مقابلة محلف وتعرف الخبصة مال المقابلة .الله يوفقك وتقبل مروري.
-
فد سؤال للي يعرف:
اللي عنده شهادة زينه ومعادلهه بامريكا ويروح للجيش هم يخلوه جندي مشاة؟؟؟ وخصوصا اذا شهادته هندسة او بتقنية المعلومات والحاسبات
زين اكو احتمال ابو الاس اي في اللي عنده كرين كارد يصير ضابط وره فتره لو اللا اصلا مولود امريكي ؟؟؟
طبعا بكل الاحوال انصح صديقي صاحب الموضوع والاصدقاء اللي الهم نية يفوتون بالجيش ان يستعجلون لان يمكن شفتو الخبر المقزز البارحة بالاخبار مال هذا الميجر الاردني (يمكن كرايب الزرقاوي) اللي بنص القاعدة بنص امريكا صاير عصبي وكايم يطلق النار وكاتله 12 عسكري ومصوبله 30 فتوقعوا انه راح تطلع قوانين مو بمصلحة العرب بالانضمام للجيش وانواع التحقيقات والمراقبات
ملاحظة ثانية
معضم الجنود اللي جنت اسولف وياهم بالعراق يكونون ما راضين على صنفهم ويكولون انه تقشمروا وانلعب عليهم فانصح جماعتنه التريث بقراءة كل حرف وكلمة من التعليمات والاوراق الرسمية اللي يوقعوهه حتى يحصلون افضل مكان ممكن ومينضربون بوري
شغله لخ
القوة الجوة والبحرية والحرس الوطني (او يمكن يسموهم حرس الحدود او هيجي شي ) هي افضل واسهل الاصناف بس يرادلهه درجة عالية بالامتحان مال القبول اللي حسب ما وصفولياه (اكثر واحد حجالي عليه هو غسان الاشقر الله يذكره بالخير) هو مثل مواد الاعدادية بس كلشي بالانكليزي فحاولوا تجيكون وتقرون موادهم مال الاعدادية زين قبل الامتحان حتى تطلعون اعلى الدرجات
وجيكوا هذا الموقع اللي اكيد تلكون بيه نماذج للاسألة (اللي هي لغة ورياضيات اولية وعلوم عامة):
http://www.studyguidezone.com/
او مواقع مشابهه
وملاحظه هم من اللي امتحنوه من جماعتنه انه اللي يجون للجيش من الامريكان يكون مستواهم العلمي عادة كلش تعبان بس يتميزون علينه بانه هم لغتهم الاصلية انكليزي (او NATIVE ENGLISH SPEAKERS) فمن السهولة على جماعتنه العباقرة اذا انكليزيتهم قوية ان يتفوقون عليهم حسب المثل اللي يكول "زين على غمية ربعه"
اثناء الكم سنه خدمه الاولى بالجيش الواحد يستقر شوية ماديا مما يسمح له بمعادلة شهادته والخروج من الجيش باسرع وقت ممكن ولو هو الجيش عدهم يسوي مثل الادمان وحسب وصف احد الجنود الصغار بالعمر (بس وصفه جدا دقيق وعجبني) كال THE ARMY IS LIKE A HUGE COMMUNISM WHERE EVERYTHING IS FOR FREE اي ان الجيش عبالك شيوعية كبيرة كلشي بيهه ببلاش
واسف عالاطالة
-
اخوية العزيز جورج دبليو بوش,
مشكور على هل المٌبادرة الي بلنسبة الية عظيمة لأن اني هدفي الاول والاخير عند وضع قدمي على ارض الوطن ان شاء الله هوة الانظمام للجيش الامريكي, وراح بهاي الاشهر الي تسبق الحصول على الكرين كارت اخذ معلومات كاملة عن الامتحانات الي هية الـ ASVAB وراح اقدم من الـ Air Force الى الـ Coast Guard وطبعا خفر السواحل هوة اقل مستوى بلجيش, بس يعني اكيد راح يطلعلنة فدتشي اعلى, والسبب انو اريد ابني مستقبلي خطوة خطوة وعلى كيفي لا مستعجل ولا شي, جيش ----> جنسية -----> شهادة واتمنى ياريت اتنورونة بكل ماتعرفوا من معلومات حول الامتحانات حتى نستغل هذا الوقت العدنة ونبدي نقرة الى ان نوصل لأرض الوطن .
الف شكر على الموضوع وياريت الاخوة الي عدهم معلومات صحيحة يشاركون بي .
ريفولفر
-
مشكورين اخوان على الردود الرائعة
الأخ ا.ج.ت مشكور على ابداءك المساعدة و ياربي يوفقك و تكمل مقابلة المحلفين
بس هاي مال خدمة سنة اوفر سيس مو خوش مجنت ادري بيها
و فد سؤال لاخ طرحة الأخ VENCIENZO و هو هل من الممكن ان نقدم على درجة ضابط؟
قبل كم يوم تكلمت وي عسكري امريكي متقاعد و هو يعرف وضعي و كال انت لتقدم جندي قدم على ضابط
كتله يصير كال اي اعتقد يصير بس هم بعدني ممتأكد اني اريد اخمر السالفة ببالي زين و انضم لأن شوية موكفني عندي عائلة و اخاف يذبوني بافغانستان و صعبة
-
أخوية العزيز جورج,
أي والله اتسويلنة فضل جبير, ياريت تسأل واتجيبلنة التفاصيل . الله يرضى عليك .
مشكور للمحهود .
ريفولفر
-
بالنسبة للانضمام بالجيش
1. لازمممممممممممممممممممم يكون عندك كرين كارد حتى تكدر تطب للجيش و هاي اقل شي.
2. بالنسبة للمميزات هاي تختلف من مكان الى اخر و لكن اذا احد يحب ينضم للجيش خلي يروح لل Navy لان ال navy محترمين هنا اكثر من ال army بالف مرة و مميرزاته احسن.
بالنسبة للمميزات
1.دراسة جامعية ابلاش على حسابهم و اذا كان عندك اختصاص انت حاب تروحلا مثلا بل طب او الميكانيك هما يدخلوك دورات خاصة عدهم و بعدين ينطوك تزكية حتى تكدر تختص من تروح للجامعة و يعطوك شهادة خبرة
2. تحصل على الجنسية الاميركية خلال سنة من عملك معهم و اذا سفروك على افغانستان و العراق راسا تبلش معاملة الجنسية و تاخذها اقل من 6 اشهر.
3. يدفعون الايجار لعائلتك خلال خدمتك خارج امريكا..او يكدرون يحطوهم منطقة خاصة مال عوائل الجيش و ما تدفع تاكس لا انت ولا عائلتك خلال خدمتك خارج امريكا.
4.يسوولك ضمان صحي بقدر 250 الف دولار .
5. ينطوك رحلة شهر لاي بلد تريده بالعالم انت و عائلتك
اما بالنسبة للامور السيئة
1. الخطورة لان ما تعرف وين رح يشمروك .. و على الاغلب راح يبعثوك على افغانستان لان هما هسة هواية دا ينتقلون هناك
2. الراتب الشهري يلي راح تستلما هو 1200 و يتطور الى 2500 دولار هاي اذا عقدك كان معاهم من 3 سنوات فما فوق
3. اقل عقد لازم توقعا وياهم هو سنتين
5. ما تكدر تطور بالجيش او تصير ضابط اذا ما تدخل و تتخرج من الكلية الحربية..لان حتى الكلية الحربية بيها اختصاصات مثل فروع هندسة الحاسبات و و هندسة انضمة و الكترونيات و غيرها و غيرها.
بس نصيحتي للجميع بالرغم من هاي المميزات اني ما انصح احد يتطوع بالجيش لان راح يعض اصابعة ال 15 من العشرة بس ;D لان حياة الجندي الامريكي كلش صعبة و خاصة اول 6 اشهر الى سنة لما يروحون عل بوت كامب. و اتمنى الموفقية للجميع
تحياتي
-
اخوية ذة سترايكر,
اولاً مشكور اخوية العزيز على المعلومات .
ثانياً مشكور على النصيحة وبارك الله بيك .
ثالثاً : عندي سؤال خول النقطة التالية :
. ما تكدر تطور بالجيش او تصير ضابط اذا ما تدخل و تتخرج من الكلية الحربية..لان حتى الكلية الحربية بيها اختصاصات مثل فروع هندسة الحاسبات و و هندسة انضمة و الكترونيات و غيرها و غيرها.
الحمدلله الاختصاص الاول اختصاصي . شنو المطلوب حتى ندخل الكلية الحربية ؟
ريفولفر
-
بالنسبة لموضوع الكلية الحربية لازم انت تراجعهم من توصل بلسلامة و يدبرولك طريقة يعادلولك بيها الشهادة.. و هما راح يساعدوك بهل موضوع اذا انت حابب تكون نفسك و تستمر بالجيش
تحياتي
-
مشكور اخي بارك الله بيك, ولو محد ديتعرف بلشهادات, بس اعتقد الاختبار هوة السلاح الوحيد .
ريفولفر
-
حبيبي الاخ striker بس اسالك سؤال رحمة لوالديك شنو تقصد الراتب الشهري للجندي هو 1200 دولار شنو هذا ديشتغل بال wage minimum رحمة لوالديك مترجم نص ردن بالتاجي راتبة 1200 شنو دتحجي ممكن توضحلنا شوية واكون ممنون
-
حبيبي الذكي
انت صح دا تحجي بس هما يعطون الراتب قليل لان المميزات هواية.. و لا تتوقع العالم تروح تتطوع بالجيش علمود الراتب.. لان الراتب مالهم يعتبر ولا شي هنا
بس العالم تتطوع علمود المميزات يلي ينطيها الجيش.. و انت تكدر تدخل على موقع ال navy و تتاكد بنفسك
تحياتي
-
مرحبا اخوان
طبعا هذا كلش خوش موضوع للمناقشه وواحدنا يفيد اللاخ.
صارلي اقل من شهر من وصلت لأمريكا وكنت ناويه اني وزوجي ان ننضم للجيش ك لانغوست , وجنا مركزين اهتمامنا على 09L بس للأسف قالوا ما يريدون لغد عربي حاليا متوقف هذا البرنامج بس يريدون للباشتو والكوردش والفارسي, وبالنسبه للجيش معلوماتي جدا بسيطه عنه وبصراحه سالفة رواتبهم ما فاهمتها ف الي عنده معلومات عن رواتب الجيش شلون تصير يا ريت يفيدنا , لأن اتصلت بالمجند الي بمنطقتنا وسألته عن راتب الجندي الاساسي فقال الي 1500 الى 1800 وبعد ما ادري.
اختكم
كراميلا
-
الف شُكر اخت كاراميلا
ريفولفر
-
كل الهله باختنا كاراميلا
شاخبار كاليميرو؟؟
قبل يمكن 6 اشهر دخلتي لارشيف الاس اي في قبل ما تسافرين عندج اسألة وبعد ولا سمعنه عنج شي
او يمكن اني مشتبه وية عضوة ثانية باسم مشابه
انشاء الله تكونين بخير انتي والعائلة
وين هسه بيا ولاية؟؟
-
هله اخويه فنشونزو
لا ما مشتبه انته بس اشدعوة قبل ست اشهر اصلا مقابلتي جانت يوم 9 بالشهر الثامن ووراها نزلت المقابله بالارشيف اعتقد ص13 والله اخي اريد استقر وارفدكم بالمعلومات بس شسوي اذا لهسه واحنا الفود ستامب ما مستلميه الي قدمنا عليه هو والسوشيال .
بالنسبه لكالميرو يقول اني متعود على المناخ الحار شلون بيه بالثلج, اني بولايه ماين .
بس صدك الله عليك بعدك ما ماخذ الابروفال؟ هههههههههه :D
اختك
كراميلا
-
اخوية العزيز جورج دبليو بوش,
مشكور على هل المٌبادرة الي بلنسبة الية عظيمة لأن اني هدفي الاول والاخير عند وضع قدمي على ارض الوطن ان شاء الله هوة الانظمام للجيش الامريكي, وراح بهاي الاشهر الي تسبق الحصول على الكرين كارت اخذ معلومات كاملة عن الامتحانات الي هية الـ ASVAB وراح اقدم من الـ Air Force الى الـ Coast Guard وطبعا خفر السواحل هوة اقل مستوى بلجيش, بس يعني اكيد راح يطلعلنة فدتشي اعلى, والسبب انو اريد ابني مستقبلي خطوة خطوة وعلى كيفي لا مستعجل ولا شي, جيش ----> جنسية -----> شهادة واتمنى ياريت اتنورونة بكل ماتعرفوا من معلومات حول الامتحانات حتى نستغل هذا الوقت العدنة ونبدي نقرة الى ان نوصل لأرض الوطن .
الف شكر على الموضوع وياريت الاخوة الي عدهم معلومات صحيحة يشاركون بي .
ريفولفر
[/quote
الاير فورس لازم عايش اقل شي سنتين بامريكا ..هية الاصل ثلاث سنوات بس يكدر يسويلك تزكية و يسووها سنتنين ..هاي الايرفورس ترة الايرفورس مو سهل ..مو مثل الجيش .الايرفورس يلكولك وضيفة يلا توقع العقد ..يعني ماكو تروح كبل و بعدين يلكولك وضيفة ..يعني حقك مضمون ..
اما الجيش ..يكلك انت مهندس و من تروح تلكة نفسك بغير مكان اصلا ..هذا الجيش ما بيه شي مضمون ..
-
مشكور اخوية بلاك ووتر, هوة غير بلكوة قريت الحجي مالتك ;D
الله كريم حبي, احنة الي علينة انسوي والباقي على رب العالمين . اهم شي انطلع فلوس الكلية .. شكد حلو لمن تدخل الكلية الي اتريدهة . وبأميركا ... هاي تسوة الدنية عندي . تتخرج من الكلية وعلى نفقة الجيش, وراها شتريد سوي سوي . اتريد اتكمل بلجيش اتريد تطلع منة, لتنسة تطوع هوة . وعقد . وصحيح مرات ميلتزمون بلعقد هذولة .. بس الله كريم . خالها يم رب العالمين اني . خلي اطول خمس سنين . المهم جنسية + كلية .
وياريت اتنورنة بلمعلومات الي تعرفهة واني اشكرك جزيل الشكر على المعلومات .
ريفولفر
-
كاليميرو يكدر يلفلف نفسه بكشرة بيضة اكبر
وصدكي لحد هاللحظة ما مستلمة
وهواي طلبوا مطاليب بهالخمس اشهر بس اخر شي قبل يومين طلبوا الجواز جي ودزيته وهذا طلبهم وره انقطاع 33 يوم
الله كريم
-
مشكور اخوية بلاك ووتر, هوة غير بلكوة قريت الحجي مالتك ;D
الله كريم حبي, احنة الي علينة انسوي والباقي على رب العالمين . اهم شي انطلع فلوس الكلية .. شكد حلو لمن تدخل الكلية الي اتريدهة . وبأميركا ... هاي تسوة الدنية عندي . تتخرج من الكلية وعلى نفقة الجيش, وراها شتريد سوي سوي . اتريد اتكمل بلجيش اتريد تطلع منة, لتنسة تطوع هوة . وعقد . وصحيح مرات ميلتزمون بلعقد هذولة .. بس الله كريم . خالها يم رب العالمين اني . خلي اطول خمس سنين . المهم جنسية + كلية .
وياريت اتنورنة بلمعلومات الي تعرفهة واني اشكرك جزيل الشكر على المعلومات .
ريفولفر
عمي العقد مو خمس سنين ..ثمانية سنين منها ثلاثة وحدة فعالة ..وتتسرح تبقى الخمس سنوات احتياط يحتاجوك اذا صار خطر على الامن القومي الامريكي و خلال هاي السنوات هم تكدر تشتغل داخل امريكا وترجع يومية للبيت ..يعني موضف بالقاعدة ...
مو خمسة بوية 3 بس ..
وشكرا